|
اللهم صل و سلم عليك يا رسول الله
كم تمنيت أني في زمانك و أموت بين يديك مجاهدا كلي له شوق و حنين الله يرحمنا برحمته يا رب هذه المشاركة تقرع أبواب السماء يا رب يا رب https://6.top4top.net/p_12551h73f1.jpg |
|
هلا ومرحبا ابو نجلا
الله يفرح قليبك عاجلا غير اجل ويرزقك باب فرج ماحسبت له حساب ويخليك لشبابك ونفسك ويبدل حالك الى اسعد واجمل حال يارب . اعذروني والله ماصرت اشارك كثير بس متابعتكم واقرا مشاركاتكم امانة ماعندي مواضيع تفيد ولا به جديد عسى الله يجيب الجديد السعيد . كنت اسولف مع صاخبتي واختها جايه من الرياض قاعده معنا وقالت لنا سالفه طريت على بالي يابو نجلا سالفه كويله بس بختصرها لك ان اخو زوجها عمره ٥٣ سنه وكان يعاني من فصام واكتئاب وطواعين الزمن ولا اعرس ولا سوى شي بحياته المهم انه حب له وحده ممرضه في مستشفى عمرها فوق الثلاثين وتزوجها وتقول معدهو الاول انقلبت حياته رأسا على عقب سعاده وفرحان وثيابه تلق ورجع شباب عشرين سنه والبنت اللي تزوجها عارفه حالته من الالف الى الياء وتداريه كنه ولدها وتخاف عليه وتدلعه واشتغل وصارت اموره فوق السحاب له خمس سنين الحين عاد تذكرتك قلت عقبال ماتجيك مثل هالسعاده من حيث لاتحتسب قل امين ولا تعترض 😆 |
هلا و الله و مرحبا بك يالغالية الطيبة قطرات الندا
سامحيني بتأخر الرد كنت مخنوق و حرقتني دموعي و الله تفرحيني كثير يا رب نقول لعل و عسى يكون يحالفني الحظ و أتزوج و أسعدكم و لو تعدى عمري الثمانين هههههه الحلو في الرجال يتزوج بأي عمر ما يضره عمره بعكس البنت مسكينه لو تعدي الأربعين و عنست فالمجتمع يقول عنها تعدت العمر و هي مسكينه بخاطرها الزواج صراحة المجتمع ما يرحم بس يا حلوة أنا ما أقدر أكون نفسي لأن عندي تأخر عقلي مع إن ما أحد قاللي عندك تأخر عقلي بس و الله إن عقلي بوه شيء قطرات الندا بسألك أنتي خبره و كذلك محمد البدراني الحين التأهيل الشامل يزوجون أو لا لأن في واحد ما أدري هو يبلف علي أو كلامه صحيح هو مريض بإضطراب وجداني و هوسه هو الطاغي على الإكتئاب بعكسي أنا الإكتئاب طاغي المهم قاللي إن التأهيل يزوجون هههههه و الله أحس إنه يتكذب علي و عطاني من الرخيص لأنه كذوب هههههه دايم يكذب و أنا أسلك له عشانه مريض و 51 سنة مريض و يراجع الأمل ليش أقول يزوجون لأنه هو قاللي ذا الشيء و إستغربت و قلت إنه كذوب لأنه للحين ما راح و ما يعرف التأهيل الشامل و إستغربت ذا الشي منه عاد قاللي تكفى تروح معي التأهيل تعزز لي قلت له أوكيه نقول يا رب و الحمدلله إنه تزوج و إستانس و الله قصته فيها صورة أمل كبير صحيح الزواج يشيل الإكتئاب عند بعض الناس أنا لو متزوج من أيام الثانوية أو حتى بالجامعة كانت أموري بخير و راح الإكتئاب و الرهاب لأن كان عندي و العياذ بالله هوس جنسي دهور حياتي قلبها فوق تحت أنا أعرف شخص كان عنده أرق و قلق و خجل إجتماعي و كان عود هيكله العظمي باين و لما تزوج أرتاح و صار جريء و إنتفخ تعافى و صار فهلوي مع إن عمره في 27 سنة و الله أكبر يا زمن خليها على ربك يا أختي إي و الله معذورة تري أهم شي شوفتك تشاركين حتى لو ما به شي مشاركتك إشقد تسعدنا جميع ربي يسعدك سعادة يا قطرات تعوض عن كل ما فاتك و الله يقبل دعواتك كبيرة و عظيمة في نفوسنا يعلم الله الله لا يرينا فيك أي مكروه و الله يشفيك في القريب العاجل أخبار مواعيدك مع الدكتور علي السلامة تصدقين بروح له مرة ثانية بعد موعدي عند الأمل في آواخر شهر 11 و كيف طلعاتك بالسيارة ههههه وين تمشيتي عطينا علومك فاقدينك من زمان لا اقوم من النوم إلا و خبرتينا عن مستجداتك بالحياة الله يسعدك يالغالية |
والله يابو نجلا وانا اختك معد سقت من زمان زهقت مشكلتي ماحب الزحمه وبرمضان زحمه الشوارع يجي غبي يسقط علي وارتبش واعصب قلت وش لي ووجع الراس السواق موجود وياخذ راتب بلا هم سواقه .
