اريد أجابات من الدكتور الفاضل ابراهيم الدريعى او الدكتوره الفاضله هند غصن

اريد أجابات من الدكتور الفاضل ابراهيم الدريعى او الدكتوره الفاضله هند غصن

بسم الله الرحمن الرحيم
انا عضوو جديده معاكم وبصراحه الموقع جداا رائع وانشاء الله ربى يجعلها بموازين حسناتكم ........
انا متزوجه وعندى ولد عمره سبع سنوات من جده
مشكلتى مع زوجى انه دايم يسهر الى اوقات متأخره ؟؟ لا ادرى ماسبب مع ان شخصيتى جداا رائعه ومن النوع الى احب الحياه واحب الرومانسيه ومااحب الروتين
وزوجى ايضاا شخصيته جداا رائعه اخلاقه جدا عاليه ويعتبر حب حياتى لانى تزوجته عن حب بس عجزت اغيره من ناحية السهر لفترات طويله ودايم يصير الخلاف بينا بسببها واذا قرب الفجر انجن ولازم اتصل عليه واذكره ان عنده زوجه بالبيت ومع كذا مايرجع الا الصباح دكتورى الفاضل ...
اريد منك حلا يساعدنى على جذب زوجى للبيت واى الطرق اتبعها معاه اذا طلع هل اتصل عليه واذكره ؟ وهل اناقشه ليه تأخرت ومالاسباب ؟ عطنى اجابات واكون لك من الشاكرين

وايضاا اعانى مشكله اخرى معاه السفر الى الخارج وطبعا زوجى ماعمره سافر حتى يوم كان عزوبى سافر قبل سنه وتركنى وانا تعبانه وترجيته يأجلها وماحس فينى وتعبى كنت حامل وممنوعه من الحركه .
ووعدنى انه يأخذنى معاه السفره الثانيه المهم دكتورى الفاضل قبل سته اشهر جاب طارى السفر وانا ماسكت وقومة الدنيا عليه وقلت رجلى على رجلك حاول فينى اروح بيت اهلى ومارضيت وقلت اذا تبى تروح روح بس بجلس ببيتى المهم غير رائيه لانى غيرت معاملتى معاه وصرت مااضحك بوجهه ومتضايقه منه الحين دكتورى الفاضل رجع لنفس الموال وانه يبى يسافر برووحه تناقشت معاه وقلت له طيب ماتأخذنى معاك ؟ قال ماأتطمن عليك هناك ومانى عارفه ايش من هالكلام قلت له يعنى كل البشر الى يسافرون باأهاليهم مايخافون عليهم ؟؟
قالى ليه انتى كذا معقده اغلب الحريم يخلوون ازواجهم يروحون وذكر لى اسم صاحبه الى يبى يروح معاه ان زوجته ماتقوله شئ انا رديت عليه وقلت رجاء لا تقارن اى انسانه فينى وكل وحده فينا لها شخصيتها واذا كان عادى عندها بعد زوجها عنها انا مو عادى عندى انا ابيك بقربى ومعاى لو ترووح آخر العالم ابى اكون بقربك
دكتورى الفاضل الحين انا محتاره معاه بهالموضوع وابى رائيك ونصيحتك لانى ماابى افرض نفسى عليه واكون عقبه بطريقه وابيه يأخذنى وهو يبينى معاه وثانى شئ ماابيه يسافر وانا مو راضيه لانه حريص على رضاى عطنى اساليب اتبعها معاه ومنها اصوون كرامتى وعدم فرض نفسى معاه والثانيه مايسافر غصب عنى انتظر ردك
والف شكر على اهتمامكم ريمــــــــــــا

المصدر: نفساني