|
الله يشفيك ويقويك يا عالي موعد قريب ان شاء الله تعين الخير والصلاح والشفا التام
انا موعدي في مستشفى الامل بعد شهرين ان شاء الله واصلا انا ماخذهم لصرف الادوية وتالي ما عاد احصل على علاجي دايم ناقص انا اعالج عند الدكتور محمد العقيل في عيادة خاصة وقبل اسبوع مراجعة وقال بصرف لك اذا ما استقرت حالتك مضاد اكتئاب لا يسبب هوس ولا يسبب تبلد قلت مستحيل مستحيل حاليا على علاجي وهي ابليفاي وليركا ولامكتال والحمدالله وصلت لقناعة انها ممتازة بحيث انها لا تسبب اي تبلد وبعد ثلاثة اشهر راح اقيم العلاج من جديد اذا وصلت للهدف الى في راسي ولا راح يكون الضحية القادمة هو ليركا ما علينا المهم انت يا عاااالى يضبط مزاجك كيف تربيتيزول معك انا حاطه للضرورة القصوى جدا جدا جدا يعني كل اسبوعين مرا اخر علوم الهوس عندي قبل اسبوع لما كنت مستمر على بروزاك شريت مكملات ولا استخدمته وهي في الدرج حاطها ولا ادري استخدمها ولا ارميها |
اقتباس:
يا أخي أشغلني ذا نظام التوظيف ما أدري كيف فتحت صفحتهم بسوي لهم خروج نرجع لصلب الموضوع ما أقول إلا الله يعينك الله يعينك يا رب مع كلام الخالق رب العالمين و يخف القلق و الإكتئاب و الله يبعث الطمأنينة لقلبك و روحك يا شيخ طيب العصبية كيف هي الأخلاق لا زالت خربانة و إلا كويسة :/ يا رب تتحسن حالتك و منها و زود للأحسن يا رب و الله يقطع دابر القلق و الإكتئاب العنيف يا رجال أنا قاعد أحك راسي من مخالفة قميص النوم خربوا علينا ههههه |
😂😂😂😂😂
اجل قفلوا عليكم تصدق رحت للبقالة ناسي وقلت عسى ما يقفطوني عاد الهوس ما خلا في الجيب الا ريالات معدودة فاضين للقسايم والله اكذب عليك لو قلت ما فيه عصبية وانفعالات شديدة بس اهرب للغرفة عشان ما اتصرف او اقول شي للوالدة ينكد عليها تحصلني بالغرفة اندب حضي وااااه من الالم وشدة الابتلاء وطول مدتة لكن نحمد الله من قبل و بعد |
يقول العلامة محمد الشنقيطي
مخطئ من يضن بان الالتزام تقييد وتعقيد ما في الدين الا ثلاثة أمور عقيدة سليمة فعل طيب قول طيب |
|
اقتباس:
ما شا الله عليك يا رب هذي الخطة تكون كافية لك أنا جرعتي من التربتيزول 25 و الله مرات يقوى الإكتئاب و تشوفني بالشارع تاكي ع أرصفة المحلات و مرات يطرحني أدور للمسداح بس الحمدلله على كل حال و مرات أكون ما أقول طيب لأني لو طيب كانت أموري زينه و راضي عنها و عايش مثل الخلق الطبيعية بس تجيني حالات رضى و قناعة حتى لو كانت دمار الحمدلله بس أنا مقهور تدري ليش مقهور لأن الأدوية النفسية ما تعالج المرض و تمنيت و الله إنها مثل المضادات الحيوية تعالج و ينتهي الأمر مرات أعبر عنها الأدوية النفسية إنها مثل الفخ بمعنى إنها تتغير عليك مفعولها و تتحطم أشد التحطم و تصير في دوامة من دواء لدواء عشان تبحث عن شفائك و ما منها شفاء إلا رحمة من الله فقط طبعا كلامي إنها تتغير عليك مفعولها مع مرور السنوات مو أنا اللي أقوله هذا و الله إللي مررت به و أشوف الناس مرت فيه فمستحيل الإنسان يبقى على علاج بعينه طيلة عمره مرات أندب حظي و الله يا محمد و ليش وقعت في مصيدة الأدوية و مرات أقول إن شدة الحالة كان لها دور نعم الحالة اللي عذبتني و جعلتني أتمسك بأي قشة للخروج منها بأي شكل من الأشكال بس بالأخير هذا مكتوب و الحمدلله على كل حال في السراء و الضراء الحالة الإجتماعية و الإقتصادية تؤثر على نفسيتي كثير و ما في إنسان ما يؤثر الفقر عليه آه من الفقر و فعايله