دوامة افكار وتشتت مو عارفة وش اسوي

دوامة افكار وتشتت مو عارفة وش اسوي

اهلين فيكم أتمنى تكونون بخير

من زمان مافضفضت هنا لكم يشهد الله اني أحبكم وارتاح هنا

احس واصله معي وجيتو ببالي ويارب ألقى حل عندكم

بعضكم يعرفني من قصتي اللي نزلتها قبل شهر او اكثر تقريبا

باختصار انا مرضت بالاكتئاب 7 سنوات وبعدها أكرمني ربي بالشفاء الحمدلله ادعولي الله يتمم

ماكان فيني اكتئاب بس كان معه قلق ووسواس الموت واختلال الانيه بس فترات وراحت الحمدلله

وايضاً كان معي مس شيطاني وحسد يعني اعراض كثيره الحمدلله على كل حال

الزبده انا من تعافيت وانا مدري كيف ابدا حياتي ؟! احيانا افكر من انا ووش السالفة كذا كاني كنت نايمة بعدين صحيت لقيت نفسي كبيرة شكلا وتفكير لان تعبي جاء بطفولتي ومراهقتي

صدق والله احس اني تايهة الحمدلله مافي اعراض وصرت أخالط الناس بس من داخلي احس اني مهزوزه ثقتي ضعيفة تركيزي مب مره

احسسسسس اني داخل دوامة من الأفكار اللي مالها إجابات والله مدري وش الحل

انا متفائلة ببكرا وان وضعي بيتغير بس احس محتاجة لشي اسويه عشان اتغير صدق

حاسه اني احتاج لترميم داخلي لاتضحكون من هالكلمة بس جد احس اني محتاره من جوا

قالو لي تحتاجين استرخاء وانه حلو مع الطيور رحت جبت طيور كل يوم أحطهن جنبي اتفرج بس مدري كيف الطيور تكون حل مااقتنعت وآمل منهم صراحة

سمعت ان اللي امر فيه مرحلة اسمها انتقالية يعني من وضع لوضع غير مره وأني بتعب من هالتغيير لاني ماتعودت

اقولكم وضعي كيف كنت ! كنت وحيدة انطوائية كل وقتي ساكتة ومكتئبة وبس ابكي وماابغى الناس ًتفكيري سلبي عصبية

مااروح مناسبات او مكان فيه بشر كنت بالدوام لحالي اروح اطلع محد درى عني تصادق عالم من بكرا اتهرب منهم

شفتو امي ؟! من سنتين بس تعرفت عليها والله العظيم اني ما اكذب او أبالغ كنت مره شرسه وأكره احد يكلمني فكانت امي تقولي مااقدر آمون عليك او اخذ وأعطي معك ماتعطين فرصه ولا مجال لي ولا لغيري
وهي صادقة والله كنت كذا

بس اللحين انا تغيرت يعني الاعراض راحت بفضل ربي وحده وابشركم تعرفت على امي طلعت تحبني وتسولف معي

تعرفت على اخواني بالبيت صرت اختلط بالناس واصادق بنات واكلمهم عادي

الحمدلله انا ممتنه لربي على نعمته علي يارب تديمها ياكريم


مثل ماقلت اول كلامي انا اجهلني جاري التعرف على شخصيتي وش احب وش اكره وش نمط شخصيتي بالضبط

ومثلا لو كنت اسمع مشكله او موقف ويحتاج حل احس صعب اطلع بحل احتار واتردد ومااثق بحلولي



بس مو عارفة كيف هالشي يصير قولو لي وش الحل انا جالسة بصراع مع الدوامة افكار كثير تركيز مافي

وش الحل ؟ اذا عندكم حل ساعدوني فيه وربي مسبب الأسباب ينفع فيه

عندي يقين ان ربي بيفرجها علي ويطلعني من هذي الدوامة


مشكورين

المصدر: نفساني

ما تشوفين الا كل خير أن شاءالله .. طيب شرايك باللي مايتذكر طفولته الا أجزاء بسيطه فقط !
اقولك شي دوامه الافكار انا فاهم وش تقصدين اسئله داخل راسك مالها معنى ولا لها اجابه إذا اطرديها من راسك
كلنا محتاجين ترميم .. خصوصا الي ذاق المرً من حيآته صدقيني الشغله مو بكثر الأصدقاء بإمكان صديق واحد أن يشيلك من كل همومك وتعبك وتفكيرك
وعشره يزيدونك هم وغم وتعب .. ,

