الله يجزآكم الجنه آفيدوني ... !

الله يجزآكم الجنه آفيدوني ... !

السلآم عليكم ورحمه الله وبركـآته ... ♥


شدتني مواضيعكم .. وخـآصه انها تحكي عن شي اعانيه .. =(


بقولكم الي صارلي وبحآول آختصر ...
واتمنى استفيد من ردودكم .. ,

طبعآ زي الكل بالبدايه جاني فججأه ! لدرجه اني كنت ع اللاب ولاافكر لابالموت
ولا باي شي وكنت لاهيه ! فجـآه حسيت بضيق وخوف ودقات قلبي بدت تسرع !
حاولت اتجاهل بس كل شوي يزيد اكثثثر !
صرت اشوف حولي من الخوف ماقدرت حسيت اني خلااااص بموت
وربي لدرجه قعدت اشوف الشباك قلت ملك الموت بيدخل من عنده !!
سكرت اللاب وقمت اركض ابي اروح لامي ابي اشوفها قبل اموت =(
قعدت اناديها وطلعت لها كانت تمشي بالحوش وقفت اناظرها مابي اخوفها
مابي ابكي قدامها وخاصه ان ابوي واخواني ماكانو بالبيت فماكنت ابي اخوفها
سكتت قالت وش فيك ! قلت مدري بس خخخخايقه ! والله كنت احاكيها ويدي ع قلبي
انتظره يوقف باي لحظه ! قالت من ايش قل مادري بس خخخخخايفه !!
وقفت وقالت اقعدي وتعوذي من الشيطان وقعدت عندي حسيته شوي وخف !
وعادي مر يومي طبيعي بس بخوف لاني ماادري وش الي جاني !
نمت بالليل حلمت بجدتي مع العلم انها متوفيه حلمت فيها تسلم علي وتبكي
وتضمني وتسالني وش اكلت ووش سويت وانا كنت زي المستغربه منها !
صحيت من النوم وانا خخخايفه والله كنت بهم مايعلم فيه الا الله
سالتني امي وش فيك قلت لها الحلم ! وقعدت طول اليوم لااحكي وبس تفكيييير
بالليل ماقدرت انام اخاف انام واموت وانا نايمه =(
ليم الصباح ابوي واخواني راحو يداومون دخلت ع امي لقيتها قاعده قالت وش فيك قلت
مافيني شي ! ورحت عنها ع طول دخلت الحمام قعدتتت ابببببكي فيه ماكنت
ابي ابكي قدامها خاصه انها هي من النوع الخواف بزياده ف خفت اخوفها
بس ماقدرت رجعت ادتني ودخلتعندها قعدتتتتت ابكي قلت لها انا عارفه اني بموت
والله العظيم اني كنت ارتجججججججف ومافيني اي طاقه ولوني رايح
خلاص كنت احس ان هذا اخر يوم بحياتي !
دقت امي على ابوي ورجع من الدوام وكلمت خالتي وصار عند خالتي مدرسه تفسرالاحلام
كلمتني بنفسها هالمدرسه وفسرت لي الحلم قالت لي ان مافيه اي شي يخوف
وان كله حلو ! لدرجه كانت تحلف لي ! وانا كنت ابكي مادري اقوولها ليش ماحلمت فيها الا انا ! وش معنى انا ! هي ماقدرت تحاكيني وكلمتني خالتي وهديت وتكلم مع ابوي
وامي واخوي بس ماكان بتفكيري الا اني بموت !
هديت وشربت مويه مقري فيها ونمت !
ليم صحيت من بكرى الحمدالله مافيني اي شي ! ولامتت ولاجاني اي شي الحمدالله
