|
|
||||||||||
عيادة مشاكل الكبار كل ما يتعلق بالمشاكل النفسيه للكبار ، رهاب ، وسواس ، نوبات هلع ، فصام .... يقتصر الرد في العيادة على الأخصائيين المعتمدين للموقع . |
|
أدوات الموضوع |
15-03-2007, 07:33 PM | #1 | |||
عضو جديد
|
ما عادت عندي رغبــــه لأي شي في الحياه
السلام عليكم ورحنة الله وبركاته ..
انا قبل سنه وشهرين توفت جدتي بعدها بثلاث شهور توفى والدي . يعني قبل 11 شهر تقريبا .. مشكلتي انا ما عادت لي رغبه في الحياه مو قصدي اتمنى الموت لا .. بس ما عادت لي رغبه في اي شي .. ما عدت احب اجلس مع اهلي وكل هواياتي السابقه ما صرت احبها قبل كنت مدمنه .كمبيوتر وانترنت ومشاركاتي في المنتدى الي مشاركه فيه اكثر من 6 الاف مشاركه الان افتح الكمبيوتر واجلس اتفرج ع الديسك توب والمنتدى افتح الصفحات واتفرج فيها بدون لا اقرأ شي .. احس ان ما عندي قدره اني اكتب مثل قبل احيان احاول اجبر نفسي افتح الرد ع الموضوع بس ولا حرف ما يطلع مني . الاكل عندي فقدان شهيه يعني يمر يوم يومين ع وجبه وحده بس ومش وجبه كم لقمه واقوم احيان اكون جيعانه وما شبعت بس خلاص احس ماله لزوم الأكل . 24 ساعه فـ داري ارد من الجامعه ادخل انام " عاكسه نومي عشان ما اتقابل مع اهلي واجلس معهم " مو كره فيهم لا وربي احبهم بس ماادري لما اجلس معهم احس اني متضايقه . ولما يجون يكلموني ارد عليهم من غير نفس . طلعات من البيت لـ الحدائق والاسواق زيارات افراح ما عدت احب اروح . المكان الوحيد الي احب اروح له المكتبه .. افرح كثير لما اروح لها واشتري كتب كثيره بس من اقرا عشرين صفحه بالكثير احس اني اختنق فـ اترك الكتاب .. حاولت انوع في الكتب بس نفس النتيجه صحباتي ما عادت لي اتصالات فيهم .. ولما يتصلون اصرفهم او ما ارد عليهم بالاساس . واذا اُجبرت اكلمهم طول المكالمه ارد بـ ايوه .. لا وكلمات مثل هيك . وافرح كثير لما تنتهي المكالمه .. يعني يمر اليوم مثل الي قبله بدون اي انجاز بالاصح بدون لا اعيشه . مستواي في الجامعه كل ماله نازل .. حاسه ان كل يوم عن يوم يموت فيني شي وانا ساكته واتفرج .. مو عاجبتني حالتي ابد بس احس ان مقيده ومو قادره اسوي شي .. . . في الاجازه وبعد وفاة الوالد بـ شهرين تقريبا رحت لدكتور عام اتعالج عن فقدان الشهيه فـ قالي بعد التحاليل مافيني اي شي عضوي والي فيني اكتئاب بسيط . و وصف لي دواء " ناسيه اسمه وما عندي الوصفه " استمريت ع العلاج كم يوم وبعدين تركته.. و مشكورين مقدما المصدر: نفساني
|
|||
|
16-03-2007, 02:28 PM | #2 |
عـضو أسـاسـي
|
..........
.... .. أختي الفاضلـة .. سلام الله عليك ، ورحمته ، وبركاته .. ورحمة الله لمن فقدتيهم ، لهم الجنة إن شاء الله ، ومنكــ الدعاء ، والصدقة لهم . أختي فعلا ليس هناك أي شيء عضوي فيما أنتِ فيه ، وما نقص شهيتكــ إلا عرض من كآبة تحتاج إلى دواء مضاد للاكتاب ، فلا تأجلي أو تسوفــي مراجعة الطبيبــة ، لأجل صحتكــ ، ونفسيتكــ . ربي يسعدكــ ، ويفرج همكــ. |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|