اريد المساعده ارجوكم

اريد المساعده ارجوكم

السلام عليكم ورحمه الله وبركاته
اريد ان اعرف حلا لهذه المشكله
وهى لطفله عمرها 6 سنوات
وهى ابنه اخى
ولى تاثير عليها لابأس به لانها تحبنى
ساحكى اولا مدلول شخصيتها وبعد ذلك ساقول مشكلتها
هى الطفله الاولى لابيها وامها وهى الطفله الاولى لنا وايضا لعائله الام
لذلك اخذت دلع من الجميع من اعمامها وخالااتها واجدادها جميعا
كنا ندللها ولكن بحكمه كلنا هنا نعاملها ونحبها بعطف وحنيه وعدم تدليل
ولكن امها تعاملها بحنيه شديده جدا واعتقد ان سبب المشكله هى الام والاب
المهم هذه البنت ذكيه جدا جدا منذ صغر سنها وهى تدرس شخصياتنا جميعا بحرص اعتقد وهى فى سن 6 شهور وهى تعلم كيف تدخل لشخصيتك كانت بارعه جدا فى معرفه شخصيه من يعاملها وكانت تستطيع ان تستغل المواقف
يعنى مثلا ان كان ابواها موجودين فتزيد من الشقاوه والدلع وعمل اشياء غلط كانت لاتفعلها وهم مش موجودين
اما لو كانت معنا وحدها فانها تتصرف بعقل وبحكمه شديده
منذ صغرها وهى تتكلم بسرعه وبلباقه عن الاطفال الذين يتساوون معها فى العمر
كانت تتعلم بسهوله جدا وكنا جميعا نهتم بها ولانقصر

وظلت مشكلتى معها اننى ادلها على الصح وهى تفعل اشياء غير صحيحه
فاخاصمها بالايام ويمكن بالشهور
وبعد كده تيجى مامتها تسالها عمتك مخصماكى ليه تقول لها علشان بعمل حاجات غلط
وبعد كده اجى اصالحها تكون هى لسه فاكره انا مخصماها ليه واكون انا نسيت
وبعد كده اقعد معاها واقعد افهمها واحكيلها واجيب لها اشياء تحبها ومسافه ما تنزل عند باباها ومامتها تنسى كل حاجه وترجع زى ماكانت
وجهت الاب والام كذا مره ان فى شيئ غلط فى معاملتهم ولكنهم لم يستجيبوا لى بل زعلوا منى
فاقتصر دورى على ان اوجهها طول فتره مكوثها عندى
وهى تكون معى ممكن 6ساعات فى اليوم وممكن اكثر وهى تحبنى وتتقبل منى
ولكن بمرور الوقت ابتدت تمل منى وانا امل منها لان الاخطاء واحده والنصايح واحده انا بشد عليها وزهقت انها بتعمل نفس الاخطاء التى اتفقنا من قبل انها لن تفعلها
وهى زهقت من كتر مااخاصمها علشان الاخطاء دى

الى ان ازدادت سوءا منذ ان انجبت والدتها اخوها وهى فى عمر 5 سنوات
تكره اخوها كرها شديدا ولا تجعله يلعب باى شيئ حتى ولو كانت العابه
ابوها وامها يحاولون الاهتمام بها وحدها وعدم اظهار حبهما للطفل الجديد
مستواها فى المدرسه ابتدى يسوء وعلاقتها اصلا باصدقائها سيئه من الاول واذدادت سوءا
علاقتها فى اللعب مع اى اطفال متسلطه فى اللعب لدرجه انها تسيطر على الاطفال اكبر منها سنا وتلزمهم باللعب كما هى تريد ويسمعون كلامها
وعندما نرى ذلك نقول لها لاتفعلى ذلك
مهمله فى لعبها وكل العابها متكسره ولا تحافظ عليها برغم من كثرتها

منذ ان اتى اخوها عمها كمان جاب بنت فاصبح فى المنزل اتنين ينافسونها فى الحب والاهتمام بعد ان كانت وحيده لمده 5 سنوات
اصبحت مكتئبه وعدوانيه ولا تسمع الكلام وعصبيه


المشكله

ان ابنه عمها تلك تلبس ذهبا وهى عندها عاما الان
تجرات عليها بان خلعت الخاتم من اصبع بنت عمها واخذته للعبها بدون ان يراها احد
الى ان اكتشفنا ذلك ولكننا لم نقول لها
وبعد يومين رجعت الخاتم والقته على الارض ونزلت سريعا بدون ان يراها احد
وهذا اسلوب جديد لم نتعهده من قبل

لقد لاحظت منذ شهور انها ايضا اخذت اشياء من صديقاتها اشياء بسيطه جوانتى وقلم واستيكه
فقلت لوالدتها من اين هذه الاشياء قالت لى ان اصدقائها نسوها معهم
قلت لها خلى بالك منها ..قالت لى بنتى مش ممكن تسرق واصلا متعرفش يعنى ايه المصطلح ده

اسلوب الام للطفله لايعجبنى منذ بدايه الطفوله اشياء كثيره كانت تتغاضى عنها لتريح دماغها منه
والاب مره واحده يزعق على شيئ تافه ويسيب شسئ كان من الممكن ان يستحق
والبنت مش عارفه منه ايه اللى ممكن يتزعق عليه وايه اللى لا
الام تخاف من ابنتها وتطاوعها على كل شيئ ولاتستطيع ان تعاقبها بل تبكى عند بكاء الطفله وتبكى ان حرمتها من اى شيئ والطفله مستغله النقطه دى اسوأ استغلال


لا ادرى ماذا افعل وكيف اوجه هذه الطفله انا تاثيرى عليها قوى
وعندما اخذت هذا الخاتم استشهدت لها بالانبياء وقصص الصحابه وقصص ناس اللى بتسرق ايه اللى بيحصل ليها وقصص الناس اللى بتوب ومش بترجع تانى

واثناء حوارى معها قالت لى ياعمتو اللى يسرق مره واحده بس
قلت لها طالما مش هايسرق تانى خلاص ربنا هايحبه انما لو سرق تانى ربنا مش هايحبه

اسلوبها رائع فى الكلام وشديده الذكاء وصعبان عليا ضياعها كده

ياريت تقولوا لى كيف اتعامل معها وكيف اوجه للام والاب رساله لهم لياخذوا بالهم من تلك الطفله التى ستضيع

خيرا
جزاكم الله

المصدر: نفساني

هو ليه مفيش حد بيرد عليا من المتخصصين؟