مشكلة الخجل الإجتماعي ...

مشكلة الخجل الإجتماعي ...

بسم الله الرحمن الرحيم

الى ... اخصائي العياده ..

السلام عليكم ورحمة الله وبركاته

اتمنى منكم النظر في مشكلتي هذه وحلها في اقرب فرصة لأنني مللت من هذه الحالة ..


انا مشكلتي مثل ماقلت في الموضوع هي الخجل الاجتماعي ..
لما اكلم اي احد بالتلفون خصوصا اللي اول مره اكلمهم احس بخوووف وتزداد نبضات قلبي وارتجف رجفه قووية جدا (الرجفه هي الرعشه ) لدرجة ان الكل يلاحظ علي اني ارتجف ..

مرات لما يجووني صديقاتي للبيت اضطر اني اقدم لهم فناجين القهووة وتبان علي الرجفه لدرجة اني شووي واكب القهوة عليهم والكل يسألني عن هالشي وانا صراحه ماابي احد يسألني لاني انحرج اكثر من قبل

وانا بصراحة مللت من هذه الحالة ..
صرت مااحب ارووح اماكن اقابل فيها ناس مااعرفهم لاني راح تجيني هالحالة وزياده على الاعراض اللي قلتها اشعر بتعرق في جسمي كله وخصوصا يدي واحمرار وجهي ..

انا الحمدلله الى الحين ماتووصلت الى اني انعزل عن العالم بس انا خايفه اني اصير كذا في المستقبل ..!

انا صدق اني لسا بالثانوي ماخلصت بس لما اتذكر اني لازم ارووح للجامعة واسجل عند ناس مااعرفهم اخااف خووف مو طبيعي لدرجة اني افكر اني مااكمل دراستي وانا صراحه ماابي اوصل لهذا الشي لازم احقق طمووحي وابني مستقبلي مستحيل اكتفي بالثانوية العامه بس
.. لكن حالتي يمكن تووصلني لهالشي .. اعوووذ بالله

اتمنى منكم الحل عاجلاً غير اجل
...!

رجاء خاااص ..

تحياي ........ فجر

المصدر: نفساني

اختي
ما ذكرت اعراض لمرض الرهاب الإجتماعي وهو مرض نفسي منتشر
تحتاجين الى زيارة طبيب نفسي للتقيم و بدء العلاج الدوائي والسلوكي المعرفي
والنتائج ان شاء الله ممتازة وسيزول كل مابك
الف سلامه