|
|
||||||||||
ملتقى أصحاب نوبات الهلع ملتقى جميع الإخوه الذين يعانون من نوبات الهلع ، وتجاربهم بهذا الخصوص |
|
أدوات الموضوع |
29-06-2018, 11:55 PM | #1 | |||
عضو
|
هلع وسواس خوف مرض عضوي أرجو المساعدة
بسم الله الرحمن الرحيم
السلام عليكم انا اول مرة أشارك في المنتدى أرجو أنكم متبخلوش بالرد والمساعدة وربنا يجعله في ميزان حسناتكم سامحوني لو طولت عليكم انا عندي 30 سنة متزوجة وعندي أولاد كنت من سنة بعاني من وسواس بخصوص صحة أولادي إذا ظهر عليهم اي شئ اشك انه مرض خطير أو مستعصي واذهب لاكتر من دكتور فقدت فرحتي بكل شئ وخسرت من وزني حوالي عشرين كيلو واهملت بيتي ونفسي وزوجي كل يوم يطلع شي جديد اوسوس ولما اطمن أرتاح واما يتعبو اوسوس تاني لحد من فترة توفت خالتي الي مثل أمي وكانت صدمة عمري لما سمعت خبر الوفاة معرفتش أبكي بس أعدت أتكلم كتير واسخط ومكنتش عارفة بقول أي ولما بديت ابكي أرتحت شوي وكنت مش بنام نهائي واضطريت اخد تربتيزول لأنه والدتي بتستعمله وكنت لما أخده بهدا وأنام لكن مكنتش منتظمة فيه يوم أخده يوم لا وكنت مش باكل كويس واكتافي بتوجعني كل فترة لحد ما دخل الشهر الكريم وقررت استغفر الله علي كل كلمة قولتها وقت سماع الخبر وصومت وصليت لكن الدكتور قالي انه ابني هيعمل عملية اللوز عملية بسيطة لكن بالنسبة لامثالي مش بسيطة وتذكرت كل حوادث الأطفال الي بتحصل فالعمليات وكنت مضغوطة عصبيا وحزينة لحد ماكنت أعدة باكل وكان قبل الدورة بعشر ايام وكان عندي دور برد لقيت نفسي بدوخ لكن مش دوار كأني هقع وقلبي بيدق بقوة ومعدتي سخنت كاني أصاب بجلطة واترعشت وخوفت خمس دقايق وكل شي اختفا وقررت أعمل صورة دم واروح الدكتور لقيت الهمجلوبين 9 والتشخيص بتاع الدكتور كان انه الدوخة بسبب الاذن الداخلية بسبب البرد وضربات القلب انه القلب بيعوض انخفاض الهمجلوبين والضغط وطلب تحليل نسبة حديد وفوليك ونسبة خلايا جذعية طبعا اول ما سمعت كلمة خلايا جه فدماغي مرض سرطان الدم وأعدت يومين ابحث عالنت يعني اي خلايا وليه الدكتور طلبها وأنها بيحصل فيها انميا وتخيلت أنه انا اصبت بسرطان الدم ولقيت كل الاعراض موجودة عندي وبطلت اصوم لإني بحس اني هقع وادوخ وتاني يوم خرج ابني بالسلامة واليوم الي بعده طلعت نتيجة التحليل بتاعي نسبة الخلايا سليمة وكل حاجة ماعدا الحديد ناقص درجتين وكتبلي دوا حديد وبوسبار للقلق لأنه قلتله اني كل ماجي اكل أتخيل اني هدوخ تاني في اليوم ده جالي نفس الدوخة لكن من غير ضربات سريعه وكانت أخف خفت جدا واخدت البوسبار لكن خلاني تاني يوم راسي تقيل وعنيا مزغللة وقررت مخدوش ورجعت للتربتيزول وجاتلي الدورة الشهرية وكنت بطلع السلم أحس قلبي بيدق بقوة واتوترت وانا واقفة فمحل وتعرقت وكاني هقع وقلبي بيدق بسرعة جدا وحسيت انه حد ماسك قلبي ومعدتي بايده هنا شكيت انه جالي مرض فالقلب او جلطة محدش عارفها لأنهلأنه قريبتي أعدت اسبوعين بالجلطة ومحدش عارف بس كانت تعبانة جريت لاقرب دكتور وعملت رسم قلب وقالي انه سليم ومستبعد يكون عندي أمراض فالقلب والضربات السريعه110 بسبب التربتيزول والدورة الشهرية وقالي انه يومين وهكون كويسة لما اوقف التربتيزول وقالي اخد شريط كونكور يظبطلي ضربات