لاحول ولا قوة إلا بالله

لاحول ولا قوة إلا بالله

تهذي الأيام أم نحنُ من نهذي !

هل صحيح أن العمر ينقضي بهذا الشكل وبهذا الحال , لسنا ندري كيف انقضت , أيام

وشهور وسنون تترى تترى تهتّك أرواحنا وتسلب شبابنا ومع ذلك كلّه لاندري ؟!

لاندري كيف شابت رؤوسنا , كيف ضعفت أجسادنا , كيف نحت الزمان خطوطاً في

ملامحنا !

مهما حاولنا فالزمان يسرقنا . والقيامة موعدنا .. ناقوس الخطَر يداهمُنا .. فهلّا صحونا ؟

أنا أول المقصّرين وأكثرهم تقصيراً .. ولكن ألا نتناصَح , ألم يحن الوقت لنقل كفى

للدعة واللهو ؟!

ماأحلى قيامَ الليل ولو مرة بالشهر .. ماأحلى امساكِ المصحف وقرائته ولو مرة كل

يومين .. ماأجمل الصلاة في وقتها .. لا نميمة ولا غيبة ولا فحش ولا كذب .. هكذا

تصفو الحياة وترتاح القلوب وتسكن الأرواح .

تأمل معي حبيبي/

خبر وفاتـكـ بعد عمر طويل ان شاء الله

تخيل ان هذا هو انت..

وتوفاك الله في هذه الايام وفي هذا العام 1432 ...

طبعا يوم توفيت ودوك للمستشفى وخلوك في الثلاجه عشان اجراءات شهادة الوفاة..

تركت غرفتك وجهازك وجوالك واصحابك..

واهلك وامك وابوك والدنيا كلها تبكي على فرقاك

يجي اخوك يقول لامك يمه اخوي فلان توفى .. وامك تصرخ وتبكي ماتبيك تروح عنها ابد..

يتبادولون الرسايل وفلان ابن فلان او فلانه بنت فلان توفى وبيصلون عليه في المسجد الفلاني بكره الظهر..

جاء بكره واخوانك واهلك واصحابك ماناموا يبكوووووون عليك بجد..

جاء بكره الساعه 10 الصبح وجابوك للمغسله والكل جاك وسلم عليك وقبل جبينك.. وانت مغطى كفونك ..بالابيض ..وريحة السدر تفوح في كل مكان..

شالوك وودوك للمسجد وضعوك قدام الامام وابوك واخوانك واصحابك..تجمعوا كلهم في بيت الله.. في البيت اللي يناديك خمس مرات في اليوم وانت ولا هنا..


صااااااااح المؤذن وقال

الصلآآآآآآآآآآة على الميت يرحمكم الله..

وكبر الامام الله اكبر

والكل قرا عليك الفاتحه

الله اكبر

والكل دعا لك وتوسل لك عند اللي انت مقصر معه...وكبر وكبر وكبر وسلم..

السلام عليكم ورحمة الله

والتفتوا لبعضهم وتوافدوا لابوك واخوانك (احسن الله عزاكم الله يغفر له ويرحمه)
شالوك على كتوفهم وودووووك المقبره..

وكانوا فيه ناس هناك مجهزين قبرك والتراب


جابوك وحطوك في الحفره ورصوك بكومه من الاحجار واللبن وكبو التراب ودعوا لك ومشوا..

وانت

تسمع قرع نعالهم اقفوا وخلوووووووووووووووك..

وعزاك 3 ايام وينسووووونك..

وانت

ماعندك ولاااااااااشي..


جيت ضيف عند اللي يناديك خمس مرات ياعبدي تعال ابيك ..ياعبدي حي على الصلاة ياااعبدي الصلاة خير من النووووم...

جيت ضيف عند اللي رزقك وعزك عن الحاجه والسؤال..

جيت ضيف عند اللي خلاك في امان ..واغناك..

جيت ضيف عند اللي غلطت على عباده واذيتهم..

ياترى تتوقع ان فيه احد انت ظلمته يوم سمع بوفاتك قال ( الله لايحلله ولا يبيحه مات اللي اذاني)؟؟؟؟

ياترى تتوقع احد بيجيب خبرك مع اللي تسولف معهم في النت.. والله محد داري عنك..

ياترى حبيبك اوحبيبتك اللي انت فرحانـ(هـ) فيها ولا حتى تلعب عليهاااا ..وش بتسوي .. اتحداك تصيحـ(ي) عند اهلها وش تقول ؟؟؟ خويي او خويتي ماتت..

بتسكت وبيعزونها صديقاتهاااا او اصدقائه وبتمر الايام تتزوج او يتزوج وتسحب على الذكريات...

غرفتك بتقول ياااارب انا غرفة فلان كان يسوي فيها ويسوي فيهااااا

سيارتك بتحكي

جوالك بينطق

اي ارض مشيت عليها بتقول يااارب فلان ا للي مات سوى كذا وسوى كذاااا

وانت

ماعندك حتى كلمه قلتها من قلبك تحاج فيها ربك..

مت .. والناس زعلانه عليك.. مت اهلك ماذاقوا برك.. مت وانت لاهي مع اللي والله والله يجلسون معك بالساعات واذا قاموا نسووووووووووك..

مت .. واللي عزك وعلاك وكبرك.. المنان الرب الرحمن.. ماااااااااااااااااجلست معه جلسه تقول فيهااااا الله اكبر وتبدى بالحديث معه وتقول الحمدلله رب العالمين وتركع له وتسجد له خمس دقايق بس..


فلنقف جميعا ونتأمل ما سبق بصدق


وفقكم الله لكل خير وصلاح


البتار

المصدر: نفساني

شكرا على الموضوع
فكفى بالموت واعظا لمن عقل

أخي البتار موضوعك مؤلم للغايه ..
وتذكرت وفكرت وتخيلت .
ان شاء الله اكون قد جهزت لكم حاجتكم
اعلم انكم لن تنتظروا ولكني انتظرتكم طويلا !
اسأل الله ان تكون زيارتكم سهلة هينه
بسم الله واشهد ان لا إله الا الله وأشهد ان محمد رسول الله
الى لقاء قريب احبتي فلا يهون علي وداعكم
وداعا ياجسدي كم انهكتني وعذبتني بإحتياجاتك
وشكرا لك ان اعنتني على ما كنت اجهز لآخرتي
وداعا بيتي لقد استثمرت فيك اكثر مما تستحق
وداعا ايها الوطن
وداعا ايتها الأمه
وداعا ايها العالم
وداعا ايتها المجره كم تأملت في عظم خلقك وادركت عظم خالقك
وداعا ايتها السموات لطالما حلمت باليوم الذي اعبر من خلالك
واهلا بك ياقبري
رحلة وداع !!؟
مما شعرت بمعناه ؟
اللهم اغفر لي ولوالدي ولأخواني ولزوجي ولذريتي ..
ولمسلمين والمسلمات والمؤمنين والمؤمنات الأحياء منهم والأموات يوم يقوم الحساب ...
اللهم آآآآآمين .....
البتار حفظك الله ورعاك وثبتك على دينه ما تعاقب الليل والنهار