|
|
||||||||||
ملتقى أصحاب الرهاب هل تعاني من الرهاب ...؟ لست وحدك في ذلك!... |
|
أدوات الموضوع |
15-08-2009, 10:07 AM | #1 | |||
عضو
|
معاناتي مع الخطوط السريعة ، المرتفعات ، الطائرات ، الجسور
السلام عليكم ورحمة الله وبركاته
بداية ً أحب اعرفكم بنفسي .. أخوكم عبدالله .. العمر 32 سنة .. متزوج واب لثلاثة أطفال من سكان مدينة جدة - السعودية .. قصتي .. قبل 14 سنة رزق أحد أخوالي بأبن ، وتعرفون العادات عندنا الزيارة من اجل الاطمئنان والمباركه المهم .. يسكن خالي بجنوب مدينة جدة وانا اسكن بشمال جدة والمسار السهل للوصول بين الجهتين ( شمال جدة ، جنوب جدة ) الخط السريع اللي يسموه خط الحرمين ( مكة - المدينة ) ذهبنا انا والعائلة للاطمئنان والمباركه وكنت على ما يرام وكان عمري حين ذاك 18 سنة وعند الرجوع وانا سائر بالخط السريع وبالمسار الأيسر ( السريع ) شعرت بخوف فضيع ، فضيع ، فضيع لم اشعر به من قبل واحسست بالموت ولا ادري كيف وصلت للمسار الايمن ولا ادري كيف اوقفت السيارة وكان جميع من في السيارة وعلى رأسهم امي يرددون ( ايش فيك ، وش صار ) ولم اتفوه بكلمة واحدة وخرجت من السيارة وجسمي يرجف وعرق يصب ودقات القلب سريعة جداً .. المهم تعوذت بالله من الشيطان وغسلت وجهي وركبت السيارة ومشيت على اقل من مهلي ولازم المسار الأيمن إلى أن وصلت البيت ومن بعد ما حدث لي اصبحت اسير في الخط السريع بالمسار الأيمن فقط ( خلف الشاحنات ) اروح لأي بلد .. لأي مكان ولكن بالمسار الأيمن وشرط اكون سائقاً وليس راكبـاً راجعت في تلك الفترة طبيب نفسي سوداني بمستشفى الجدعاني بجدة - حي الصفا واخبرني ان الحالة اللي معي تسمى نوبات هلع واعطاني دواء ( لا اذكر اسم الدواء ) وبصراحة ما استمريت على الدواء وراجعت احد الشيوخ وقرأ علي واخبرني انه احتمال تكون .. عين .. واعطاني الدواء ( الماء والزيت و العسل ) وبصراحة ما استمريت على علاج الشيخ وخلاص عرفت انه مالي إلا المسار الأيمن بالخطوط السريعه والحاله مستمره ومافي فكه مشيت الايام والشهور إلى أن جاء يوم طلب مني الوالد تجهيز شنطة من اجل السفر إلى أحدى الدول العربية من اجل السياحة وعلى الفور قمت بتجهيز الشنطه والتوجه مع العائلة إلى المطار بسيارة العائلة وكنت انا السائق على الرغم انه كان لدينا سائق اندونيسي ما اعطيته فرصه يقود السيارة والسبب وضحته لكم المهم وصلنا المطار وصرت افكر كيف اذا وصلنا للدوله هذه مين راح يسوق السيارة وكيف راح استطيع اخراج نفسي من المأزق هذا ( نوبات الهلع ) ركبنا الطيارة وياليتني ما ركبتها وقبل الاقلاع ونفس الحالة ( خوف شديد ، رجفه ، عرق ،الخ ) وصرت بس اذكر الله واتشهد ومتصلب في مكاني إلى وصولنا ووصلنا والحمد لله وركبنا التاكسي ونفس الحاله ( خوف شديد ، رجفه ، عرق ،الخ ) الى ان وصلنا الى السكن والاهل كل يوم في مكان وانا في السكن او اخرج اتمشى على قدمي إلى وقت الرجوع الى الوطن واحنا