أنا أمي أحيانا أحس اني ما اعرفها حق المعرفه ُ لكن بيجي اليوم الي أكسر فيه كل هالحواجز

العلاقه مع الله + الأم والأب + حب روحك = توازن ورضى وتفاؤل

أنا اقولك هالكلام مع اني ما اطبقه بس مقتنع فيه يا بكرا احلى

يارب يجي اليوم الي تشقين ضحكتك من جد

موفقه

ترى المشكلة الكبيرة ان اكثر الاعضاء هنا في منتدى نفساني مايطرح فكرته او افكاره اللي تسببله الاكتئاب بكل وضوح اللهم يجي يشتكي من دون توضيح الاسباب ولكن قلة قليلة في هذا الموقع هو اللي يطرح مشكلته الاساسية اللي جابتله الاكتئاب والوسواس

ولو انه يطرح مشكلته بشكل واضح وخاصة انه على موقع انترنت واسم وهمي يعني ماحد يدلاي من هو في الاساس كان انحلت عقد ناس كثير بس يقعد سكات وكل يوم وهو يجرب في علاج واخرتها مايجيب العلاج فايدة والسبب انه يحتاج انه يعالج افكاره اولا ومن ثم يستخدم العلاج وللمعلومية كثير من المرضى النفسيين مايحتاج اي علاج نفسي يحتاج فقط علاج سلوكي ولا يحتاج اي عقار دوائي ولا اعشاب ولا حميات ولا غيره لان الوسواس عند والاكتئاب سببها فكرة وسواسية تسلطية سيطرت على افكاره وسببتله اكتئاب وهو في الحقيقة ما يحتاج اي علاج دوائي ....

بالنسبة لحالتي انا كتبت وش هو سبب الاكتئاب بكل وضوح وانا للاسف من النوع اللي يحتاج علاجات وحميات طول حياته لان الاكتئاب عندي جا بسبب صدمة نفسية تعرضت لها من المجتمع وسببتلي لذعة في المخ مثل واحد عندنا في نفس قريتي صابته صدمة وهو صغير وجاه اكتئاب ونوبات هلع بسببها الين اليوم فالطبيب الحاذق هو اللي يقدر يحدد هل المريض يحتاج العلاج ام لا ...

وبالنسبة لافكارك حاولي توضحين وش الافكار اللي تسببلك قلق عشان نقدر نحل المشكلة وعاد انتي ادرى بحالتك من غيرك ...

انا بالنسبة لي مشيت على بعض الحميات والاعشاب بعد ماتركت العلاج الدوائي لاني لاحظت انه صار معاد يأثر فيني اذا جاتني نوبات الاكتئاب الكبرى لاني اروح الطواري احيانا ويعدوني ادوية مهدئة من فصيلة الزاناكس واستخدمه ولا تأثر فيني ولا بنسبة 1% من شدة قوة النوبات اللي تصيبني اللهم تخليني كسلان ونايم طول وقتي واحس جسمي مخدر والا النوبات الاكتئابية ماتروح مني لدرجة اني فكرت في الانتحار اكثر من مرة ...

وللاسف صرت على هذا الوضع كل ما اتعرض لضغط نفسي شديد تجيني النوبات الكبرى والسبب الصدمة اللي تعرضت لها قبل ثلاث سنوات بس الحمد لله السنة هذي الاخيرة خاصة الست الاشهر هذي الاخيرة خفت عني النوبات وصارت ماتجيني مثل اول النوبات الملعونة تجي بس انها اخف من اول ولا تجيني الا اذا تعرضت للضغط النفسي او شي يضايقني ماهو مثل اول كانت تجيني من دون سبب والفضل بعد الله انها خفت عني لاني قريت كتب كثيرة لابن سينا والرازي في الحميات والاعشاب واستخدمت بعض الاعشاب والحميات وخف عني الاكتئاب بنسبة 90% حتى لدرجة اني كنت احسب نفسي تشافيت ويوم تركت الحمية رجعت مثل ماكنت والين اليوم وانا على هذي الحمية ولا اقدر اتركها والله المستعان بس

