|
|
|
 |
|
 |
||||||||
|
||||||||||
 |
 |
 |
||||||||
| ملتقى الأعضاء المتشافين من الأمراض الحمدلله الذي من عليكم بالشفاء ، تفضل هنا لنستفيد من خبراتك والطريق التي اتبعته للتشافي . |
 |
|
|
أدوات الموضوع | إبحث في الموضوع |
16-01-2016, 08:50 PM
|
#1 | ||||
|
عـضو أسـاسـي
مترجم احاسيس
|
( تم القضاء على القلق واختلال الانيه ) شفيت بفضل الله
السلام عليكم
اسعد الله اوقاتكم بكل خير الحمدلله تعافيت من القلق الحاد واختلال الانيه وتبدد الواقع بعد رحله متعبه كنت اتوقع بالفترة اللي فاتت اني انتهيت واني بصير شخص مجنون وغير طبيعي او اقل تقدير بكون بهذي الحاله طوال عمري لكن الحمدلله لكل شي وقته وينتهي طبعا قصتي كانت بدايتها الخوف من المرض واصبحت بحاله وسوسه احلل كل شوي وخاصه السكر بعدها انتقلت الى حاله غريبه اصبحت لا اشعر بنفسي وكانت الاعراض اللي معايه: *فقدت احساسي بنفسي *فقدت احساسي في اهلي *فقدت احساسي بالدنيا وكاني بعالم ما اعرفه ولا اعرف انا مين.. * فقدت اي مشاعر بداخلي كنت اتكلم ولا احس انه انا واسوي اي شي ولا احس اني سويته اروح اي مكان ما كاني كنت فيه * خلال 24 ساعه عايش بعذاب مايفارقني دقيقه واحده لدرجه اني ما قدرت اروح عملي لمدة4 شهور جالس بالبيت مو حاس بشي ولا داري انا فين .. * كنت فقط اخرج من البيت اروح للدكتور كنت كل يوم اروح للدكتور واقوله احس بفراغ بالعقل احس اني صرت مو طبيعي واحس اني اكلمك ولا حاس اني اكلمك ولا حاس مين انا .. ( دخلت بدوامه مهما اوصفها تحتاج الف صفحه ضعت وضاعت حياتي وضاع مني كل شي ..) اعراض مالها اول من اخر لكن بالاخير قررت اني اخرج من الحاله وفعلا استخدمت علاج وحاولت اعيش واتصرف مثل ما كنت قبل الحاله تعبت وانا احاول وفشلت كثير لكن كل مره اقول هالمره فشلت يلا مره انجح ومره افشل رجعت عملي وسجلت بنادي واشغلت وقتي وكل هذا مو حاس وقتها بشي لكن ما كان عندي خيار يا اجلس كذا بتعبي او اخرج واعيش حياتي وفعلا بالتدريج صرت احس اني بديت اتحسن انتكست كم مره لكن استمريت في اصراري على ان اعيش طبيعي .. وفعلا سافرت مع اني احس اني مو قادر سويت كل شي كنت اسويه قبل هالحاله وبفضل الله رجعت طبيعي جدا وكما كنت سابقا وكان هالحاله مامرت علي سبحان الله مو متخيل الحين الحاله اللي كنت فيها ست او سبع شهور بعذاب لكن كنت دايم اقول ان الله رايح يشفيني وبالفعل شفيت ورجعت بفضل الله .. بكتب لكم 12 نصيحه اتمنا تطبيقها بالرد تحت.. المصدر: نفساني
|
||||
|
|
16-01-2016, 08:52 PM
|
#2 | |
|
عـضو أسـاسـي
مترجم احاسيس
|
طبعا هذي بعض الاعراض اللي كنت احس فيها
http://www.nafsany.cc/vb/showthread.php?t=110539 |
|
|
|
|
16-01-2016, 08:54 PM
|
#3 | |
|
عـضو أسـاسـي
مترجم احاسيس
|
صيحتي للجميع..