متوجهين إلى المطار ونفس الحاله والطيارة ونفس الحاله الى وصولي للبيت بعدها حرمت السفر نهائيــاً ومرت الايام والشهور والسنين وكتب الله لي ان اتزوج أمرأة من سكان مكة وكل اسبوع مكة - جدة وبالمسار الايمن وبدون اي مشاكل إلى ان جاء يوم وطلبت مني زوجتي ايصالها مع اطفالها الى اهلها بمكة من اجل الجلوس والاهتمام بوالدتها المريضة لعدة ايام وقمت بإيصالها والرجوع إلى جدة وبدون اي مشاكل وبعد عدة ايام اتصلت زوجتي وطلبت ان آتى لأخذها مع الاطفال للرجوع إلى جدة وانا قادم في الطريق من مكة إلى جدة وقبل كوبري بحرة شعرت بخوف فضيع ، فضيع ، فضيع لم اشعر به من قبل واقوى من سابقه هذا وانا بالمسار الأيمن اوقفت السيارة ولم استطع الخروج منها وصرت اصيح وابكي واقول يارب ايش اللي صار لي انا ايش عملت وصرت اذكر الله واذكر الله واذكر الله إلى ان هدأ الحال قليلاً وبدأت في السير وانا خائف جدا جدا جدا وحذر ومترقب وبسرعة 60 كلم في الساعة الى ان وصلت جدة تقريبا هذا الكلام قبل 10 شهور بعدها قررت مراجعة طبيب نفسي وبالفعل وبدون حجز استطعت الدخول لدكتورة اسمها سناء بمستشفى سليمان فقيه وحكيت لها وبالتفصيل الممل لما حدث واخبرتني ان الموضوع بسيط واني اتشجع وما اخاف ومحد يموت قبل يومه و و و و الخ وكتبت لي 3 ادويه الدواء الاول : Seroxat 20 mg حبه في اليوم و الدواء الثاني : Faverin 50 نصف حبه قبل النوم و الدواء الثالث : Lexotanil 3mg نصف حبه في اليوم المهم اشتريت الادويه هذه وصرت اخذها بإنتظام وجاهدت اني اطلع الخط السريع وما اخاف وبالفعل طلعت وزال الرهاب والموضوع صار طبيعي والمسار الايمن نفسه وكل شيء على مايرام إلى أن انتهى الدواء وقلت خلاص الرهاب زال ولن اخذ هذه الادويه بعد الآن وذات يوم تقريبـا قبل 7 شهور وانا طالع إلى مكة رجع نفس الموضوع وحدث الخوف بالقرب من مستشفى الحرس الوطني وعلى مهلي إلى ان وصلت لكوبري بحره وطلعت معاه وتذكرت انه في مسار يوصلني لمكة عبر الخط القديم وبالفعل سلكت الخط القديم ( مكة - جدة ) ولم اشعر بالخوف واستمريت ومازلت مستمر عند الذهاب إلى مكة أذهب عبر الخط القديم وبدون اي مشــاكل لكن الخط السريع لا و ألف لا بعدها قررت الرجوع لزيارة طبيب نفساني وصار لي وراجعت وبموعد دكتور اسمه علي اكرم بمستشفى عرفان وشرحت له الحاله واعطاني Seroxat 20 mg و xanax 0.5 mg واستمريت على الدواء فترة ونفس المشكلة إلى ان قمت بإيقاف الدواء نهائيــاً و الاستسلام التــام لهذا المرض لم اعد مثل السابق حاولت وحاولت وحاولت التغلب ودون جدوى والآن لا أدري ماذا أفعــل ساعدوني الله يجزاكم بالخير اخوكم المغلوب على امره عبدالله المصدر: نفساني
|
|||
|
15-08-2009, 10:09 PM | #2 |
عضو فعال
|
أخي _ بارك الله فيك _ لابد ألا تستسلم للمرض وأن تستمر على العلاج الذي وصفه لك الطبيب ، وقبل كل ذلك لابد أن تتجه لله _ عزوجل _ وأسأل الله أن يشفيني وإياك والمسلمين .