الجزء الأصعب انتهى بقي الجزء الأسهل ،،،،، بكرا أحلى غالية علينا


لي عودة هنا

المشاركة الأصلية كتبت بواسطة الحكيم الفاضل

ترى المشكلة الكبيرة ان اكثر الاعضاء هنا في منتدى نفساني مايطرح فكرته او افكاره اللي تسببله الاكتئاب بكل وضوح اللهم يجي يشتكي من دون توضيح الاسباب ولكن قلة قليلة في هذا الموقع هو اللي يطرح مشكلته الاساسية اللي جابتله الاكتئاب والوسواس

ولو انه يطرح مشكلته بشكل واضح وخاصة انه على موقع انترنت واسم وهمي يعني ماحد يدلاي من هو في الاساس كان انحلت عقد ناس كثير بس يقعد سكات وكل يوم وهو يجرب في علاج واخرتها مايجيب العلاج فايدة والسبب انه يحتاج انه يعالج افكاره اولا ومن ثم يستخدم العلاج وللمعلومية كثير من المرضى النفسيين مايحتاج اي علاج نفسي يحتاج فقط علاج سلوكي ولا يحتاج اي عقار دوائي ولا اعشاب ولا حميات ولا غيره لان الوسواس عند والاكتئاب سببها فكرة وسواسية تسلطية سيطرت على افكاره وسببتله اكتئاب وهو في الحقيقة ما يحتاج اي علاج دوائي ....

بالنسبة لحالتي انا كتبت وش هو سبب الاكتئاب بكل وضوح وانا للاسف من النوع اللي يحتاج علاجات وحميات طول حياته لان الاكتئاب عندي جا بسبب صدمة نفسية تعرضت لها من المجتمع وسببتلي لذعة في المخ مثل واحد عندنا في نفس قريتي صابته صدمة وهو صغير وجاه اكتئاب ونوبات هلع بسببها الين اليوم فالطبيب الحاذق هو اللي يقدر يحدد هل المريض يحتاج العلاج ام لا ...

وبالنسبة لافكارك حاولي توضحين وش الافكار اللي تسببلك قلق عشان نقدر نحل المشكلة وعاد انتي ادرى بحالتك من غيرك ...

انا بالنسبة لي مشيت على بعض الحميات والاعشاب بعد ماتركت العلاج الدوائي لاني لاحظت انه صار معاد يأثر فيني اذا جاتني نوبات الاكتئاب الكبرى لاني اروح الطواري احيانا ويعدوني ادوية مهدئة من فصيلة الزاناكس واستخدمه ولا تأثر فيني ولا بنسبة 1% من شدة قوة النوبات اللي تصيبني اللهم تخليني كسلان ونايم طول وقتي واحس جسمي مخدر والا النوبات الاكتئابية ماتروح مني لدرجة اني فكرت في الانتحار اكثر من مرة ...

وللاسف صرت على هذا الوضع كل ما اتعرض لضغط نفسي شديد تجيني النوبات الكبرى والسبب الصدمة اللي تعرضت لها قبل ثلاث سنوات بس الحمد لله السنة هذي الاخيرة خاصة الست الاشهر هذي الاخيرة خفت عني النوبات وصارت ماتجيني مثل اول النوبات الملعونة تجي بس انها اخف من اول ولا تجيني الا اذا تعرضت للضغط النفسي او شي يضايقني ماهو مثل اول كانت تجيني من دون سبب والفضل بعد الله انها خفت عني لاني قريت كتب كثيرة لابن سينا والرازي في الحميات والاعشاب واستخدمت بعض الاعشاب والحميات وخف عني الاكتئاب بنسبة 90% حتى لدرجة اني كنت احسب نفسي تشافيت ويوم تركت الحمية رجعت مثل ماكنت والين اليوم وانا على هذي الحمية ولا اقدر اتركها والله المستعان بس

