خلينا نغير الجو شوي

خلينا نغير الجو شوي

بدال ما أتكلم عن أمراضنا واوجاعنا شرايكم كل واحد يكتب اشلون تقضي وقت فراغك ..
انا عن نفسي اروح النادي سباحة .. + أحب أقراء كتب التنمية الذاتية + أحب اشوف دراما كورية + اتابع انمي ..
وبس المايك لكم

المصدر: نفساني

والله انا روتيني قاسي ومدمر للانسان هههههههههه كيف اشرحه مدري

المهم احب اجلس مع امي واحب اجلس في الحوش حق البيت معي شاهي ودخان وافكر في حالي

احب اشوف مباريات فريقي النصر السعودي

احب اسمع مواعظ دينية مثل الشنقيطي وخالد الراشد ودايما احطها في اليوميات

مدمن شاهي وكافي وزقاير

احب اسافر الدمام كثير لان اختي ساكنه هناك وهي احب اخواتي لقلبي وارتاح معها كثير

الله يشافينا ويرد عافيتنا اجمعين

مشكور اخوي البدراني علي ردك .. وان شا الله مزيد من الأعضاء يردوا..

الله يشفيكم الله يشفيك يالبدراني




انا ماعندي شي اسويه من اقوم لين انام اقعد في غرفه وحده وهالشكل ينتهي يومي ما اجد حل الا الموت هو الي بيخلصني من هالمرض

ماعندي وقت فراغ يومي كله كرف ×كرف واذا عندي يا ارسم يا اتقهوى وبعد واولادي فوق راسي مافيه فكه

المشاركة الأصلية كتبت بواسطة محمد البدراني

والله انا روتيني قاسي ومدمر للانسان هههههههههه كيف اشرحه مدري

المهم احب اجلس مع امي واحب اجلس في الحوش حق البيت معي شاهي ودخان وافكر في حالي

احب اشوف مباريات فريقي النصر السعودي

احب اسمع مواعظ دينية مثل الشنقيطي وخالد الراشد ودايما احطها في اليوميات

مدمن شاهي وكافي وزقاير

احب اسافر الدمام كثير لان اختي ساكنه هناك وهي احب اخواتي لقلبي وارتاح معها كثير

الله يشافينا ويرد عافيتنا اجمعين

تكفى يا محمد ياخوي

1 - استبدل الشاهي بالنعناع او البابونج او الزهورات او الينسون .. واذا مو قادر تترك التدخين خفف منه
2- انت حاليا محتاج موعظة تعطيك الأمل في الحياة وانصحك بالأشياء الفرائحية
3- اذا تحب الكورة شجع برشلونة حاليا .. النصر ماهو مثل الموسمين اللي راحوا : )
4- إنتبه تجلس لحالك وتفكر بوضعك وتشتغل أحلام اليقظة معك ... نهايتها في الغالب ضيق

وماشاء الله تبارك الله أهنيك على السفر .... السفر يجدد الروح ... واذا رحت الشرقية امش على رجولك وفرفر بالأسواق والواجهه البحرية لين تتعب

والله يحفظ لك الوالدة وأختك وكل من يعز عليك ويشفيك يارب

ماشاء الله عليك ... السباحة حاولت وحاولت من صغري اتعلمها ولكن دون جدوى .... حدّي أتمسك بالسياج وأقطع للسياج الثاني واتمسك فيه ... ما أعرف أعوم


بالنسبة لروتيني ممل جدا هالفترة لأني وحداني في البيت

أشيك على مواقع الوظائف .. أشيك على المنتدى .. أطلع لبيت أهلي .. إذا فيه أشغال أخلصها .. أحيانا أزور الشباب إذا فيه جلسة .. أتابع التلفزيون ولا على اليوتيوب

عاوز أشتغل يا عالم

مشكورين علي ردودكم ..

اسعدتم مساء، يومي روتيني كالغالبية! دوام، قيلولة، نت، عشاء، نوم ممتلىء بالكوابيس

اجلس مع امي اتقهوى واسولف معها او العب بلايستيشن كذا بس اضيع وقت حتى مالي نفس العبه أو اعدي

المزرعة انظفها ولا اشوفلي شغلة ولا اعدي اقسم وندندن على العود نخفف شوي من المعاناة وعلى ذا الحال لي سنتين

والمشكى على الله مدري وشتالحياة انا لله وانا اليه راجعون

ع الفراش ، تواليت ، سجاده ،نفساني

الموضوع لرفع

خليتيني أهوجس زيادة بموضوعك

وش عندي ما عندي شيء حتى هدومي اللي علي يالله يالله أشيله :(

موضوع جميل وخروج مؤقت عن الرسميات - بالنسبه لي يإخواني فلست ببعيد عن بعضكم ،،، روتيني شبيه بالكثيرين ولكني اعكف على طلب العلم والمعرفه فقد حفظت كتاب الله ولله الحمد وهذا اكبر مكسب لي في حياتي وسلطت فكري ادرس وأقارن بين هذا وذاك ، حتى توصلت الى مااريد ، صار التشخيص عندي سهل وأميز بين الحالات المتأذيه بالجن او المريضه نفسيا ، او من يتصنع ذلك لحاجة في نفسه ،، والله ياجماعه تتقطع نفسي لما ارى مريض دار على عدة مشايخ ولم يستفيد اي شيء - انا الان افكر في تأليف كتاب خاص يتناول هذا الموضوع -- ايش رايكم تشجعوني او لا ؟؟؟؟؟

ارسم،اقرا كتب،اتابع انمي،اسولف مع صحباتي واخواتي
و صحباتي الي تعرفت عليهم في البي بي والانستا و مشتركه في نادي بس ما احبه 😝