|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
11-09-2016, 01:22 AM | #2 |
عضو نشط
|
يا مرحبا يا السويدي والله يجزاك خير يا الغالي
والله يشفي الجميع ان شاء الله تفضل يا الغالي اكتب الي ودك وعسى الله يقدرني واقدم كل مافيه خير ان شاء الله والعذر وسموحه علي التاخير برد لان مشغل والله الايام الي طافت |
|
13-09-2016, 01:02 AM | #3 |
عـضو أسـاسـي
|
لا عادي ،، تسلم ما تقصر !
أول شي أنا بنت هههه ثاني شي ،، تقريباً من 10 شهور أو 11 أنا بدأت عندي نوبات الهلع و الخوف من الموت و الاعراض الغرريبه مع الاحاسيس و الافكار كنت ادرس في الجامعه .. و اذكر اخر يوم رحت فيه الجامعه فاجئتني نوبة هلع قوووووووويه جداً و كأنها لأول مره تصير وقتها والله حسيت اني خلاص اليوم ميته ميته .. حتى أذكر اني رجعت البيت بدون لا أكمل محاضراتي .. رجعت البيت و انا خايفه و بس ابكي .. كان نفس اليوم الجو ممطر فكنت حاسه باحساس جداً غريب ربطته بالموت مادري ليش و من يومها خفت من الجامعه بشكل مب طبيعي و للأسف قعدت أغيب و أغيب الى أن عطوني إخطار فصل .. عندي فرصه ارجع الجامعه لكن لازم أول أختبر اختبار اذا نجحت فيه اقدر ارجع و ادرس و اذا لا ما بقدر للأسف .. قبل شهرين تقريباً سجلت لهذا الاختبار و يوم يا اليوم المنتظر من الخوف اللي فيني ما رحت و ندمت وقتها وايد والحين عندي بعد فرصه لكن التفكير السلبي ماقدر اتركه تأتيني افكار ان لو صار شي وقت الاختبار كيف بتصرف ؟ و و وبكون لوحدي و من هذا القبيل قريت موضوعج و انت كاتب لازم تعالج الخوف هذا بالمواجه انا حالتي أحسن عن قبل الحمدلله يعني الحين اقدر اطلع من البيت مع أهلي لكن في شي يحسسني بالامان اللي هو (هاتفي) لان لو صار لي خوف او شي ادخل المنتدى و اقرأ مواضيعي و اتطمن بس لكن الاختبار للاسف ما بقدر استخدم هاتفي ف هذا الشي مسبب لي الرعب والله شو نصيحتك ؟ و آسفه على الاطالة ! |
|
13-09-2016, 01:05 PM | #4 | |
عضو نشط
|
اقتباس:
في البدايه كل عام وانتي بخير وعيدج مبارك وتقبل الله طاعتج واسال الله العطيم ان يشفيك ويشفى جميع اخواني اعضاء المنتدى اختي الموضوع بسيط لو فكرنا في منطقيه انتي تقولين صار لج عشر شهور علي الحال هذا هل في الفتره ذي حصلك لك شي لا سمح الله طبعا الجواب راح يكون لا اذن ليه الخوف دائما قولي في نفسك انا صار لي قتره وانا اعاني ولم يحدث لي شي فكري في ايجابيه فكري في الحياة بعد الجامعه في مستقبلج لا تقدينها في فكر سلبي نصيحيتي لج واجهي خوفج بكل شجاعه وبكل قوه راح يكون صعب بالبدايه لكن مع الممارسه بالمواجهه راح تكون الامور طبيعيه ولا تستسلمين للخوف لا اذا استسلمتي ما راح تتقدمين خطوه واحده الي الامام كل ما عليج هو المواجهه كل شي تخافين وسوف تلاحظين الخوف بدا يقل بتدريج اختي انا ولله الحمد وصلت الي مرحله الشفاء بنسبه 98٪ تقريبا اذا مو 100٪ والحمد الله عايش حياتي طبيعي ولله الحمد من غير حبه دواء كان علاجي هو المواجهه والاصرار علي التغلب علي الخوف ولله الحمد فعلت كل ما يخيفني من سفر من سياره من طياره من اشياء كثيره حتي عملي ولله الحمد تجاوزت الصعاب ولله الحمد نصيحتي لج واجهي الخوف بشجاعه ولا تخلينه يتغلب عليج وابي اسمع اخبار حلوه منج انج قدمتيه ورديتي الي الجامعه باقرب وقت والله ثم والله العلاج ليس بدواء العلاج بالعزيمه والاصرار وتحدي النفس وترويضها من جديد وانتي ان شاء الله قدها وقدود وانطر منج الاخبار المفرح يا بطله انج قدمتي الاختبار ورديتي للجامعه واسف علي الاطاله في امان الله وان بغيتي شي انا بالخدمه وحاضر |
|
|
14-09-2016, 01:19 AM | #5 |
عضو نشط
|
من كلامج يدل على انج مو فاهمه النوبات عدل
حتى بدون نوبات نخاف من اجواء الامتحانات بالاضافه الى الخوف الجديد الي دخل حياتج وهو نوبات الهلع في الامتحان وكيفية التصرف نوبات الهلع شي نفسي داخلي في الانسان فقط وعلى اثرها يحس بامور جسدية تقلقه ويشعر بالخوف والذعر بعطيج مثال بسيط عن النوبات الهلع مثلاً لو شخص حرك طاولة من النقطه أ الى ب هنا يكون الامر طبيعياً ان يتعب ويحس بدقات قلبه سريعه بدون خوف ولكن مع نوبات الهلع عندما تأتيك كأنك حركت الطاولة وتحس بدقات قلبك سريعة وتحس بالخوف لانك لم تبذل اي مجهود لهذا يأتي الخوف هو عبارة عن رسائل خاطئه ولازم تعدلين هذي الرسايل بالتطنيش وعدم الاسترسال بالافكار ومخالطة الناس وتهوين المرض |
|
14-09-2016, 04:22 AM | #6 | |
عـضو أسـاسـي
|
اقتباس:
شكراً على الكلام الايجابي هذا ان شاء الله بقدم للاختبار و انجح ،، تسلم أخوي ما تقصـر. |
|
|
14-09-2016, 04:23 AM | #7 | |
عـضو أسـاسـي
|
اقتباس:
|
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|