نوبات الهلع ومشاكل نفسية الله يعطيكم الجنة ساعدوني

نوبات الهلع ومشاكل نفسية الله يعطيكم الجنة ساعدوني

السلام عليكم

ياجماعة انا كانت عندي مشاكل نفسية طرَحتُها في هذا الموضوع :
http://nafsany.cc/vb/showthread.php?t=90575

وردوا علي الإخوة جزاهم الله خير
وبالاخير انا ماشربت الدواء النفسي الي وصفه لي الدكتور رعد ، شريته وترددت فيه الاهل قالوا خطر وخليته
واكتشفت ان فيتامين د يسبب اكتئاب وقلق وبالفعل عالجته وخرجت بالشمس باوقات كثيرة والحمد لله لي اسبوع شفيت بنسبة 90%

لكن امس جا خبر وحدة من جماعتنا ماتت بسبب حادث اول ماقالوا لي الخبر جاني شي مدري يعني خوف من الحوادث وزي كذا
وكنت اول ماقالوا لي رايح للجامعة والجامعة بعيدة ولازم اقطع الدايري والمخارج وعدة طرق وزحمات وبكل الطريق وانا موسوس لا اموت او اصدم او شي
وجاني خوف شوي وكتمة نفس خفيفة كذا والله شوي وبغيت اضرب فلشر بنص الطريق مدري وش فيني وسوست المهم كملت الطريق ورحت جامعتي وداومت
وبعدها رجعت وبطريق الرجعة نفس الوسوسة خفيفة وتجاهلتها واسرعت بالطريق لين وصلت البيت بسلام ولله الحمد

وبكرة الي هو اليوم طول الوقت فيني الوسوسة هذي ياويلي لايصيبني رهاب قياة السيارة ( رغم اني اسوق من زمان وسواقت زينة ولا فيه اي مشاكل او اي خوف لكن مدري من وين جت الوسوسة )
ولا انهار او ادوخ وانا اسوق ومن الوسوسة كل شوي اقول مافيني شي لاتوسوس ومن الوسوسة قمت طلعت بالسيارة ورحت اسوق عشان ابرهن لنفسي اني ماراح انهار او شي وانه مافيه شي
ومافيه غير الخير ورحت طريق خريص وطبعا نفس وسوسة امس بالقيادة لكن رجعت بسلام ولله الحمد وهي تجي بالاغلب في الطرق المزدحمة والطويلة مثل الدايري وطريق خريص وغيرها

المهم هذا حصل اليوم بالعصر تقريبا لكن بالليل الساعة 10 كذا خالتي قالت لامي ان قريبتنا الي سوت حادث بينت التحاليل انها ماتت من الخوف والصدمة يوم صار الحادث ولا مافيها شي
وزوجها نجا ولم يمت هو وولده ولله الحمد ، لكن هي ماتت من هذا السبب
وانا سألت الاهل طيب كيف الخوف يموت بالفعل ورد علي الوالد وشرح نعم يصير تصلب شرايين وتوقف دم ومن هالكلمات وانا ماخليته يكمل شرح مدري وش جا فيني
جتني اتوقع نوبة هلع شي قوي خوف قوي خفت وقمت تجاهلته احاول انسي نفسي الفكرة والموضوع
المهم حتى وانا قاطع الفكرة موجود ع خفيف ويقوى الخوف والوسوسة ملازمتني والله خايف

المهم انا قبل بالاختبارات النهائية باختبار الحاسب بالجامعة كنت اختبر وفجأة تخيلت اني اطعن نفسي كنت افكر باكتئابي واقول هو لو تطور يؤدي للانتحار ومن هالكلام
المهم مدري من وين جت الفكرة جت فجأة تخيلت اني اطعن نفسي وتخيلت الموت وهو يحدث وشعوره وان الامر حدث بالفعل وبعدها جاء خوف شديد صرت اشوف الدنيا غير واضحة مع ضخ واضح بالدم بجسمي وخوف شديد وعيا يروح
قلت خلاص والله في نفسي طز بالاختبار وبمستقبلي كله اهم شي العافية ما ادور غيرها وعيا يروح الا لين تنفست نفس عميق وطلعته وراح هذا الشعور وبعدين معد افكر فيه ولعد اتخيل الموت ولعد تخيل الفكرة