اذا كنت ناوي فعلا تخرج من الحاله اللي معاك وترجع طبيعي: 1- استخدم علاج طبعا بوصفه طبيب والصبر ع العلاج ولا تشتت نفسك بتغير العلاج اعطي العلاج وقته ولا تحكم ع العلاج قبل شهر او شهرين.. طبعا العلاج يكون من مضادات القلق والاكتئاب اغلب الاطباء يكتبون علاج مساعد بجرعة صغيره يكون مضادات الذهان او الصرع ويقال انها بجرعات صغيرة تخفف القلق طبعا انصح عدم اخذها نهائي 2- حاول قدر ما تقدر تمارس حياتك مثل اول مثلا كنت تقوم باعمال معينه قوم فيها حتي ان كنت ماتشعر فيها او تشعر انك مو انت اللي تقوم فيها اهم شي تسويها 3- يكون عندك يقين قبل كل هذا ان الله بيشفيك وان الفترة هذي فترة مؤقته وجعل نفسك دوما بنتظار الشفاء وانه قادم لان هذا بيتخزن بعقلك الباطن وستجد بعد فترة انه ترسخ بعقلك وهذي حقيقه ان الشفاء بيكون نهاية حالتك.. ( طبعا الكثير يخاف ان يصبح شخص غير طبيعي او انه يتصرف بدون مايحس بنفسه كل هذي وساوس لان تحدث ..) تاكد ان عقلك سليم ومها يحدث لان يؤثر عليه وهذي حقيقه علميه لم يحدث قبل كذا شخص مصاب بقلق او اختلال او تبدد اصبح غير طبيعي بمعني ما انت فيه هو اخر شي تصل له الحاله وحتي ان تركتها بدون علاج ما رايح تتطور اكثر من كذا 4- لاتقارن نفسك في احد وتقيس تاخر الشفاء عند الناس بك لان لكل شخص ظروف معينه ويوجد الكثير مشتت نفسه ورافض اخذ العلاج خوف من العلاج مع ان الادويه الخاصه بمضادات الاكتئاب والقلق مالها اي خطوره بالعكس آمنه جدا وبختصار اذا مافادت ماتضر.. 5- اذا كنت تعتقد انك بوضع مختلف عن غيرك وانك صاحب حاله خاصه اعلم ان كل شخص يفكر مثلك وهذي من اعراض الحاله النفسيه 6- لا تسترسل مع الوساوس لانها بتسيطر على مشاعرك وتخليك منفصل حتي عن نفسك حاول ان تؤمن ان كل ماهو بداخلك مجرد افكار سلبيه تحولت لمشاعر جعلتك تشعر بالحاله اللي معك .. ( حاول ان تشغل نفسك قدر المستطاع لانك عندما تشغل نفسك ستجد ان الوساوس تخف ومع الوقت تختفي اما لو ما اشغلت نفسك سوف تنشغل بنفسك وبحالتك ) 7- اذا كنت تعتقد انك مصاب بعين او حسد او مس او سحر هذا طبعا من الوساوس وحتي لو كان صحيح الحمدلله الرقيه علاج مع العلاج الدوائي .. 8- حاول ان تسعد وتهتم بغيرك لان السعادة ستجدها باسعادك لغيرك.. 9- لا تبحث بالنت حاول الخروج من الدوامه التي انت فيها لانك ببحثك بالنت او البحث والتفكير بما اصابك يثبت الحاله اكثر لديك ماحدث حدث الان وقت العلاج وليس وقت البحث عن السبب طبعا الكثير يقول ان ابحث بتاكد من التشخيص اللي معايا لاني مدري وش معايا .. ( حالتك المشخصه من الطبيب هي الصحيحه واذا شخصك امثر من ثلاث اطباء اقتنع وبداء رحلة العلاج وليس رحلة التشتت والضياع) 10- لاتقول ما اقدر مايمديني لا استطيع حاول اشغال نفسك وممارست حياتك طالما انك استطعت البحث عن الاعراض والانشغال بحالتك تستطيع اشغال نفسك بشي اخر .. ( اخرج من الدوامه اللي انت فيها الموضوع مو سهل لانك بداخل الدوامه لكن ليس مستحيل مع الوقت وبالتدريج ستجد نفسك عدت لوضعك الطبيعي) السوال: ماذا قدمت لنفسك هل قدمت لها الاسترسال مع الوساوس ودخول الدوامه ام انك اقنعت نفسك ان كل مايحدث من افكار هي مجرد وساوس وانها حاله وسوف تزول انت من يتحكم بوضعك .. 