اللي تجر اللي ما ينجر أنا حالة إستثنائية بين من هم حولي و اللي خلاني كذا هو ( العقل )! فمن ناحية التفكير شاطح لأبعد مدى رغم ذلك الحمدلله أمس سبيت اللي ما ينسب و صرت أدعي على كل متوظف و متزوج بالله اللي لا توفقهم و يلعنهم لكن اليوم هديت الحمدلله و كلها قسمة و نصيب بس اللي يقهر لما يكون الواحد قلبه يحب و تصعب عليه الأمور ياليت قلبي ما يحب ياليت ياليت و الله كان عشت كنق زماني أخواني أخواتي رغم كل شيء لا تنسون الحمد لله "صَبراً يا مِن ضَاقتْ بَكَ؛ لَو تَعلمْ مَا لكَ عِندَ الله لـَ بَكيتَ فَرحاً". |
اقتباس:
.............. ربي يعينك يا شيخ يا رب تروح منك العصبية يا رب مع الأيام ترجع أحاسيسك أحسن من أول و تهدى من العصبية الهوس مدمر الله يعيذنا منه مع إنك منسم لما تصير مهووس ههههههه و أنت فريد من نوعك في كل حالاتك محمد كيف المسابيح معشوقتك عاد شريت بعت فيها و الله من زمان عنها شوف ذا المقطع إستلموه الطلعة بدون نت https://www.youtube.com/watch?v=a-TxMPKhZV8 |
والله يا عالي
انك صادق المريض يتمسك باي شي في عادي جدا اننا خذينا أدوية نفسية لان شدة المرض لا احد يتحملها الفقر والحاجة مع المرض تزيد المشكلة واحس بك والله بس صدقني لما تتشافى وتتعافي والمزاج يتعدل بالكامل وتستغني عن الادوية تتعدل كل الامور اصبر ي عالي في الدنيا ممر وليست مستقر |
تابعت مسلسل راس غليص و ما أحس أحد يجذبني لهالمسلسل إلا غليص و مناع و صايل و نوفه و فلاح و هاجم و دعيج فقط لا غير
|
تصبحون على خير
ماني نايم بس حزين جدا جدا جدا وليس اكتئاب هناك فرق شاسع المهم ان اكثر شي يؤلم قلبي هي التتحسر على ما مضى من سنين |
نعم صدقت يالجنرال الدنيا ممر و زايلة و ما هي إلا رمشة عين و الباقية هي الخلود و يا رب جنتك و النظر لوجهك الكريم و مرافقة الأنبياء و الرسل و الآل و الأصحاب
|
ليتني ما قلت عن الفقر
الله يعين |
اقتباس:
|
روحي يا نسمة
عند الحبايب عند الحبايب و إيا الحنين قولي لهم كلمة كلمة حبايب ع الشوق دايمين لكن صابرين بالحب هايمين و راح نبأ يا ألبي يا ألبي على طول عاشقين روحي يا نسمة روحي و إيا الحنين نعتب عليهم و الحق علينا و الشوق إليهم إليهم دايم في عينينا ما إحنا إبتلينا و إحنا أنهجرنا أهل الهوى آه أهل الهوى و من إيدينا روح قمرنا طال النوى طال النوى من شوق و حنين لككن صابرين |
مرحبا تردف مرحبا ب لوفيلاندو
|
ههههههههه يالشاهين مشتاقين و الله مشتاقين وين أيامك يا شيخ
أتذكر من تقولي أحذف صورة المدرعات اللي في توقيعي يا هي سالفة طويلة عريضة يا عم الحج هههه يا اخي أحب الرعب من أيام الطفولة أتذكر أقول لأبوي يشتري لي محفظة للأقلام جيشية أخبي فيها رصاص و الله أقلام رصاص بس خلت منها الرصاص و تأثرت أيام الأزمة أزمة الكويت بالجيش كنت أحب أشوفهم سواء من الجيش السعودي أو الجيش الأمريكي و كانوا الجنود بمدرعاتهم و مدافعهم و جيوبهم و شاحناتهم في محطتنا نمرح و نصبح بشوفتهم و يعطونا مضلات جيشية المشجرة و خوذ و سكاكين و كشافات و كمامات يعطونا إياها هدية و يباشرون علينا تجي الدوريات تلحقنا يقولون لا تآخذون منهم أشياء و أيام الحرب كنا نسوي خنادق و أشعلنا حرب مع الحارة الثانية اللي بجمبنا أستغلينا الحرب الدولية و سوينااها حرب حواري يلا أنا بصلي و أدعي ربي لنفسي و لوالدي و لآل نفساني هلا أيوب الله يفرج عليك و يفرح قلبك عيش و تعايش يا رجل و عاش من شافك و الله أشوف نفسي مستانس اممم أنا وش سويت و صرت مستانس و الله مدري بس الوكاد شوفتكم تجيب العافية و أدعوا لي تكونون دايمة :) ضحكت على نفسي و ضحكتني و نستني وجعها و جروحها مزاج متقلب هوس خفيف مع حزن مع تشتت الهوس داخل عرض ما أدري من وين دخل بس الوكاد الحزن هو الشارع العام يلا إلى اللغاء حباني و صدقاني |