|
|
15-08-2009, 11:10 PM | #3 |
همس أنثى سابقا
|
ياااااااارب ترفع عنا جميعا البلاء وتغلبنا على هالمرض قصتك
تحزن لكن تذكر ان لك رب كبير قادر يزيل عنك ماابتلاك بثانيه واقل بس عليك بالصبر والاقلاع عن المنكرات والزم الاستغفار والدعاء وداوم على قراءه سوره البقره واستمع للرقيه ويارب تلاقي الخير على الاقل انت تزوجت وعرفت وش انت عليه احنا النساء مانقدر نخوض هالتجربه ووضعنا كذا ........... |
|
16-08-2009, 01:10 AM | #4 |
عضـو مُـبـدع
|
اخوي :: FREE ::
انت كل الي عندك هو نوبات هلع اكثر من كونها رهاب اجتماعي وصدقني يا اخي الكريم ان الادويه تعالج هذه الحاله بشكل فعال المشكله يا اخي الكريم انك توقفت عن الدواء..يعني حسيت بتحسن و توقفت عن الدوا...وهذا اكبر غلط...لان الواحد لازم يستمر على الدواء اقل شي لمدة سنه او سنتين وحتى لو استمر عليه اكثر او استمر علي مدى الحياه عادي ما في اي مشكله والمهم الان اخي الكريم انك ترجع لسيروكسات وتبدؤه بالتدريج... وعند بداية تناول اي دواء نفسي راح تحس باثار جانبيه متعبه..هنا لا بد من انك تاخذ حبه مهدئه وايضا قبل ما تمسك الخطوط السريعه والكباري والانفاق وغيرها..خذ حبه وحده من الزانكس عشان تهدا..وامسك الخطوط السريعه اكثر من مره راح تكون هادي بسبب مفعول الزانكس الحبه المهدئه..مع الوقت ومع تكرار هذه التجربه راح ترسخ في عقلك هذه التجربه الايجابيه وانك قدرت تمسك الخط السريع بكل امان وطمانينه..وكل ما تمر من خط سريع تذكر دائما هذه التجربه الايجابيه انك قدرت تمر الخط بسلام وايضا يا اخي انت لم ط تطبق علاج مهم جدا جدا جدا وهو العلاج السلوكي المعرفي..وهو نصف العلاج..وهذا العلاج يهدف الى تطوير معرفتك حول المرض وان مهما كانت اعراضه متعبه الا انه مرض بسيط وعلاجه سهل وممكن..وايضا يهدف على تطوير سلوكك وتطوير تفكيرك بحيث انه تفكيرك يكون ايجابي دائما..ومع الوقت والتدريب رح تصل الى مهاره في التفكير الايجابي بحيث انك تقدر تطرد اي افكار سلبيه تجيك وتقدر تتغلب على المتاعب النفسيه بكل سهوله باذن الله يعني على سبيل المثال اخوي فري انت كم مره مسكت خط سريع في حياتك؟؟ نقول مثلا الف مره وكم مره جتك نوبة الهلع في الخط السريع؟ نقول مثلا 10 مرات يعني مسكت الخط السريع الف مره وانت مطمن وهادئ وفي المقابل مسكت الخط السريع 10 مرات وانت قلقان وخايف لما شعور معين يتكرر معاك الف مره وشعور اخر يتكرر معاك 10 مرات فقط هل من المنطق انك تركز على الشعور الي استمر معاك فتره طويله وتكرر معاك بشكل اكبر ..او انك تركز على الشعور الي استمر معاك فتره قصيره لا تذكر وتكرر مراك بشكل قليل جدا ؟ طبعا من المنطق والعقل انك تركز على الشعور الي استمر معاك لفتره طويله وتكرر معاك بشكل اكبر لكن احنا مشكلتنا اننا دائما نخزن الذكريات السلبيه ونسترجعها...يعني 10 ذكريات سلبيه نسفت والغت اكثر من 1000 ذكرى ايجابيه !!! هذي الشي اخي الكريم راح تعرفه وتتعلمه بشكل كامل مع العلاج السلوكي المعرفي كيف انك تقضي على الذكريات والافكار السلبيه..ودائما تفعل الذكريات والافكار الايجابيه واحب اقولك معلومات بسيطه عن نوبة الهلع ما في احد في الدنيا قد مات بسبب نوبة هلع ما في احد في الدنيا قد فقد عقله بسبب نوبة هلع ما في اي احد في الدنيا قد حصله اي مكروه بسبب نوبة هلع نوبة الهلع هي مجرد افكار سلبيه تكون في عقل الشخص مستحيل ابدا ابدا ان تتطبق على ارض الواقع ..ونوبة الهلع هي اتفه واحقر من ان تؤذي الشخص او تتسبب له في اي اذى |
|
16-08-2009, 04:49 AM | #5 | |
عضو
|
اقتباس:
وراح انتظم في اخذ الدواء .. ومثل ما تفضلت لابد من التوجه لله اسأل الله لي ولكل مريض مبتلى بهذا المرض بالشفاء العاجل اشكرك اخي أبو عبد البر |
|
|
16-08-2009, 04:51 AM | #6 | |
عضو
|
اقتباس:
والحمد لله على كل حـال وشكرا على نصيحتك الطيبه شافني الله واياكي وسائر المسلمين بارك الله فيكي اخيتي |
|
|
16-08-2009, 04:52 AM | #7 | |
عضو
|
اقتباس:
وان شاء الله راح اجاهد واعمل بنصائحك ردك اسعدني كثيرا بارك الله فيك ورحم الله والديك |
|
|
26-08-2009, 01:45 AM | #8 |
عضو نشط
|
شفاك الله اخوي عبدالله
نصيحة ياخوي استمر علي العلاج تراة يجيب نتيجة بس يبي صبر وطولة بال وكل اللي عندك نوبات هلع وراح تروح وتخف من خلال الدواء والمتابعة مع الطبيب |
|
14-09-2009, 09:20 AM | #9 | |
عضو
|
اقتباس:
والله يجزاك بالخير على النصيحة الطيبة |
|
|
15-09-2009, 04:39 AM | #10 |
عضومجلس إدارة في نفساني
|
حياك الله اخي الكريم فري ..
كل صغير توليه اهتمام يصبح كبير .. توكل على الله وخذ بالاسباب واعلم ان الشفاء من عند الله وكل شي مقدر ومكتوب من قبل ان نخلق فكيف نحمل هم امر قد كتبه الله علينا واعلم ان الله رحمن رحيم لطيف خبير ... اسأل الله لكل مبتلى الشفاء والصحه والعافيه .. |
|
23-09-2009, 06:24 AM | #11 | |
عضو
|
اقتباس:
|
|
|
25-07-2010, 07:31 AM | #12 |
عضو
|
من جديد
راجعت الدكتورة اللي اتعالج عندها وكتبت لي نفس الادويه اللي كتبتها لي بالسابق وزيادة عليها دواء أسمه انافرانيل 10 ملجم جلست مستمر على الادويه اسبوعين وحاولت اطلع الخط السريع وما قدرت الان بطلت من الادويه وسلمت الامر لله خلاص انا انتهيت ولا حول ولا قوة إلا بالله |
|
25-07-2010, 05:27 PM | #13 |
عضـو مُـبـدع
|
أخوي أذكر ربك ولا تقول أنتهيت.......البلاء موكل بالمنطق يا أخوي الله جلا وعلا يقول (ياأيها الذين آمنوا اتقوا الله وقولوا قولا سديدا - يصلح لكم أعمالكم ويغفر لكم ذنوبكم ومن يطع الله ورسوله فقد فاز فوزا) يا أخوي العوام تقول (قول خير...يقوله الله)......فاصبر وتفاءل ولا تتكرر العبارات السلبية على نفسك لا تخلي الشيطان يقنطك ويفتح لك باب اليأس والضياع أخوي مو أنت الوحيد اللي تعاني من ذا الشئ.......أنا أعاني من هذي المشكلة طيلة ثماني سنوات..........ولو كنت بحكيك كيف هي معاناتي لعلمت إني أشد منك واقسى.......على الأقل أنت تقدر تسيطر على خوفك......يا أخوي أنا الآن لي مدة ما طلعت من البيت ولو مشوار خمس دقايق...........بس الحمدلله صابره على الإبتلاء......وما تضيق إلا تفرج إن شاء الله أخوي خذها مني مشكلتك إصابة روحية بحته.........لذلك ما فاد معاك الدواء ولا التعرض والمواجهة أخوي أنا قرأت وسمعت عن أشخاص عانوا أشد من معاناتي ومعاناتك وقعدوا سنين في هم وسجن...........ولا تشافوا إلا بالرقية الشرعية فأبدأ فيه............أخوي والله وبالله وتالله..........لو جربت أدوية الدنيا كلها ولو شرقت وغربت تبغي العلاج والعافية..........فصدقيني لن تجدها إلا بتقوية إيمانك وتوكلك على الله..........حتى ولو كنت مصاب أصابة روحية..........علاجك بالإيمان واليقين والتوكل اكثر من قول (حسبي الله لا إله إلا هو عليه توكلت وهو رب العرش العظيم) وتأمل الأية(الذين قال لهم الناس إن الناس قد جمعوا لكم فاخشوهم فزادهم إيمانا وقالوا حسبنا الله ونعم الوكيل ) وانظر ماذا جنوا بعد توكلهم (فانقلبوا بنعمة من الله وفضل لم يمسسهم سوء واتبعوا رضوان الله والله ذو فضل عظيم) ثم تأمل قول الله في الأية اللي تليها (إنما ذلكم الشيطان يخوف أولياءه فلا تخافوهم وخافون إن كنتم مؤمنين) للأسف الشيطان يبحث في كل مؤمن عن مدخل ونقطة ضعف يأتيها منه لكي يفسد عليه دينه ودنياه أخوي أنا هذي الأيام أشعر بضيق وكدر ما الله به عليم...وفي لحظة ضعف أخذت اشتكي هنا وهناك......ولكن امس كنت اتحدث مع اخت فاضلة أصيبت بإبتلاء أشد مما تعانيه........