|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
11-01-2004, 03:31 PM | #1 | |||
عضو جديد
|
استفسار
بسم الله الرحمن الرحيم
ف البدايه ترددت في كتابه هذا الشيء لان المعروف ان في الدنيا اشياء تنقال واشياء نحتفظ فيها مدى الحياه وانا برغم من صبري وتعاستي الا اني اقص على نفسي واقول الله كريم لين هذا اليوم اللي فكرت فيه بكتابه مشكلتي واتمنى الاقي الحلول والامان من بعد مافقدته من كل حد. مشكلتي بدت يوم من الايام والسبه من انسانه دخلت في عالم بيتنا ودمرت كل شي حلو وغالي واسلبت قلب الابو اللي تخلى عن عياله بكلمه وحده منها لدرجه اصبحت هي الامره والناهيه في البيت اكيد بروح تفكيركم يمكن تكون ربيعتي او مرأه ابوي ااواواواواوالخ لكن للاسف هذه الانسانه اللي اقولكم عنها هي خدامتنا اللي عمري ماارتحت لها من اول وم يات فيه بيتنا والمشكله اللي بنظري هي طيبه اهلي مع الناس حتى مع الخدم .الطيبه ماليها والي انا مامضايقني طيبه اهلي بالعكس انا ابي ها الطيبه تداري الكل المهم هي اول مايات بيتنا كانت عاديه تسمع الكلام وتنفذه بالثانيه ومع الوقت لين اتمسكنت واتمكنت وعرفت طيبه اهلي صارت ترادد وتامر وتنهي بطريقتها لين ماكنا انا وخواتي في الجامعه وفضى ليها الجو مع الاهل وطلعت كل اللي بخاطرها لين ما سيطرت على الاهل لدرجه مايردوا ليها اي طلب. ويوم رجعنا من الجامعه اكتشفنا ان البيت منعفس فوق تحت والكل متغير اسلوبه معقوله ها الاهل اللي نعتبرهم قدوه فجأه وبدون جرس انذار يتغيروا المهم مشينا السالفه ويوم من الايام فاجئتنا الخدامه انها يايبه معاها هندي في غرفتها فالاهل ياتهم صدمه من اللي شافوه وخاصه انهم اتعلقوا فيهالكن بلحظه غضب قرر الوالد انه يكنسلها وسفرها والحمدلله ومرت ايام قليله بس وعادت ذكرياتها وجلساتها تراود اهلي لدرجه انهم فكروا يرجعوها لكن خواتي رفضوا بتاتا لكن الوالد ماسوى سالفه لاي حد ويابها وهي مرفوعه الراس ولا كأنها مسويه شي ماعرفنا شو نسوي بهذهاللحظه لالن الاهل في حاله يرثى ليها ومرت الايام في البدايه كانت ماليها ويه علي اللي سوته اماالحين ماعاد همها شي لان الراي راي الوالدوطنشنا الموضوع لين مره من الايام زادت المشاكل بيني وبين اللي ماتتسمى وكنت اصرخ عليها واقول لها طلعي مانبيج وهي ولا على بالها. وجاء اليوم اللي بتسافر فيه وقالت بترجع وسافرت والغريب ان الاهل اخذوا رقمها مال بلادها وقاموا يتصلوا فيها بين اليومين كنها وحده مثل بنتهم والقهر ان الوالد يسوي المقارنات بينها وبين الوالده من حيث الاهتمام والاكل وغيره ونفسيته خره مره ويحسب اليوم والدقيقه اللي بترجع فيه . وهذه هي قطره في بحر عالم همومي والمشكله ان خواتي الكل مزوج يعني انا اللي اعاني هنيه ابي حل ارجوكم يعطيني امل ان الدنيا للحين بخير وسامحوني على تطويلي معاكم. المصدر: نفساني
|
|||
|
17-01-2004, 07:22 PM | #2 |
عضـو مُـبـدع
|
لا حول ولا قوة إلا بالله العلي العظيم
الأمر بحاجة إلى أكثر من متخصص: الأمور الشرعية والرقيا....أولا. علم النفس ...وخصوصا الإرشاد الأسري ..ثانيا. القانون....................ثالثا. وموجوده كل هذه التخصص وأهلها ...أرجو لكم التوفيق. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|