ومن بعدها وانا تفكيري بالموت ! بكل شي وكل يوم اقول خلاص هذا اخر يوم لي
من شده التفكير رجعت حلمت مرا ثانيه حلم متخربط
بس سمعت صوت بالحلم واحد يقولي بتموتين بكرى !!!
بغيت انهبل ونفس الموال رحت لامي وبكيت وجننت اهلي ! وجاء بكرى
ومرت 24 ساعه والحمدالله ماصار لي اي شي !!!!
هذي بدايته ... بس مع الوقت صار يجيني طول الوقت مااحتاج لحلم عشان اخاف
فجأأأه احسس بالموت ! وتبدا دقات قلبي تزييد وابددى ارتجف وخلاذ اصير ماافكر الا
بهاللحظه يتعطل كل تفكيري وانسى كل شي ! لم يجيني هالاحساس اكلم ابوي
وامي اصير ابيهم قدامي ابيهم حولي ابي اشوفهم قبل اموت ! لم احس بكيذا
والله مايصير فيني حييل للحركه من الخوف وبنفس الوقت مااقدر اقعد اصير
ادور واقوم واقعد
اوقات اسغفرالله من شدته اقول ياليتني مانخلقت =(
صار يجيني دااااااايم ووقته حول المغرب يبدا يضغط ع قلبي وابدا اخاف
الضيقه طوول الوقت اجس بشي ققاااعد ع قلبي لاافرح ولانبسط باي شي
مهما اطلع مهما اروح تبقى الضيقه ويبقى الخوف
صار ابوي يقرى علي كل مااجي انام يقرى علي وينفث وانا اقرى على نفسي
عمتي تقول روحي لدكتور ننفسي ! ع الاقل بس استفسري منه !
مممماادري وش الحل ! امي تاخذ حبوب نفسيه ويجيها نفس هالاحساس
ولم تحكي عن الي يجيها كانها تحكي عني وعن الي يجيني !
برضو اخوي الكبير مر فيه هالششي والحين الحمدالله راح !
ولم دخلت النت وقريت القصص الي هينا والي بغير هالمنتدى ناس كثير يجيهم
الحمدالله ارتحت شوي الي كان زايد علي اول اني ماكنت اعرف وشو هذا
ووشو هلي يجيني امي قايل لها الشيخ عين ! وكانت تقرى من قبل ! بس انا الحمدالله
يقرى علي ابوي وانا اقيى ع نفسي واشغل البقره قبل انا
مااحس بشي بالعكس ارتاح !
سالت دكتور صديق ابوي وقاله عن حالتي قال عادي وطبيعيه
و 7 من 10 من الناس تجيهم ومايحتاج تروح لدكتور بس بهالمرحله هي لازم تعالج نفسها
بأنها تبعد عن الي يخوفها او يثير الخوف فيها !!
تطمنت شوي من كلامه ومن كلامكم الله يجزاكم الججنه ♥
واستغليت هالايام وهالامطار اطلع تحت المطر وادعي وابكييي والحمدالله
خخخفت كثييير عن قبل حتى الضيقه بديت الهى عنها
بس فيني شي غريب ! انها لم تروح وتروح الضيقه اخاف ! اقول ماراحت
الا لاني بمووت =( !! واتظايق من تفكيري هذاا =( والشي الثاني اني لم اقرى
ولااعد ولااسوي اي شي مدري بس اقول اذا ماكملت هالشي بمووت =( !!
ولم اسوي شي ولااطلع خلاص احس ان هالشي هو اخر شي بسويه =( !!!



