|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
08-03-2002, 09:32 PM | #1 | |||
عضو جديد
|
اليومالجمعة وامس الخميس
السلام عليكم
انا الحين رجعنا من الاستراحة وعلى طول جيت اكتبلك ييااستاذ وبعد ماقريت ردك الاول علي انا كنت يوم الاربعاء مبسوط ورحت للمدرسة طبيعي وعادي حتى نزلت بنفسي من السيارة ان شاء الله ما انسى ملابسي مرة ثانية اذا كان عندي رياضة ان شاء الله بجيب الشريط معي زهور واطفال ينبتون ؟؟ اههههههههه الزهور معقول والمطر ينبتها والاطفال بالولادة صح الدنيا فيها خير وشر وجنة ونار اذا نفخ علي احد ماانفخ عليه بس اعلم المرشد او الوكيل مارحنا للشعيب بس رحنا للاستراحة والمزرعة الجديدة وهي ما فيها الا الرمل ووديت السيكل معي للمزرعة وطعست على الرمل ومع السلامة وتصبح على خير المصدر: نفساني
|
|||
|
08-03-2002, 10:08 PM | #2 |
الزوار
|
Re: اليومالجمعة وامس الخميس
[QUOTE]كاتب الرسالة الأصلية طفل الشعيب
[B] (( السلام عليكم ()) وعليــك الســلام ، والحــمــد لله على الســلامـــه .. أمس الخميس ، واليوم الجمــعــه ، وبكره السبــت !! (( انا الحين رجعنا من الاستراحة )) يعـنـي جاي للبيــت مبســوط ، وأكيــد تبي ترتب كتبك لبكره السبت ، وبعــد ما تتعشى .. تفرش أسنانك .. وتنام فين ؟؟ أكيد في سريرك الحلو اللي شراه بابا بأختيارك .. لكن لو قمــت في الليــل .. عارف أيش تسوي ممكن تشرب مـويــه .. وتقراء قل أعوذُ برب الفلق ، وقل هو الله أحد .. ، وتقول : لا زم اليوم أتحمــل ، وارجــع أنام ثانــيــة في سريري لأني كل يوم أكبر ، وكل يوم أحس أني قوي .. زي ما نمت أول الليل لوحدي أقدر أنام ثانيــة بعــد لوحــدي .. عــارف لو سويــت كذا .. يبي يكـــــــــون عنـــدك 25 نجـــمـــة ***** ***** ***** ***** ***** وخمس من عنــدي ***** يعني 30 نجمـــه كل نجــمــه مثل ما قلت لــك بريال ... يعــنــي تقــدر تســوي فيها اللي تبي تشتري اللي تبي أو نهــايــة الأسبوع تروح لألعاب البرجــون ، وإلا الجــزيرة أو الخيمــة أو عــالم الطــفل أنا أحب البراجون يوم كنت صغير كنت أروح لـهــا .. أول مرة نتعــب ، ويمكن نخاف شــوي ..لكن إذا قلنا لنفسنــا بقوة ، وصوت تســمــعه أنا ما أخاف أنا كبرت أنا أقدر أنام بدون ما يكون أحد معـي .. يحصل هذا .. ثاني مرة لو حصل أكيــد يكون عــنــدك نجمات ثانيــة .. (( وعلى طول جيت اكتبلك ييااستاذ وبعد ماقريت ردك الاول علي انا كنت يوم الاربعاء مبسوط ورحت للمدرسة طبيعي وعادي حتى نزلت بنفسي من السيارة)). شيء حلو مرة أنك نزلت لوحــدك .. وبكرة لو نزلــت لوحــدك أعطـيــك خمس نجمات ***** شــف لما تنزل من سيارة بابا مـا تلتف وراء قله ، وأنت في السيارة مع الســلامـــه .. ، وحول وعلى طول للمــدرســة للطابور الصباحي ، وقل لنفســك اليوم أنا حولت لوحــدي ، ولا ألتفــت لورى لأني قادر أسوي هذا لأني طبيعــي ، ولا يمكن اترردد أبــد .. وبعــدين حصلــت ***** خمس نجوم يعني خمس ريالات ،،. (( ان شاء الله ما انسى ملابسي مرة ثانية اذا كان عندي رياضة )) إذا ما نسيت ملابسك المرة الجايــه أخلي أبوك وإلا أختك اللي تحبها كثير ، وبعد هي تحبك أكثر تعطيك 10 نجمات ***** ***** (( ان شاء الله بجيب الشريط معي )) شــكراً على شأن أنت تبي تجيب الشريط معك .. (( زهور واطفال ينبتون ؟؟ اههههههههه الزهور معقول والمطر ينبتها والاطفال بالولادة )) شيء حلو أنك ضحكت أبيك تضحك ، وتنبســط حتى لما تكتب لي ، وإلا أكتب لك .. صح الزهور تنبت .. والأولاد بعد ينبتون في بطن الأم ، ولما يكبرون تلدهم أمهــم .. أنا أو طفل نبت في بطن أمي .. وكانت فرحانــه فيّ .. بس هالحين ما ني عارف .. جــدتي تحــبني أكثر !! (( صح الدنيا فيها خير وشر وجنة ونار )) شفــت كيف الدنيا فيها أشياء حلوه ، وأشياء ما هي حلوه .. وبعد الإنسان فيه أشياء زينــه ، وأشياء ما هي زينــه لكن الأشياء اللي ما هي زينــه يقدر يغيرها ، ويقدر يسويها بس يصبر شوي ، ويتحمل ، ويفعل ويحاول ، ويحاول ، ولو ما قدر يحاول زي لما كنا في أولي ابتدائي تتذكر ما كنا نعرف نمسك القلم ولا نعرف الحروف ، ونوسخ الدفتر ، ونمسح كثير ، ويمكن ماما والمعلم يزعقون، ويصرخون علينا لكن بعد سنــه تغيرنا نعرف الحروف ، ونعرف نمسك القلم ، وبعــد لو مرينا في الشارع نقدر نقراء محلات أبو ريالين ، وبرجر كينج ، والايس كــريم ( لذيذ جداً أنــه لذيذ ! (( اذا نفخ علي احد ماانفخ عليه بس اعلم المرشد او الوكيل )) صح أول نعلم المرشــد أو المدير .. لكن لو ما تغير لو ما لقينا المدير ، والمرشــد أيش نسوي .. قلي أنت وش نســوي !!؟؟ (( مارحنا للشعيب بس رحنا للاستراحة والمزرعة الجديدة وهي ما فيها الا الرمل ووديت السيكل معي للمزرعة وطعست على الرمل )) يا خســارة مار حت للشــعـيب ما عليش المرة الثانيــه أكــيد تروح لــه عى شأن تشتاقلــه كثير .. وبعــدين الرمل حق البر حلو ونظيف ، والسيكل يطعس فيه الواحــد ، ولو طاح ما يتعور زي لو في الحوش اللي في البيت أو الشارع .. (( ومع السلامة وتصبح على خير [)) وأنــت مـع الف ســــلامـــه ، وتصبح على خــير ، وأحــلام سعــيدة . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|