بس لو عايزة لكن انا مخدتوش وكمان بعت التخطيط لجراح قلب لمستشفى شهير مصدر ثقة وصديق للعيلة ووصفتله الي حصلي وقالي التخطيط سليم وأعدت اقنع نفسي انه لو فيه شيء خطير كان الدكتور قالي أجيله واعمل فحوصات وفعلا بقيت اتحسن يوم بعد يوم ورجعت أصوم تاني لكن قبل الفطار بساعة كنت بحس اني هدوخ وهقع ورجعلي تخيل الدوخة وانتهيت من موضع القلب تمام لدرجة اني كنت بدخل أوضتي وانط واجري عشان أشوف هيجيلي نهجان او الم ولا لا واصبح شغلي الشاغل الدوخة وأسبابها وابحث عالنت وشكيت ان عندي ورم المخ ورجعت اخد تربيتزول وتربتيزول بقا يخليني تاني يوم نايمة اخدته تلات ايام ووقفته روحت لدكتور أنف واذن وقالي عندي التهاب الاذن الداخلية وكتبلي فيرسيرك ونسيت موضوع الدوخة لكن جه فجاة المعاد الي كنت خايفة منه قبل الدورة بعشر ايام حصلي وجع كتفي اليمين وتحت صدري وبتنفس يوجعني زيادة ووالدتي قالتلي ده عضل عادي وساعات احس فضهري ودهنته يومين وتحسنت ويوم كامل كان عندي شد تحت الصدر الأيسر وساعات فضهري وحسيت ساعات رجلي الشمال بتسيب شكيت انه جلطة المخ بعدين أعدت اقارن أعراضها عالنت لقتها مش عندي وجه معاد قبل الدورة بعشر ايام حسيت بضيق تنفس مجاليش من 15 سنة وكان حالة نفسية لما توفت قريبتي فسن الشباب جالي تاني دلوقتي لكن اشد وجاتلي تاني خفقان ورعشة وقررت اروح المستشفا ووصفت حالتي لدكتور الطوارئ ومرضيش بعملي رسم قلب تاني قالي انتي معندكيش حاجة فالقلب مريض القلب مش بيجي يشكي من القلب الخفقان والاوجاع والدوخة من الانميا واقتراب الدورة وعملي صورة دم الهمجلوبين 10 وخرجت من عنده مطمئنة لكن مفيش فايدة تكررت معايا حالة الرعشة والخوف من الدوخة والخفقان ووالدتي قرر يوديني لدكتور نفسي صديق للعيلة روحت حكيتله وانا فنص الكلام الدكتور قالي بس حالتك واضحة كفاية كده انتي عندك توهم مرضي فضلت احلف اني بحس بالاعراض جسمانيا قالي هو ده المرض وانتي مريضة وأعد يقلي شوية اعراض حسيت بيها ومكنتش لسه قولتله عليها بقولو باخد فيرسيرك قالي انتي معندكيش إذن داخلية ولا غيره الدكاترة بيحدفوكي لبعض قلتله بدوخ والله قالي اه وهتقعي وانتي ماشية فعلا بيحصل معايا خصوصا بالأماكن العامة وقالي جلطة اي الي شكيت فيها لو جلطة وطول الفترة دي كان زماني حصلي حاجة قالي انتي بتعاني من التوهم المرضي ونبه علي والدي اني مروحش لأي دكتور تاني اخد العلاج وبس ووصفلي اندرال 3 مرات وفيفرين وزولام مرة ليلا انا حاسة من اول واخدت العلاج بقيت بتحسن لكن تاني يوم العلاج خرجت وانا أعدت بمكان عام جالي وجع تحت الصدر الشمال وكل ماشي واخد نفسي يوجعني وجالي نوبة الرعشة وحسيت عايزة اسيب المكان وهديت شوية روحت البيت وكنت خايفة كتفي الشمال يوجعني لحد مافعلا وجعني ودهنت باسط عضلات وجاتلي الدورة الشهرية وصحيت احسن ولله الحمد لكن بعد ساعة حسيت بضيق تنفس وخنقة وضغط عالصدر لكن مفيش نهجان ارجو اي حد مر بتجربتي يساعدني برأيه او اي حد بيمر بالي يحصلي يطمني ويقولي وصل لأي هو انا مريضة نفسيا ولا عندي هلع ولا عندي مرض فقلبي انا نفسي اطمن ونفسي ارجع اعيش حياتي من غير خوف لإني خايفة يكون عندي مرض خايفة انام مصحاش بخاف انام حاسة اني الدور عليا