برجاء المساعده المعنويهّ!!!

برجاء المساعده المعنويهّ!!!

السلام عليكم ورحمه الله وبركاته



انا فتاه عندى 22 عام

كنت اعمل محاسبه من فتره قصيره ولكن تركت العمل بسبب مشاكل حصلت وادت الى ان والدى خلانى اسيب الشغل لانه مبقاش واثق فيا

والدى متشدد جدا بيمنع الموبايل والخروج وحتى الكلام فى التيفون مع اصدثائى البنات ممنوع من صغرنا ولو حتى حد اتصل بيكون جمبى وانا بتكلم

والدتى متوفيه من صغرى

انا الان فى البيت من شهرين كان سبب عدم ثقه والدى فيا الان انى كذبت عليه وروحت عند صحبتى

وهو لحد الان مش بيثق فيا وحاسه ان مستقبلى ضيعته منى وحياتى ملهاش اى معنى

مع العلم انى فى العيد تمت خطبتى وكان معايا موبايل من اربع سنين وولدى مكانشى يعرف وحتى الان لا يعلم به

وكنت اكلم خطيبى من الموبايل بتاعى لكن الان انا حتى الموبايل كسرته و ومش عاوزه اكلم حد ولا اشوف حد ومش بنزل خالص من البيت

بعمل شغل البيت عادى واول ما اخواتى يجو من الشغل بعد معاهم بتفرج على التليفزيون ومش بتكلم مع حد

ولو بابا جيه بدخل وبقولهم انى هنام ويسئل عليا يقولو انى نمت

مش عاوزه اشوفه او اعد معاه

كارهه كل شىء ومش عاوزه غير انى ارجع لشغلى ولحياتى لكن مش هايحصل تانى او ممكن يحصل بس بعد فتره طويله جدا لحد ماولدى ينسى الجريمه الشنعاء اللى انا عملتها

معرش كتبت الموضوع ليه بس انا فعلا عاوزه اطلع من الحاله اللى انا فيها ديه

انا كرهت كل حاجه فى حياتى حتى خطيبى رغم حبى ليه بدات اكرهه

اسفه لو كلامى غير مرتب لكن اانا قلت اللى جوايا باقى شىء اخير انا بدائت مثقش فى نفسى واكره نفسى

لانى كنت مرحه وشقيه وكل اللى حواليا بيحبونى لكن دلوقتى محدش بيحبنى ولا يثق فيا ولا يحترمنى زى الاول

اعمل ايه ؟؟

المصدر: نفساني

أختي سوف أقوم بنقل موضوعك الى عيادة مشاكل الكبار وسوف تحصلين على ردود من الإخصائيين

الله يعطيك العافية ومرحباً بك في نفساني بيتك الثاني

شكرا اخى الشاكر

ولا يهمك أختي يمكنك الكتابة هنا بما تشعرين ولانها محجوبة عن الأعضاء عشان تأخدي راحتك

الله يوفقك ويعافيك ربي

خير ان شاء الله
اختي الكريمه . . المشاكل ماليه الدنيا لكن احنه بالصبر والتوكل على الله والعزيمه بنقوى عليهااونخليهاا
موضوع صغير . .
لاتستسلمي وخلي الابتسامه على وجهك في اصعب الظروف
ومن يتوكل على الله فهو حسبه

وان شاء الله بيتغير حالك لاحسن حال يارب
تمنياتي بكل الخير

السلام عليكم و رحمة الله تعالى وبركاته.
أختي الكريمة :
من خلال قرائتي لموضوعك تبين لي بأن المشكل ناجم عن صراع بينك و بين أبيك لذى فاسمحي لي بالأسئلة التالية :
أريد لمحة حول تاريخك الشخصي ؟
ماضي عائلتك و أهم العلاقات بها ؟ و كيف تقييمك لها ؟
حياتك الشخصية و خاصة العاطفية منها و الاجتماعية ؟
متى ظهر هذا الصراع بينك و بين والدك ؟ هل هناك سببب معين أو تصرف نك غير مقصود ؟
كيف هي معاملات أبيك لباقي أهلك مقارنة معك أنت؟
العلاقة مع الخطيب كيف هي ؟

في انتظار ردك

المشاركة الأصلية كتبت بواسطة أحمد بن محمود

السلام عليكم و رحمة الله تعالى وبركاته.
أختي الكريمة :
من خلال قرائتي لموضوعك تبين لي بأن المشكل ناجم عن صراع بينك و بين أبيك لذى فاسمحي لي بالأسئلة التالية :
أريد لمحة حول تاريخك الشخصي ؟