تقول لي والله كنت أنظر إلى الدنيا نظرة مودعة....وكأني من أهل الأخرة.........تقول ومع ذلك ما اشتيكت لأحد قط.......كنت دائماً أكرر الأية (ففروا إلى الله) مكثت شهرين......لا أشكي همي إلى الخلق الضعفاء العاجزين امثالي........ولكني أذا اتى ثلث الليل الأخر.......شكيت همي إلى الحي القادر.........وسبحانه كشف عني ما أعانيه.....وتحلف أنها ما دعت الله قط في ثلث الليل الأخير......إلا من الله عليه بالإجابة أو الرضا والطمأنينة فهل نعي ذلك .......... ونشكو همنا لمن بيده ملكوات كل شئ أسأل الله ان يفرج عنك همك......ويرزقك كمال التوكل...ويمتعك بالصحة والعافية عاجلاً غير أجل
|
|
25-07-2010, 05:57 PM | #14 |
عضو نشط
|
عليكم السلام ورحمة الله وبركاته ، اخوي عبدالله ، تشرفنا بمعرفتك ونرحب بك معنا في هذا الصرح ، والعمر كله ياارب ، ويخلي لك اطفالك ويصلحهم ياارب ، بداية : انت فصحت عن ضائقتك ومشكلتك بشكل تفصيلي ، واقوول لك وقالت لك اختي مطمئنه سابقا ، بأنك لست وحدك تعاني من هذا المرض وربما انها اشد من ذلك او انا اشد ، والله العالم وكل واحد حاس في لحظة استثارة نوبة الهلع لدية التي ان طالت مدتها لاتصل الى اكثر من نص سآعهـ ، وعن السفرر ، فوالله العظيم ، اني اذا سافرت وحدي تأتيني نوباات الهلع ورى بعض ، وتشتد وتخف وتعود تشتد وتشتد ، وأوقف السيارهـ ، وبالكاد اتنفس ، ومع هذا انا مدخن ، واعاني من ألتهاب الشعب الهوائيه { الربو } ، فتخيل قد ايش اتعذب واحس في كل نوبة انها نهاية حياتي ، والله ياخوووي ، حتى اصدقااائي سحبت عليهم ، قطعت علاقااتي ، جاني رهاب واكتئاب وعلى الادويه وللحين مافي تحسسن الا مع الرقييية الشرعيييه ....والله يا انا اصبت بوسواس ، اكاد انجن منه ، في كل نوبة اتهيء الى الموت ، واتشهد من شدة ما أحس به ، وأقول في نفسي ، رحمتك يارب ارحمنا الطف بنا أرأف بنا يأقووي يآعززيز لاتعذبنا يالله ، ففي نوبة الهلع ، شعور بأقتراب الاجل ، بلفظ الانفاس الاخيرهـ ، فقد يبس ريقك وتشنجت عضلات جسمك وقد تسارعت خفقات قلبك دون جهد منك بلا سبب وهبوط بسيط في ظغط دمك ، والارهاق والتعب والصعوبة في تحريك اطرافك واعتراك الخووف الشديد ، وتجد صعوبة في النطق وشحوب في لون وجهك وصراحه شعور لايوصف ، ومن رحمت الله بنا انها مؤقته ، عسى ان يرحمنا ربنا ويشفينا ، تقريباا نحن مثل بعضنا تماما ، ولكن باختلاف المكان والزمان . وعن قصصنا فهي مشابهه لك واشد ، وانظر الى مواضيعنا وشكوانا في الملتقى ، وأخييرا ، ادعوا الله العلي القدير ان يشفيك ويشفينا والمسلمييين اجميعيييين .. ونحن هنا اخوانك لاتتردد في سؤالنا عن اي شي ، تأكد اننا اسرة واحدة ونحس في بعضنا لأننا جربنا اللي مريت فيه ومنت بلاقي احد يفهمك ويحس فيك غيييييرناا ، تحيـ ـآتـ ـي ، دمتم بود ومحبه .. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|