|
|
||||||||||
عيادة المشكلات الزوجية والأسرية للوصول الى الإستقرار الزوجي والأسري |
|
أدوات الموضوع |
10-01-2010, 10:07 AM | #1 | |||
عضو جديد
|
زوجي وحبيبتة الجديدة
انا متزوجة زوجي من 7 سنوات تقريبا وعندي طفلين
الحمدلله على كل حال زوجي يعرف وحدة بحكم شغلة بس اتغيرت معاملته معاها المشكلة بدأت من فترة بدأت اشوف تصرفات زوجي تتغير في الخروج والجوال مايتركة من يدة ويخبية تحته عشان لااشوف ارقمها ولا الرسايل وطول الوقت رسايل الين ماينام وغير المسنجر المهم انا عرفت لما اخذت جوالة وهوا نايم بعد ماحفظت الرقم السري لاني شفتة وهوا مو داري شفت الرسايل منها تنبه لايسرع بالسيارة ومن الكلام هذا وياحبي ويا ؟؟تدلعه باسمه وقبل فترة اخد اولادي مع الشغالة للملاهي وجت شغالتي بعد كم يوم تقولي ابغى اقولك شي بس لايعرف المستر من اول ماطلع السيارة للملاهي وهوا يتكلم بصوت رقيق ويضحك ومايصرخ الين رجع البيت يعني حوالي ساعتين انا مشكلتي اني ماصرت طايقة حتى اطالع فية ورب من انزل المصحف ماابغاة وحتى لو تركها وانا مااظن انه يتركها ابدا رجع متأخر امس سالته اتعشيت قال ايوا وهوا عارف ان بيتة فاضي مافي اكل انحرق قلبي على نفسي واولادي لاننا كنا جيعانين قلتلة خلاص وصلت ؟؟؟ البيت (( سبيتها سبه وسخه )) ضربني على وجهي لاني سبيتها وقبل فترة سبيتها لاني اتصلت علية وكانوا بكافي وسمعت ضحكتها وقلتلو لما رجع البيت مين قليلة الاحترام الى بتضحك كدا وانا كنت عارفة انها هيا قالي دي احسن منك ومن 10 من اخواتك ,, رديت علية امكن بس بشي واحد ان حسابها البنكي مليان عشان كدا احسن مني المشكلة انه صار يحكيني على طيبه قلبها ونها اخلاق وتحولت العلاقة لحب انا كنت عارفة انها بتتحول امكن انا سمحت بالشي دا عشان وربي صرت اكرهه من كل قلبي انا عارفة اني غلطانة بس خلاص قرفت منه ولاصرت طايقة اطالع بوجهة كأني اشوف نار تحرقني امكن حبيت افضفض شوية انا دحين ابغاه يطلقني لاني عفته وعفت صوتة معايا من كثر الصراخ ومد يده عليا والي يقهر اكثر انها لما تكون معاه يكلمني باعذب صوت وبحب وبمجرد مايكون لوحدة يطلع صوتة الى معودني علية المصدر: نفساني
|
|||
|
10-01-2010, 10:33 AM | #2 |
عضو جديد
|
العمر لكلا الطرفين انا 31 وزوجي 32 سنة عدد سنوات الزواج أو الخطوبة 7 سنوات عدد الأطفال 2 المستوى التعليمي للطرفين والتخصص انا متخرجة من الثانوي ودراسات حاسب وزوجي ثانوي مجال العمل للطرفين ربه بيت وزوجي عسكري المنطقة التي ولد فيها كل طرف جدة وزوجي المدينة هل يوجد زواج سابق كنت متزوجة ولدي ولد وهوا لم يسبق لة الزواج هل أنت الزوجة الثانية لا انا الزوجة الاولى ماهو ترتيب الزوج أو الزوجة بين الأخوة انا اكبر وحدة وزوجي السادس |
|
10-01-2010, 07:46 PM | #3 |
محلل نفسي ومستشار الشؤون الأسريه والمجتمعيه
|
السلام عليكم ورحمة الله
لحظة لحظة ،، إنتي مابقيتي شي على قلبك ماشاء الله شتم وسب ومتابعة وتفتيش وكمان شغالة لسانها مفلوت والآن نهايتها طلاق ؟؟ شوفي الله يسلمك لو انك ناوية تتطلقي ومنتي تاركة أي مساحة للمناقشة وحل الموقف بتدخلي معكم فبليز لا تضيعي وقتك ووقت غيرك ولو تبغي حل بإذن الله نساعدك فيه فالرجاء أن تهدئي أولا وأن تتوقفي عن أية سجالات أو مصادمات مع الزوج وابشري أختي راح نقدملك بإذن الله أقصى مايمكن يمكنك ان تتواصلي معنا عن طريق الماسينجر مع التحية ،، |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|