حالتي تعبت منها ><" ابي حل ربي يعافيك ي دكتور . .

حالتي تعبت منها ><" ابي حل ربي يعافيك ي دكتور . .

09`1`01`01

* أنآ اخت ظل فتاه سجلت بالمنتدى بس عضويتي ما تفعلت لي اسبوعين
عشان كذا قلت اكتب مشكلتي بعضوية اختي !



السلام عليكم ورحمة الله
حبيت اكتب مشكلتي هنا بما اني ما اقدر اروح مستشفى الصحة النفسية .. وارجوك يا دكتور انك تساعدني لاني بجد ما عرفت اروح او اقول لمين ؟ ابدئ / عمري 16 سنه
فيني رجفة في يدي كثير اعاني منها تجيني
اساله دايم يقولون لي انتِ خايفه ؟ هو انا ما احس بالخوف
بس الرجفه دايم في يدي وخاصة اذا بذلت مجهود او
في أي وقت بدون مبرر تجيني رجفه في يدي وبعض
الاحيان تكون في جسمي كله
وفيني خوف مره اذا دخلت علينا ابله تصارخ او عصبيه
لما تسألني وهي تصارخ مثلا تجيني تأتأه في كلامي
( كلامي مو صحيح ) بالرغم اني شاطره واجابتي تكون
صح بس اخاف اني اقوم واجاوب , ما اثق في نفسي
عندي طموحات كثيره بس عندي خوف اني ما احققها
ما عندي صحبات بالمدرسه او خارج المدرسه ما اعرف
اكون علاقات مع الناس ولو نقلت بمدرسه جديده اجلس
لوحدي الين ما يجي احد عندي ساعات اجلس لحالي واتفسح
برضه لحالي مره نصحتني وحده اني اروح مع البنات وابدء
اهرج معهم لكن اخاف ما يتقبلوني ><"
ما اعرف اكون علاقات مع الناس او بالاصح احس الكل
يكرهني , في الفصل بعض الاحيان اكون مع الاستاذه
بالدرس لكن فجاه تدمع عيوني مره انحرج ما ادري ليه
تدمع عيوني بس ابرر دموعي ب انه فيني حساسيه
بعيني , احب ارقي نفسي للأعلى احب اكون شيء حلو
والناس تمدحني عليه بس ما اقدر ما اعرف ليش
مره كنت احس بِ كُره الناس لي وكذا , قالوا لي مجرد
الاحساس هذا يكون في سنه المراهقة ويروح لكن انا
احس انه لا =( ,
سويت اختبار لصحه النفسية وطلع رقمي 84 وهذا الرابط
" http://nafsany.cc/vb/showthread.php?t=71285 "
كما اعاني من قضم الاظفار وبقوه حاولت اتركها اكثر من 6 مرات بس ما نفع ابد معي الى ارجع واكلها , لما اكون
اتفرج او العب او أي وقت تعبت ساعات افكر أطول
اظافري بس ما اقدر الى اكلها ><" او ساعات تصل
اني اقضم اظافر رجولي في وقت ما اكون فيه قلقانه
ابكي ساعات ابكي في كل وقت ما اعرف السبب لكن
دموعي بدون مبرر تنزل علي , ما اعرف أواسي احد
لو كان حزين او تعبان او متضايق ما ادري شقول غير
اسكت و اوقات يجيني ضحك بدون سبب مو ضحك بصوت
عالي لا بس مجرد ابتسامه تجيني في وقت يكون قوي
يعني مثلا احد مات او احد سوا عمليه اضحك انا ما
ابي اضحك والله بس تجيني هالضحكه ><"
اسوي اشياء واندم عليها كثيييييييييييير و فيني تفكير
احسه غريب اوقات اتمنى اضرب او اقتل او اسوي أي
شيء او انتقم زي كذا يكون تفكيري اجرامي و ساعات
لا احب الاطفال احب العب معاهم اكره الشر احس
تفكيري منقلب مدري ليه مره ولد خالتي كان يصاارخ وبقوه
انا كنت مصدعه ودفيته على الباب تعور هو لما شفته
متعور ندمت اني دفيته , و كمان اذا ضربت احد اندم على
طول بالرغم انه من اول عارفه انه راح يتالم بس ما يجيني
شعور الندم الى بعدييين !
احس بفتور وتعب في اغلب اوقاتي احس اني تعبانة
فيني صداع في راسي قوي مره ويشتد علي بالمدرسة
لما يجي الصباح احس ما ابي اروح المدرسة كرهتها
لما اسمع عن بنات صحبات بالمدرسة او شله وكذا
اتضايق مره لي انا ما عندي ليه كل ما تجيني بنت تكون
صاحبه لي ما تعجبني او تكون مو من نوعي الي احبه
تعببت من المدرسة فكرت اني انقل ونقلت ومالقيت صحبات
بسرعه اعصب بالرغم اني ما كنت كذا ابدا
صايره بس اعصب وبس اصاارخ على اتفه الاشياء
قبل كنت دبدوبه ووجهي مليان الحين نحفت مرره وسمرت
مدري اش دخل بس احس اني تغيرت عن قبل مدري من
ايش ! وذاكرتي ضعيفه بس انسى ساعات امشي
اروح على الغرفه ومدري اش كنت ابغى بس مو طول
الوقت يعني اوقات انسى اشياء كثيره وخاصة الي تمر
عليها فتره من اسبوع او اكثر انساها بسرعه .
واكره معامله اهلي لي صرت اكره كل شي ><" كل شي ,. قبل كم شهر

كنت بس ابغى اخرج من البيت الحين لا الحين صايره بس ابي اجلس

كرهت الناس بالمدرسه ابكي وبقوه انه ما عندي صحبات لان ما عندي

ثقه بنفسي اني ما اقدر اكون صداقات ..

ياليت تلقى لي حل يا دكتور واتمنى من كل قلبي انك ترد علي

لان ما عندي اي احد اقدر اقله مشكلتي =(



انتظر ردك بفارغ الصصصصبر

شكرا لك ~

المصدر: نفساني

أهلاً بكِ معنا ،،

أولاً ممكن أعرف إية الاسم اللى سجلتى به حتى يتم تفعيله إن شاءالله

ثانيًا ..المنتدى حاليًا لا يتوافر فيه أخصائى للرد عليك..فنرجو المعذرة ،،،

ممكن تطلعى على قسم الإكتئاب ..,فقد يفيدك ,,,

الأسم كان " اولوبلور " شكرا لك نوفا

العفو ،،،،،