وش رايكم في الصورة الرمزية
رمادية الدول و القلب في المحيط الأطلنطي و حلو التغيير أنشهد القلب غدا ملح |
باي باي بالإنجليزي قود باي
|
|
تأملت والدنيا بها العجب والعَجَب
تَروح بلا عُذر وتأتي بلا سبب فلا ظلُّها دان ولو طال أمنُها وسَل عن هَواها كل من ودَها خَطَب |
صباح الخير والعافية لقلوبكم
منور علو الغالي وابوحميد الورد وكل الاحبة نهاركم سعيد❤🌹 |
يا مليون مرحبا ب ياسيمن القلب والروح
وشلونك اخبارك وين ايامك لماذا الانقطاع يعلم الله مشتاقين لك جدا جدا ودي اسطر لك الابيات والسجع لكن ما باليد حيله يا ظل حالتي لا يعلم بها الا الله |
|
رحماك يا ربي اني
و زورقي و الخطايا في لجةٍ ليس فيها من الضياء بقايا جفت و غاضت و لكن مازِلتُ أُسجي رجاي يا..... يا...... يا رجائي....... يا رجائي ...... يارجائي ....... يارجائي |
|
في الكبد ليعاتها وفي النفس حاجات
حاجات ماهي برغبات وشهوات ندم على حزن على ماادري شسمه اللي يكلمك وتكلمه بسكات ياودي اصرخ من اللي داخلي حيل وياودي ماتنبس من الليعه شفات مزحوم تفكير ومشوّش وبردان وياخوفي من الغضب والانفعالات تعارك الشر مع الخير فيني يأثر على اتخاذي للقرارت |
|
أسعد الله كل واحد نفر هونيه و هونيك
يا هلا يا هلااااااااااااااااااااااااا و مراحب ما تنقضي بالطلة الحلوة منك يا عطر الياسمين أنتي و يا سعادتنا و فرحتنا فيك الله يسعدك يا أمرنا اللي مضوينا إي بالله يا بو عبدالرحمن مشتاقين جدا لها و غيابها يسبب لنا خنقة كيف لا و هي أقدع من مشى و زحف و طار و سبح و قرص و قحص ههههههه شفتي يا ظلو خليتك نحلة بس ما عم بتقرصي أنتي نحلة أليفة و متغذينا من تطعيمات عسل اللي ما في مثلو :) الله يسعدك يا ظلو قولي آمين يا رب يا كريم يوفقك و يبعد عنك كل شر |
الجنرال سمعت إنك مندوب بال مال سلفر
طيب ليش للحين مافي زقاير |
بسم الله الرحمن الرحيم وش عرفك ي الساحر 😂😂😂
بالفعل انقطع من السوق وحولت على وست سلفر 😎 |
اقتباس:
أشهد إنها ع الجرح |
اقتباس:
الله يسعدك و الله جاني خبر إنك مع فلان ماشي هههههه يا رجال مثلك و الله لي أكثر من يوم أدوره ما لقيته الغريب الأزرق و الأبيض منهم موجودين إلا هو مسوي لنا عقوبة شكلهم يبون يغيرون شكله مثل المالبورو يحطون له صورة تلوع الكبد أهم شيء يرجع لنا بأي صورة زين الوست سلفر هنا و عافية على قلبك :) |
|
ههههه اما ما حطوا عليه صورة والله الذهان لاعب بي لعب مدري ويني فيه 😣😣😣
ي رجال اهم شي يطلع دخان مع الفم والخشم ويركد الراس ويطلع حرتنا 😁😂 |
سلامتك من الذهان يا العالمي تهون بإذن الله
ههههههه إي و الله أهم شيء نيكوتين أياً يكون بس إنتبه لا تحرق بيت الشعر و يحققون معك و تقول لهم عشان ما في دخان و أبي دخان من وين يكون هههههههه الله يسعدك إي و الله أظنهم بيحطون صورة تولع المرارة بس ليش السلفر وحده و أخوانه لا بس الزين فيهم إنهم ما قطعوا الدخان كله عشان طباعة الصور الجديدة الجنرال شفت لي مقطع طفل مريض سرطان الله يقويه و يشفيه و يعافي كل مريض و يشفيه عاجلا غير آجل كمية الإهتمام و الإحتواء من الناس للطفل شيء يثلج الصدر بس اللي جاء بخاطري و أكيد بخاطر كل واحد فينا اللي هو [ ليش المرض النفسي و العقلي ما يلقى راعيه الإهتمام و الإحتواء من اللي حوله ما أقول من الناس الغرباء لا بل الناس اللي حوله اللي يعرفون مرضه :( ؟!] شي موجع و الله بس على الله التكلان و لا غيره هذا هو المقطع https://twitter.com/fontool/status/1192034931784003586 |
