|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
17-05-2010, 05:02 PM | #1 | |||
عضـو مُـبـدع
|
الاعياء والكسل
السلام عليكم ورحمة الله.....
أخواني وأخواتي أعضاء المنتدى الكرام عندي احساس دائم بالكسل والخمول واتعب من اقل حركة مع شد في عضلات الكتف والرقبة والمفاصل عموما والام في الذراع اليسرى وساعات ينتقل لليمنى وثقل في المشي يعني احس ان رجلي خاملة وثقيلة كل يوم اقول سأبدأ بالرجيم والمشي ومالي خلق وأكسل وأجل لليوم الثاني على هالحال من كم شهر كنت مشترك 5أشهر بشركة يجيبون لي الاكل كل الوجبات أول الامر التزمت ونزلت 5كيلو وبعدين قمت اخلط اكلهم واكل البيت ووقفت الاشتراك ودي امشي والعب كرة مثل قبل مالي خلق وزني زايد المشكلة كل الوزن عند منطقة البطن طبعا مع القولون والانتفاخات شكلي غريب بعد ماكنت رياضي وجسمي حلو صار جسمي عبيط أطرافي ضعيفة وبطني كبير اذا وقفت بالحمام اخذ شاور اشوف نفسي كأني ضفدع واقف أخواني تحسون بالكسل والخمول مع التعب من اقل حركة طبعا موعلى طول بس معظم الايام المصدر: نفساني
|
|||
|
17-05-2010, 05:12 PM | #2 |
( عضو دائم ولديه حصانه )
|
بندق بندق :) شسوي فيك هههههههههههههههههههههههههههههههههه
يا اخي والله اتمنى كل يوم تحط موضوع ...اسلوبك عجيييب يضحكني خخخخخخخ اهم شي ان جنك ضفدع لوووووووووووووول.....استغفر الله والله انا اتعجب لما اشوفك تاخذ سيبرالكس 20 باليوم ... وتعاني من هالاشياء ... انزين شرايك تجرب طريقه :)>>> انا لاني كسول بعد هم بعض المرات افصل واسويها .... اذا عندكم حوش امش 5 دقايق الصبح و 5 دقايق بالليل بس...!! لمدة اسبوع ... وخفف من دب المجابيس... وبعد اسبوع يصير خير يمكن نخليها 6 دقايق ..شرايك ؟ |
|
17-05-2010, 05:19 PM | #3 |
عضـو مُـبـدع
|
حبيب أخوي ممكن ارجع والله خوش فكرة بس ياريت اقدر استمر عليها المشكلة كل انشطتي فيها كسل بلاي ستيشن ومباريات الكرة والانترنت الله المستعان
تحياتي الله لايحرمنا منك ومن كل الاعضاء بالخير والصحة |
|
17-05-2010, 05:27 PM | #4 |
( عضو دائم ولديه حصانه )
|
5 دقايق بندق ما تقدر ..!!
لا لا تقدر ...انا بس خنفتك من اعراض الدوا مالت اول اسبوعين والدوا ياخذ مفعوله راح امشي ان شاء الله .. لان يقولون الزيروكسات ....يتفخ ....وانا صج اني ابي انتفخ بس بضع كيلوات مو 20 كيلو عرفت .. فالله يستر ...ويشفينا ... انزين الحين انت مثلا بالدوام و هجمت عليك الحب ( النوبه ) ... تاخذلها مهدئ..؟ ..وشنو نوعه ؟ |
|
17-05-2010, 06:10 PM | #5 |
عضـو مُـبـدع
|
انا كنت اخذ زاناكس يوميا بس ترى يخثل ويخليك كسلان ودايخ يعني اخذه بالليل لكن الحين الحمدلله وقفت عنه
انا ودي ماتعود روحك عليه الا اذا كنت ماتنام اخذه بالليل وخله بجيبك اذا حاشتك نوبة يعني انا قمت اخذه في اوقات واماكن محدده الطيارة اذا عندي اجتماع موقف صعب لكن بعض الاطباء يوصفه في اول الايام وبعدين يوقفة بالتدريج وسلامات تحياتي |
|
17-05-2010, 09:43 PM | #7 | |
عضـو مُـبـدع
|
اقتباس:
والله يااخوي ان حالي ازفت من حالك والله والكرش حدث ولاحرج المشكله مدري شنسوي برايك ؟؟ ومن ناحية الكسل والخمول والتعب حدث ولاحرج وابشرك زياده احس رجولي مثل النار مولعه مدري شنو منه هالبلا؟؟ ضحكتني بقولك نلعب كوره يارجال ياليت نمشي حنا تبي نلعب كوره الكوره والرياضه لهلها ماهي لنا يااخوي بندق راحت علينا خلاص الله يشفينا بس حنا نبي بس نعيش مرتاحين مانبي من هالدنيا شي والله :smile: |
|
|
17-05-2010, 09:56 PM | #9 |
عضـو مُـبـدع
|
هذي اعراض الادويه الله المستعان تحس الم في الصدر والقلب وثقل بالرجل اليسري واليد كانه جلطه بسم الله علينا وعليكم
|
|
17-05-2010, 10:07 PM | #10 |
عضـو مُـبـدع
|
هلا اخوي والله اعالج نفسي بنفسي خلها على الله انا فقدت اي امل بالشفا من هالمرض
|
|
17-05-2010, 10:21 PM | #11 |
( عضو دائم ولديه حصانه )
|
غلط انك تفقد الامل ...!!
اخوي راح اقولك تجربتي مع الزيركسات ...بعد اسبوعين .... عشان اهدأ من روعك شوي |
|
17-05-2010, 10:27 PM | #12 |
( عضو دائم ولديه حصانه )
|
والله كلنا نحس بالخمول والكسل
لكن بصراحة وفضل من الله احسه خف نوعا ما بعد سويت الحجامة الله يشفينا جميعا |
|
18-05-2010, 01:00 AM | #13 |
عضـو مُـبـدع
|
الاخوان الاعزاء ممكن ارجع وعنوان الهم الله يفرج عنك ويجعلك عنوان الفرح والسرور والاخ مسك ابيض
اليأس والقنوط من رحمة الله سبحانه ماهو من صفات المؤمن ان شاء الله تشفون وتتعافون والمفرح في الامر ان هذا بيد الكريم سبحانه وانا اتمنى اللي نكتبه في المنتدى هو عبارة عن فضفضة نصبر فيها بعض وليست شكوى لانها لو كانت شكوى فكأننا نشتكي الله والعياذ بالله كل الاعراض اللي تقولونها كلنا نمر فيها وهذه والحمد لله نعمة وجودنا مع بعض في هذا المنتدى خفف كثير من خوفنا وهلعنا مقارنة بحالنا قبل ان نرى من هم مثلنا ويعانون ما نعانيه ومعرفة حقيقة المرض وأسأل الله يشافينا ويعافينا وينصرنا على مانعانيه انه ولي ذلك والقادر عليه تحياتي |
|
18-05-2010, 04:59 AM | #15 |
عضـو مُـبـدع
|
وانا مثلكم والله الخمول والكسل ولسه حالا كنت بصلي الفجر وانا بقول التشهد حسيت بروحي عم تتسحب مني قمت زي المحنونة ربنا يشفينا يارب
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|