11- تاكد انك بفضل الله لاتشكوا من امراض عضويه وكل ما تشعر به وساوس واحاسيس وافكار لا تسترسل مع هذي الافكار.. 12- اعلم انك ولدت طبيعي وعشت طبيعي وعقلك طبيعي فلن يغير هذا اي قوة بالعالم او اي حاله نفسيه لان الاصل لديك سليم ممكن تتشتت ويقل تركيزه وتنسي شوي بسبب التشتت لكن بمجرد ان تشفي تعود كما كنت سابقا .. ( تصدق بنية الشفاء ع قدر استطاعتك لو بريال واحد كل اسبوع ع قد ماتقدر تصدق) ( احسن الظن بالله لان الله عند حسن ظن عبده به سبحانه وتعالي تخلي ان ربنا عند حسن الظن به رحمته واسعه بمجرد انك تعلم ان الله سوف يشفيك باذن الله لان يتركك وسوف يشفيك) ( تخيل معي هذا الموقف العظيم ان الله يستحي سبحانه وتعالي من عبده اذا رفع يده ليدعوه ان يردها صفر بدون اجابه او دفع بلاء .. اجعل عادتك الدعاء برفع يدك لله سبحانه) ( هل تعلم ان ملايين من انحاء العالم كل سنه يصابوا بحالات مثلك ويتشفوا ويعودون مثل ماكانوا طبيعيين) اتمنا للجميع الشفاء |
|
|
|
|
16-01-2016, 09:02 PM
|
#4 | |
|
V I P
الصلع غزا رأسي
|
ما شاء الله تبارك الله
مبروك الشفاء وانت متحسن بكثير اصلا وكنت تكتب عن هالامر والان اعلنته لانك تأكدت انك انتهيت منه اولا مبروك الشفاء وعسى ربي يديمه عليك وتنسى كل شي مضى ربي يوفقك ويخليك في الحياه هذي وتنسى الشقاء الي فات ودايم وابدا تشكر الله على كل شئ وانا اعرف انك تشكره بكل شي وكل حال لكن بس تذكير من اخوك ربي ما يوريك مكروه ابدا بعد اليوم وتبقى دايم كذا سليم نعافى وعسى ربي يحرسك من كل شر يا رب العالمين |
|
|
|
|
16-01-2016, 11:43 PM
|
#5 | |
|
عضو نشط
|
اللهم بارك و يزيد عليك النعمة
و شكرا على النصائح المفيدة عندي سؤال هل هذه النصائح للمصابين بالذهان و الفصام أيضا لأني مصابة بالذهان الوجداني من أربع سنوات و كل ما أوقف الدواء أنتكس هل عندك نصيحة لي ؟ |
|
|
|
|
17-01-2016, 12:34 AM
|
#6 | ||
|
عـضو أسـاسـي
مترجم احاسيس
|
اقتباس:
وفعلا انا انتظر اكثر من شهر قبل كتابة الموضوع وسال الله ان يشفي الجميع والحمدلله والشكر له سبحانه لعلها تخفيف ذنوب |
||
|
|
|
17-01-2016, 12:40 AM
|
#7 | ||
|
عـضو أسـاسـي
مترجم احاسيس
|
اقتباس:
والحمدلله الفصام والذهان ماصار مثل اول قبل عشر سنوات اصبح علاجه مثل القلق والاكتئاب استمري ع علاجك .. انا اعرف شخص شخصيا اصيب بالفصام والذهان تقريبا 5 سنوات الشخص تغير حاله وصار شخص مريض لدرجه انه ترك عمله وتدمرت حياته طبعا ما كان يستخدم علاج ..اخذه اخوه وعلاجه الحين ماشاء الله تبارك الله رجع طبيعي مافيه شي سبحان الله مغير الاحوال اللي شافه من اول كان يقول مستحيل يرجع طبيعي لكن بقدرة الله سبحانه الحين عايش مثل اي شخص طبيعي وتوظف ورجع لي اصدقائه ولا كانه صار معه شي.. اهم شي حسن الظن بالله والله يشفيكي يارب |
||
|
|
|
17-01-2016, 01:26 AM
|
#8 | ||
|
عـضو أسـاسـي
مترجم احاسيس
|
اقتباس:
قلق واكتئاب ماياخذ علاج فصام وذهان والعكس صحيح لكل حاله علاجها..مثل حالتك خذي علاج حالتك |
||
|
|
|
17-01-2016, 05:27 PM
|
#9 | |
|
عضو مميز جدا وفـعال
|
الحمدلله اخي مترجم احاسيس
