استشارة

استشارة

السلام عليكم ورحمة الله وبركاته

بحكي لكم مشكلتي مع بنتي على أمل ان تساعدوني بالحل
خايفه عليها ومو عارفه ايش اعمل لها لاني
انا اكثر منها تعب :(
راحت المدرسة وما كان فيها اي شيء وكمان بقولكم ما شاء الله بنتي
من النوع الجاف ابداً ما كأنها بنتي سبحان الله انا وابوها من النوع الحساس
نتألم عشان الأخرين بشكل ..وهي لا ابداً ..
المهم وهي في الفصل طاحت فجأة زميلتها من المس الله يشفيها
وطبعاً انتو عارفين حركات الي عندهم مس وبنتي أول مرة تشوف هيك
وجتها صدمه قوية وتقيئت في الفصل ومن بعدها تكرر تعب زميلتها قدام بنتي
وبعدين البنت الله يشفيها تركت الدراسة وبنتي خلاص تعقدة من الخوف والرعب
وللحين اصبحت لا تنام الا وانا لازم انام بجنبها وتسمع اي صوت في الشارع
تخاف يعني حالتها مو مستقرة وعندها قلق واصبحت مثلي تسمع القرآن وتجري
عندي من الخوف وكرهت المدرسة واليوم طفشانه واسمعها وهي تتكلم لحالها
تقول حرام عليها خوفتني والله ما اسامحها ابدا ياليتني القاها عشان اقولها ارعبتيني
قلت انا لها مين هذي لا تكون البنت حرام تعبانه قالت قصدي امها ليه تخليها
تجي المدرسة وهي هيك ليه ما فكرت فينا احنا البنات ؟؟
المهم كيف اعمل معاها خفت عليها وانا أصلاً بصراحه تعبانه مثلها ..
كيف ازرع فيها شيء مو فيني ..

المصدر: نفساني