جئت اكتب اليكم بعد ان ضاقت بي الارض بما رحبت

جئت اكتب اليكم بعد ان ضاقت بي الارض بما رحبت

السلام عليكم

اولا من لا يشكر الناس لا يشكر الله وانا اشكر الاخوه القائمين على هذا الصرح اسال الله ان يجعله في ميزان حسناتهم

مشكلتي اخوتي معقده لا اعلم من اين ابدءهاا ولكني تعبانه نفسيا والله تعبانه من كل شي صرت كارهه الدنيا وكل يوم يمر افكر احرف نفسي ولا ارمي نفسي من السياره وهي ماشيه لاني تعبت وربي تعبت

انا متزوجه من 14 سنه لي ولد 14 سنه وبنت 8 سنوات الله يحفظهم عمري 29 سنه وزوجي عمره 46 سنه

باختصار حياتي في مجملهاا تعب في تعب

زوجي مدمن افلام اباحيه وشواذ بكل انواع التكنولوجيا يدورها يعني في تلفزيون في افلام فيديوو في كمبيوتر في ديسكات في كل شي
من اخذته وهالشي لا حظته طبعا هو يسوي هالشي من وراي ويخبي الاشياء والوصخ ذا في اماكن ويريد الله ان افضحه
حاولت كثيرا ان اغيره والله يا عالم حاولت بالنصيحه بالطيب بالدين جيته من باب الموت من باب عيالك كبروا وانت قدوه ولا حياه لمن تنادي يمسك كتاب الله ويعاهد عليه انه ما يرجع وبمجرد خروجي من البيت يرجع واكتشف انا هالشي مع العلم اني جلست معه كثير وسالته انا مقصره ويجاوب لا فاصلاخ باعلى صوتي واطيح من طولي قهر اقول يا ولد الناس خاف ربك لا تفسد تربيتي لعيالي بالبلا الي بتسويه والله يا عالم انه لا اجتمعنا على سفره وجبه انه يحط التلفزيون على قنوات امريكيه وانتم دارين وش يجي فيها وعلى مرءى من عيالي ويوم اقوله لا تحط هالشي يقلب الدنيا تعبت وربي من الوصخ الي هو فيه وكرهته كره من كل قلبي والله الشاهد انه لا طلع من البيت استقبل القبله ولرفع يدي واقول يارب اجعلهاا خرجه من دون رجعه من كثر الاذى الي وقع علي منه تعبني نفسيا وربي كنت ادري في تحفيظ قرءان ووصلت ل 17 جزء وتركت التحفيظ وتركت القرءان وصرت مريضه نفسيا بس اصارخ وابكي من كل شي الاهم من كذا انه مو قايم بحقوقي الشرعيه لانه اصابع عجز جنسي من ال 35 سنه الي يشوف فيها هالمناظر والوصخ وياليت انه تاب بالعكس مازال مستمر مع العلم انه اخذ فتره ربى لحيته وتاب لانه احترق ببنزين نص جسمه وسبحان الله نفس يده الي يدور فيها للحرام احترقت وذاب لحمها لكن بمجرد ما تعافى حلق اللحيه واسدل الثوب واصبحت الاغاني ما تفارقه وهجر صلاه المسجد ولا قلتله قالي صلي انتي اول او قال مالك دخل او يقول صلينا والتزمنا اش استفدنا فتركته لله والله حسبي فيه ونعم الوكيل

المصيبه الثانيه انه لا يوكل امرا من اموره لله فهو يؤمن بالجن والعفاريت ايمانا غريبا والعياذ بالله يعني لا اصابه شي ما يقول من الله يقول فيه سحر فيه عين فيه مس لين قربت اجن والله يعني لا اتكلمت نص كلمه طالع فيني وقام يضربني يقول بطلع الجني والله يشهد اني مافيني شي وصارت اموره كلها موكله للجن ما اسمعه الا يقول والله شكل احد سوالي عمل في رجلي ولا سوالي في كتفي ولا ولا ولا وانا خلاص انتهيت

ما ادري وش اكتب وش اخلي وربي المشكله اكبر من الي كتبتهاا واعمق من الي كتبته بس مو عارفه اوصف الله يخليكم دلوني على طبيبه نفسانيه او طبيب تعبت وودي اتقوى ودي ارجع الانسانه الاولى

المصدر: نفساني

أختي الكريمة / ميلاق ------------------- سلمها الله
شكرا لك على ثقتك بالمنتدى وبمن فيه ، مشكلتك مع زوجك ليست غريبة فقد تكررت أكثر من مرة في هذا المنتدى وغيره ، ومع الأسف الشديد على الرغم من أن هذه المدة الطويلة التي قضيتيها مع زوجك إلا أنه لم يتغير إلى الأحسن ، وربما إصابته بالعجز الجنسي هي التي دفعته لمشاهدة أفلام الجنس كنوع من التعويض ، ولكنك ترين أن في سلوكه ما يشين خوفا على أطفالك وهذا من حقك ، لكن يا أختي الفاضلة مواقفه السيئة هذه أصابتك بالمرض النفسي الذي لايمكن الصبر عليه ويمكنك مراجعة العيادة النفسية وأنصحك بالدكتور /عبدالله السبيعي في عيادة المد كير تقاطع الملك عبدالله مع التخصصي أو الدكتور / محمد الصغير وسوف -إن شاء الله - تتسهل أمورك والله يحفظك 0