لكن والله احس بقهر لاني مابغى ارجع للعلاج واحس اي شفاء مع استخدام العلاج ماهو شفاء ابغى ارجع طبيعيه بدون علاج وهالشي هو اللي قاعده اسويه الحين لاني جريت العلاج من قبل وكنت اضن اني شفيت لكن في الحقيقه انا تحسنت مع العلاج لكن ماحس اني شفيت تماما كنت دايم احس ان فيه مشكله فيه شي مو طبيعي وبعد تقريبا 6شهور من استخدامي للعلاج احس انه توقف عند هذا الحد يعني وصلني عند مرحله معينه وماصرت احس باي تقدم بحالتي يعني ماحس اني رجعت طبيعيه ولو استمريت على العلاج 10سنوات لانه اعطى مفعوله وانتهى عشان كذا حلم حياتي انتهي من هالحاله من دون اي ادويه وادعي ربي دايم ما احتاج للدواء |
|
|
|
|
17-01-2016, 06:58 PM
|
#10 | ||
|
عـضو أسـاسـي
مترجم احاسيس
|
اقتباس:
وهذا يؤثر ع نفسيته وتخليه مو خاس بتحسن بالعكس العلاج له دور كبير جدا بالعلاج طبعا بعد مشيئة الله لكن الصبر ع العلاج واخذ العلاج المناسب بالجرعه المناسبه واعطاء العلاج وقته الصح .. العلاج بفضل الله لا يؤثر ولا له اثار جانبيه ليش ما تستخدميه وتريحي نفسك من هذا الوضع نصيحتي استخدمي العلاج من بكره.. ومسالة ان العلاج وصلك لمرحله من التحسن ووقف التحسن عند نسبه معينه هنا يجي دورك بالافكار الايجابيه والتفاعل وانك تعيشي حياتك طبيعي .. الشفاء باذن الله للعلاج له دور وانتي لكي دور |
||
|
|
|
17-01-2016, 07:19 PM
|
#11 | ||
|
عضو مميز جدا وفـعال
|
اقتباس:
والصراحه ماودي استخدم العلاج ودي اعيش حياتي وانسى شي اسمه مرض نفسي مثل ماكنت عايشه قبل المرض ماودي ان حبة دوا تذكرني بالمرض كل ماجيت اخذها وبعدين تصدق ان ماغير انا بمجتمعنا كله اللي استخدم علاج نفسي ليش ماصير مثلي مثل اللي حولي يقاومون امراضهم بانفسهم وبقوة ايمانهم وبدون ادويه تدمر العقل والجسم اختي اكبر مني بسنتين تعبت نفس تعبي لكن طلعت من الحاله بدون حبة دوا ورغم ان ظروفها تختلف عن ظروفي الضغوط عليها اكبر من علي عانت بحياتها ومع زوجها وانتهت حياتها الزوجيه رغم هذا ما استسلمت وطلعت من الحاله ليش انا لازم اخذ علاج انا قوية وباذن الله بطلع من هالحاله قريب وبدون اي ادوية |
||
|
|
|
17-01-2016, 11:45 PM
|
#12 | ||
|
عـضو أسـاسـي
مترجم احاسيس
|
اقتباس:
انا معك قوة الارادة تخليكي ترجعي طبيعيه بدون ادويه لكن الادويه تختصر الوقت كثير بمعني لو استخدمتي علاج ست شهور ترجعي طبيعي لانه يضبط كيمياء المخ خلال شهور اما بدون ادويه يحتاج المخ فتره طويله ع شان يبداء يفرز المواد المسئوله عن الحاله وقت طويل 4 اضعاف مدة الدواء ما اعتقد ان الدواء يسبب اي مشكله ليش متخوفه منه والله انه عادي ولا له اي مشاكل.. وانتي لما تاخذي الدواء لا تسوي طقوس قبب تاخذيه خذيه بتلقائيه وانسيه مثل شرب المويه |
||
|
|
|
18-01-2016, 01:03 AM
|
#13 | ||
|
عضو مميز جدا وفـعال
|
اقتباس:
وهالمره بجربه بعد ما انت تتركه بفتره اسمح لي بخليك كبش فداء وتبغى الصراحه احس العلاج ماراح يحل مشكلتي لاني وصلت لمرحله مدري انا فيني مرض او لا يعني قايمه بكل شي طبيعي وحياتي ماشيه كالمعتاد وماحد ملاحظ علي شي وانا لما اقول بيني وبين نفسي اني مريضه شي بداخلي يقول اثبتي انك مريضه ولما اجي اثبت مالقى شي اقوله ويدل على اني مريضه مجرد مشاعر غامضه مو قادرة افهمها واحس العلاج ماراح يسوي لي شي توي قلت لزوجي ابغى اروح طبيب نفسي من باب المزح ولا انا مو جاي بالي اروح الحين قال هذا اللي دمرك ههههههههه |