رد كافي و وافي

اختي بكرا احلى انتي مثلي تماما , انا ايضا مرضت في طفولتي ومراهقتي ونفس المرض والله هلع واكتئاب واختلال انية ووساوس , الحمد لله على كل حال , انا ايضا امي قالت لي نفس الكلام ههههههه كنت عصبية جدا وصرت هادئة والحمد لله , وايضا مشكلتي اني دايما اقول بنفسي يا ريت لو جاني المرض النفسي في العشرينات يعني الان, احسن من الطفولة والمراهقة لانه هادي فترة حساسة وتعتبر فترة بناء شخصية وكل ما اتذكره هو المرض , لكن فورا اقول بنفسي الحمد لله على كل حال وهذه دار ابتلاء فقط على شو ازعل واتحسر ؟؟ واقول ايضا ومالهم الاطفال الصغار المرضى بالسرطان منذ ولادتهم ؟؟ يعني لما تشوفي مصيبة غيرك تهون عليكي مصيبتك , نصيحتي لكي في هذه الفترة دوري على شغل وعلى صديقات كثيرات وروحو للملاهي ومحلات المكياج والملابس والحدائق ونوادي الرياضة , لكي تذهب عنكي هذه الافكار الوسواسية المحطمة , وايضا الحب ياارب يخطبوكي بها الفترة ههههههههههههه عشان الحب يرفع السيروتونين

بكرا احلى،

الدوامة اللي انتي فيها هذي افكار كثيره افكار بين الماضي و المستقبل و الحاضر، اللي يحصل هو ان الأفكار هذي تجي في راسك و انتي مالك تحكم فيها، ومو بس انتي اي انسان يحتاج انه يتعامل التعامل الصحيح مع الأفكار. انتي بحاجة الى شيئين رئيسيين الأول هو استشاري معرفي سلوكي او استشاريه تتكلمين عن كافة شؤون حياتك و تروحين بصفة مستمره بدون انقطاع حتى لو ماكان عندك شي تقولينه، اذا ما قدرتي تحصلين على اسشاري تكلمي مع احد تثقين فيه وقوليله انك تعتبرين هذا الشيء استشاره و عشان ما تثقلين على احد. الشيء الثاني هو التأمل، التأمل مو تجيبين عصافير وتحطينها بجنبك اطلقي العصافير حرام عليك حاجره عصافير عشان تنبسطين وش الأنانية هذي متعتك على حساب تعاسة احد ثاني...

التأمل اول ما تقومين من النوم قبل الفطور افتحي الشباك وخلي الشمس تدخل و الهوا و البسي ملابس مريحه و اجلسي على كرسي او على الأرض و تكون تحتك مخده قاسية شوي عشان يتعدل ظهرك. اهم شي انك تعرفين ما فيه احد راح يدخل عليك او يدق عليك سكري جوالك. بعد ما تجلسين راقبي افكارك شوفي وش الأفكار اللي بتجي في راسك و ايش نوعها وليش جت حلليها على كيفك،اذا ما تبين تحللينها مو مشكله فكري في شي ودك تفكرين فيه اذا ما جاء براسك شي فكري في مكان هادئ و فيه طبيعه و اشجار و ماء. عقلك اللاواعي يبداء يهدء شوي شوي بس قبل ما يهدئ اذا يبي يرسلك كم فكره يحاول فيك ترجعين لنفس مستوى التفكير السابق عشان تفكرين انتي اذا حسيتي براسك افكار فكري اذا ما تبين تفكرين لا تفكرين، كل يوم اجلسي الجلسة هذي قد ما تطولين يكون احسن بتحسين زاد تركيزك و نشاطك خلال اليوم لأن الأفكار اللي تجيك بلعاده انتي تخلصتي منها في الصبح ولو سويتي هذا الشيء في الليل مو مشكله لكن الأفضل الصبح بعد ما تشوفين تأثيره بتسوينه ثلاث مرات في اليوم. اتبعي هذي الطريقة في التأمل وشوفي اليوتيوب اجلسي عشر او عشرين او ثلاثين دقيقه و اذا عندك سؤال اسألي .

تشخيصك لحالتك يدل على انك بتلاحظين الفرق مع التأمل، فيه حلول ثانيه بس جلسات التأمل افضل حل، حاولي حتى لو ماحسيتي في شي في البداية خلي بالك طويل و استمري و بتشوفين الفرق ...