رحت لي مطعم معروف بالكبدة و لقيت برى الباب شايب نحيل من هيئته حالته يرثى لها و قاعد على عتبة المدخل للمطعم و مد لي يده أكيد إنه يطلب فلوس المسكين و تأثرت لحاله المهم دخلت المطعم و قعدت أراقبه و أنا داخل المطعم ثم خذيت طلبي و عطيته كم ريال و أنا بالسيارة و آكل قعدت أراقبه سبحان الله رغم يا كثر اللي يدخلون بس ما مد يده لهم شكله خايف منهم و ما خاف مني قلت الحمدلله إني ما أخوّف و يا جعلني ما أخوف إنسان و لا أفجعه
تصدقون تذكرت لميا الحزينة ! |
أخيتي نجمة الفلك كيف حالك يا رب بخير
بغيت أسألك كيف عرقوبك الحين الله يعينك |
والله ي ابو نجلا الامراض النفسية خفيه مب واضحة للناس في لا تلومهم
تخيل ان المرض لم يصيبك ولا تعرف عنه شي كيف راح تكون ردت فعلك هو من اصعب الأمراض حينما تمرض النفس والروح و تتمزق الم وحزن لكن الناس تخفى عليهم هذي الالام و الا وجدت تعاطف بدل من الاهانة لكن لو تبصر الواحد فان الله يعلم كل شيء لا تخفى عليه خافيه سبحانه وتعالى اصبر ي عالي كلنا معك وانت قدها وقدود اعرف ان قلبك مليئ بالايمان والصبر وحب الخير كلنا معك ابونجلا الغالي العزيز ويشهد الله اني اكتب لك وانا في الم وهلوسة وحزن وصداع لا اعلم لماذا كل ما أتقدم خطوة الى الامام لا تلبث الامور انما بعدها ارجع للوراء خطوات وخطوات تقول اتبع سراب |
و الله و شيّبنا و شابت قوانين ... و ماتت ثوابت حلمنا وسط غابة !
|
ما عليه حبيبي الجنرال إصبر ففي العاقبة خيرات سرمدية لو أوريتها و تكشفت لك لبكيت فرحا
و الله الدنيا ما هي إلا رمشة عين ما هي إلا رمشة عين يا محمد ما ينخدع في طول الدنيا إلا قصير نظر و مخدوع و أبله غير مجرب نعم غير مجرب لأحداث الأيام و الليالي و أحداث الأجداث بس المشكلة في المزاج و كلنا مشكلتنا بالمزاج اللي الله يآخذه تستطول فيها رقم و عقرب الثانية و الدقيقة و كأنها سكين على قلبك بس على الله يزينها حبيبي محمد أنا من رايي بلى ينلامون بشدة لما يشوفك واحد و مزاجك مو طايق شيء يقول وش فيك نفسيه اليوم هذي بحد ذاتها تجرح بدال ما يراعيكك و تسمع لك كلمة ما تشوف شر و أزمة و تعدي بإذن الله أو ( تراني معك و لو صار ما صار ) هذي اللي بين قوسين أعتقد إلى درجة الجزم إنك ما تلقاها لأنهم يضيعون وقت الشدة و المحن كأن جايهم بخاخ فليت و كأنهم ذبان و فعلا إنهم ذبان لأنك زهرة و الزهر ما يجيه إلا طيب الطير و هم زبايل بس خوفك نحلة تجي ع الجرح هههه ! و لما تتأخر بالرد عليهم يقولون بدري مستهزئين فيك و لما تقطع الناس العلاقة فيك عشان تغير مودك للأسوء صدق ناس ما بقلوبهم أدناة خوة و الملام الأول و الأخير أنت عارفه [ المزاج ] أريد واحد يقولي وقت ضيقتي و همي يا فلان تبيني أقعد معك و الا أخليك بالحالك و نتلاقى على خير . ما لقيت هذا الإنسان الله يسلمك يا عصابة راسي و تسلم تسلم و أنت كبير في عيني و الله من الله كذا و يا رب تفرج عليك قريبا عاجلا |
| الساعة الآن 12:59 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا