ارجوكم ساعدوني...........

ارجوكم ساعدوني...........

ا

لسلام عليكم ورحمة الله وبركاته

الصراحه لا ادري من اين ابدا مشكلتي لان حالتي حاله


انا متزوجه من اقل من سنتين بس في البدايه كان زوجي يعمل خارج البلد اللي اسكنها عشان كذا اضطريت اني اجلش عند اهلي لين ما اخلص دراستي

وكانت هذي بداية معاناتي


صبرت وعشت سنه وانا معذبه بعيد عن زوجي صحيح اني معززه مكرمه في بيت اهلي بس بعد زوجي عني كان هو اللي معذبني

وخاصه اني كنت احس اني مقصره معاه عشاني تركته يتغرب لحاله

زوجي كان قمة في الهدوء الى درجة البرود لدرجة اني مهما سويت ما يعصب ولا شئ


بس من بعد ما راح يشتغل في هذي البلد وهو متغير 180 درجه ليش ما ادري

انا حطيت له عذر انه متغرب ومسكين وهو متزوج عشان يستقر بس عاش مثله مثل العزوبيه

كنت اراعيه قد ما اقدر مع اني وقتها كنت حامل وتعبانه بس كنت اقول انه هو تعبان اكثر مني


بس اللي كان يعذبني اكثر اكثر هو هوسه بالكمبيوتر لانه يجلس على الكمبيوتر اكثر من جلسته معاي ولما اقوله خلاص سكره وتعال نقعد مع بعض يحاول يصرفني يا شئ




انتهينا من سالفة الغربه وخلصت دراستي وسافرت معاه

لكن للاسف بدال ما يتعدل ويهدا زاد اكثر من اول


صار ما يتكلم معاي الا بصراخ واربع وعشرين ساعه متنرفز ولا يبي يتكلم معاي باي موضوع ولا يتحمل مني ولا كلمه

واللي اكثر من كذا جالس على النت من يقوم لين ما ينام ولا عنده اي استعداد انه يجلس معاي


صارت مشاكلنا كلها بسبب هالكمبيوتر وانا ما ادري وش اسوي


بعد فتره بديت اشك فيه قلت اكيد فيه شئ يخليه ينهبل على النت بهالطريقه


ولما فتشت ورااه لقيت انه مراقب في منتدى والبنات ميتين علييييه

على طول فتحت الرسائل الخاصه فيه

ولما فتحتها الرسائل كلها من بنات نادر وجود الشباب فيها بس الكلام اللي مكتوب في اغلب الرسايل كان عادي يعني ما فيه شئ يثير الشك انه فيه علاقه
فضلت افتح في الرسايل لين ما لقيت شئ ما قدرت اتحمله

الصراحه ما ادري وش اقول ما فيه كلمه حب مو موجوده وينك انا محتاجه لك وانا وانا



ما قدرت اتحمل الموقف

بكيت وبكيت وبعدين قررت اني اواجهه لما واجهته في البدايه قال لي انها تحبني وش اسوي لها

بعدين دور لي عذر ثاني وقال انها تدور على كل الشباب في المنتدى وتقول لهم اني احبكم ومن هالكلام


سكت مع اني ما صدقت وقلت له اني بسامحه هالمره مو عشانه عشان ولدي المسكين ما ابيه يتربى بعيد عن ابوه وهو وعدني انه بيسوي لكل البنات اللي عند بلوك وبيمسحهم من جهازه نهائي



المهم مرت الايام وعشاني ما كنت مصدقه كنت دايم افتش وراااه



لكن اكتشفت انه مازال على نفس المواال والوعود اللي وعدني كانت عشان يسكتني


ولما واجهته في الموضوع قالي ماراح اتركهم ولا لك دخل فيني وبكلمهم على كيفي

انا اكلمهم بالماسنجر يعني كتابي ما اكلمهم على الجوال

قلت له الموضوع يجي شوي شوي اول شئ بالمنتدى وبعدين بالماسنجر بعدين بالتلفون وبعدين تطلع معاهم وانا قاعده اقول كل شئ اهون من شئ

المشكله اني ما اقدر ادخل اهلي في الموضوع لاني عارفه انهم اذا تدخلوا راح تكبر المشكله

انا عارفه انها كبيره بس ما اقدر ادخل احد فيها

لاني الصراحه بعد استحي اقول لاهللي عن هالشئ



انا محتاره وما ادري وش اسووي

قلت ما لي الا اني استشيركم


واتمنى ما تطولون علي بالرد لاني معطيه زوجي فرصه لين بكره عشان يقرر يا يتركه يا بادخل اهلي واهله بالموضوع




تقبلو من ارق تحيه

محتاره..

المصدر: نفساني

هلا بك عزيزتي . أشكرك على شعورك الجميل بتقصيرك مع إنني لا أجد أنك مقصرة لأنه من المؤكد كان بإتفاق الطرفين لكن على أي حال إياك تخافي من تدخل أهلك لآن العواقب وخيمة صدقي إختك فلا بد من تدخل أحد بالموضوع ووضع حد لذلك ولكن لا تكبري المواضيع إن لمست صدقه .أهم شئ تدخل أحد الأطراف خاصة ما وصى به ديننا الإسلامي و إلا ما هو رايك

أ.رشا

انا عارفه ان المفروض ادخل احد بس للاسف اني ما اقدر

لان بصراحه امي وابوي عندي اعز من اني اضيق صدرهم بمشاكلي

بالنسبه لاهله عندي امكانيه اني اكلمهم بس ابغاهم اخر الحلول لاني علاقتي فيهم رسميه نوعا ما وما قد شافوني اشتكي منه ابد لاني ما احب احد يعرف شئ عن حياتي الخاصه فاذا جيت وقلت لهم هالكلام بيقولون وشلون يصير كذا فجاة


وبعدين هم اهله فانا اتوقع انهم بيوقفون معهاه شئ طبيعي


انا ابغى حل معاه هو انا تناقشت معاه كم مرره وحاولت اعرف السبب اللي يخليه يسوي كذا بس ما عطاني جواب شافي

انا ما ابرء نفسي من التقصير يمكن اكون مضايقته باشياء بس كل ما احاول اعدل من نفسي القاه يكافئني بكف طبعا مو كف حقيقي بس يعني كانو كف


الصراحه ما ادري وش اقوول ابي رايكم ابي القى حل باي طريقه

ما اقدر اتحمل اكثر من كذا المشكله اني انا اعرف نفسي اذا انفجرت انفجرت ولا عاد يهمني احد

عشان كذاا ابي حل قبل ما امل واخرب الدنيا

هلا بك :
كنت أتوقع ردك ولكن لا مانع من تدخل أهله بالموضوع و صدقيني لم تفعلي خطأ أما بالنسبة لأهلك نصيحة تقبليه من أختك أرجوك و هي لا تخافي من وعلى أهلك فكثير من النساء تقع في هذا الخوف و نهاية الأمر تقع على رأسها فتأكدي تماما غالب الرجال لا يردعهم إلا أهل الزوجة وبالنسبة لك إشرحي الموضوع بطريقة بسيطة و إذا كنتي تخافي أن نظرة أهلك تتغير له عزيزتي إذا كان هو لم يحرص على نظرته لنفسه و نظرة زوجته له ونظرة من يخونك معهم فلماذا تحرصي ؟؟؟؟؟؟!!!!!!
على أي حال كما سبق وان أشرت لك بأن تحاولي تجلسي معه و تحلي موضوعك بود وإن لم ينفع لابد من تدخل أحد الأطراف لأجل طفلك .