على العموم ظل ... ياليت الردود الزايدة تمسح في مناقشتك بقرارك .. واشكر لك سعة صدرك ... و متأكد ان عندك حلول كثيرة وطرق للملمة الموضوع واقتلاعه من جذورة

تيك كير

انا يا عبدالله اكره المكر ولا احب الطريقة الخاطئة في معالجة الامور

الاخت مستفكة ذكية ونوااايا استعجلت بالرد الله يهديهها

لكن في االاخير اختم كلامي يقول الله عز وجل في سورة الأنفال : ( ويمكرون ويمكر الله والله خير الماكرين ) .

كل عام وأنتم بخير .. الله يجعلها سنة خير وبركة ع الجميع ..

وأنت بخير ابو علي

)-: نواااايا

نوايا اااااااااا🌺🌺

فيه ملاك بريييييء صامت على نياته ياليت يشاركنا

اي مشكله قديمه يا جماعه انا ما اعرف نوايا بسلامتها
و يشهد علي ربي يشهد علي عظيم اني متألمه لايقافها
والله راح يحاسبني على كل كلمه اكتبها و حتكون شاهد علي يوم الدين لا حول ولا قوه الا بالله.
يا جماعه الخير انا انسانه عايشه حياتي بمبدأ ما اضمن اعيش بعد خمس دقايق فماني حابه اكذب و اكسب ذنوب و اتحاسب عليها الله يغفرلنا جميعا.
انا والله بادخل نفساني بشكل متقطع كل يوم من عام 2013 والله مافيا مرض و لا تعب ولا لي مصلحه عشان ادخل ارمي كلام على احد الاخت نوايا بالنسبه لي عضوه جديده بنفسجيه اشوف ردودها بالمنتدى ماقيد جمعني بها موضوع ولا نقاش ولا رسايل ولا قيد دخلت الصندوق اقرأ لها ردود زيها زي اي عضو بالمنتدى.
المشكله القديمه واني تركت اليوميات فتره حسيت اهل اليوميات هجروا المكان قعدت مده اكتب لوحدي حتى صاحب اليوميات قلت له لا تهجر اليوميات اللي تجمعنا و تبقى بس في الصندوق لا تتغير علينا ولا على احد كان محمد داك اليوم معصب و ناوي يتغير مع الجميع وانا توي راجعه بعد غياب وانا ما اغيب الا بسبب ظروف و اتعب كثير من تعب الموجودين بالمنتدى.
دخلت قلت لمحمد لا تتغير و يا عالي لا يجي يوم تتغير و ياسمين صارت بس تصبح رجل اختفى الكل اختفوا تركت اليوميات عالي اقترح عليه رجل يفتح يوميات وانا قلت له لا تفتح يا عالي خلاص كفايه هنا عالي ماله مواضيع وابغى اسأل عليه فكتبت هنا في المكان اللي يجمعنا ما قصدت نوايا و لا قصدت اي شي هي اصلا ماكانت زمان معانا اعتبرها زائره خفيفه لليوميات من جد حبيت تكون له يوميات زيي و زي غيري ادخل اسأل عليه و اكتب له افتقدته والله العالم .
انا استغربت نوايا تقول شوفتي تجيب الغثيان ومدري ايش والله ماني فاكره لاني ما احب اشيل في خاطري تركتها تكتب اللي تبغاه قلت يمكن متضايقه و تبغى تتنفس انا والله بادخل نفساني ان كانت عندي كلمه طيبه و دعوه صالحه قلتها و خرجت ما حبيت ارد عليها لكن نمت وانا والله زعلانه و خاطري مكدر .
بالله عليكم انا حاترك حياتي كلها بكل ما فيها و اجلس بنفساني ارمي كلام على نوايا بالذات ليه ؟
بالله عليكم انا لي كم سنه معاكم من متى جرحت احد و لا زعلت احد ولا غلطت ولا تطاولت على احد مهما كان
يا جماعه والله و يشهد علي ربي اللي يحفظ امي اغلى ما عندي اني اوقات والله ابكي و نفسيتي تتعب من كثر اقرأ و ابغى اشيل هموم الناس و افرج عنها و احس نفسي عاجزه والله و يشهد علي ربي والله اني ماني مبسوطه بتوقيف نوايا ولا ابغى احد يزعل مني و لا اضايق احد والله يا جماعه الخير ما بيني و بينها حاجه لا رسايل ولا ردود انا امس قبل انام والله كلمت ربي ناجيته قلت يارب سانتظر تسخر لي من يرد عني بما يرضيك يارب انت عالم بي و دخلت استصبت المناقشات هذه و ناس تتهمني اني بارمي كلام طيب ردودي قدامكم كلامي اللي اكتبه بين ايديكم يومياتي مشرعه لكم فين رمي الكلام و فين الموضوع اللي تجادلت فيه معها انا حقيقه مستغربه كلامها و مستغربه مواقف ناس كان العشم فيهم كبير حتى هم اتضح لي انهم الحمدلله على كل حال الحمدلله على كل حال.
ايش استفادت نوايا الان ولا واحد منكم يقبل على نفسه اللي قالته علي على فكره حتى لو كانت تعبانه المرض النفسي ماهو عذر اني اجرح انسان او اتهمه او اتطاول عليه لو كان في شي بخاطرها كانت ارسلت لي عن طريق مشرف او مشرفه ولا كتبت لي بالاقتراحات اني انسانه قاسيه و باجرح فيها و بتتأذى مني يالطيف لدرجه شوفتي تجيب لها الغثيان
بالله ايش استفادت نيمتني منكده صدمتني ازعجتني ظلمتني وانا مابخاطري شي عليها لو لها حق ليش ما اخذته من اخت لاخت ليش ما قالت لي وانا والله اراضيها حتى اخوانها و اخواتها هنا زعلانين عليها و زعلتهم مني من غير وجه حق انا ماحب المشاكل ولا جو المشاكل ولا احب افتعلها ولا احب احط راسي على مخدتي الا وانا مسامحه الناس و مطمنه ماحد زعلان مني والله رحت دوامي مو نايمه كويس و عملت مشاكل بدوامي مستغربين يقولوا لي ايش فيكي مو عادتك هدي يا خلود و يطبطبوا علي يحسبوه ضغط عمل اللي فيا.
انا والله موجوعه تعرفوا وجع الانسان اللي عايش لغيره واللي يعطي بحواسه واللي ينسى نفسه مخليها اخر شي يفكر فيها تعرفوا كيف احساس انسان يتواجد بينكم وده ياخذ منكم مو منتظر منكم غير دعوه طيبه لوجه الله صادقه تعرفوا كيف تكون انسان مو حامل شي بقلبك غير كيف ترضي اللي حولك تاعب نفسك و برضو نيتك هذه ماهي شافعه لك ؟
والله و تالله ماراح يكون لي بينكم ابتسامه ولا راح اهنأ الين اشوف نوايا بيننا ولا اسعدني توقيفها ماني مبسوطه ابدا للاجراء اللي اتخذته الاداره و الامور تضخمت والله كاني في حلم يا جماعه من جد الله يسامح من ظلمني ما اقول غير حسبي الله و نعم الوكيل و فوضت امري اليك يارب والله اني معتزله كل شي امي و اختي و جالسه ابكي و اكتب لكم ليش هذا كله يحصل لي انا ما اشكي لكم لكن شكوايا لربي و كفى و قولوا اللي تبغوا تقولوه واللي اجيب له الغثيان لا يخاطبني يتجاهلني ومن اخطيت عليه له حق الاعتذار مني من قبل و من بعد الاعتذار فضيله .

عالي اتمنى ما تكون غايب بسببي انا مالقيت لك موضوع عشان اكتب لك فيه جيت هنا باليوميات زي زمان اكتب لك هذه اليوميات كانت تجمعنا سهرنا تعبنا بكينا فرحنا صمنا نمنا واحنا هنا اتمنى ما تكون زعلان اني ما شجعتك تفتح يوميات لما اقترح عليك رجل كنت امزح معاك لما قلت لك لا ماكنت نبغى نتفرق نبغى هالموضوع يلمنا اتمنى لما ترجع تقرأ كلامي و سامحني انا متأكده انك بتقرأ كعادتك كزائر انت كنت تقول لي انك تقرأنا ومالك خلق تدخل عشان كذا ما ارسلت لك رساله.

سامحوني جميعكم الله المستعان اللي حصل هذا ابتلاء
سامحيني يا نوايا ما امداكي تعرفي خلود و لا تحتكي فيها ولا تكلمتي معها ما امداكي تكوني بيننا باليوميات من سنين ما امداكي حتى ترسلي لي تفهميني ايش مضايقك مني .

انا اقسمت بالله العلي العظيم اني ما اخطيت على الاخت نوايا و لا فكرت ارمي كلام عليها الله يسامحها و يهديها و يكشف عنها كل سوء والله اني في غنى عن كل هذا.

كلامي هذا ربي بيحاسبني عليه يوم الحساب
الله يحفظني حقيقه الله يحميني يحمي قلبي و مشاعري و نيتي و طهر كلماتي من كل البشر سبحان الله اللي يستاهل عايش و مبسوط الله يزيده وحسبي الله يخلف علي في صحتي و عاقبة امري.