حكاية التأهيل الشامل والله ماقد سمعت بها لكن رأيي مخالف ويمكن مايعجبك انا ابيك تتزوج لأن اخترت الانسانه اللي تعيش معها مو شختك بختك وياتصيب ياتخيب كذا ماينفعك انت بالذات اصبر وبعد الصبر فرج انت ماتدري بعد دقيقه وش الله كاتب لك يابو نجلا اصبر لعل في الامر خيره . سالفة المرأه اذا ماتزوجت وعنست بقولك شي كلامك صحيح ومو صحيح شلون ؟ على حسب بيئة البنت ان كانها بيئه منفتحه ومتفهمه ومكتفيه ماديا صدقني ان الزواج اخر تفكيرها مثلي انا ابد ماقدر طرا لي الزواج ولا اثر علي الحمدلله ماينقصني شي ولو بتقول العيال اصلا ماحب المبزره وصداعهم ويمكن هذا المكتوب لي فكل مكتوب وقدر من الله جميل . نجي للنوع الثاني اذا كانت البنت من بيئه مغلقه ومحيطها نقاد وماعنده الا الحش وتحتاج من يصرف عليها فانا مع زواجها لعل الله يكتب لها حال افضل مع الزوج لكن اولا واخير كل شي مقدر ومكتوب والرضى اساس السعاده وراحة البال . نجي لنقطة ان عقلك فيه شي صدقني يابو نجلا ان عقلك اكبر عقل فينا بهالمنتدى وماظن فيك خلل لكن المرض سبب لك الملل والاحباط واليأس وقامت الافكار تخابط عندك ومالومك بصراحه احيانا اقرا مشاركاتك واقول يالله انك تفرج عليه وانه قد عز عليه طلبه وهو عليك هين يا الله . لاتيأس ولا تحط في بالك انك ناقص عقل ابدا انت طيب وخلوق وذكي وفطين لكن موجوع والله يلوم اللي يلومك . ماتدري لعل الله يحدث بعد الهم فرج وبعد الألم عافيه وسعاده |
اقتباس:
أنا غلطت بالرقم اللي معي المريض الوجداني مريض و يراجع مستشفى الأمل من 15 سنة مو من 51 زلة رقم لأني أكتب بأصابعي كلها و لا أدقق اقتباس:
أنا تحليلي لك إنك مو متعوده من أنتي صغيرة ما سقتي ما أقول إلا الله يعينك الله يعينك صادقة الزحمة و الشعب مهجول تعيّفك في السواقة خصوصا للي مو متعود بس مثلا قلت لو تروحين العزيزية أنتي و أخوياتك و تغيرين جو معهم و تركبون خيل لأني شفت كثير في العزيزية و الهافمون شفت لي وحدة راكبة خيل و سيارة تباريها ناظرت للسيارة لقيت خويتها السواقة فقلت خلني أسألها و كانت إجابتك محزنة بالنسبة لي و الله يبعد عنك مصادر الحزن و القلق اقتباس:
سبحان الرجال اللي قلتي لي عليه و تزوج بعد سن الخمسين و تزوج ممرضة تبعث الأمل الله يهنيه يا رب بحياته و يكون لكل مؤمن و أمره و يحقق أحلامه و يحقق أحلامك و يفرحك و يعيشك ملكة و أنتي ملكة فعلا تصدقين يا قطرات كم أتمنى الإشراف لك أو مراقبة إدارية أحس إنك هاضمه المرض النفسي العصابي و العقلي كثير و عندك شهادة في علم النفس و يحق لك و الله أنا أميل إن الإشراف تكون الأحقية فيه لمن يعرف علم النفس و يسبر أغواره مثلك تماما أو مريضة نفسيا مثلك تحس بإخوتها و مثل صامدة رغم المحن و الوردي الغالين و غيرهم كثير بالمنتدى ثم تكون الأحقية للغير لأني أحس اللي ما يعاني من مرض نفسي يمل و يكل و يتعب منا فما يكون إشرافه أو مراقبته دايمة فاللي قريب منا هم علماء النفس و المرضى أنفسهم شفاني الله و إياهم اقتباس:
صدقت ثقافة الفرد و إنفتاحه و إحتواءه لنفسه أهم من كل شيء الحمدلله و عيشي كنق من قدك يا قطرات و أكسري عين العذال اقتباس:
اقتباس:
