علموني ياجماعه

علموني ياجماعه

علمونـي ياجماعـه جيـت ابسـأل واستشـيـر
( مبتدا ) والراي منكـم يعتبـر عنـدي ( خبـر )
ماكتبـت الشعـر والله لجـل ابوقـف بالاخـيـر
يا احضر بالصـف الاول ياعسانـي مـا احضـر
ولا كتبته لجـل ابغـوي (ريم)واغريبـه (عبيـر)
ما ورا طـرد العـذارى مجـد قـوم ولا فخـر
ما شهر صيت (المهلهل)قولة انـه كـان (زيـر)
لين مات (كليب)واعلـن حـرب ثـاره واشتهـر
ولا كتبته لجل اخاوي (شيخ)واشحذ مـن (اميـر)
ينهدر دمي وامـوت ووجـه دمـي مـا انهـدر
نمدح اللـي يستحـق المـدح مـا نرجـي نظيـر
او كما معنى الحديث بـ(لا ضـرار ولا ضـرر)
لـو يجـور الوقـت فينـا مـا نفكـر نستجيـر
شيمتـن منـا وفيـنـا طـبـع طبـعـا تعتـبـر
مصـدر العز..اتجـاه البوصله..طيـب الفقـيـر
عزة النفس..اتسـاع الصدر..مجمـل مـا ذكـر
تعنـي انـا غير..طبعـا لازم اكتب..شـي غيـر
شي مـا جابـه (مظفـر) لا ولا (احمـد مطـر)
كان ماني عـن ريـاض العـز وربوعـي سفيـر
جعل شعـري للذهـاب بـلا ايـاب مـن السفـر
وكان ماني في سفـارة دار ابـو متعـب جديـر
جعلني ما اقوم واقف من على الكرسـي الحمـر
وكـان مانـي للخليـج لسـان باليـوم العسـيـر
جعـل مالـي يـوم اسنـد لا حـزام ولا ظهـر
الوطـن مجلـس تعـاون بـه قوافلـنـا تسـيـر
والحقـود يمـوت غـل وتنفطـر جبـده فـطـر
والسعودي من هـل البحريـن لا صـاح النذيـر
والاماراتـي عمانـي والكويتـي مــن قـطـر
يصعب الموقف ويسهل فـي نظـر عيـن الكبيـر
جابو الـدر الكميـن وجبـت فـي كفـي بحـر
يا اولي الالباب يا هـل العـرف يالجمـع الغفيـر
ارشدونـي جعـل ربـي مـا يوريـكـم كــدر
علمونـي كيـف ابحيـا و (اشهق)بليـا (زفيـر)
علموني كيف ابطمر سطـر واكتـب فـي سطـر
هو يصير ان كل منهـو قـال راي يقـول خيـر
أو يصير ان كل ( مهدي ) ايكون ( مهدي المنتظر)
هو يصير ( الفيل ) يلعـب باتجاهـات (الوزيـر)
أو يصير ( الشـاه ) يرجـع خطوتيـن بلاخطـر
علموني كيف ياكـل ( قلعتـي )جنـدي (حقيـر)
ولعبـة (الشطرنج)تقهـر مـن لعبـهـا يابـشـر
علمونـي عـن خطايـا لجـل أعـاود واستخيـر
واشرحولي كيف مخطـي لجـل أدنـق واعتـذر

افرجها يا كريم ,أبو نجلا معجبون بهذا

المصدر: نفساني

عسى الله يكتب للخليج ما فيه خير و كل بلدان و شعوب المسلمين

يعطيك العافيه

بارك الله فيك