المشاركة الأصلية كتبت بواسطة طـلال

ما تشوفين الا كل خير أن شاءالله .. طيب شرايك باللي مايتذكر طفولته الا أجزاء بسيطه فقط !
اقولك شي دوامه الافكار انا فاهم وش تقصدين اسئله داخل راسك مالها معنى ولا لها اجابه إذا اطرديها من راسك
كلنا محتاجين ترميم .. خصوصا الي ذاق المرً من حيآته صدقيني الشغله مو بكثر الأصدقاء بإمكان صديق واحد أن يشيلك من كل همومك وتعبك وتفكيرك
وعشره يزيدونك هم وغم وتعب .. ,

أنا أمي أحيانا أحس اني ما اعرفها حق المعرفه ُ لكن بيجي اليوم الي أكسر فيه كل هالحواجز

العلاقه مع الله + الأم والأب + حب روحك = توازن ورضى وتفاؤل

أنا اقولك هالكلام مع اني ما اطبقه بس مقتنع فيه يا بكرا احلى

يارب يجي اليوم الي تشقين ضحكتك من جد

موفقه

الله يجزاك خير طلال

صحيح كلامك الله المستعان

اللهم امين ويااااااااك تسلم والله

الحكيم انا فصلت بكلامي وافكاري عباره عن دوامه تساؤلات وقلتها فوق

اما سبب اكتئابي المس ..

وانا مابي حيل للحميات مثلا او غيرو

مشكور

المشاركة الأصلية كتبت بواسطة المنقرش

الجزء الأصعب انتهى بقي الجزء الأسهل ،،،،، بكرا أحلى غالية علينا


لي عودة هنا

ايييه الحمدلله والشكر ..

تسلم المنقرش من ذوقك

المشاركة الأصلية كتبت بواسطة عندي امل

اختي بكرا احلى انتي مثلي تماما , انا ايضا مرضت في طفولتي ومراهقتي ونفس المرض والله هلع واكتئاب واختلال انية ووساوس , الحمد لله على كل حال , انا ايضا امي قالت لي نفس الكلام ههههههه كنت عصبية جدا وصرت هادئة والحمد لله , وايضا مشكلتي اني دايما اقول بنفسي يا ريت لو جاني المرض النفسي في العشرينات يعني الان, احسن من الطفولة والمراهقة لانه هادي فترة حساسة وتعتبر فترة بناء شخصية وكل ما اتذكره هو المرض , لكن فورا اقول بنفسي الحمد لله على كل حال وهذه دار ابتلاء فقط على شو ازعل واتحسر ؟؟ واقول ايضا ومالهم الاطفال الصغار المرضى بالسرطان منذ ولادتهم ؟؟ يعني لما تشوفي مصيبة غيرك تهون عليكي مصيبتك , نصيحتي لكي في هذه الفترة دوري على شغل وعلى صديقات كثيرات وروحو للملاهي ومحلات المكياج والملابس والحدائق ونوادي الرياضة , لكي تذهب عنكي هذه الافكار الوسواسية المحطمة , وايضا الحب ياارب يخطبوكي بها الفترة ههههههههههههه عشان الحب يرفع السيروتونين

سبحان الله تشبهينلي كثيرررررررر .يلا انتي تؤامي 2 هههههه

شوفي انا عكسك احمد ربي ان التعب جاء بمراهقتي لان وقتها حياتك لحالك بس مكلفه بدراسه بالرغم من انها حساسه

اما بدايه العشرينات نخلص دراسه ونبدا ننغمس بالحياه أكثر من وظيفة ل ااا زواج ههههه

والحمدلله لله حكمه سوا اول او اللحين ..

ان شاء الله نبدأ حياه جميله وربي يعيننا

ادعيلي احصل وظيفة مع اني متخوفة الحمدلله

اما الزواج ههههه مو وقته ابغى اصحصح تمام وربي يكتب اللي فيه الخير

مشكوره حبيبتي

المشاركة الأصلية كتبت بواسطة المنقرش

بكرا احلى،

الدوامة اللي انتي فيها هذي افكار كثيره افكار بين الماضي و المستقبل و الحاضر، اللي يحصل هو ان الأفكار هذي تجي في راسك و انتي مالك تحكم فيها، ومو بس انتي اي انسان يحتاج انه يتعامل التعامل الصحيح مع الأفكار. انتي بحاجة الى شيئين رئيسيين الأول هو استشاري معرفي سلوكي او استشاريه تتكلمين عن كافة شؤون حياتك و تروحين بصفة مستمره بدون انقطاع حتى لو ماكان عندك شي تقولينه، اذا ما قدرتي تحصلين على اسشاري تكلمي مع احد تثقين فيه وقوليله انك تعتبرين هذا الشيء استشاره و عشان ما تثقلين على احد. الشيء الثاني هو التأمل، التأمل مو تجيبين عصافير وتحطينها بجنبك اطلقي العصافير حرام عليك حاجره عصافير عشان تنبسطين وش الأنانية هذي متعتك على حساب تعاسة احد ثاني...

