المشاركة الأصلية كتبت بواسطة مستكفّة (المشاركة 1197730)

انا برا البيت كمان انتي عارفتني كويس يا ياسمين ان هالحظر ما يبسطني ابدا انتي عشتي معي مواقف ارجوكي عشاني انا مسامحتها احنا اخوات اختي الصغيره كثير ما تفهمني في البيت و اختلف معها ارجع اقول في نفسي بكرا تفهمني وهذه انا اللي مربيتها تخيلي تترجم كلامي اوقات عكس اللي ابغاه فتصير بين الاخوات وانتي اختي كلنا اسره واحده لا تحجبي اخوات عن بعضهم مسامحه و سامحه تاخذ حقها مني حتى ترضى .
الله يصلح الحال والله دمعتي ما وقفت صدعت من الصباح ابكي و قلبي انوجع ما احب اسبب ولو زفره زعل لاحد ارجوكم سامحوني كلكم انا اعرف ياسمين رحيمه و بتفرحنا اول ما توصل بيتها بالسلامه.
خير بإذن الله

المشاركة الأصلية كتبت بواسطة مستكفّة (المشاركة 1197717)

اي مشكله قديمه يا جماعه انا ما اعرف نوايا بسلامتها
و يشهد علي ربي يشهد علي عظيم اني متألمه لايقافها
والله راح يحاسبني على كل كلمه اكتبها و حتكون شاهد علي يوم الدين لا حول ولا قوه الا بالله.
يا جماعه الخير انا انسانه عايشه حياتي بمبدأ ما اضمن اعيش بعد خمس دقايق فماني حابه اكذب و اكسب ذنوب و اتحاسب عليها الله يغفرلنا جميعا.
انا والله بادخل نفساني بشكل متقطع كل يوم من عام 2013 والله مافيا مرض و لا تعب ولا لي مصلحه عشان ادخل ارمي كلام على احد الاخت نوايا بالنسبه لي عضوه جديده بنفسجيه اشوف ردودها بالمنتدى ماقيد جمعني بها موضوع ولا نقاش ولا رسايل ولا قيد دخلت الصندوق اقرأ لها ردود زيها زي اي عضو بالمنتدى.
المشكله القديمه واني تركت اليوميات فتره حسيت اهل اليوميات هجروا المكان قعدت مده اكتب لوحدي حتى صاحب اليوميات قلت له لا تهجر اليوميات اللي تجمعنا و تبقى بس في الصندوق لا تتغير علينا ولا على احد كان محمد داك اليوم معصب و ناوي يتغير مع الجميع وانا توي راجعه بعد غياب وانا ما اغيب الا بسبب ظروف و اتعب كثير من تعب الموجودين بالمنتدى.
دخلت قلت لمحمد لا تتغير و يا عالي لا يجي يوم تتغير و ياسمين صارت بس تصبح رجل اختفى الكل اختفوا تركت اليوميات عالي اقترح عليه رجل يفتح يوميات وانا قلت له لا تفتح يا عالي خلاص كفايه هنا عالي ماله مواضيع وابغى اسأل عليه فكتبت هنا في المكان اللي يجمعنا ما قصدت نوايا و لا قصدت اي شي هي اصلا ماكانت زمان معانا اعتبرها زائره خفيفه لليوميات من جد حبيت تكون له يوميات زيي و زي غيري ادخل اسأل عليه و اكتب له افتقدته والله العالم .
انا استغربت نوايا تقول شوفتي تجيب الغثيان ومدري ايش والله ماني فاكره لاني ما احب اشيل في خاطري تركتها تكتب اللي تبغاه قلت يمكن متضايقه و تبغى تتنفس انا والله بادخل نفساني ان كانت عندي كلمه طيبه و دعوه صالحه قلتها و خرجت ما حبيت ارد عليها لكن نمت وانا والله زعلانه و خاطري مكدر .
بالله عليكم انا حاترك حياتي كلها بكل ما فيها و اجلس بنفساني ارمي كلام على نوايا بالذات ليه ؟