والله يامستكفه انا ماقدرت اتخذ اي قرار ولااسوي شي ساعتها
نوايا اعرفها اما تتعب كدا يصير فيها ولاادري ايش بينكم من قبل فما حبيت اتدخل ويزعل مني احد لاانتي ولانوايا
كلكم يشهد الله اني احبكم وفعلا زعلت على الحظر وزعلت اكثر على حال نوايا لانها تعبانه من كم يوم
وكنت متوقعه انك زعلانه زينا على الحظر وانك ماترضين لاني اعرف قلبك ياخلووود

ويلا ياظل تكفييين فكي الحظر عن نوايا )-:
كلنا متضايقين

مساء الخير
انا خارج البيت الآن
بس ادخل في المساء اعالج الأمور ان شاءالله

انا مستحيل آذي عدوي عشان آذي انسانه ما اعرفها
يا لولو ما بيني و بينها شي انا ماني محجوبه عنكم انتي متابعتني متابعه كلامي و ردودي.
اتمنى من الاداره السمحه تفك الحظر انا والله ماني زعلانه
امسحوها فيا الله يرضى عليكم لو كان لي معزه و عشره بينكم ارجوكم خلوها تدخل و تكلمنا وانا باعتذر لها عن اي شي ما قصدته زعلها انا مارديت امس كنت ابغى افهم ايش مزعلها انا خرجت اجيال من تحت يدي و ربيت اخواني الين زوجتهم و الحمدلله احسن التصرف ماني ضعيفه ولا غبيه ولا تاخذني العزه بالاثم مو مصدقه يشهد علي ربي والله اللي بيحصل لا حول ولا قوه الا بالله.

خلاص خلووود اهدي كنت حاسه انه فيه سوء تفاهم
كنت برسل لك اسالك ايش بينكم بس قلت ليش اتدخل
ودخلت ردودك ولافهمت شي فتركت الموضوع
نوايا مشكلتها تظن ان اللي بالمنتدى حاطين عينهم عليها وانهم يبونها تترك المنتدى وقلت لها كدا مرره ماحد حاط عينه عليك
فيمكن تحسست من كلامك وتظن انك تقصديها بكلامك
لكن هي والله تعبانه وتشتكي من الادويه ولما تتعب كدا يصير فيها الله يشفيها ويهديها ويرجعها لنا

انا برا البيت كمان انتي عارفتني كويس يا ياسمين ان هالحظر ما يبسطني ابدا انتي عشتي معي مواقف ارجوكي عشاني انا مسامحتها احنا اخوات اختي الصغيره كثير ما تفهمني في البيت و اختلف معها ارجع اقول في نفسي بكرا تفهمني وهذه انا اللي مربيتها تخيلي تترجم كلامي اوقات عكس اللي ابغاه فتصير بين الاخوات وانتي اختي كلنا اسره واحده لا تحجبي اخوات عن بعضهم مسامحه و سامحه تاخذ حقها مني حتى ترضى .
الله يصلح الحال والله دمعتي ما وقفت صدعت من الصباح ابكي و قلبي انوجع ما احب اسبب ولو زفره زعل لاحد ارجوكم سامحوني كلكم انا اعرف ياسمين رحيمه و بتفرحنا اول ما توصل بيتها بالسلامه.
خير بإذن الله

مسا الخير يا شباب

الحقيقه آلمني رد نوايا على اختنا الكريمه مستكفه ،، وكلنا يعلم أن هذه الإنسانه لها مكانه بين الأعضاء ،،،
ولها مكانة كبيرة في صفوف الإداره ايضا ،،، وبذات الوقت تألمت أن يكون هذا الكلام صادر عن الأخت نوايا
التي نكن لها كل الإحترام والتقدير ،،،،

حصل خير ، سوء فهم ، تسرع ، عدم تقدير ، كل شيء وارد ، عفى الله عما سلف ، تعود نوايا الينا ، وتقرأ
رد اختنا الكريمه مستكفه ، لكي تتفهم أن مستكفه لم تقصدها وخبرتنا طويله مع الأخت مستكفه ، لم يحصل
أن رمت كلاما جارحا على أي عضو ، ولم نشهد لها مخالفه واخده طيلة 3 سنوات مضت ،،،

تعالي يا نوايا ،، وسلمي على مستكفه ، واخزو الشيطان ،،،،

تم إلغاء الحظر على أختنا نوايا ،،، وأرجوك يا نوايا ، ترا والله كبسة الحظر هذي تخلينا نتألم كثير ،،،

اختك مستكفه موجوده ، سامحو بعض ، وان شاءالله خير ،،،