مممممممماادري في احد يجيه نفس هالتفكير ونفس الي يجيني !!
اتمنى تسساعدوني =(

* ملاحظه / اخواني خواتي وانا قبلم اسستغلو هالايام وهالخير
اطلعو تحت المطر خلوه يغسلكم من همومكم وابكوو وادعو الدعاء بالمطر مستجاب
والله اني لم طلعت ودعيت الحمدالله من بكرى لاحظت تغير بنفسيتي !
لاتحرمون نفسسكم هالفرصه .... "
الله يششافيني وياكمم ويجعل ممانمر فيه تكففير لذنوبنآ يآ رب ♥

المصدر: نفساني

اه اه اه يااختي سبحان كلامج كله واعراااضج وتفكيرج مثلي حتي انا بدااايت الهلع تحلمت بجدتي الله يرحمها ،،،
وخفت حيل ومرا سنه وشوووي علي الحلم والخوووف وماصار شئ بفضل ربي ،،،
انا مارحت دكتور نفسي وان شاء الله اذا الله راد خلال هالاسبوعيين بروح بس عندي كورس علاج حق جرثومة المعده بس اخلص اطلع علي الدكتوره وقبل لا ابدا بعلاج الجرثوومه كنت احسن بواجد بس امس واليووووم جداً تعبانه راسي من فوق احس فيه شئ مو الم ثقل يمكن بس اخف شووي ودي افتح راسي واطلعه ،،، الظاهر العلاج قووووي علي مو قاده اتحمله ،،،
وانا نصيحتي لك دام امك نفس حالتك واخوووج بعد الله واعلم انها بالوراثه عندكم اذ تقدرين تتلتزمين وتصبرين عطي نفسج مخلة 40 يوم سوي لج برنامج كامل من قراءة قران ورقيه شرعيه وزيت وماي مقرئ عليه وتكثفين الادعيه خصوصاً دعاء اللهم اسئلك العفو والعافيه ،،، واذا مافي تحسن روحي لدكتور نفسي لان انا من كثر مو اعصابي مشدوده ونفسيتي صفر والشهيه مسدوده لعبت بحسبت الفيتامينات عندي ماابيج تتعبين اكثر حاولي واذا مانفع روحي للدكتور
واحنا هني خواتج واخوااانج لايردج الا لسانج كل مااحتجتي تفضفضين ادخلي بس

مرحبا فيك اختي معنا في نفساني
هين حبيبتي ان شاء الله لا تخافي
انا كمان مريت بالحالة وسواس الموت و الهلع
لكن الحمد لله اخذ فترة و راح تطمني ما فيك شيء ان شاء الله
كله خير
حاولي بس تغيري جو و تغيري طريقة تفكيرك و عيشك و ربي يشفيك
زيارة اختصاصي نفسيي رح تساعدك كثير باذن الله

انا الحمدالله لم شفت غيري هانت علي مصيبتي
بس الي متعبني تفكيري بأنهآ حتى لوراحت ابقى افكر بأنها
راحت لاني خلاص بموت !
او لم اسوي اي شي اقول خلاص هذا اخر شي بسويه !!
او لم اعد شي ولااقرى شي لام اكمله اقول اخاف اذا ماكملته اموت =(
هالتفكييير هو اكثر شي متعبببببببننني =( !!

ايه اختي انا كمان كنت مثلك تفكير الموت ملازمنا كل لحظة
نفسر كل حركة كل نظرة كل حلم كل ....
على حالتنا
انا بقدر حالتك لاني مريت بمعاناتك لكن ما ابغاك تستسلمي حاولي تكوني قوية و صدقيني الوساوس كل مرة بتكثر عليك لكن قد ما جاهدتيها باذن الله رح تتخلصي منها
اكثري من الاستغفار و الذكر و الاستعاذة من الشيطان الرجيم
و ربي يشفيك يالغلا و قبل ما انسى انا عن تجربة رحت لمختصة نفسية و نصايحها فادتني كثير بفضل الله
لذلك انصحك بذلك و الله المستعان

يعني شي طبيعي هالتفكير !!
وفي احد مر عليه كيذا !

والله يججزاك الجنه يعني تنصحيني اروح استفسسر بس !!
لاني ماودي ادخل نفسي بعلاجات وحبوب !

آمين يا رب و لك بالمثل
ايه اختي انا مريت بحالتك مثل ما اخبرتك
و المختصة تعالجك سلوكيا ما اتوقع انها رح تعطيك حبوب لان هذا من اختصاص الطبيب
اما المختصين فعالاجهم مختلف

عنجد كلامك رجعني للوراء كتير .....لكن صدقيني لو تقاومي
هاي الوساوس كتير راح ترتاحي .. يعني ازا شفتي حالك لازم تعدي ما
تعدي ولازم ازا خلصتي العد
بتموتي حبيبتي ما راح تموتي بأذن الله قاومي لازم تقاومي لازم لازم
احكي لحالك يعني ازا انا ما كملت عد بدي اموت وازا كملت ما راح اموت
لا هالشي مو صحيح لازم تقنعي نفسك انو مو صح
جربي مرة وشوفي.. وازا حسيتي حالك بدك تعدي طنشي العد
اشغلي نفسك باي موضوع تاني وبس بدك تخرجي من البيت وانك
تحكي هاد اخر مشوار الي عمرك يا عزيزتي ما راح تتحسني لازم تكوني
قوية كتير منشان نفسك واهلك ولازم تقاومي
وصلي الفرائض باوقاتها والدعاء لله والتضرع له وزوري
دكتور ازا العائلة ما بتعارض واتمنى الك وللجميع الشفاء بأذن الله