فالعيلة لأنه توفي من عيلتي واهل والدتي ست أشخاص علي فترات مش بعيدة خايفة علي ولادي خايفة من كل شئ تعبت من ضيق التنفس تعبت من كل شئ ملحوظة: انا بقوم من النوم سليمة وبتبدا الاعراض بعد ساعة او اقل من تلات سنين جالي اكتئاب بعد نزلة معوية اخدت موتيفال ونوديبرين وتحسنت من عشر سنين جالي حالة نفسية قئ مستمر وكانت بسبب عين بقالي سنة بعاني من الجاثوم والأحلام المزعجة مرتين قرات سورة الصافات حسيت صدري انشرح شوية لكن للأسف الظروف الشهرية منعاني في رعاية الله الله يكتبلي ويكتبلكم الشفاء العاجل المصدر: نفساني
|
|||
التعديل الأخير تم بواسطة تسابيح واستغفار ; 30-06-2018 الساعة 12:02 AM
|
30-06-2018, 12:42 AM | #3 |
عضو فعال
|
سبحان الله كأنك توصفي اعراضي بالذات بعد النوم اكون ساعه تمام وتبدا تجيني الدوخه والخفقان ... الخ
سوي التنفس الاسترخائي واستمري مع دكتورك ومافيك الا العافيه باذن الله كلنا نفس افكارك بالذات السرطان وامراض القلب كلنا مرينا بتجربتك ونفس معاناتك |
|
30-06-2018, 12:44 AM | #4 |
عضو فعال
|
حبيبتي مافيك شي مشكله نفسيه * هلع * وبتعدي
انا مثلك اخاف على عيالي انا الحين اكتب لك وانا خايفه انام وما اقوم بس بتحمل لين موعدي مع الدكتور بعد شهر |
|
30-06-2018, 01:20 AM | #5 |
عضو
|
الله يكتب لنا الشفاء بس ضيق التنفس صعب كمان أوجاع الصدر مقلقة
|
|
30-06-2018, 01:21 AM | #6 |
عضو
|
الله يحفظهم بس مش عارفة أتخلص من الضيق وموسوسة من أوجاع الصدر
|
|
30-06-2018, 06:15 AM | #9 |
عضو مميز جدا وفـعال
|
سبحان الله نفس الاعراض ونا اكثر منك لان يوم رحت للاسعاف قالو انزيمات القلب مرتفعه وخرشوني زياده ودخلت نوبه هلع قويه لكن بالنهايه طلع كل شي سليم ومافي اي شي طلع التحليل غير دقيق لكن من يقنعني ونا عندي هلع وقلق ههههههههه والحمدلله الامور كل يوم تتحسن لان انا حسيت ان الدوامه هذي محد راح يطلعني منها اذا انا ماكنت مقتنع المهم الي فيك مجرد وسواس بسيط وقلق ومثل ماقال لك الدكتور لو فيك جلطه كان زمان انجلطتي وحصل لك شي بس كلها اوهام وبتعدي مع الدكتور او منك انتي وماتشوفين شر
|
|
30-06-2018, 06:40 AM | #11 |
عضو نشط
|
نفس اللي بمر فيه الان اي وخزه واي الم على طول يجي ببالي انه شي خطير وسبحان الله قبل الدورة ب10 ايام اتنكد وتجيني وساوس وقلق وبس تنتهي الدورة بكم يوم ارجع طبيعية الى ماقبلها ب10 ايام مااخفي عليك انه مو كل شهر لكت الا مايجيني قلق وتوتر وهذا نتيجة خربطة الهرمونات في هذه الفترة فما بالك مع خربطة النوم وعدم اخذ كفايتك من النوم و كمان عدم الاكل الشهية تكون مسدودة وتكونين جايعة ولكن ماتحسين بالجوع نامي كويس واكلي كويس وحاولي تقولين لنفسك بعد الدورة بيرجع الوضع طبيعي
والله يعينا اجمعين |
|
30-06-2018, 09:18 AM | #12 | |
عضو
|
اقتباس:
|
|
|
30-06-2018, 09:20 AM | #13 | |
عضو
|
اقتباس:
|
|
|
30-06-2018, 03:46 PM | #14 |
عضو نشط
|
كلنا بنعاني منها خاصتا بذل المجهود
|
|
30-06-2018, 04:36 PM | #15 |
عضو
|
لما بعمل مجهود بحس زاد ضيق التنفس وكأني هدوخ او افقد توازني او قلبي هيتوقف
|
|
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|