|
|
|
 |
|
 |
||||||||
|
||||||||||
 |
 |
 |
||||||||
| عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
|
أدوات الموضوع |
04-02-2005, 04:52 AM
|
#1 | ||||
|
عضو جديد
|
ارجوكم ارشدوني في مشـــــــــــــكلتي..وبسرعه!!!
أود ان اعرض مشكلتي عليكم واتمنى ان تساعدوني فيها لأني أعاني منها الكثير وارجو ان ترشدوني فيها ، وتحملوني اذا طولت عليكم
لاني ساشرح كل شي بالتفصيل... انا عمري 20 سنه، ترتيبي في عايلتنا الثانيه اختي الكبيره اكبر مني بثلاث سنوات في أخر سنه في الكليه ...علاقتنا ببعض قويه...دائما مع بعض...عائلتنا مترابطه محافظه .. اختي حساسه شوي..كتومه..مرحه..متسامحه ورحومه لابعد الحدود...عانت قبل نهاية العام الدراسي الماضي بشهرين من مرض نفسي وعضوي ،سأشرح المشكله بالتفصيل الايام اللي قبل ماكنا حاسين بأي تغيير فيها ابداَ.... في يوم رجعت من الكليه متضايقه مره، كانت تحاول تنام العصر ماقدرت، سألناها وش الموضوع حكت انه وحده من الدكتورات اللي يدرسونها كانت تتناقش معاهم في موضوع ولما كانت اختي تتكلم وتبدي رايها سكتتها الاستاذه بطريقه سيئه وما اعطتها فرصه للتعبير عن رأيها،كانت تحكيلنا وهي تبكي...حاولنا نهديها وفهمناها انها معطيه الموضوع اكبر من حجمه مع انه مو من عادتها انها تهتم لمثل هالاشياء وحاولنا نسليها شوي.. هذاك اليوم كانت تبكي لدرجة انها ماقدرت تنام في الليل... الايام اللي بعدها كان تفكيرها مو معنا ابدا وتسرح كثير وحالتها غريبه وماكانت قادره تنام .. طبعا امي وابوي ماسكتوا على الموضوع وراحوا عرضوها على دكتوره نفسيه في مستشفى حكومي..اعطتها حبوب مهدئه تساعدها على النوم وقالت انه ما فيها الا ارهاق وضغط نفسي من الدراسه بحكم انها قربت تتخرج واعطتها اجازه كم يوم.. اتصلت امي على صديقتها المقربه تسألها عن اللي صار...قالت البنت ان الموقف عادي بس اختي اللي اخذت الموقف بحساسيه...وانها هالايام صايرة عصبيه وماتتحمل كلمه من احد... كل يوم عن اللي قبله حالتها النفسيه تسوء..تصرفاتها ازدادت غرابه..تفكيرها متشتت..اذا كنا نتكلم في موضوع معين تسكت وهي سرحانه وفجأه تتكلم عن الاستاذه اللي صار معها الموقف...احيانا تتكلم في اشياء ماصارت..وتتكلم عن اشياء مخيفه بالنسبه لنا...كانت تقول انا احبكم وسامحوني لاني باموت... ومره قالت انها شافت منزلتها من الجنه..لدرجه انها تقول لنا انها ماتت ورجعت حيه مره ثانيه... كنا نحاول نصمد قدامها وما نبين لها شي بس مانقدر... كانت ماتنام الليل....طوال الليل وهي متمدده على السرير وتقرأ قرآن من اللي حافظته بصوت عادي وكل شويه تعلي صوتها وبعدها تصرخ وهي تقرأ قرأن أو تضرب بأي شي في يدها على الارض وتكبر بصوت عالي وكأنها تضرب احد هي تشوفه..نحاول نسكتها علشان تنام بس تسكت شويه وترجع تكمل... قبل اللي حصل كنت أنام معها في نفس الغرفه..بس صرت اخاف منها ولااقدر انام معها واذا شفتها ابكي على طول ..وصارت امي تنام عندها مع اننا طول الليل سهرانين معها... صرنا نقفل الابواب عشان ماتطلع..ونرفع اي شي ممكن يضرها...لانها مره قالت اقتلوني ابغى اموت وصارت تضرب راسها في الجدار.. المهم اننا عشنا ايام الله لايعيدها علينا ولا على مسلم.. في هذي الفتره عرضناها على طبيبين نفسيين مشهورين هنا في الرياض وكل الاثنين قالوا ان اللي عندها اضطراب وجداني ومع العلاج ان شالله ترجع طبيعيه...بس خوفونا ان هالمرض وراثي ويرجع للمريض بعد كم سنه...مع ان الجلسه عندهم اقل من ثلث ساعه وكانوا يصرفوا لها ادويه كثير...ولا فكروا انه ممكن يكون سبب الحاله اللي تمر فيها عضوي.. في نفس الوقت كان لها مراجعات في مستشفى الامراض النفسيه الحكومي وطلبوا منها فحوصات وتحليل شامله..واكتشفوا ان عندها كسل في الغذة الدرقيه..وقالوا انه 90 في المئه انه يكون سبب المرض النفسي اللي حصل لها من الغدة الدرقيه.. تحسنت حالتها بالعلاج وشوي شوي رجعت اختي اللي اعرفها.. طبعا اجلت الدراسه مع انه مكان باقي الا شهرين..بس الحمدلله الصحه اهم من كل شي.. إلى الآن الادوية تاخذها ولها مراجعات في المستشفى بين كل فتره وفتره ولله الحمد رجعت احسن من اول وان شاءالله بتكمل الترم هذا واستعدادها النفسي للدراسه حلو... المشكله اني مو قادره اتحمل منها اي شي لانها صايره تحب تجادل في الكلام مع اي احد فينا..يمكن لانها تحاول تحسسنا انها طبيعيه وهي فعلا طبيعيه.. شعوري اتجاهها اتغير...مع اني احبها واخاف عليها..بس في نفس الوقت حاسه اني قاسيه عليها..مااعرف ليش!! مااقدر اوصف شعوري هو كره والا ايش؟؟مااحب اتناقش معها..مااحب اجلس معها كثير..مااطيق منها كثير من تصرفاتها..مااتحمل مزحها معاي..ماأعرف ليه صرت قاسيه معها!!! يمكن لاني اتذكر كل اللي صارلها على طول..اتمنى اني انساه ويمسح من ذاكرتي... أو لأني خايفه انه يرجع لها المرض....ماأدري!!!! ابغى افهم ليش صرت كذا !! كيف اقدر اتعامل معها زي قبل.. كيف ترجع علاقتنا مثل اول ... واسئله كثيره تراودني عن هذا الموضوع... وارجوكم تساعدوني وترشدوني..اعتبروني اختكم الصغيره وراح اتقبل منكم اي شي.. انتظر ردرودكم بفارغ الصبر..... اختكم......روح الغد المصدر: نفساني
|
||||
|
|
|
04-02-2005, 05:55 AM
|
#2 | |
|
عـضو شرف
|
أهلاً بك أختي روح الغد
~*¤ô§ô¤*~*¤ô§ô¤*~الف سلامات على أختك وماتـــــــــــــــــــــــشوف شر~*¤ô§ô¤*~*¤ô§ô¤*~ أتوقع أن شعورك هذا طبيعي وذلك لانك عانيتي وتألمتي كثيراً من خلال الحالة الي مرت أختك فيها..قد يكون كرهك لها لأن عقلك الباطني يرفض أن يرء الانسانها التي أحبها والقوية لانها أكبر منك في هذه الحاله..فهويلومها على ذلك ولماذا كانت ضعيفة ومريضة؟لذلك أنت تحسي بكرهك لها بمعنى ترفضين مامرت به...لكن لابد أن تعلمي أن المرض من الله يبتلي فيه عباده.. حاولي أن تنسي الماضي وتستعيدين علاقتك بأختك من جديد(فهي بحاجه لك الان أكثر من المرض) صدقيني الأمر سهل لكن العزيمة والاصرار أهم شيء ..تجربتك صعبة لكن هناااااااااك ماهو اصعب في هذه الحياه وانتي لازلت في بدايت العمر لذلك لابد أن تقوي صلة بالله وتتوكلي عليه لأن الحياة مليئه بالمفاجأت والله يخليها لك ومافيه مثل الأخت صدقيني( أحسدها عليك) أتمنى اني أفدتك بوجهة نظري الشخصية |
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