و أنتي توواسينا جميعا و دائما لله درك يا جعل ربي يطيب خاطرك و يجملك و يكرمك و يحميك و يحرسك و الله يا بنت الحلال فعلا عقلي به شيء من يوم إنه صغير و مو و الله توهم أبدا بس المشكلة إن هالمرض ما يحس به إلا صاحبه و الحمدلله مو تخلف عقلي لك الحمد يالله على كل حال دامه تأخر عقلي أمره هين لكنه متعب صراحة و عزائي في قوله تعالى و عسى أن تكرهوا شيئا و هو خيرا لكم اقتباس:
و الله أنتي الطيبة و الخلوقة و الفطينة و الذكية بسم الله عليك ما شا الله تبارك الله أنا ما يقهرني غير الشامتين حسبي الله و نعم الوكيل بس الله يسامحهم ما سامحتهم إلا رجوة العفو و السماح من رب الكون و العالمين العالم بالسراير و النيات إهداء لك https://twitter.com/AbdullahK5/statu...10006278811648 وش أكثر شيء ندمت عليه في حياتك ؟ *فيديو يعيد ترتيب أولوياتك في الحياة❤️#ترجمات_عبدالله_الخريّف الله يسعدك يا قطرات كثر ما أسعدتيني |
|
و الله يا أختي قطرات ما نمت صكني هاجوس و أقلقني و ململني
ماني بنايم إلا الليل إن شاء الله |
السلام علكيم
هلاااااا سن كولا ارحب يا صديقي الحمدالله على سلامتك هلااااااا ابونجلاء كيفك والله ما عندي علم على سؤالك يا بعدي هلااااااا قطراااااااااات يالله حي النشمة توني صاحي من النوم ولا عندي سوالف بس حبيت اسلم عليكم يا الغوالي |
حقك على رااسي اخوي محمد البدراني.....اقبل اعتذاري من فضلك
..المسامح كريم....وانت رجل محترم وما بدي اخسرك...انا اسف ليك عشان تطاولت عليك ....ما تزعل.....انا مش عارف انا قولت الكلام ده كيف.؟........لكن انت قولت علي سفيه. فأعصابي فلتت مني انا بعتذر لك امام المنتدى كله. حقك علي...انا مش عارف انام من وقتها. حاسس اني اخطأت فيك... وعندنا بالمصري مثل بيقول ما محبة الا بعد عداوة....واحنا مش اعداء احنا اخوان |
هلاااااااااا اخي الغالي والفاضل ايوووووب
انت شخص كريم وفاضل وعمري ما زعلت منك ولا راح ازعل منك انت ما تزعل علي وحقك علي برضو وما يجيش بخاطرك علي حاقة احنا اخوان والمرض بيعصب بالشخص بعض الاحيان وانت خير مني بدات بالسلامة والمسامحة الله يكرمك ويعزك يرفع مقامك على راسي يا اقدع وااحد في الدنيا |
يا هلا بك و الله يا محمد
يا هلا بالغالي و الله و مرحبا بشوفتك و الله فرحتني بشوفتك يا تاج الراس يالجنرال أخبارك علومك كيف النفسية معك أنا الحين أشلى و لا به خير مع الوساوس بس أدف روحي دف لطعم الحياة و لو إنها رمادية الله يشفيك و يقويك يالسند و العضيد |
كفو عليكم و الله إنكم أحبه يالغالين و ما عليه الواحد يعصب بحكم المرض النفسي و العقلي يكون حساس جدا و أنتم خابرين ما يحتاج أتكلم بهذا الشيء
و الله عجبتوني كثير كثير الله لا يفرقكم يا حبايبنا و الله لأقبل راس كلٍ واحد منكم يالجنرال و أيوب و الحمدلله دحرتوا و أغضتوا الشيطان أشد الغيظ فلا أحب للشيطان في التحريش بين الأخوان و المسلمين أعظم من الإخوة اللي من بطن الواحد و أثبتوا إن الشيطان و لا شيء أمام أخلاقكم العالية لله دركم كم أحوبكم أنا حلو لما الواحد يقعد مع نفسه و يحاسبها و يشكمها شكم للحق و مع الحق و أنتم أثبتم طيبة القلب و صفائها و نقائها و بذرة الخيرية فيها صبيت لكم إسبرسوا يحبهم قلوبكم يا أطيب و أحب إثنين على قلوبنا و الله لا يخليني منكم https://1.top4top.net/p_1256x92hu1.jpg الله لا يحرمني من شووفتكم يا برنس أنت و إياه تحية لكم قد الكون الله يحفظكم و يحميكم و يشفيكم و يقويكم يا أغلى بشر |