المهم بعد سالفة قريبتنا هذي وانها ماتت من الخوف صار فجأة اول ماقالوها لي جاني خوف زي ذاك الخوف وزي ذاك الشعور الي صار بالاختبار
واقوى حيث انه مستمر اكثر والفكرة والوسوسة تلح مزعجتني اكثر حيث اني اتنفس بعمق وللاسف مايروح بس خف شوية بس احس فيه الم بجسمي من شدة افراز الادرينالين
واحس بارتجاف وتعب وارتعاش وتعرق ويجيني شعور اتخيل فيه شعور هذه المرأة الله يرحمها يوم جاها الخوف وانه سبب لها الموت لهذا السبب ويجيني نفس ذاك الخوف واقوى واحاول اتجاهله واقطع التفكير

والله تعبت مع ان هذا الشي صار لي اليوم للتو قبل 4 ساعات تقريبًا من علموني الخبر

والله بعدها ابد ماني مرتاح حياتي جحيم وخايف والله تمنيت لو اني مانولدت في الحياة
الله يخليكم الله يعطيكم الجنة ابغى حل وعلاج للمشكلة والله اني تعبان جدا واكتب المشكلة ويديني ترتجف وخايف

والله خايف مرة

هل بالفعل الخوف يسبب الموت خايف اموت او يصير لي شي تكفون
ليت امي وابوي ماقالوا عنها والله خايف

ابغى علاج غير دوائي لان الدوائي ماراح يفيد وخطر هو بس مسكن هل الخوف يسبب الموت ارجوكم ؟

المصدر: نفساني

خايف يتطور الامر للموت واموت بالفعل مثلها او يتطور إلى شي خطير او شلل او سطتة تكفون خايف ابي حل الله يخليكم

عليكم السلام

بالبدايه اهلا وسهلابك في منتدى نفساني واحب ان اطمئنك بأن الخوف والقلق لايؤدي الى الموت

هناك نقاط في شخصيتك هذه الايام يجب الوقوف عليها وراح اكتبها لك على شكل نقاط

1- شخصيه قلقه بمعنى انك تصدق كل مايقال حولك ! دون التمعن بالتفكير هل هذا امر صائب ام لا

من سلبيات هذه الافكار انها تولد مشاعر وافكار غير عقلانيه مثلا تصدق ان الموت يحدث بمجرد كلام شخص غير متخصص ( الاهم تصديق الفكرة )

2- تعتقد بأنك الوحيد الذي شعر او يشعر بهذه المشاعر المخيفه او توسوس مع نفسك بان هذا ضعف في الشخصيه او قل بالايمان وهذا غير صحيح تماما ( فكرة غير عقلانيه )

وهناك امر مهم جدا كيف لم تأخذ الدواء الذي صرفه لك دكتور نفسي ( الطبيب رعد الغامدي ) وتصدق الاهل ( غير المتخصصين ) اليس هذا فكرة غير عقلانيه ..؟

وكيف تكتشف ان فيتامين د يسبب الاكتئاب من خلال قراءة سطحيه من النت اليست هذه فكرة غير عقلانيه ! انت لم تمرض حتى تشفى ! ( اوهام فقط )


بالنهايه انت تعيش وهم ومايصيبك حقيقه ويسمى بعلم النفس الاعراض النفسجسديه , علاجك سلوكي بمعنى تتعلم طرق الاسترخاء والتفكير ولاتصدق كل مايقال هنا وهناك , والعلاج السلوكي تستطيع تطبيقه بنفسك كالخروج بالسيارة لوحدك لمكان قريب وتقول لم يحصل شي وتدخل بزحمه بسيطه وتقول لم يحصل شي وهكذا

