ودي أكون سعيده بحياتي

ودي أكون سعيده بحياتي

السلام عليكم ورحمة الله وبركاته
انا طالبه في اخر سنه بالجامعه

مشكلتي ان ليس لدي صديقات حتى الأن

اشعر بالملل ، صحيح تأقلمت مع هذا الوضع مما خلاني احب القراءه وتصفح النت للقراءة ما يخص المرأة

لكن احتاج لشخص اتكلم معها وافضفضلها ، يكون قلبها علي ، وتسأل عني دايم

صارت لي صدمات كثيره من بنات او متزوجات تعرفت عليهم في السابق مما خلاني احط في بالي لا للصديقات بعد اليوم ، لأنهم كلهم مصالح وبس ، وعشان تكونين على بينه هذي احد القصص اللي صدمتني كثيير وما تحملت ابد ، وهي تعرفت على بنت في لما كنا في المرحلة المتوسطه واستمرت صداقتنا مده ثمان سنوات وكانت دايم تلقي على بعض الكلمات البذيئه ولما ازعل اهلي يقولون لي انتي حساسه بزياده وهذي صديقتك ما تزعلين منها مهما كانت ،وقلت خلاص بصبر واتحمل من أجل الصداقه كانت تقول ((صايعه وداشره وضفي وجهك ) من باب المزح وبعدها انخطبت البنت وصارت ما تكلمني كثير وقلت معليش مشغوله وتجهز نفسها للزواج والصدمه القويه انها ما عزمتني لزواجها وما ادري وشو السبب، وكانت تقول انها احس مني لأنها تزوجت وانا لا وفي الأخير بعد زواجها بشهرين واتصلت علي وكأن شي لم يكون ولا حست اني زعلت منها ، بس انا ما تحملت اني حتى اسمع صوتها وطلبت منها ما تكلمني وانقطع عنها احسن ، اذا الصداقه تسوي كذا ما ابيها ، واهلي قالوا عني اني ما استحي ومو راعيه خير لأني قلت كذا ..

وزي ما قلت هذي احد القصص

المشكله الحين ، ودي اكون سعيده والناس حولي ،أنا مرتاحه الحين في حياتي بس ما اتكلم ، دايما ساكته لا صديقات ولا اخوات ولاقريباتي

احس الناس صارت ما تهمها الا مصلحتها ما فيه تقدير ولا احترام بين بعضهم

ابي اعرف كيف اختار صديقاتي وانا في هذا السن عمري (( 24 سنه ))
احزن كثير لما اروح الجامعه واشوف هذا تحضن زملاتي اللي ما شفتها من زمان ومجموعه جالسين حلقه ويضحكون ومبسوطين .. ، وعلى فكره انا مو متزوجه ، ؟



والشكر والتقدير لمن يساعدني

وعذرا على الأطاله

تحياتي

المصدر: نفساني

وين المختصين يردوا علي

انتظركم
يأهل الخبره والأختصاص

Up Up UP Up up