حلوين و الله يا أيوب و يالجنرال
|
ههههههههه ابو نجلاء كثر من القهوة
الله يسلمك واخوي ايوب طيب وخلوق وحبوب والزعل وارد بين الاخوان والله يا علو حاااالتي متوسطة بين الغضب والقهر وبين اقناعها بالرضى والتسليم الله ينصرنا جميع على ما اصابنا |
امس طلعنا من مع اهلي استراحة
طبعا يسمونه شاليه اهل الرياض فعلا مساكين كيف شاليه وما فيه بحر المهم كان منظم وفخم بصراحة وفيه مسبح اطفال جلست من العصر الى 9 في اليل قالوا اجلس قلت ابدا جاء الهاجوس وقام يوديني ويجيبني قلت يا ولد شد الرحال للبيت والله اوصل البيت واصكها نوم المهم اني اليوم لازم اطلع من البيت صجه ولجة تقول حرب اهلية بحكم العطلة واخواتي مجتمعين |
إهداء لمحمد ولد زايد و لأيوب قلبين في روح و لقطرات الندا صاحبة القلب الكبير لله دركم جميعا
عديت رجمن أثاري الليل ممسيني بديار غربة يا عل السيل ما جاها أشرفت راس الطويلة و المسا جاني و أحفيت رجلي و عيني نثرت ماها يا عين وين القرايب وين خيّاني وين الديار العزيزة طال ممشاها وين الحياة العزيزة طال ممشاها https://www.youtube.com/watch?v=wXNDWqvddZs |
هلا وسهلا بمحمد البدراني
ماعمر ظني خاب بشخص ابدا ودايما ظني فيك انك صاحب القلب الكبير والاخلاق العاليه وكل يوم تثبت هالشي .. الله يحميك ويحفظك ويعطيك ربي الى ان يرضيك الله يخلي لك اميمتك على تربيتها لك ويشفيك ويعافيك يارب . ابو نجلا هلا وسهلا اللهم امين يابو نجلا الله يقبل منك مادعيت ولك بالمثل يارب . ابو نجلا ردي على تغريدة الخريف تصدق اني عمري ماندمت على شي ابدا صحيح لو اخطأت بشي او بقرار اعترف بيني وبين نفسي بخطأي لكني ما اندم ابد لأنه شي صار وخلاص ولو اجمع الجن والانس عشان اغيره او اتفاداه ماراح يتغير بالتالي ماعندي تقنية الندم هذي ابد ولله الحمد من صغري . نجي للاشراف الله يعز قدرك وشكرا على هالثقه انت شخص كريم بنشاعرك واخلاقك لكني ابدا ماحب المسؤوليه والله ولا الارتباط لأنه من اسباب القلق عندي والتوتر ماتتخيل يابو نجلا لو عندي بكره مثلا روحه للبقاله ممكن اشيل هم واقلق واتوتر انا انسانه الارتباط يتعبني جسديا وفكريا عشان كذا مالي في الاشراف واذا انطلب مني شي هنا يتعلق بتخصصي انا بالخدمه حاضره لكن اشراف ابدا ابدا ماني قد هالمسؤوليه . انا بطبعي ماحب النقاشات والهوشات ابد وتعرف حنا اصحاب المرض النفسي المزاج عندنا غير مستقر يعني مثل الشراره 😬😬😬 يكفي اتطمن عليكم واستفيد منكم وهذي عندي كفايه الله يسعدك يارب ويسخر لك خلقه يابو نجلا 💐 |
يا مليون مرحبا بالغالية جدا قطرااااات الله يسعدك ويبارك فيك والله كلامك محرج جدا الله يعزك الله يرحمي ضعفي
اخباااااارك مع العيد اكيد اهل الرياض صجوكم صاااادقة السواقة قسم بالله هم وغم خاصة بالزحمات انا لما اروح مشوار بعيد ادق على خويي ظافر واقول له تعال استلم الطارة بدالي وهو ما يقصر يعرف ظرفي ومقدر الوضع اختي مثلك شاريه سيارة جديدة وهي من سكان الدمام وتقول والله رمضان كله ما حركتها الا يوم او يومين والحين هي عندنا عشان العيد تقول اول متحمسه بس الزحمات قرف |
