هي في مكه ... متاكده ان شالله تقدر تمشي ؟

هوا استفسر عند دكاترة في مستشفيات تانيه وطمنوه انه مافيه شيء خطير الحمدلله وقالوله الطرف التاني لازم ياخد هذي التطعيمات وراح للاقليمي قالوله إحنا نكتب هذا التقرير السعوديين فقط وفي محاولات دحين انه يدونا دا التقرير والله يسهلها من عنده

على كلام أهل خطيبي انها في المستشفى لسه
انا ما أتواصل معاه مباشرةً عشان كدا ماني متأكده هيا المعامله فين بالضبط
يااااارب سخرلنا كل من له يد في أمور زواجنا يارب والتيسير من ربنا انتو ادعوا ووكلوا اموركم لرب العباد

توته الله يوفقك ويكتبلك الخير من عنده
و اصداف هاانت يا قلبي ولله الحمد تساهيل بأمر الله
ساره ياريت تطمنينا عن اخبارك اول بأول
اندلسيه قريب ان شاءالله نقول مبروك
جذور موفقه يارب
ارووباا وينك مالك حس تعالي بشرينا
و كمااان مبروك عليكم الشهر و كل عام وانتو بخير يا احلى عرايس 3>

توتة خلاص ابدأي الجرعة الاولى عشان الوقت بين جرعة وجرعة طويل شويا
وعشان تستفيدي من بطاقة مواعيد الجرعات اطلبي من المستوصف اللي تاخذيه من عندهم
يعطوكي جدول بالتواريخ اللي تاخذي فيه الجرعة الثانية والثالثة
يصير منها لو سلموكم التحاليل تعطوهم نسخة منه ولا تعطوه للشرطة انك بديتي في الحقن المضادة
ربي ييسرلك ويمشي امورك يارب
وانتو طيبين وبصحة وخير وعافية

والله بنعجل وقاعدين نكمل الورق الله يعين بس ان شاء الله اقدم قبل الاجازة
الله يسعدك يارب ويوفقك ويسهلنا كلنا يارب
امين يارب شكرا على الدعوات الحلوة

ان شاء الله بدعيلكم والله الله يسهل للجميع يارب

كل عام وانتم بخير يابنات الله يسهل لكم ويوفقكم بهذا الشهر الفضيل
ورمضان مبارك علينا وعليكم يارب
ربي ييسر أمورنا ويفرجها من عنده يارب
موفقين حبيباتي :)

تذكروا يابنات انو للصائم دعوة لاترد وان شاء الله مابنساكم والله يوفقكم وتجي الموافقة بسرعة لنا كلنا

ايوا لو فيه صلة قرابة تمشي المهم تثبت انو قريبها وان شاءالله تتيسر لها اهم شي تتوكل على ربنا
ولو لا سمح الله مامشيت تصبر لغاية مايصير عمرها 20 لانو 20 وقريبها مية بالمية تمشي لانو اعرف وحده قدمت وعمرها 20 ومشيتلها في مكة اساسا مكتوب في الاوراق حقتهم
الله يسهلك ياتوتة وييسرلك وييسر للجميع و يسهلها علينا بإذن الله
بس ليه في المسشتفى غريبة خلي ابوكِ ياخدها او انتِ خديها كويس انها مانرسلت للشرطة ولا يمكن كانت انحفظت لاسمح الله

كل عام وانتم بخير ورمضان كريم

انا خطيبي راح امس المحكمة قالولو لسه ماوصلت :(

دعواتكم والله يوفقنا جميعا

وانتي بخير يا اروبا وبصحة وعافية
كم صار لك تستني الموعد؟؟
وناي ايش صاررمعاكي وصلت ولا باقي ؟
يارب الاسبوع الجي وعندكم مواعيدكم وتعقدو علىرخير وبركة .

كيفكم حبيباتي ان شاء الله اول يوم صيام يكون فرج على الكل
انا اليوم اتصلت عالامارة وقالولي اتحولت عالشرطة والحالة حتتحول عالنت يوم الاحد او الاثنين
الحين اش المفروض اعمل
وهل ممكن تنحفظ المعاملة تاني او جهة غير الامارة توقف الامور ولا كيف
يارب تتيسر
وانا اشوفكم فوق كاتبين جرعة اولى وثانية وثالثة هذا حق ايش معليش؟

اهلا سارة
كويس الحمدلله انها اتحولت للامارة هذا شئ جيد ولله الحمد
روحي راجعي الشرطة لما حتتحول وان شاء الله يعطوكي الخطابات حقت الاشياء المطلوبة منك
ولاتجيبي سيرة الابتعاث
ايوا الشرطة ممكن تحفظ المعاملة ، بس انتي لاتشيلي هم كملي امورك ومشي ورقك على انك موومبتعثة لسا

هذا عشان توتة خطيبها في التحاليل طلع حامل لمرض الكبد الوبائي ب ، والحمدلله في لقاح لهذا المرض بثلاث جرعات ، ويارب تتيسرلها وتتيسر لنا جميعا باذن الكريم
وتقبل الله منا جميعا

الله يسعدكم يارب ويسرلكم أموركم
والله كلامكم يصبرني كتير
ربنا ان شاءالله يستجيب كل دعواتنا ويفرحنا كلنا واحنا في شهر كريم
لسه ما ادوني خبر متى أروح أخد التطعيمه الأولى ربي يفرجها

الله يسمع منك ياااارب تتيسر
طيب الحين دخلت عالنت لقيت مكتوب انها احيلت الى ادارة الحقوق هيا نفسها الشرطة؟

ساره كويس انها اول مرحله عدت طالما قولك راحت الشرطه هي اصعب مرحله الشرطه والبحث جميع انواع التعقيدات وفوفها المعامله الي مو كويس بس ادعي يارب يطيح معاملتك في ناس كويسين ويمشوها الحين تقولي المعامله في اداره الحقوق الخاصة معناه لسه في الاماره يشوفو اذا عليكي حقوق ع احد او اي شي ماادري والله ويارب يسهلل للبنات كلنا ندعي لبعض يابنات لاننسي بعض يارررب يتسهل امورنا في رمضان

ايوا ان شاءالله تمشي بس صح الكلام انتي خليكي ساكته ع هرجة الابتعاث والله يقدم اللي فيه الخير

السلام عليكم ورحمة الله " رمضان كريم "
وانا ابحث بهذا الموضوع جيت على هالمنتدى ويارب تساعدوني
اول شي ابغى اعرف الخاطب لازم يكون مقيم بالسعوديه او لا انا خطيبي بحياته ماجاء للسعوديه يعني اذا بنقدم المعامله ينفع عن طريق السفاره ببلده وايش يطلبون منه
انا ماعرف شي ابد ياليت تفيدوني ايش الشروط بالتفصيل وهل تختلف من اماره لاماره انا من الرياض مررا خايفه

بنات عندي إستفسار ياليت تجاوبوني عليه بأسرع وقت ..
أنا خطيبي مكتوب في إقامته مرافق وغير مصرح له بالعمل .. بس هو من مواليد السعودية وأمه سعودية وعلى كفالة أمه بس في إقامته كاتبين مرافق مع وكاتبين إسم أمه ومكتوب غير مصرح له بالعمل .
وهو يعمل عند أمه في مؤسستها وجاب تعريف من مؤسستها وأمه هي كفيلته .
هل هذا الموضوع يأثر على الموافقة ؟
جابوني بسرعة أنا على أعصابي خايفة تنرفض المعاملة .

زائرة حبيبتي انا نفسك خطيبي غير مقيم
عادي تروحي للامارة تقدمي خطاب او تقدمي عن طريق النت كله واحد
لما سالت في الامارة قالت لي الموظفة مقيم او غير مقيم التقديم وطريقته وشروطه وحدة
بس انا احس نقدم وبعدين نكتشف كل شي مع التقديم والاجراءات مرات تزيد شغلات عن المقيم وتزيد كم خطوة في الاجراءات

طموحة ان شاء الله البنات يفيدوك
بس اتصلي عالامارة واستفسري ممكن يفيدوك لسة دوامهم يخلص 3 خذي رقمهم من موقعهم عالنت او الاستعلامات

الله يوفقكم جميعا

اخت طموحة لابعد حد
ابن المواطنة تمشي معاملاته اسرع وله تسهيلات
بس حيقولوله يمكن عدل كلمة مرافق لإبن مواطنة ، عشان تصير اقامة عامة غير تابعة
ماعندي خبرة كفاية ان شاء الله الاخوات يفيدوكي
او زي ماقالت سارةواستفسري اكثر من الامارة
اخت زائرة والله ماعندي خبرة اتمنى الاخوات يفيدوكي انتي كمان
بس اتذكر استفسارك مر بالصفحات السابقة
معليه لو انها كثير بس ربي ييسررللجميع

عادي يقدر يعدلها اذا طلبوا بس اعتقد انه راح تتسهل لانه امه هي كفيلته وشغال في مؤسستها ومرة راح يسهلوا لكم ولا تخافي ماراح يرفضوها اذا الشروط منطبقة من حيث العمر والاشياء التانية
انا سمعت كتير ناس متزوجين من ابناء المواطنات وماشاء الله ميسرة فانتي لاتخافي وكلي امرك لرب العالمين وكل شي خير لك راح يصير
الله يوفقك

اهلين بيكي اختي لا عادي مو لازم يكون مقيم هنا
بس الا اعرفه لازم يجي وقت الاجراءات عشان توقيعه والتحاليل حسب ماقرات
انتي ريحي نفسك واتصلي على الامارة وبيعطوكي كل التفاصيل وفي هذا الموضوع في كتيير زيك سوي بحث ويطلع لك
موفقة اختي ربي يسهل لك

جديده
 

السلام عليكم
انا جديده معاكم في المنتدى
كنت متابعتكم ليا فتره بس مو عارفه أسجل
انا ليا سته شهور ماشيه في معاملة زواجي
انا سعوديه وخطيبي اجنبي مش من مواليد السعوديه
عشان كده طولت مع اني يوم بيوم متابعه لكن للأسف لسه
الله يصبرنا بس

يعطيكم العافية على الردود ...
لاكن المشكلة إن تعديلها صعب الجوازات زحمة مرة ووالدته كبيرة في السن وماتقدر كل شوي تروح وتجي ومعاملتهم سيئة جدا ومايخلصون أي شيئ أبد ويعاملون الناس بطريقة سيئة جدا .

