انقذوني فانا ضيف جديد

انقذوني فانا ضيف جديد

السلام عليكم
ياخوان انا لي 5 سنوات ومعي الهلع وخوف مستمر اخذت سيبراليكس لمدة سنتين ونصف وتحسنت ولاكن انتكست معي الحالة قبل شهرين وزادت الحالة بشدة وانا رجل متوظف ومتزوج ولدي طفلين والان ماخذ اجازة من عملي وجالس بقرب الوالدين كلها هذا بسبب الخوف بدون سبب اخاف اموت او يغمي علي والان مدري كيف اروح للعمل والان ماقدر اروح اي مكان الا معي احد وفكرة الخوف لاتغادر ذهني ولو ثانية ارجوووووووووووكم الدعاء لي فوالله انا صرت الان مثل الطفل الصغير حاول اقاوم تفكيري ولااستطعت والان مع ثقل بالراس ودوخة خفيفة مدري من ايش ارجووووووووو الدعاء لي ارجوكم ومساعدتي

المصدر: نفساني

شف اخوي كلنا مرينا علي حالتك حاب اسالك سؤال ليش انتكست بشده ابحث عن السبب...وسوف تجد الجواب,,,,

خذ مني هنصيحه وسوف تجد العجب العجاب الزم امك وحاول ان تمسح علي راسك وتدعولك ولح عليها ان تدعو الله في جوف الليل ان يشفيك والله ثم والله سوف ترتاح راحه مابعدها راحه.....

اللهم ياولي نعمتي وياملاذي عند كربتي اجعل ماصابني بردا وسلاما كما جعلت النار بردا وسلاما علي ابراهيم

كرر هذا الدعاء ......حسبي الله ونعم الوكيل

عليك اخي بسوورة البقرة بنية الشفاء و ستتحسن داوم عليهاااا

كما قالوا الاخوة هنا المداومة على الدعاااء بالالحاح وقراءة سورة البقرة باستمرار ..

ثم تغيير طريقة التفكير ,, لاتعطي اهمية لافكارك فانها لاتقدم ولاتؤخر ,, فان الاجل اذا حان موعده سيأتي اينما كنا ولن يفيدك احد كان ,, علق قلبك بالله فطالما الله معك فلن ينفعك احد غيره وتأكد بأن الله سيكون معك ولن يتركك فنحن لم نخلق عبثا حتى نخاف مما سيحصل لنا فكل شيء مقدر لنا والذي قدره يعلم بنا وهو ارحم بنا من والدينا ,,
وهذا يعتمد على قوة ايمانك وثقتك بالله فكلما قويت ثقتك بالله كلما اعتمدت عليه وحده وتركت الاعتماد على خلقه ..

واما جلوسك بالبيت والاجازة وترقبك للخوف فهو من عمل الشيطان ووساوسه ليحزنك ويعطلك عن واجباتك ويوصلك الى اكثر من هذا لاقدر الله فلا تسمع له وارجع لعملك وانظر الى جلوسك ماذا استفدت منه وهل حصل شيء ؟؟ الانسان وجد ليعمل وليعبد الله ,,

دع الامر لصاحب الأمر فهو المتكفل بك وبالعباد ولاتكلف نفسك مالم يكلفك الله به ..

الله يشفيك أخي الكريم

اسال الله العظيم رب العرش العظيم ان يشفيك اخي

طهورا ان شاء الله

اخي لا تعتمد كل الاعتماد على الدواء فهو لن ينفعك ان لم تتوكل على الله و تساعد نفسك بنفسك

داوم على الرقية فالقران فيه شفاء باذن الله

داوم على الاذكار و الدعاء و الصدقة

راقب افكارك السلبية و لا تخليها تسيطر عليك رح تحرمك من اشياء عديدة و تندم بعدين

تحدى خوفك و اي شيئ تخاف منه توكل على الله و واجهه

دايما تذكر ان الله معك و يحميك و يحفظك "فان كان الله معك فمن عليك " يا اخي

استعذ بالله من الشيطان الرجيم و قم و واصل حياتك و اعمالك .. اسرتك بحاجة الك

و ان ما قدرت تتخطى الامر لوحدك زور اخصائي نفسي يساعدك على تجاوز حالتك و لا تترك نفسك من غير عمل اي شيئ


الله يشفيك و يعافيك يا رب

حبيبي مشكلتك بسيطه جدا انا مثلك كنت بس الحمدلله تحسنت اولا خلي افكارك ايجابيه ثم اذا جاتك افكار سلبيه
سببتلك هلع لاتهرب منها بل اطلبها مثلا اشفي قلبي يدق لايكون ازمه قلبيه تبدا نوبه الهلع تشتغل وضربات القلب تزيد حلو لما تطلب الفكره بتحدي مثلا ذحين ذحين ورينا اش بتسوين يانوبه الهلع اتحداكي
مع الوقت تحس انك انت تتحكم في الخوف وليس هو من يتحكم بك وتسير نوبه الهلع من الماضي وتنساها
ومن تجربتي الي يخليك تتشافى من الهلع هو مواجهه الفكره السلبيه وعدم الاسترسال لافكار السلبيه
واذا في شى اوفكره متعبت اطلبها واتحداها وواجها
انا اول ماجتني نوبه الهلع كل يوم اوسوس على شئ مره ضغط مره سكر مره قلب مره مرض في الكلى مره جنون المهم كله
طلع كذب والي يخليك تركض للمستشفيات هو الخوف الزائد والهلع مصدره نفسي بحت بسبوب ضغوط الحياه
وشئ ثاني اكثر من يتعرض للهلع فئه الشباب من 20 الى 30 ياتي المرض فجاءه ويختفي نهائيا مع الوقت على كلام
الدكتوره النفسيه التي راجعتتها رغم انه يعطل الشخص عن حياته الا انه مرض بسيط باذن الله وكثير تشافوا منه

والله يااخوي اني مريت باصعب من حالتك اذا انت من الشرقيه ممكن نتواصل وانشالله اقدر اساعدك

كيفك اخوي يارب تكون باحسن حال نفس حالتك بالضبط فيني خوف مو طبيعي اوقات احسن اني طيبه واوقات اكون مرة تعبانه بس الفرق اني ولله الحمدما استخدم علاج لاني اخاف من الادويه ودايم اسمع الي يتركها يتعب اكثر والله اوقات احس الي فيني عين مدري والله بس انا وسواس الموت ماجاني الا من بعد وفاه جدتي كانت صدمه لي وجاني اول وراح والحين لو سنه مرة متعبني والله اوقات احسن انو الي فيني مو وسواس انو احساس بجد مو عارف اش اسوي مالي غير الله وعندي امل كبيراني اتعافى وارجع زي اول واحسن اهم شي اخوي تفال بالخيرتجدو انشاءالله معليه كلامي ملخبط لاني مسعجله سامحني 09`1`01`01

الرقيه الشرعيه مالك غنى عنها

واذا انت فى الرياض روح للشيخ عبد الله الخليفه يرقيك

أخى لقد جربت الخوف والهلع من قبل مثل ما قلت ...

وأنت تعلم علم اليقين ...أن ما بك ..مجرد وسواس

لا أصل له ...والإخوة ما شاء الله كفوا ووفوا ،،،

ولكن انت ذكرت أنك أخد ت سيبرالكس وتحسنت عليه ،،

لماذا لاتكرره مرة أخرى ,,,حتى تتحسن حالتك ...وحتى لو

احتجته ..مدى الحياة ..فلا بأس يا أخى ..فالمرض النفسى مثل غيره

من الأمراض الأخرى ..مرض بحاجة لعلاج ..فلا تحمل نفسك مالا تطيق

مع تطبيق كل ما ذكره الإخوة ...ستجد نفسك بأفضل حال إن شاء الله

لأنك ستكون أخذت بالأسباب جميعها ،،،

اسال الله بمنه وكرمة ان يوفق ويشفي ويعفر ذنوب كل من رد علي وخفف معاناتي الهم امين اللهم امين

واتمنى من كان له تجربة مع علاج افكسور اكس ار 150 وعلاج لوكستانيل 1.5 ان يفيدني اكثر عنها وجزاكم الله خير يارب

الله يعطيك العافيه الافيكسور دواء جدا رائع عمتي لها سنه تعافي من الاكتائب ولايناسبها اي دواء واخذت الافيكسور وتشافت تماما

أخى ممكن تكتب أى سؤال لك هنا ..ويجيبك ..الإخصائيين بالمنتدى إن شاء الله
http://www.nafsany.cc/vb/showthread.php?t=66959&page=23

اولا الله يشفيك ويعافيك

باكتب لك باختصار لضيق وقتي

اولا الرهاب الاجتماعي لا ياتي الا المتميزون والمتربين على الصح والخطا

اما الشواكيش الي بالشارع والله ما فكر في اطلق شنب

عموما
ليكن عندك يقين وتاكيد بانك افضل من هؤلاء الي لسانه متر وصدقني لو تبحث في شخصيته تجد انك افضل وارقى منه بكثير

المشكله ان الرهاب الاجتماعي ياتي لمن يبحث عن التميز ويخاف من نقد الاخرين او صورته عندهم
هذه هي المشكله

وبالتالي الحل في عكس الصوره

يعني اقلب الطاوله لا تبحث عن التميز وتنميق الكلام وان الناس تاخذ صوره حلوه عنك

خلهم يقولوا ذا داج وشاكوش وطز في اطلق واحد

لا تجلس تشخص ساعه قدام المراه البس اي شيء واطلع سلم علي اي شخص تقابله واساله عن اي سؤال بصوت مرتفع ولا تفكر في رده فعله خله يقول ذا اهبل
اساله عن سوبر ماركت او مسجد او اي شيء واعد عليه ما فهمت بالله
بعدين لا تقعد تشكره نصف ساعه قل شكرا ما قصرت وامشي

اذهب الى مناطق شعبيه البس ان شاء الله شورت وروح للبسطات اسال كم الاسعار وكاسرهم على الاسعار وانتقدهم وسب في الطيب فيهم هاوشهم ولا عليك فيهم

اسحب ابو السيفون على كل واحد حصل معه تلعثم او تنحرج منه ان شاء الله اخوك وحاول تخاوي لك واحد مصرقع

اذهب الى محلات الحراج والخضروات وناظر في الناس كيف تصيح وتستهبل ولا عليهم في احد بالذات المحرجين

لا تعمل نفسك ان برستيج وولد اتاكيت واني احلى واحد بالحاره والناس تناظر فيني وراح يدققوا في تفاصيل كلامي وشكلي
حط في بالك طز فيهم كلهم
خليك عربجي والله مو عاجبه الجدار

لا تدخل نقاشات طويله ومتفلسفه
بعدين حاول تتكلم بكلمتين او حواليها مع ضحكه واستهبال

خلك عبيط ولا احد ياخذ منك لا حق ولا باطل

اي موضوع جدي حوله هزلي استهبل واضحك

اصطنع الضحكه وخليك من الرسميات


ان كنت من الرياض او الجنوب

فترا 101 % من سكانها مصابون بالرهاب ولست وحدك

ياعبيط ,,2/232R4


وبعدين عليك بملازمة شخص قوي الشخصية وجريء حتى تتأثر به ويجرئك على الحياة ...


الأمر الآخر ... أكيد فيه شي أنت تجيده وبمهارة عالية .. مثلاً لعب الكورة .. استخدام الكمبيوتر والبرامج .. إلخ .. حاول إنك تظهر مواهبك للناس وستجد من يكيل لك المديح - بحكم مهارتك بما تجيد - حينها ستزداد ثقتك بنفسك ..


أيضاً حاول تكثر من المزاح مع المقربين منك وتسخر منهم وتقبل سخريتهم منك .. وشوي شوي تبدأ تتقبل نقد الناس ويصير الأمر عادي عندك وما تخاف منه ...


صدقني تستطيع تغيير كل أطباعك لكن عليك بالإرادة والصبر ...