اقتباس:
اقتباس:
لي ملاحظة عليكما أنتما الإثنين لا تعيدا هذا الشجار والا سيكون كلام آخر ثانيا أخي الفاضل أيوب أنا لم أطنشك وقمت بحذف الرد الأول لأخي محمد سبب سوء التفاهم هذا وفي الحذف عبرة وتنبيه لصاحب الرد المهم أحمد الله تعالى لرجوع المياه لمجاريها |
حياكم الله جميعا
كيف أحوالكم جزاكم الله خيرا على سؤالكم عني وماغبت عنكم الا لانشغالي بالتحضير للاختبارات المقبلة |
اقتباس:
تسلم يا اخوي. .... ربنا يديم المعروف....انا بقالي فترة بلخبط في الدواء .....ومكتوب لي مثبت مزاج لامكتال وبطنش اخده عشان لا اتعود عليه. ...ربما يأتي يوم لا اجد اموال اشتريه ........وانت افضل مني. لانك سامحت برجاء الادارة تتعب شوية وتحذف المشاركات اللي فيها اساءة .........سامحوني............... |
بالمناسبة اخي البدراني...بيجي لي اوقات احس ان اعصابي
بتشد وابقى عايز اتخانق واشتم والعياذ بالله واحيانا اتلكك لمن حولي على اي خطأ واضخم الامور اوي. وبعدين هما بيزعلوا مني. ارجع اندم واصالحهم ..........هل ده اضطراب في المزاج ام فصام .......اعصابي بتشد لما اتأخر في الدواء عن ميعاده او اقعد فاضي. فدماغي تشتغل واتعصب واحس بنار جوايا في اعصابي مش عارف اوصف اكتر من كده وانا ببقى واعي للي بقوله لكن غصب عني وابتدي اتذكر الماضي وتقصير من حولي في حالتي ...... ماذا تقترح. هل اللامكتال ضروري. واللا الديباكين ....هذا بالاضافة الى الكسل والخمول نتيجة ارتفاع هرمون الحليب. وشكرا |
اقتباس:
|
اقتباس:
وهل لاميكتال يريحك او لا وماهي أدويتك الأخرى ولم هرمون الحليب مرتفع عندك؟؟ |
هلا بك محمد ..
ابد وانا اختك بالعيد ماغير داجه من بيت لبيت واكل مفطح وانا خلقه سمنانه وارجع البيت وانام واصحى واطلع وهذي حالتي انا في زحام من النعم العظيمه الصحه والعافيه وهدوء النفس وراحة البال وعدم حاجتي لمخلوق .. ناقصني بس حمده وشكر فضله سبحانه . مارحت اتمشى ابد يامحمد ماداني الزحمه تسبب لي ضيق صديقاتي حضرو حفلة حماقي لكن انا مارحت راسي تصير فيه طبول . الحين مستلمه مسلسلات رمضان وطايحه بمطعم عندهم مرقوق يامحمد ودك تاكل الصحن بعد من لذاذته . كنه طبخ بيت واللحيمات نعيمي كنها زبده ذايبه وهاللومي الاسود شي شي يفتح النفس كل يوم اطلب منه وشكلي بوصل لوزن ميه 😬😬😬 وبس والله هذي علومي فيني شيين يجيبون لي نوبة هلع اللي هي الحر والزحمه عشان كذا ماحب اطلع الا من بيت لبيت . |
صامده حمدلله على السلامه كيف أحوالك ان شاء الله بخير
نجمه الفلك غايبه طمنينا عليك يانجمه كيفك بعد العمليه ان شاء الله بخير وصحه وعافيه هلا وغلا سن كولا منور بعد الغيبه يالامير الوحده اسألني عنها هواجيس وافكار بس لاتجلس فالبيت الا وقت النوم هذا نصيحتهم لي بس مع هالشموس وين تطلع لهب بس حاول انك تقرا سوره البقره والمعوذتين مكرره دامك جالس وماعندك شي واذا جلست تتثاوب معناها استمر عليها حتا يخرج العين او الحسد الله يشفينا وياك انا تارك الحبوب ونيتي علاجي القرآن والعبادة والدعاء ََوالرقيهه رغم اني اتعب تعب شديد وتجيني اوقات اتنرفز بس على هالنيه ان شاء الله ربي يعيني |