بس عادي لو قدمها زي كذا ؟ ماراح تنرفض ؟

وحيدة للأبد....
كم عمرك وكم عمرخطيبك؟

ربي يسهل اموركم جميعاا
طيب تتوقعون العراقي يعاملونه معامله الخليجي قريت ان الخليجي مافي اي صعوبات وبسهوله تتم الموافقه
وكمان وظيفته حساسه ببلده وكان أسير ايام الحرب ممكن يرفضون عشان هالشي :(

زائرة لاتشيلي هم جنسيته
لان صحبتي متزوجة فلسطيني
اما بخصوص كان اسير والله ماعندي خبرة
اذا كان اسير في بلده اتوقع هنا محا يطلع عليه شي ، بس ان شاء الله تلقي احد يفيدك اكثر مني
يارب ييسرلنا أجمعين

حبيباتي الحمدلله انا وصلني مسج انه المعاملة تحولت للشرطة
انا من جدة لو عندكم فكرة وين اروح وين مكان مركز الشرطة الي لازم اروح له ولا اتصل اسال ولا كيف
وهل يحتاج اخذ اوراق معينة معاي؟
هيا الرسالة وصلت اليوم يعني يوم الاحد اروح على طول؟

الله يوفقكم يارب

يارب لك الحمد والمنة
الحمدلله سارة ، دحين روحي راجعي ولاتجيبي سيرة ابتعاث
وكملي ورقك على اساس انك ربة منزل
موقع الشرطة اللي تراجعي فيها في شارع التلفزيون بعد كلية الاتصالات
خذي معاكي رقم المعاملة اللي اتحولت فيها عالشرطة
خذي هذا رقم الشرطة 026372255
تحويلة قسم النساء لمعاملات الزواج 357
وربي ييسرلنا اجمعين باذن الله

طموحة لابعد حد
والله اتذكر كذلك وحدة من صحبتي ابنه مواطنة
كانت بتتزوج ابن مواطنة ايضا
مو اترفضت معاملتها لا وصلت للشرطة واخذو وقت على مايعدلو الاقامة وكدا
هذا الكلام قبل سنة تقريبا
والحمدلله البنت دحين متزوجة

السلام عليكم
حبيت استفسر اناقدمت على معاملة زواج وخطيبي غيرمقيم بالسعويه
الموظفه قالت مايحتاج يجي يقدريخلص اجرئاته من البلد المقيم فيها
معاملتي وصلت هيئة المعروف والنهي عن المنكر في احد يعرف فين
تروح بعد كذا؟!

ان شاء الله البنات يفيدونك
بس ليش تروح هيئة الامر بالمعروف والنهي عن المنكر هيا كل المعاملات كذا؟

ربي يسعدك ويسعد الجميع

لا مو كل المعاملات تروح الهيئة أنا كمان مستغربة
يمكن عشانه مو مقيم والله اعلم

يلا صباياا
مافي اخبار تسر ؟
الله يوفق الجميع اروبا ننتظر البشاره انتي و اصداف و جذور و سارا

اناكمان مستغربه لكن اظن انو لازم يبحثو صراحه اجرائتهم اتغيرت كثييير
اختي طلعت موافقتها خلال شهرين وماكان في تعقيد كدا !!
الله يوفق الجميع يارب

انا بس باقيلي التحاليل
ولسا خطيبي بيشوف يوم ينزل يسويها
والله خلاص نفسي في يدي وبدعي من قلبي تتيسر
الله يرزقنا التياسير بحق شهره الكريم
اروبا وناي ما اخذتو الموعد ؟
حنونا انتي باي مدينة طيب ؟
اغلب البنلت اللي طلعتلهم الموافقة هذا الشهر وقبله ماجابو سيرة هيئة امر بالمعروف
طيب انتي خلصتي من الشرطة وراحت للهيئة ولا كيف ؟
ربي ييسرلك وييسرلنا ونسمع اخبار حلوة قريب يارب

من الرياض انتي كم لك مقدمه وفي اي منطقه قدمتي ؟
اناماعرف ايش الاجرائات الجديده لكن هل يلزم المعامله تروح الشرطه وخطيبي مقيم في بلد ثانيه!!
الله ييسرللكل ويفرحنا اجمعين يارب