||
|
|
|
18-01-2016, 09:43 AM
|
#14 | ||
|
عـضو أسـاسـي
مترجم احاسيس
|
اقتباس:
ماقبل الشفاء وطبعا تحتاج علاج يخلص منها نهائي.. لو بتستني الين ما اوقف العلاج رددي ياليل ماطولك هههههه بعد اللي شفته مارايح اوقفه قبل سنه او سنتين حبيتوا العلاج ههههههه شوفي الحاله اللي انتي فيها حاليا انك حاسه بكل شي وقايمه بكل حياتك طبيعيه يمكن بعض المرات ماتحسي بداخلك روح وبعض المرات تحسي انك عاديه مافيكي شي نهائي بس عندك احساس انك مو طبيعيه بداخلك لانك مريتي بتجربه طويله وعادة هذي الحاله تروح مع العلاج او مع الاندماج واشغال الوقت او علاج معرفي سلوكي عارفه كل اللي انتي فيه احاسيس مو صحيحه عقلك طبيعي جدا لكن احاسيسك مختفيه شوي لانك فاقده الدافعيه والاقبال على الدنيا لان في احساس مسيطر بداخلك ع مشاعرك ان مافيكي شي ..مثل الوسواس الغامض بداخلك يقولك انتي مو طبيعيه .. ام سما انا ليا شهور معك بالمنتدي ومتواصل معك بشكل دايم والله مو مجامله تملكين فكر وتملكين اسلوب مميز تفكيرك يدل ع انك انسانه متزنه فاهمه تقيسين الامور بشكل صحيح عندك افق واسعه بالتفكير توصلين كل شي تبغيه باسلوب وفكره مبسطه .. يمكن كل هذا انتي ماتحسينه لان الشخص مايحكم ع نفسه الناس تحكم عليه بحكم التعامل معه ..مع هذا كله يمكن تقولي كلام صح لكن بداخلك تحسي انك مو طبيعيه وهذا احساس مايعرفه غير اللي جربه .. وحقيقه انتي من الناس اللي دعمتيني وبفضل الله ثم بفضلك كنتي سند ليا خففتي عن كثير وخلتيني اقدر احتوي الحاله اللي معي لان في احاسيس كثيره واعراض كنت مو عارف ايش هيا الين ما كنتي تكتبي واحسك فندتي كل اللي احس فيه وصار واضح عندي بعد ماكنت فعلا ضايع مو داري وش صاير معي |
||
|
|
|
18-01-2016, 01:16 PM
|
#15 | ||
|
عضو مميز جدا وفـعال
|
اقتباس:
وانا لما سجلت بالموقع كنت اقرى فيه قبل لكن ماقريت احد يشرح ويتكلم عن الحاله مثل شرحك لها الحين في ردك هذا جالس توصف بكل دقه الشي اللي متعبني ومو قادره اوصفه كنت اتضايق كثير لما كنت اشوفك تشتكي وتوصف حالتك قبل وكل يوم تسجل اعراضك لاني حسيت انك انسان قوي ماشاء الله فكنت اقول اذا هالانسان جالس يشتكي وضعف من هالحاله كيف حالي انا لكن لما قريت انك تشافيت فرحت كثير مع اني كنت واثقه انه بيجي اليوم اللي بتعلن فيه انك تخلصت من الحاله لكن تعرف المريض وحالة اليأس اللي مر فيها يشوف ان مافيه مخرج وصدقت لما قلت ان طول مدة المرض تاثر لان فعلا 7سنوات مع المرض ماهي قليله مرضت وولدي له شهرين والحين ولدي في اول ابتدائي اشوف سنوات عمري اللي ضاعت قدامي مع اني سويت اللي علي تعالجت بالطب النفسي وبالرقيه وبالعلاجات الشعبيه الحجامه الكي لكن ربي ما كتب لي اتشافى من هالحاله نهائي لكن الامل بالله كبير اليوم الحمدلله احس نفسي افضل من امس واللي قبله وبستناك حتى لو بعد 5سنوات لين تترك العلاج هههههههههه الله يسعدك ويبعد عنك الهم |
||
|
|
|
| الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