تاريخى الشخصى من اى ناحيه شخصيتى ام حياتى

ماضي عائلتك و أهم العلاقات بها ؟ و كيف تقييمك لها ؟

ماضى عائلتى هى امى رحمها الله

لا يوجد علقات بها لان فيها مشاكل كتير جدا ومازلت حتى الان

من ناحيه الاب ومن ناحيه الام

الشىء الوحيد الجميل فى العائلتين هى جدتى والده امى رحمه الله عليها

من ناحيه الاب اعمامى وجدى بيكرهونا جدا لدرجه ان جدى فى يوم قال لوالدى انه يطلعنا من المدرسه وكفايه التعليم لحد الاعدادى والابتدائى فقط
لكن والدى رفض واصر على تعليمنا طوال ماحنا عاوزين كده خلاص

والمشاكل الحاليه ان جدى وعمى سبب فى مشاكل بين ابى وبين زوجته الحاليه لانها يعتبر تركت البيت من 8 سنوات تقريبا وتركت بناتها من والدى وكانت الكبيرة فى بناتها عمرها 4 سنوات والصغيره كان عندها سنه واحده ومن هذا اليوم لم تسأل عن احد من البنات ولكن رفعت قواضى على والدى نفقه ..الخ



حياتك الشخصية و خاصة العاطفية منها و الاجتماعية ؟

حياتى الشخصيه عاديه لى صديقه هى الاقرب ليا بحب الناس والخروج او بمعنى اصح كنت
حياتى العاطفيه
انا ممرتشى بتجارب كتير لكن حبيت شخص كان متزوج حبى ليه دام 5 سنوات لكن الحمدلله رغم حبى ليه قدرت ابعد لانه كان طول الوقت مسافر ويوم مااستقر فى مصر بعدت عنه لانى لا احب ان اظلم احد رغم ظلمى لنفسى طوال الوقت

اما حياتى العاطفيه الحاليه احب خطيبى جدا وهو كمان بيحبنى ولاول مره اوافق انى رتبط بحد بالشكل ده او يعنى ارتباط رسمى وماخافشى

لان الشخص الاول اللى حبيته كل ما يجيب سيرة الجواز اخاف جدا وكنت رافضه مبدأ الجواز نفسه لانى خايفه اعيش حياه تعيسه او مفروضه عليا لان اى شخص بيتغير بعد الجواز

لان حياتى الحاليه مروض عليا اشياء كثيره ولا اقبل ان اعيشها مره اخرى

حياتى الاجتماعيه لايوجد فيها شىء جميع الناس يحبونى ويحترمونى جدا وشايفنى انا واخواتى البنات مثاليين جدا ولا يوجد منا كثيرات فى هذا الزمان


متى ظهر هذا الصراع بينك و بين والدك ؟ هل هناك سببب معين أو تصرف نك غير مقصود ؟

لا يوجد بينى وبين والدى صراع
لكن المشكله بدأت من زمان , والدى شكاك جدا ولانى محبوبه من الناس شايف ان ممكن اعمل حاجه غلط او حد يضحك عليا زى مابيقول
والدى مش بيصدقنا نهائى فى اى شىء حتى لو صدقنا بتبقى صدفه مع انه بيثق فينا على حد كلامه

موقف حصل ونا فى المعهد زى اللى انا فيه حاليا
او مش زيه موقف غريب ماليش اى يد فيه وكان سبب فى انى قعدت فى البيت فتره

الى حصل ان والدى كان تعبان وبيعمل عمليه فبالتالى اجزت من المعهد وماروحتش اسبوع كامل بعد عمليه والدى بيومين التليفون رن واحده بتتصل وبتقول لوالدى انى ماشيه مع ولد اسمه احمد مع العلم انى مجموعه "أ" يعنى الاسم ده كتير عندى
سألها شفتيها فين قالتله انها شافتى من يومين معاه وانا اصلا مأجزه من اول الاسبوع ومعاه فى المستشفى

صدقها هى وكذبنى انا لولا اخواتى فضلو يقنعوه انى معاه من اول الاسبوع مكانش نزلت المعهد تانى

وحجات من ديه كتير لكن الان انا مبقتش متحمله انى اشوفه حتى فى الفتره ديه شكه زاد فى كل شىء

حتى بقى يقولى انه رايح مشوار والمفروض انه هايجى بلليل الاقيه جيه بعد ساعه وبيقولى كنتى بتعملى ايه

وياسلام لولقانى مثلا فاتحه الكمبيوتر وكنت قاعده عليه

فاتحاه ليه ؟ وبتعملى ايه ؟ ورينى ؟ !!!!