بالله عليكم انا لي كم سنه معاكم من متى جرحت احد و لا زعلت احد ولا غلطت ولا تطاولت على احد مهما كان
يا جماعه والله و يشهد علي ربي اللي يحفظ امي اغلى ما عندي اني اوقات والله ابكي و نفسيتي تتعب من كثر اقرأ و ابغى اشيل هموم الناس و افرج عنها و احس نفسي عاجزه والله و يشهد علي ربي والله اني ماني مبسوطه بتوقيف نوايا ولا ابغى احد يزعل مني و لا اضايق احد والله يا جماعه الخير ما بيني و بينها حاجه لا رسايل ولا ردود انا امس قبل انام والله كلمت ربي ناجيته قلت يارب سانتظر تسخر لي من يرد عني بما يرضيك يارب انت عالم بي و دخلت استصبت المناقشات هذه و ناس تتهمني اني بارمي كلام طيب ردودي قدامكم كلامي اللي اكتبه بين ايديكم يومياتي مشرعه لكم فين رمي الكلام و فين الموضوع اللي تجادلت فيه معها انا حقيقه مستغربه كلامها و مستغربه مواقف ناس كان العشم فيهم كبير حتى هم اتضح لي انهم الحمدلله على كل حال الحمدلله على كل حال.
ايش استفادت نوايا الان ولا واحد منكم يقبل على نفسه اللي قالته علي على فكره حتى لو كانت تعبانه المرض النفسي ماهو عذر اني اجرح انسان او اتهمه او اتطاول عليه لو كان في شي بخاطرها كانت ارسلت لي عن طريق مشرف او مشرفه ولا كتبت لي بالاقتراحات اني انسانه قاسيه و باجرح فيها و بتتأذى مني يالطيف لدرجه شوفتي تجيب لها الغثيان
بالله ايش استفادت نيمتني منكده صدمتني ازعجتني ظلمتني وانا مابخاطري شي عليها لو لها حق ليش ما اخذته من اخت لاخت ليش ما قالت لي وانا والله اراضيها حتى اخوانها و اخواتها هنا زعلانين عليها و زعلتهم مني من غير وجه حق انا ماحب المشاكل ولا جو المشاكل ولا احب افتعلها ولا احب احط راسي على مخدتي الا وانا مسامحه الناس و مطمنه ماحد زعلان مني والله رحت دوامي مو نايمه كويس و عملت مشاكل بدوامي مستغربين يقولوا لي ايش فيكي مو عادتك هدي يا خلود و يطبطبوا علي يحسبوه ضغط عمل اللي فيا.
انا والله موجوعه تعرفوا وجع الانسان اللي عايش لغيره واللي يعطي بحواسه واللي ينسى نفسه مخليها اخر شي يفكر فيها تعرفوا كيف احساس انسان يتواجد بينكم وده ياخذ منكم مو منتظر منكم غير دعوه طيبه لوجه الله صادقه تعرفوا كيف تكون انسان مو حامل شي بقلبك غير كيف ترضي اللي حولك تاعب نفسك و برضو نيتك هذه ماهي شافعه لك ؟
والله و تالله ماراح يكون لي بينكم ابتسامه ولا راح اهنأ الين اشوف نوايا بيننا ولا اسعدني توقيفها ماني مبسوطه ابدا للاجراء اللي اتخذته الاداره و الامور تضخمت والله كاني في حلم يا جماعه من جد الله يسامح من ظلمني ما اقول غير حسبي الله و نعم الوكيل و فوضت امري اليك يارب والله اني معتزله كل شي امي و اختي و جالسه ابكي و اكتب لكم ليش هذا كله يحصل لي انا ما اشكي لكم لكن شكوايا لربي و كفى و قولوا اللي تبغوا تقولوه واللي اجيب له الغثيان لا يخاطبني يتجاهلني ومن اخطيت عليه له حق الاعتذار مني من قبل و من بعد الاعتذار فضيله .