صادق انا الافكار تحوس برأسي شي من الماضي وأشياء من الحاضر بس اكثر شي الماضي
مررره احتاج للاستشاري المعرفي احس هو بعد ربي بيتفهمني ويعطيني حلول منطقيه
بس للأسف منطقتي مافي عندنا لازم اضطر أسافر للرياض وهالشي صعب الحمدلله بسس
عشان كذا انا احترت زود ومدري وش الحل
اما البديل اتكلم مع احد مااقدر جربت ومازبطت معي لان محد يستوعب كلامي ومايفهموني للأسف
ولا احصل احد بس هو نفس مشكلتي ويحتاج حل

هد شوي ترا العصافير للزينه عادي يعني ومدلعتهم أكل شرب ترويش واطلعهم احيانا بالغرفه
وهذي ألطريقه قالها لي معالج بالاسترخاء وأنها نفعتتتتت ناس كثير بعد ربي
بس سلبيتها انها ممله شوي


التأمل اول ما تقومين من النوم قبل الفطور افتحي الشباك وخلي الشمس تدخل و الهوا و البسي ملابس مريحه و اجلسي على كرسي او على الأرض و تكون تحتك مخده قاسية شوي عشان يتعدل ظهرك. اهم شي انك تعرفين ما فيه احد راح يدخل عليك او يدق عليك سكري جوالك. بعد ما تجلسين راقبي افكارك شوفي وش الأفكار اللي بتجي في راسك و ايش نوعها وليش جت حلليها على كيفك،اذا ما تبين تحللينها مو مشكله فكري في شي ودك تفكرين فيه اذا ما جاء براسك شي فكري في مكان هادئ و فيه طبيعه و اشجار و ماء. عقلك اللاواعي يبداء يهدء شوي شوي بس قبل ما يهدئ اذا يبي يرسلك كم فكره يحاول فيك ترجعين لنفس مستوى التفكير السابق عشان تفكرين انتي اذا حسيتي براسك افكار فكري اذا ما تبين تفكرين لا تفكرين، كل يوم اجلسي الجلسة هذي قد ما تطولين يكون احسن بتحسين زاد تركيزك و نشاطك خلال اليوم لأن الأفكار اللي تجيك بلعاده انتي تخلصتي منها في الصبح ولو سويتي هذا الشيء في الليل مو مشكله لكن الأفضل الصبح بعد ما تشوفين تأثيره بتسوينه ثلاث مرات في اليوم. اتبعي هذي الطريقة في التأمل وشوفي اليوتيوب اجلسي عشر او عشرين او ثلاثين دقيقه و اذا عندك سؤال اسألي .

اممممم بجرب واشوف والله ينفع فيها
قد سويتها هذي ولا سمعت فيها


تشخيصك لحالتك يدل على انك بتلاحظين الفرق مع التأمل، فيه حلول ثانيه بس جلسات التأمل افضل حل، حاولي حتى لو ماحسيتي في شي في البداية خلي بالك طويل و استمري و بتشوفين الفرق ...

الله يعطيك العافييييه ماقصرت منقرش

انا ترى انك انسانه تتمتع بروح مرحه جدا
ومن يتمتع بهذه الروح يستطيع ان يندمج مع حياته والمجتمع بسهوله
اولا لابد ان يكون لديك اهداف مرسومه مثلا اقوي علاقتي ب ----
اسوي زيارات ورحلات
عمل
احفظ
يعني اهداف انتي ودك توصلين لهاوابدئي بالتفكير والترتيب لها
الحمد لله ع سلامتك بكرا احلى
وان شاء الله من اليوم كل يوم احلى

هههههههههه اهلا بتوامي , ان شاء الله يارب نلاقي وظائف انا وانتي وبنت الظبي عشان القعدة بالبيت تجيب المرض

نادر مشكور اخوي ..

عندي امل هلاااااا فيك _* ههههه

امين يارب ربي كريم جلسه البيت قرف يختي ومرض واكتئاب بس يلا الحمدلله