تعبت تعبت <<<< استغفرالله العظيم.. الله يشفي الي يدخل يجاوب

تعبت تعبت <<<< استغفرالله العظيم.. الله يشفي الي يدخل يجاوب

لا اعلم لماذا تتكرر عندي كلمة الموت بشكل كبير هذا الوقت ؟؟


افتح تويتر القى قدامي كلمة موت

افتح واتس اب القى كلمة مووت

اصلي القى الامام يقرا ايه فيها موت

قبل شوي صاحبي شغل مقطع من القران فيه ايه عن الموت

هل هو اشارة؟ ام ماذا؟؟


هل يحصل معكم كذا

المصدر: نفساني

ابورياض ايوه حصل معي وااااايد

اسير اصلي الامام يقرأ آيه عن الموت او القيامه

رديت البيت فتحت على شيخ يتكلم عن العذاب وعن الموت

بعد فتره في البلاك بيري يطرشون عن الآخره والموت

واليوم يوم المغامسي تكلم عن الموت

قلت ياربي ابعد عني الخوف

والله يابورياض مب عارفه شو اسوي !

الموت يأتي بغته ترى إذا فكرت بالموت وخفت مايجيك هذي وسوسة شيطان يريد أن يحزنك.

اكثر من الاستعاذة من الشيطان

جزاكم الله خيرا


بنت الظبي يعني كل الكلام تشوفينه بفتره متقاربه مثلا يوم ولايومين؟ تلاقين هالكلمات بالتلفزيون ولا بالتويتر ولامكان ثاني

لاتخاف أخوي كلنا نمر بهالشئ وكثيير حتى أحس أنه مخصص لي الله يشفينا جميعــا

ابحث عن كتب تعالج الخوف سأعطيك أسماء كتب تساعدك في معرفة الوساوس والقلق والمخاوف

المشاركة الأصلية كتبت بواسطة ابورياض

جزاكم الله خيرا


بنت الظبي يعني كل الكلام تشوفينه بفتره متقاربه مثلا يوم ولايومين؟ تلاقين هالكلمات بالتلفزيون ولا بالتويتر ولامكان ثاني

ايوه وراء بعض

حتى كم مره سمعيتها في نفس اليوم واحاول اتجاهل ويوم سمعت الشيخ المغامسي في التلفزيون طرا الموت، قلت وليييين شو انا اللي ابحث

عن الكلمه والا شو صار !!!!

بدلت عن القناه

الله يجزاكم خير ويارب يشفينا ويعافينا ويذهب عنا الشيطان ووسواسه


والله العظيم ريحتوني من يومين وانا الله يعلم بحالي مهموم ومتنكد كل مكان اشوف كلمة موت ورا الامام وبتويتر وبالتلفزيون قلت الله يستر ليش قاعد اشوف كذا انا


الله يشفينا يااااارب


ابوعبادي يعني انت صارلك هالشي كثير وجالك احساس ووسوست فيه مثلي؟

السلام عليكم

هذا قانون من قوانين العقل الباطن والله نسيت اسم القانون

المهم كلما فكرت في شئ ترى منه الكثير الكثير

بورياض

اللي يعاني من الوسواس يبغي الحل كيف يتخلص

لا تشوف او تقرأ الاخبار السيئه واذا في مسجات يبعثونها لك من هالنوع قول

حق ربعك لوسمحتوا لاتبعثون هالنوع من المسجات او اذا في لنك يخوف لاتفتحه

حاووول اتطنش وانا كذلك

المشكله اني اطيح صدفه بهالكلام مثلا اصير قاعد اقرا بتويتر

ولا الامام يصلي وتجي ايه عن الموت

لو انه من اصحابي كان قلت لهم لا احد يرسلي كذا بس مو بيدي

فاهمه عليك

الله يبعد عن الوسواس

انا اليوم طرشوا لي لنك كيف تتخلص من ثلثي عذاب القبر ومافتحته

قلت بروح اصلي العشاء ومن غير مناسبه، امي قالت لي اختچ راحت تعطي الريال

فلوس الجمعيه ، وانا مادري انه هي مسويه جمعيه كل مره الدور على شخص ياخذ

الفلوس، قالت لأنه الموظف اللي وياهم في الدوام اتوفى وولده بياخذ الفلوس😟

قلت يابنت طنشي

خلصت من الصلاه مطرشين لي دعاء من ضمنه ان يرفع عنك المرض والحزن وعذاب القبر

صحيح انه دعاء لكن كله في نفس اليوم

بعد ماقريت الخبر

قالت اختي شو صار مع سيارة اختچ لأنه البطاريه امفضيه

قلت والله تبغي حد يچرچها عشان يودونها يبدلون لها بتري

قالت والله لو فلان عايش كان هو بيمر البيت يبدل لكن فلان مات

بورياض انا هالكلمه كم مره اسمعها واقراها بالغلط بعد

ههههههه ياساتر كل هذا سمعتيه اليوم?

وانا شايل هم اني ليش اسمع هالكلمه خلال يومين كم مره


علبالي انها اشاره مو زينه لي اني اسمع كلمة موت واجد

شيطان رجيم يحاول إفساد حياة ابن آدم و دلك بي الأفكار تشاؤمية و نضرة الخاطئة عن الموت يجب عند سماع أي شي عن الموت لا نخاف و نتقبل ما يقال لي أنه حق و نعرف أن الإنسان المؤمن تصنع له روضة من رياض الجنة في القبر حفظكم الله