|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
10-10-2011, 05:08 PM | #1 | |||
عضو جديد
|
أشوف الوقت عيا ماصفالي يناكدني وأنا عيني شقيه
السلام عليكم .. ما كنت أتصور بيوم أكتب عن أغلى شخص بحياتي وهي أختي أنها مصابة بالأكتئاب .. قبل ما أكتب مشكلة أختي بتكلم عن شخصيتها قبل المرض .. أختي كانت أكثر شخص في البيت متفائل رغم الظروف القاسية اللي مرينا فيها بحياتنا .. كانت متفائلة أي واحد فينا يمر بمشكلة كانت تسمع له تعطيه كلام إيجابي تساعده تتعب نفسيا لا حصل لأي شخص بالبيت مشكلة .. عقلانية.. صريحة .. تحب الضحك.. الهدوء.. إذا تناقشت معها بموضوع تفيدني برايها .. أسلوبها مقنع.. كتومة جدا ولاتحب تشتكي من أي شي يحصل لها مهما كان .. ماتحب الضوء القوي ولا الأصوات العالية .. أحيانا تكون مزاجية .. بالفترة الأخيرة تحسنت أوضاعنا شوي ألا أختي تخرجت وجلست بالبيت بس ماكانت متضايقة من هالشي وتقول أنا الحمدلله سعيدة ومبسوطة بالبيت .. قبل ثلاث شهور بالضبط تغيرت أختي تماما وكأن أختي اللي أعرفها ماتت .. طلبت أمي بيوم طلب وأمي رفضت طلبها لكن بطريقة غير مباشرة جلست أختي بعدها تبكي ونامت .. بعد ماصحت من النوم.. لقيت شخص ثاني.. تبكي وجهها حزين تجلس بالظلام تقول النور يوجع عيوني ما أقدر أتحمله تجلس لوحدها تاكل لوحدها ماتبي أحد يشاركها الجلسة ولا حتى الكلام .. ماتكلم حتى أمي بس كل أسبوع تسلم على أمي وتبكي .. حتى الغرفة اللي تشاركنا فيها همومنا تركتها تقول ما أبي أسمع أو أشوف أحد.. أمس فاجئتني جتني وضمتني وتبوسني تقول وحشتيني سامحيني أنا مريضة فيني مرض الأكتئاب وأمس آكلت حبوب البروزاك وتحسنت كثير ورجعت أحسن من الأيام اللي راحت وهي تبكي أنا ماقدرت أتكلم وكنت أبكي على حالها .. قالتلي مافيه شي بهالحياة يخليني سعيدة واللي يحصل لي نتيجة تراكمات نفسية للسنين اللي مضت وكرهت أبوي لأنه السبب في الحالة اللي أنا فيها لكن بتحسن بعد العلاج وسامحيني على تصرفاتي وتركتني وطلعت من الغرفة.. حياتنا من كنا صغار وهي كلها مشاكل ومصايب وقلق وهم والسبب أبوي .. لكن لنا تقريبا سنتين من تركنا وحنا وضعنا تحسن شوي لكن أنقطعنا عن الأقارب والناس وأختلاطنا بالناس فقط في العمل.. لكن رغم هذا تأقلمنا على وضعنا وكنا نتفائل بالمستقبل اللي بيكون أفضل وراضين باللي كتبه ربي لنا وكنا نضحك ونسولف كل يوم وناسين الي صار لنا السنين اللي فاتت.. بعد كل اللي كتبته وش تفسيرك يادكتور للي حصل لأختي وهل حبوب البروزاك مفيدة ولازم الأستمرار عليها هل ممكن يتحسن حالها وترجع أختي طبيعية مثل قبل؟؟ ساعدني يادكتور أقسم بالله حالة أختي حطمتني وكرهت الحياة بسبب اللي يصير لها محتاجة أختي ترجع لي مثل قبل .. المصدر: نفساني
|
|||
|
10-10-2011, 06:19 PM | #2 |
مستشار
|
أختي فورتي:
الحمد له ان أختك اهتدت أخيرا للعلاج الدوائي فعلا اختي الإكتآب يغير الشخص ويجعله شخص آخر وما وصفتيه عن اختك هو وصف دقيق لمرض الاكتآب ولا اعلم ان كانت اختك سترجع الى سابق عهدك بها تماما ولكنها حتما سترجع بنسبة جيدة البروزاك دواء ممتاز وعليها ان تستمر عليه مدة 6 شهور بشكل متواصل ومن الممكن زيادة الجرعة الى 40 ملجم او 60 ملجم جرعة واحدة يوميا صباحا لزيادة التحسن، وان شاء الله تفرحي بعودتها |
|
10-10-2011, 07:46 PM | #3 |
عضو جديد
|
شكرا لك على الرد دكتور رعد.. عندي سؤال لو سمحت .. قبل إصابة أختي كنت أحب أقرى عن المواضيع والمشاكل النفسية .. واللي فهمته من قراءتي لهالمواضيع أن الشخص لابد تتغير البيئة اللي هو موجود فيها عشان يزول الأكتئاب .. واللي أكد لي هالشي أختي قالت لي لاتهتمين ولاتحزنين على حالتي لأن حياتنا هي نفسها ولا فيه شي يقدر يسعدني وأتمنى ربي خلقني ماأتكلم ولا أسمع أريح لأني تعبت من الكلام .. لأني ما عاد أتحمل أسمع هموم أو مشاكل أحد .. يعني اللي بوصله لك يادكتور هل أختي بيستمر معها الأكتئاب مادامت حياتنا ماتغيرت حتى مع أستخدامها للحبوب.. الله يوفقك يادكتور رعد تجاوبني .. والسؤال الثاني كيف نقدر نتعامل معها .. لأنها قالت من ضمن كلامها لي (يعني ما أقدر آخذ منك طاقة إيجابية ؟؟) كلامها حسسني أنها كانت تنتظر مني كلام يريحها ولا يحسسها بصعوبة مرضها وأنه مجرد مرض بسيط .. أنا كان ردة فعلي دموع وكلامي ما كان كثير من الصدمة بس كنت ألومها شوي على الفترة اللي راحت وهي ماتكلمني .. |
|
14-10-2011, 08:00 AM | #4 | |
مستشار
|
اقتباس:
|
|
|
14-10-2011, 03:16 PM | #5 |
عضو جديد
|
أبشرك يادكتور بعد اللي صار كتبت لها رسالة بأني ما ألومها على شي ومسامحتها وعارفة طبيعة مرضها وأتمنى ترجع علاقتنا مثل قبل وأحسن .. بعدها بيوم دخلت علي وقالت تأثرت يوم قريت رسالتك وبكيت منها وأن شاءالله حالتي فترة وتعدي .. اللي فاجئني لها يومين تجلس معنا !! تضحك!! كلامها كله تفائل!! تاكل معنا!! تسولف!! سبحان الله تغيرت بشكل مو طبيعي .. الحمدلله يارب .. شكرا يادكتور ..الله يجزاك الجنة يادكتور رعد على مساعدتي.. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|