![]() |
|
![]() |
|
![]() |
||||||||
|
||||||||||
![]() |
![]() |
![]() |
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
![]() |
#1 | |||
عضو نشط
![]() ![]() |
من يعطيني السعاده وأعطيه كل ماأملك ....؟؟؟ دلوني تكفــــون لاتتركـــــوني
السلام عليكم ورحمة الله وبركاته أنامدري وش أبدى به صدقوني كلي غلط بغلط أحس أستغفرالله ربي خلقني عله على نفسي تعبت وربي تعبت تخيلو كل ماجلست مع خوياتي ماأقدر أركز حتى أنهم صارو يسموني السارحه ياربي أناوش ذنبي بدنيتي وش سويت بس محد حولي أشكي له أمي وأبوي تعبانين وماودي أزيد تعبهم وخوياتي ماأثق بهم كثير ولو وثقت مابي أضيق صدر أحد تعبت وربي تعبت أوجاع بصدري مايتحمله أي مخلوق حتى دراستي تردت والدكتوره تقولي أنتبهي لنفسك ولا راح ترسبين (معقوله أنسانه كانت ممتازه ترسب ) معها حق لأني أسرح بالمحاضره وحتى لو نادت بأسمي وبصوت عالي ماأنتبه لها لين تدفني وحده من خوياتي وتنبهني وعندي روتين ذبحني وهو روتين مقدس قبل نومي لازم ربع ساعه دموعي على مخدتي (الأنسان يستمتع بالأكل وأناآكل عشان ماأموت وبدون لذه بالأكل ) تخيلو تخيلوصرت أفكر أطلع من الجامعه لأني مابي أشوف الفشل قدامي وأناعلى يقين أني هالسنه برسب مع سبق الأصرار والترصد أحس بجوفي نار تستعر وهموم مقدر أبوح بها الاللي يخاف علي أكثر من روحه ومحدن لي سوا أمي وأبوي وهم نور دنيتي ولوأموت ماشكيت لهم وبحت بجروحي لهم وقتي يطول ودمعتي يجددها نزف جرحي اليوم كنت جالسه مع البنات بمطعم الجامعه وجالسين يسولفون معي ويضحكون وأناأضحك وأجاملهم وسرحت وأنامدري ويوم أنتبهت لنفسي لقيت المحاضره بدت وكلن راح للقاعه ألا أنا همي ذبحني وتفكيري ذبحني يانااااااااااااااااااااااااااااااس تكفوووووووووون أنتشلوني من اللي أنافيه وربي بموووووت ماني قادره أواجه أحد كل شهر أحس حزني وتعبي يزيد وش اللي ناقصني وربي ولاشي ولاشي سوا أني ماأملك سعادتي أبي دقيقة سعاده دقيقه بس مابي كثيرواللي عنده يبشر بعزه له كل ماأملك مستعده أعطيه اللي يبي بس دقيقه أبي أضحك من كل قلبي ولا أقولكم مابي أضحك من كل قلبي أبي أضحك من شوي من قلبي صرت أخاف أني أسلم على أحد وكل ما سألني أحد عن شي أحس أنه يبي يضرني صت ماأحب أجلس مع زميلاتي وأغلب الأحيان من كثر تفكيري أجلس بعيد عنهم وأمسك كتاب أسوي نفسي أقرا فيه وأنا جالسه أفكر بشي ثاني غرفتي صارت مكان خلوتي مع نفسي خلوتي مع روحي وحزني وهمي وربكة زماني دايم أحس أني بخيال ماني بحقيقه قبل فتره تقولي وحده من البنات أنتي وش فيك ليش دايم مسرحه وماتضحكين بس ياكثر أبتساماتك الصامته بذمتكم هذا حال وحده ماتجاوزت العشرين من عمرها وتملك كل وسائل الراحه مال جمال الحمدلله مافيني تشويه ولا إعاقه وأملك أسره مترابطه متألفه يربطهم الدين وخوف من الله أب وأم يحبونهاو سفر كل سنه إلى أحلى البلدان وشخصيتي ممتازه بشهادة الجميع سواء دكاتره أو صديقاتي والمشكله كلن يحسدني على وضعي مايدرون عن شي الله يكفيهم الشر صدقوني أحس كلن بدا يبتعد عني (مدري هم يبتعدون ولا أناأبتعد عنهم بس أحس أني وحيده بهالكون محد فاهمني ) غريبه أفعالي وعجزت أبررهادايم أقول لخويتي الروح بالروح :أنتي تشفقين علي وودك تبتعدين عني أناأدري أنك صرتي تملين مني (أعيدها عليها كلماحسيتهامتضايقه) أحس أني بحافة نهايتي صدقوني دمعتي بسرعه تطيح حزني يزيد يوم ورى يوم أسبوع ورى أسبوع شهر ورى شهر يارب سترك رغم كل هذا ماحدني حزني على أني أرتكب معصيه سواء بأني أتونس بطلعات فارغه لتضييع وقتي أو أضيع وقتي وحزني فيما حرم الله يارب دعيته بصلاتي يزيل همي وياخذ روحي كان بحياتي شقى أرجاكم أرجاكم ساعدوني أناماقدرت أعيش زي الناس وحياتي كلها غموض مدري من أبوح له مدري من أشكي له وكلن يبي يضرني كلن يبي ياخذ مني كل شي كل شي يحسدني حتى على بسمتي وينعتوني بالمغروره لأني بعيده عن أفكارهم ولا أبوح بأي شي وأحب أختلي بنفسي دنياي ماجتني على كيف طوعي زماني شحيح علي حتى بسعادة دقيقه حاولت بكل طريقه أسعد نفسي ولقيت أني كلما حاولت أسعد نفسي أكتشفت أن الحزن عميق بداخلي وكل ما زاد حزني قلت الله يعين ______ هذا بوحي بهالصفحه العقيمه ربما لا تملك مواساة لحزني ولكن قد تملأهابنان إيديكم بكل مايشرح صدري ........ الله يعين وفمان الله المصدر: نفساني
|
|||
|
![]() |
#2 |
عـضو أسـاسـي
![]() ![]() ![]() ![]() ![]() ![]() |
مرحباً أختي الغالية **
قرات الموضوع .. وشعرت بك .. أختي أنت من الشخصيات الحساسة جداً , و أنت شيالة همً غيرك .. والتفكير كثير بمستقبل , و الهروب من الوقع من حيث الخوف من الفشل , وتعاني من إضطراب في النوم يعني بكاء قبل النوم لابد من سؤال نفسك هل بسبب أوبدون سبب , واضطراب في الاكل وعدم الشعور باللذة في الاكل , ضيق الصدر عندك بشكل مستمر , والتفكير السلبي ممكن أحد سوف يضرك وهل هذا غصب عنك أم ماذا ؟ , و عدم الرغبة في الاختلاط مع الناس وحب العزلة , وهل فكرتي بالموت ؟؟ . أختي الغالية أنت بحاجة إلى مراجعة عيادة نفسية , وأنت بحاجة إلى جلسة معك لكي أفهم منك المشكلة بشكل أدق أكثر من نت , وأنت فكري في الموضوع ولا تتركي نفسك هكذا أختي ** أتمنى لك الشفاء |
|
![]() |
#3 |
عضو نشط
![]() ![]() |
أول شي أحب أشكرك من كل قلبي
حزني ليس من مشكله بالتحديد ولكن هو المشكله بحد ذاتها ضيقة صدري بشكل مستمر وبأي شيء ولأي شيء و أتوقع أن أحد سيضرني غصب عني وشيء الفت عليه لم أحاول الإنتحار وبيني وبينك ليش أنتحر وأناأعيش موتي ونهايتي ؟!؟؟!؟!؟!؟ أختي الغاليه أستاذه هند أناماأقدرأروح لعياده نفسيه لظروف وهي أنني لا أستطيع أن أخرج لوحدي ولاأريد أن يعرف أحد بأني أذهب لعياده نفسيه .. ولظروف أخرى أيضاً أناتعبت وكل يوم تزيد حالتي أحس أني ولاشي أحس أني بدون ذات صدقيني ماني قادره أضحك أوأوسع صدري وصايره هالأيام أمشي بحديقة البيت بس كلما طلعت لبرا أجلس على المرجيحه وترجع الأفكار تحوم حولي وحزني يزيد ... تعبت ولابقى شي أعيش لجله أنصرت أشوف بعيوني أنتحاري الاأرادي... تحياتي لك ومشكوره على مساعدتك لي وأحساسك تجاهي .. فمان الله |
|
![]() |
#4 |
عـضو أسـاسـي
![]() ![]() ![]() ![]() ![]() ![]() |
مرحباً أختي و رمضان عليكِ بخير ***
لابد أن يكون عندك الصبر , و أتمنى أن تكلمني على هاتف المركز الطب النفسي السلوكي تحياتي لك |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|