|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
15-05-2006, 12:24 AM | #1 | |||
عضو جديد
|
ا احد الاخصائيون ر(داختي فوزيه الدريع ساعدني)
سلام عليكم
اتمنى من الدكتوره فوزيه الديع اتساعدني حاولت اكلمها في برنامجها سيره الحب على قناه الراي وما حصلتها وما عندي ايميلها فالطريقه الوحيده كانت عن طريق سايتكم جزاكم الله خير مشكلتي طبعا زوجيه , تزوجت من ابو بناتي من 7 سنوات كان في الظاهر حلم كل بنت دراسات عليا واخلاق هادي وطيب . في بدايات الخطوبه اكتشفت انه يكذب وايد وكان عنده مشكله النسيان الدايم والتفكير المتشتت في علاقته مع امه دايما يشتكي انه ما اتحبه واتفضل اخوه عليه . كنت احاول اخف عنه واقول حق نفسي باعوضه . المهم تزوجنا وحملت ببنتي الاولي وتعبت وايد في الحمل بس كان موجود وساعدني ووقف معاي . بعد الولاده صرت ما احب الجنس وانشغلت بالبنت بس صرت عصبيه صار يبتعد عني وانه كنت ازعل منه وايد بسبب نسيانه الدائم وتشتت انتباه ولاحضت ان علاقته بأمه مو طبيعيه دايما يشتكى انها ما اتحبه واتفضل عليه اخوه وتم يشتكى من كل الناس الي حوالينه دايما ايحس بالاضطهاد وان الناس ما اتحبه وتبي اتكيد له وكانه في صراع مع العالم صار متشائم على طول وقعدته صارت ثقيله وطبعا كان ما يعطي اي فرصه اشتكى او اتذمر لانه طبعا لازم اهو يكون في صدراه الاهتمام دائما. صرت اشوي اشوي ابتعد عنه بسبب عدم وجود الحوار وتجنبي له لان اي رائ غير عن الي في باله يسمعه ايصير الشخص عدوه .وصار كل واحد له عالمه . كنت ساعات اشتكي له اني احس بالوحده والفراغ العاطفي بسبب تجاهله لي .كان يتعذر بانه تعبان ومشغول وصار يبتعد عني اكثر واكثر لين سألته مره وكنت حامل ببنتي الثانيه ليش متغير على قول لي شاسوي علشان ارضيك . قال لي بكل بساطه انه ما عندي مشاعر لج؟؟؟ صادتني صدمه وقررت اعرف السبب وطبعا السبب كان غراميات مع وحده متزوجه معاه في الشغل . المهم كشفتهم فأعتذر وقام يقول لي انها صداقه .انصدمت فيه وايد على كل عيوبه ماكنت اتخيل انه يخونني . بعدها ولدت وطبعا انشغلت فتره فرجع لاهماله لي ولا كاني موجوده في حياته. وكان دايما سئ الظن بنواياي كل شي اقوله بقصد والا بدون قصد ايفسره على انه انتقاد له او حقد عليه .صرت انه من ضمن الناس الي يحقدون عليه وما يبون له الخير بعد ! حاولت البس اتعدل اغير شعري ولا يلاحض وصارت توضح لي الصوره اكثر اهو صج ما يحبني وبس مستحمل علشان اليهال . تعبت وايد لين جا يوم وقررت اجرب اخر حل واهدده بالظلاق وقلت له طلقني ما ابي اعيش ويالك على امل انه يتغير وايفكر في الي بيخسره ؟ وبعد هالسالفه بكم يوم مرضت امي وتوفت بعدها باسبوع تخيلي دكتوره طول مرض امي ووفاتها ما سألني يوم واحد تحتاجين شي والا انه معاج !ولا كاني موجوده , المهم ليله سادس من وفاه امي اتصلت فيه وكان خطه مشغول على طول قلت له تعال ابي اكلمك .رد علي بغرور ما في بينا كلام وصك التليفون صحت وايد فصرت احس باختناق فاتصلت وقلت له تعال ودني المستشفى وصكه في ويهي استحمقت عليه وتركت له مسج انه لا يرجع البيت (انه ساكنه في بيت الوالد من تزوجت) طبعا قوم الدنيا وقعدها وبعدها اعتفست الدنيا صرت انه عدوته رقم واحد وصار ايألف القصص عني . قال لاهله اني خنته وان اهلي باقو فلوسه وكلام خرابيط وايد . المهم اني اتصلت فيه اكثر من مره واعتذرت لكنه صار اسوء تمنيته يرجع وتحسفت على الي قلته وسويت كل شي علشان ابين له اني غلطانه مع اني صج كنت تعبانه معاه ومو سعيده ابدا لكن مثل ما يقولون ضل راجل ولا ضل حيطه. المهم كل الناس حاجوه ومو راضي لا ياخذ قرار ولا يطلق ولا يتفاهم علشان اعرف اش يبي. لين تعبت ورحت اشتكيت المحكمه انه هاجرني فقال للمحكمه انه بييب شقه وانه ما يبي يتركني ؟؟ وياب الشقه والمحكمه حكمت بروجعي لبيت الزوجيه .بعدها قام ايهددني ويتوعدني بارويج لين ييتي ؟ الغرض انه يبي يخليني معلقه لاطول فتره ؟؟؟ ما ادري هل هالريال مريض نفسي والا الكره عماه وما قاعد ايشوف اني قاعده اربي بناته ابروحي .... انصحيني شاسوي ؟؟؟ المصدر: نفساني
|
|||
|
02-02-2007, 02:24 PM | #2 |
عـضو أسـاسـي
|
............ ....... ... أختي الفاضلة أم ملاك .. سلام الله عليك ، ورحمة الله ، وبركاته .. ومسااااااءات الخير .. أختي نعم زوجكـ هو ما يحتاج إلى العلاج ، وربما إلى الدواء ، وإن بقيتِ ، وهو بهذا الوضع فلن ترين إلا زيادة وجع ، وعدوانية ، وشكوك ، واتهامات لا حدود لها تجاهكـ, وشعور بالاضطهاد قد يدل على اضطراب من الضروري يتطلب دواء ... وسيبقى كما هو بل سيزداد في تفجر أعراضه كلما زادت الضغوط عليه ، وكما ذكرت طبيعة العلاقة بينكم في تدهور ، وعلاقته بصديقته كما يذكر مجرد صديقة ، وحتى لو تركها سيجد بديلا لها ، المشكلة يا أختي في شخصيته ، وأسلوب تربيته التي آثارها أنتِ من يحصدها ، فأبحث عن الأسلوب ، والشخص الذي يستطيع مساعدته في مراجعة العيادة لعل الله يعيده إليكـ أو فكري في أي الخيارين لك أفضل بقاء في علاقة أنت من عايشها ، ويعيشها أو عودت لبيت أبيك ، وتفرغ لتربية أطفالك بعيدا عن توترات بينكم لن يتضرر منها إلا أطفالكــم . ربي يوفقك لما فيه خيرا لك وأولادكـ . |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|