بدأت اشك فى نفسى وكرهت حتى الكمبيوتر بقى قدامى ومش بعد عليه
مع انى مش بدخل شات ولا اى شىء اخر انا بحب الفوتوشوب فدائما بدور على دروس وبنفذها لكن الان مسحت الفوتوشوب من عندى ومبقتشى مهتمه بشىء ولا بالمحاسبه اللى بعشقها




كيف هي معاملات أبيك لباقي أهلك مقارنة معك أنت؟

والدى بيعاملنا زى بعض لدرجه لو حد فينا اتاخر من الشغل بيقعدنا من شغلنا كلنا منه لانه طول الوقت بيهددنا انه هيخلينا مانشتغلشى لانه عارف اننا بنحب شغلنا

العلاقة مع الخطيب كيف هي ؟

علاقتى مع خطيبى عاديه جدا مافيهاش اى شىء غير انى الفتره ديه حاسه انه مش قد كلامه اللى قلهولى فى البدايه انا كسرت التليفون لان يوم ماوالدى عزمه هو وعيلته اتصلوا على تليفونى انا علشان ياجلو المعاد علشان خطيب عنده شغل يوم الجمعه لقو تليفونى مقفول ماتصلوش بوالدى مع انهم عارفين ان والدى مايعرفش ان معايا تليفون وانهم واخدين المعاد منه هو مش منى انا
وهو شايف ان تصرفه عادى وطبيعى وانه مش غلطان قلتله انى مش هعمل حاجه من ورا والدى تانى ومش هجيب تليفون تانى وخلى المواضيع رسميه بس مش عاوزه احس انه مش بينفذ وعوده ومش عاوزه انتظر منه شىء يعمله يكبره قدام والدى ومايعملوش ويصغره فى نظرى فبعدى عنه يمكن يخليه يفوق ويفكر صح ولو هو مش بيحبنى مش هايتعب نفسه علشانى وهيبان كل شىء


في انتظار ردك

اتمنى ان اكون جاوبت الاجابه اللى حضرتك منتظرها واشكرك جدا على اسئلتك اللى خليتنى اتكلم شويه واعتذر للرغى اللى فوق وانتظر حضرتك

تحيتى لك

المشاركة الأصلية كتبت بواسطة فرح ياريت

خير ان شاء الله
اختي الكريمه . . المشاكل ماليه الدنيا لكن احنه بالصبر والتوكل على الله والعزيمه بنقوى عليهااونخليهاا
موضوع صغير . .
لاتستسلمي وخلي الابتسامه على وجهك في اصعب الظروف
ومن يتوكل على الله فهو حسبه

وان شاء الله بيتغير حالك لاحسن حال يارب
تمنياتي بكل الخير

فرح
صدقينى كنت كده طول الوقت بس انا فعلا اعصابى تعبت والابتسامه مبقتشى بتظهر على وجهى خالص بالعكس لو كنت وحدى خمس دقائق ببكى

اكيد المشاكل ماليه الدنيا ولكن كل واحد عايش دنيتى وشايف ان مشكلته هى كل حياته لان مشكلته هى اللى مأثره فيه فى الوقت الحالى

اشكرك لردك

تقبلى تحيتى

أختي الكريمة سوف يتابع معك الأستاذ / أحمد بن محمود حفظه الله ورعاة

اشكرك اخى الشاكر

واشكر ايضا دكتور / أحمد بن محمود

جعله الله فى ميزان حسناتكم

ولا يهمك أختي تهمنا صحتك ونشوفك دوم بخير

عفاك الله يا طيبة

بالنسبه لمعامله خطيبى ليا او معاملتى ليه

ليا ملحوظه

ان لو انا غلط فى شىء او زعل منى وهو عصبى اكيد احيانا صوته بيعلى وبيزعقلى

انا ساعتها حتى لو غلطانه وبعتزرله شخصيتى بتتحول وبترفض صوته العالى وانه بقى يعاملنى زى بابا مابيعاملنى ولانه اخو صديقتى من الطفوله يعرف حجات من اللى كانت بتحصل من زمان وحتى الان ان بابا بيزعق كتير وبيضربنى

فبيراعى انى مش بحب يكون زى بابا وبيعتزرلى وبيقولى انه مايقصدش بس كان متنرفز وده رد فعل مش اكتر

بحس انى بضغط عليه وانى بقيت معقده لانى احيانا بعيط لو زعقلى وهو بيكره انى اعيط

منتظره حضرتك وتحت امرك فى اى اسئله اخرى واشكرك للمتابعه

السلام عليكم و رحمة الله تعالى و بركاته.
أشكر الأخت الكريمة على الثقة الموضوعة في منتدانا هذا .
قبل البدء في التحليل و تشخيص الوضع ،الرجاء الاجابة على السؤال المتبقي و المقصود منه هو حياتك الطفولية .
اضافة الى هذا : الرجاء بافادتنا حول رأيك عن السبب الذي أدخل والدك في دوامة شك .
أي هل الشك شيء ملازم لشخصيته ،أم انه جاء نتيجة ضغط الأهل .
أم ترين أن الشك جاء نتيجة افتراقه مع أمك.....

المشاركة الأصلية كتبت بواسطة أحمد بن محمود

السلام عليكم و رحمة الله تعالى و بركاته.
أشكر الأخت الكريمة على الثقة الموضوعة في منتدانا هذا .
قبل البدء في التحليل و تشخيص الوضع ،الرجاء الاجابة على السؤال المتبقي و المقصود منه هو حياتك الطفولية .

حياتى الطفوليه

انا ليا بنتين وولد من بابا ومامااكبر منى و3 بنات من بابا صغيرين
والدتى توفت وانا عندى سنه و8شهور والدى قعد معانا فتره وبعدين اتجوز اول زوجه ليه بقول الاولى لان الزواج مدامشى طويلا واطلقوا وتزوج مره اخرى واخرى

ولم ينجب منهم انا حياتى كانت مرتبطه باخواتى وبابا كان انا واخواتى مسئولين عن نفسنا اتعودنا اننا نعمل كل شىء زى ما احنا عاوزين من غير ما بابا يعرف وفى نفس الوقت مانعملش اى شىء غلط

واى حد فينا لو عاوز يخرج مع اصدقائه او اى شىء كنا بنقول لبعض ونتفق على معاد محدد لخروجه وده بيكون فى المعاد المعروف لبابا ومش بنتاخر عنه مكناش بنخرج خالص فى من يوم ماجدتى ماتت هى الوحيده اللى كانت بتودينا الجناين وتفسحنا بابا مكانشى بيحرمنا من حاجه بالنسبه للفلوس لكن مجموعات او دروس او اى شىء ممنوع واكيد خدنا دروس من وراه وكنا بنحوش مصروفنا وندفع كلنا مع بعض انا واخواتى

الخروجه الوحيده اللى كنا بنعملها مع بابا هى زياره جدتى ام والدى

كنا نروح جدتى تعاملنا كويس قدام بابا ولو مشى مع انه بيسيب لها فلوس تجيبلنا اللى احنا عاوزينه تروح واخده الفلوس وتاكلنا اى اكل وخلاص وتفضل تزعقلنا لو اتحركنا او خبطنا فى حاجه واحنا مانقصدشى وتخلينا نكنس ونمسح ونعملها حجات

بابا بالصدفه عرف كده لاننا كنا بنرفض اننا نروح هناك مبقاش يودينا مره ومره يقولنا اسمعوا الكلام بس طفولتى كنت بالرغم من ان والدى كان على كل سبب صغير بيضربنى انا واخواتى الا انى كنت بنسى كل حاجه اول ما بنخرج من البيت وده كمان شىء متفقين عليه اننا من كتر ما بابا بيزعق اتفقنا مانحطش فى دماغنا واول مانخرج من البيت ننسى ونعيش حياتنا طبيعى جدا لكن انا اوقات مكنتش بعرف انسى وكنت بقول كتير انى بكررهه واتمنيت انه يموت بس بعد ماحصلت حجات كتير من اعمامى بقيت على يقين انهم و بابا مكانشى عايش كنا هنشوف زل منهم كتير فبقيت بحمد ربنا انه عايش ودلوقتى بتمنى انى اانا اللى اموت لانى تعبت

اضافة الى هذا : الرجاء بافادتنا حول رأيك عن السبب الذي أدخل والدك في دوامة شك .

بسبب طبيعته وشخصيته وكمان بسبب المشاكل اللى بقى فيها من اقرب الناس ليه مبقاش يثق فى حد وكمان احيانا كان يمسك علينا حجات وبقى عارف اننا بنبقى متفقين على ك حاجه بنعملها وممكن نعمل حاجه من وراه
أي هل الشك شيء ملازم لشخصيته ،أم انه جاء نتيجة ضغط الأهل .
أم ترين أن الشك جاء نتيجة افتراقه مع أمك.....

واتمنى الاقى الحل اللى اطلع بيه من كل الخنقه اللى بقيت فيها لانى من فتره بفكر فى الانتحار لكن لولا انه حرام كنت عملتها
منتظره حضرتك واشكر حضرتك للمتابعه

منتظره حضرتك يا دكتور