كل هذا الي فيك بسبب الهلع هو الي سبب لكي وسواس الموت لاتخافي مرينا بالي فيكي واكثر بس الحمد الله فتره وعدت شوفي حبيبتي روحي للطبيب نفسي بيساعدك كثير وعليك بالرقيه الشرعيه وماء زمزم وأقوالك كل الي فيكي من هذه الافكار عدت علينا كلها أوهام ولان يصيبك الا ماكتب الله لكي والله يعطيكي ويعطينا طول العمر في طاعته

ماراح تصدقي لو قلت لك كانك تتكلمي عن نفسيتي وافكاري
انا مثلك من جاتني الحاله وانا اخاف اطلع. او اسوي اي شي اقول لو سويت هالشي بموت لو طلعت هذا اخر مشوار لي ربي راد اطلع الحين لاني بموت لو ولو ولو انقلبت حياتي فوق تحت وصايره افكر بكل خطواتي واحسب حسابها. وكثرت احلامي وكلها تعني الموت
الحمد لله احس اني افضل من قبل
لكن الى الان تجيني هالحاله
مثلا امس جانا مطر وانا كنت قبلها مفكره اطلع مشوار بعدين. جاني احساس انه لو طلعت هالمشوار. راح نصدم من المطر واموت وهذا اخر يوم بحياتي وجلست طول اليوم وانا افكر اطلع والا اماطلع
ولو طلعت بموت ولو ماطلعت مادري شنو بيصير وراح اليوم وانا ماطلعت ولا موت
الحمد لله علئ كل حال
تطمني كلنا ينفس حالتك وان شاء الله. نتعالج ونخف الله يشفينا من هالمرض والوسوواس

الله يعطيكم العافيه ريحتوني ..
بس انا مرت علي يومين خفيت الحمدالله لدرجه حتى الثقل الي بقلبي والضيقه راااحح ..
بس الحين احسني راجعه زي اول !
طول الوقت تفكير وخوف ولالي رغبه بالاكل ولا الكلام ولا اي شي !!

هنا يقولون لي روحي لدكتور ! والي حولي لا يقولون روحي لشيخ الي فيك عين !
ولم اسال طبيب ولا احد عنده خبره بعلم النفس يقول هلع وقلق ومن هالحكي !!
احسسني تخربطت ولاني عارفه اروح لشيخ !! ولالطبيب نفسي !!

سلامتك اختي
مرت علينا حالتك نقول تحسنا و نرجع للورا
بس لازم تداومي على العلاج و ما تستسلمي
روحي للشيخ و روحي للطبيب و روحي للمختص
و لا تنسي اولا و آخرا ان تطرقي باب الله تعالى سبحانه
فهو قريب مجيب الدعوات
و لا تنسينا من صالح دعائك

اذا ماودك بالعلاجات والحبوب ,,

اتجهي إلى أخصائي نفسي إكلينيكي ممتاز يعالج بالسلوك المعرفي واشرحيله حالتك ,,

-----------

ويمكنك أيضا الإستشارة عن طريق الأونلاين من هذا الموقع المتخخص مع إيضاح عدم رغبتك بالعقارات والادوية

وتكون إستشارتك في تمام الساعة 8.00 صباحا بتوقيت مكة المكرمة لان الموقع مايستقبل الطلبات

إلا بهذا الوقت عن طريق الخيارات الموجدة عاليمين ومن خيار اطرح سؤالك ,,

http://www.islamweb.net/consult/inde...isting&pid=326

الله يعطيكم العافيه ''
ويشافيني ويشافيكم ويطول بعمري واعماركم ع رضاه وطاعته ،،


الموقع مأقدر استفسر بغير الساعه 8 !

سبحان الله...لن تقتنعي بكلامنا الا أن تهدأ نفسك بنفسك...فمهما تحدثنا لبعضنا وتبيان أن كل هذه الأعراض ماهي الا وساوس من الشيطان ومن حديث النفس لن تقتنعي ابداً...

انصحك كثيراً بالعلاج السلوكي وفي هذي الفترة بالذات حاولي قدر المستطاع أن تتجنبي الوحده ولو لدقائق..وحاولي أصطناع الضحك كثيراً ففيها تخفيف من الضغط المستمر على الأعصاب بسبب التفكير المستمر في هذه الوساوس...

وان شاء الله فترة وتعدي وتصبح من الماضي المضحك لك وللأبناءك...

تحيتي..

أبوبتال...