حاليا مستوى القلق مرتفع لديك والقلق طاقه نفسيه ايجابيه تحفز الانسان للعمل والانجاز واذ زادت عن المعدل الطبيعي تزود معها حده الافكار الغير عقلانيه والخوف من الموت ورهاب الاماكن المنغلقه والمفتوحه

لذالك مابك ليس الا مجرد قلق زائد عن الحد يعالج علاج عقلاني وسلوكي اذ لم ينفع معك دعمها بالعلاج الدوائي الذي انت تخاف منه بسبب القلق ( نرجع لنفس الحلقه المفرغه )

اهلاً اخي يزيد الله يجزاك خير ويطمنك لكن انا مدري وش جاني يوم الوالد قال الكلمات هذي عن قريبتنا الي ماتت الله يرحمها
اول ماقال الكلمات السيئة ذي مثل توقف دم تصلب شرايين حاجات زي كذا فجأة جاني هذا الشعور وعقلي برمجها وكنها تحدث فيني وخفت وانا لليوم وانا اتعذب طول الوقت اطلع اركض وادور الشوارع والحي ابيه يروح عيا يروح
يخف شوي بس مايروح

اخي هذا القلق غريب غير الي صابني زمان بموضوعي الي قبل غير ذاك الي كان بدون سبب هذا احسه متعب كل اعضاء جسمي فيها الم وتعب غريب وشديد
والفكرة تزعجني هي اني اتخيل شعوري يوم يجي الرهاب الشديد ذاك واتخيل هذا الشعور معه واتخيله الموت وشي زي كذا واخاف وكل شوي احاول اطرد الفكرة ومقدر

طيب الحين وش اسوي كيف اسوي هذي التمارين عشان يروح ؟

وعندي سؤال الي فيني هذا القلق المرتفع يعني نوبات الهلع ولا وش ؟

وهو يجيني كل ما اذكر قريبتنا الي ماتت من الصدمة بالخوف في الحادث

فيجيني الله يسامحها خالتي وش تبي يوم تعلمنا بذا الشي لو محد قاله لي كان انا بخير وعافية ><

سبق وذكرت لك انها اعراض النفسجسديه بمعنى انك تشعر بها حقيقه وهي ذات منشأ نفسي بحت ( عضويا انت سليم )


التمارين عبارة عن استرخاء عضلي وتنفسي تقدر تبحث باليوتيوب عنها او في قوقل ( وتتعلم طرق الاسترخاء التنفسي والعضلي ) هي تمارين يجب ان تطبقها

مابك هو قلق ولااريدك ان تبحث عن القلق والاالهلع ويجب ان تفهم ان القلق ليس مرض ( القلق طاقه نفسيه ايجابيه في كل كائن حي ) لكن اذ ازداد عن الحد الطبيعي يسبب مشاعر كالتي تعاني منها وبالامكان ارجاعه للمستوى الطبيعي ( القلق مربوط بالافكار الغير عقلانيه التي تنتابك )



علاجك تعلم طرق الاسترخاء وتطوير ذاتك من خلال سماع اشرطه ( بالسيارة مثلا ) ولاشك ان الرياضه لها دور كبير بتحفيز الجانب النفسي

مشكور اخي يزيد

بخصوص الرياضة يعني لو مارست الرياضية هل هي تخفف القلق وتعالجه او كيف ؟

كما ذكرت لك في بدايه الاستشارة القلق يدور بك في حلقه مفرغه لذالك تبحث عن اجابات لإسئلة تم الإجابه عليها

ويبدو انك لاتقراء مانكتب قلنا لك ان القلق ليس مرض لكي يعالج انما يزود وينقص حسب الاستثارة .

* نعم لاشك ان الرياضه مفيدة .

جزاك الله خير على المساعدة ________