عالي اتمنى ما تكون غايب بسببي انا مالقيت لك موضوع عشان اكتب لك فيه جيت هنا باليوميات زي زمان اكتب لك هذه اليوميات كانت تجمعنا سهرنا تعبنا بكينا فرحنا صمنا نمنا واحنا هنا اتمنى ما تكون زعلان اني ما شجعتك تفتح يوميات لما اقترح عليك رجل كنت امزح معاك لما قلت لك لا ماكنت نبغى نتفرق نبغى هالموضوع يلمنا اتمنى لما ترجع تقرأ كلامي و سامحني انا متأكده انك بتقرأ كعادتك كزائر انت كنت تقول لي انك تقرأنا ومالك خلق تدخل عشان كذا ما ارسلت لك رساله.

سامحوني جميعكم الله المستعان اللي حصل هذا ابتلاء
سامحيني يا نوايا ما امداكي تعرفي خلود و لا تحتكي فيها ولا تكلمتي معها ما امداكي تكوني بيننا باليوميات من سنين ما امداكي حتى ترسلي لي تفهميني ايش مضايقك مني .

انا اقسمت بالله العلي العظيم اني ما اخطيت على الاخت نوايا و لا فكرت ارمي كلام عليها الله يسامحها و يهديها و يكشف عنها كل سوء والله اني في غنى عن كل هذا.

كلامي هذا ربي بيحاسبني عليه يوم الحساب
الله يحفظني حقيقه الله يحميني يحمي قلبي و مشاعري و نيتي و طهر كلماتي من كل البشر سبحان الله اللي يستاهل عايش و مبسوط الله يزيده وحسبي الله يخلف علي في صحتي و عاقبة امري.

المشاركة الأصلية كتبت بواسطة مستكفّة (المشاركة 1189336)

عالي اياك تتغير علي و تصير رسمي عشان ترضي ناس لو تعطيهم الغالي و الثمين مانت راضيهم و عشان كلام فاضي
ترى باترك هاليوميات تماما اياك احد يقلبك او يغيرك علي بابقى حبيبه و خلوده و ام الشرافي و زينه البنات زي ما عودتني احنا بينا عشره و اخوه ما تقدر بثمن بعيد عن وسخ الدنيا حبيت اقولك عشان الفايروس لا يوصلك هو كان منتشر في نفساني اول اختفى ثم ظهر و بيهتك اواصر العشره الجميله بين الناس الشر يعم و الغضب للاسف يشمل الجميع وربي يوفقك و تحيه لحجاج بيت الله الحرام ولامي حبيبتي اللي جالسه جنبي و للبسه اللي قلت بتجيبها ومانت جايبها . وبس
انا احبكم و حابقى احبكم كلكم رجال و نساء
والحب هذا مو من حق اي انسان يحاسبني عليه
لانه بين يد الله فقط حب حقيقي صادق طاهر باقي
ما يقدر يطاله عابث ولا يلوثه جاهل ولا يغيره عابر
و الكلام هذا اوجهه للجميع لا اخجل منه مهما عدته
احبكم آل نفساني الحاضر و الغايب احبكم هذه الكلمه كل واحد منكم ياخذ مفردها كما هي من قلب صادق يشملكم.

المشاركة الأصلية كتبت بواسطة ملامح شفاء (المشاركة 1197804)

المشاركة الأصلية كتبت بواسطة Lo Lo (المشاركة 1197814)

نواااااااااااااااايا تكفيييييييييييين لاتخلينا ولاتغادرينا
ارتاحي كم يوم بس لما تهدين وبعدين تعاااااااالي
وانا ماصدقت فرح ترجع تجي انتي كمان تغيبي
لااااا نواااااااااااااايا شوفيني قاعده اترجاكي

المشاركة الأصلية كتبت بواسطة مستكفّة (المشاركة 1197819)

نوايا تحبكم يا لولو يستحيل تترككم عشان مستكفه
هي تعصب و تتسرع نعم لكن قلبها طيب و شيمتها عاليه
لا تقلقي مصيرها تهدأ و ترجع لكم و احسن من اول بإذن الله
وهذا الكلام ما اتفنن فيه و انما صادق لوجه الله.
اهم شي انها دخلت و قالت شي من اللي في نفسها
والله يصلحني و يصلحها و يصلح الاحوال.