اقتباس:
التشخيص الفصام وربما ثنائي القطب المشابه كان ب ودي الاستاذ البدراني يفيدني بخبرته. فيما شرحته وكذلك من لديه الخبرة هرمون الحليب مرتفع لاني باخد ريسبريدون جرعة 6مج يوميا مقسمة |
صبااااح الخيرات
هلاااا وسهلا كل واحد باسمه هلااا ايوب ما تفعله بالطبع لا يصح لابد من الانتظام على الدواء كل يوم في نفس الموعد وسوف تلاحظ انه خفت العصبية كثير وممكن تزول انا مثلك الاحظ اذا خفضت جرعة ادويتي اصاب بعصبية شديدة بالنسبة للدواء لامكتال هو حقيقة دواء راااائع لكن انك تتناوله بشكل غير منتظم طبعا هذا خطا كبير اما انك تحسب ميزانيك وتشوف وضعك المادي وتقرر الاستمرار عليه او الاستغناء عنه |
اقتباس:
ههههههه الشهية عندي حاليا مرتفعة مرقوق باللحم يم يم الله يديمها عليك نعمة يا رب |
يا جماعة انا مدري وش جاني
بطني متحجر واتالم بشدة منه وكل شوي منسدح انام مدري هو برد او قولون دعوووووووووواتكم |
متشكر اخوي البدراني
والف سلامة عليك تحياتي |
أزعجني كثير و آلمني موضوع الإستاذ إبراهيم الحوراني
بيبيع الموقع لعدم التفرغ :( وش رايك يالجنرال مصيبة و الله مصيبة يعني وين نروح |
ليتني ماني مصاب بالمرض النفسي و ما أعرف المنتدى و لا أنغبن و أنطعن بالسكاكين عقب فرقاكم و بيع هذا الموقع اللي كأنه قلبي
سوف يخلع قلبي من مكانه وش تقولون أنتم المضيف الجنرال صامدة رغم المحن قطرات الندا إبتهال أيوب العميد أبو علي و سن كولا الجميع الجميع خلونا نتكلم في الموضوع دخيل الله ثم دخيلكم |
أوف و الله إني في هم
المنتدى خلوتي أنسي فضفضتي أحبابي هل سيغادرون كل هؤلاء و سينتزعون مني إذن أين نذهب !! لا حول و لا قوة إلا بالله |
صبري ما هو شعورك
|
يا هلااااااااا ابونجلاء
فعلا امر محزن وين نروح اصلا ما عندنا غير المنتدى بس اكيد الى بيشتري المنتدى مب مقفله ولا وش استفاد والله المنتدى رااائع بادارة المحترم الحوراني بس ان شاء الله كل امر فيه خيره |
اما لو تففل المنتدى بصراحة بنروح فيها
وين احصل اهل مثلكم انتم والله تاج راسي مستحيل الفراااق بعد العشرة لا يمكن ولا اتصور الفراااق يا رب سترك |
كنت اناظر للفراق بنص عين لين داهمنا الفراق مداهمه |
اقتباس:
هذي صدمة كبيرة و الحوراني ما في مثلو بالدنيا نعتبره بمنزلة الأب الرحوم العطوف شكلنا بنتشهد تهئ تهئ قال أبونا لعدم التفرغ أكيد عنده أشغال و معذور و يا رب يا رب يا رب يجي واحد يشتريه و يربحه و يكون مثله أقسم بالله المنتدى فقيدة و الحوراني فقيدة و أنت فقيدة و الغالين فقيدة و الله كلكم فقدة اقتباس:
أنت مثلي مالنا إلا الله ثم هذا المنتدى يمسكنا عن الموت و نشغل بالنا عنه و الكثير الكثير هذا حالهم من حالنا و مثل ما قلت ( أهل ) أقسم بالله صدقت أهل و ربع و بإذن الله يكون كلامك في محله " مستحيل الفراق بعد العشرة " يا رب يحقق أملك و أملنا في بقاء المنتدى كما عهدناه أو الإنتقال من كريم و عظيم إلى مثله اقتباس:
|
| الساعة الآن 05:19 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا