احس بانى ضعيف الشخصية ومتردد ومتقلب المزاج

احس بانى ضعيف الشخصية ومتردد ومتقلب المزاج

السلام عليكم

انا شاب ابلغ من العمر 28 سنة احس بانى ضعيف الشخصية غير واثق فى نفسى

متردد و متقلب المزاج فشلت فى علاقاتى العاطفية

المصدر: نفساني

هل هناك حل لمشكلتى

اجيبونى بالله عليكم فانا لن استمر فى الحياة وانا بهذه الطريقة انا اتعذب تخيلوا اكبر علاقة عاطفية دامت فقط شهرين كما ايضا اننى الان اريد الزواج وهذه المشكلات ستمنعنى من الارتباط باى انسانة ناهيك عن لن يمكن ان اكون رب اسرة وانا اتحلى بهذة المشكلات اكيد هناك حل ولو عرفته سانفذه فالحمد لله انا لدى ارادة قوية وتصميم
ولكن اريد من يساعدنى للتغلب على هذه المشكلات اريد من يقول لى يمكن ان تفعل كذا وكذا اكيد هناك طرق تمكن الانسان من تنمية شخصيته فمن يدلنى وسيكسب صديق وفى

ضعف شخصيتى: تتمثل فى انه يسهل التاثير عليا فمثلا ارتبطت بفتاة كانت تقول لى كلام محير فى بعض الاحيان لا اجد تفسير له واسال نفسى يا ترى البنت دى كويسة ولا لا والمشكلة انى كنت بسال زمايلى فمرة واحد يقولى اعمل كذا او قولها كذا وواحد تانى
لا قولها كذا يعنى مكنتش بمشى بدماغى بس يمكن لانى ملييش تجارب كتير

التردد : بيتمثل فى انى مبخدش القرارت بسرعة يعنى مثلا عايز اشترى بنطلون انزل اتفرج عليه ولكن ممكن بعد ملاقيه الاقى مثلا سعره غالى فا اقعد افكر يا ترى من المناسب اشتريه بالسعر ده ولا لا واتردد

التقلب المزاجى : مثلا البنت الى كنت مرتبط بيها قاليتلى كذا يبقى هى مبتحبينيش وتبقى وحشة وبعد شوية ابتدى افكر تانى لا بس دى عملت كذا وكذا يبقى البنت دى بتحبنى وكويسة وهكذا

ضعف الثقة فى النفس : انا متهيالى ان هيا دى المشكلة الاساسيه اللى لو حلتها حتحل باقى المشاكل ودى نتجت بسبب انى (شكلى وحش وغريب كمان جسمى مش قوى قوى ومعنديش ذكاء اجتماعى )

وبعد كل المشاكل دى ايه رايكم مش اولع فى نفسى احسن( انا بهزر طبعا لانى مؤمن بان الانسان اهم حاجة فيه الارادة وانا الحمد لله فيا الصفة دى اما بحب اعمل حاجة مهما كانت صعبة بضغط على نفسى وبعملها)

بس ياريت الاخوة الاخصائيين النفسيين ياريت بجد يساعدونى