|
الرضوي
اخوي الكريم اولا امورك ولله الحمد ماشيه تمام مبدئيا و مدام وصلت لمكتب الزواج بالشرطه يعني الموافقه الاوليه طلعت بالنسبه لوضعك معليش انا حاسه فيك والصبر زين ( ان بعد العسر يسرا ) خذ الاوراق المطلوبه منك اوراق الفحص وً الاوراق الباقيه كلها وروحو افحصو و بعدين حتتحول للشرطه و المباحث حياخذو البصمات و العروسه توقع تعهدات وًكذا و بعدين ماتاخذ شهر الا وتوصل المحكمة و تاخذ موعد تعقد على خطيبتك اعتقد التأخير في حالتك الان بسبب دوامات رمضان نوعا ما يكون فيها تأخير و عطله لكن مومشكله الاكيد ان التأخير خير من عند الله برضو انت روح كل شويه وراجعهم مرره لا تستنى هما يتصلو حتى لو قالولك بعد اسبوعين انت راجع بعد 10 ايام والله يوفق الجميع يارب |
عموما علشان اريحك مافي معاملة تنرفض الا بأسباب
احد الطرفين يكون له سوابق او الفحص غير سليم بالنسبه للطرف الغير سعودي او كان العمر غير مناسب بس في حالتك العروسه 23 مو صغيره غالبا ترفض المعامله للبنات اللي تحت 20 اختي تزوجت وعمرها 21 من اجنبي ومااااايقربلنا لبنااني يعني اتطمن هو بس مسألة وقت مو اكثر |
اقتباس:
وعليكم السلام ورحمة الله ! أبغا أسألك أخي بما أنك ابن مواطنة سعودية ونادرا ما ألقى ابناء سعوديات عشان اسألهم. وهذا الموضوع يهمني جدا. انا مقدمة على هذي الخطوة باذن الله - الزواج من غير سعودي - وكنت ابغا قبل ما اتخذ هذي الخطوة اني اعرف بعض المعلومات والتجارب الشخصية وكنت قبل سألت في هذا المنتدى عن وضع الأبناء بعد الزواج. المهم انا حابة أعرف كيف الوضع بالنسبة لك ولأخواتك؟ هل حسيتو يوم بالظلم ( بغض النظر عن موضوع زواجك الآن - اسال الله أن يوفقكم ويجمعكم على خير ) وهل حسيتو يوم أنكم تلومون والدتكم على هذا الزواج ؟ بالنسبة لعائلتكم هل كان صعب عليكم التأقلم مع إختلاف الثقافات ؟ ( خطيبي ليس عربي أيضا وماعندي أي مشكلة في هذا لأني بالنسبة لي اتألقلم بسرعه وأميل وأحب تعدد الثقافات ولو ان الوضع قد يكون مختلف قليلا في الزواج لكن اللي يهمني اولادي اذا بيحسون بتشتت بين الثقافتين ). هل تحس ان الوضع أصبح أيسر من الناحية القانونية لأبناء السعوديات. وخصوصا من ناحية الإقامة هل يكتبون أبناء مواطنة أو لازم أحد غريب يكفلهم ؟ أخيرا وهذا اللي يخوفني أكثر شئ, في حال وفاة الزوج الغير سعودي والي عنده أبناء من زوجته السعودية هل تضطر الأم أنها تنقل لبلد ثاني عشان مافي كفيل لهم او كيف الوضع ؟! شكرا جزيلا وآسفه على الإطالة لكن والله هذا الموضوع يؤرقني كثير .... |
وعليكم السلام و رحمة الله و بركاتهيا أخواتي
أولا أشكركم كلكم على ردودكم الطيبة و طمنتوا قلبي شوي الحمدلله و يارب يطمن قلبوكم بعد و يسهل في أمر زواجنا كلنا و في جميع أمورنا الباقية يارب طيب بالنسبة لإستفسارات الطهر ترى يا أختي بالنسبة لنا أول كانت الوضع سيئه جدا الين سنة الي فاتت وربي اتبهدلت كثير بس عشان تجديد الإقامة ولكن الخين الحمدلله مع القرارات الجديدة الي نزلت قبل كم شهر ترى صححوا وضعنا كثير و نقل على كفالة والدتي بمهنة أبن مواطنة و أتجددت إقامتي مجانية و الحمدلله ريحونا شوي من نحية الجوازات لانه الجوازات وربي اكبر قرف يكرهوكي من حياتك و بالنسبة ﻷخواتي هم أتجنسوا من زمان لانهم متزوجين بسعودين و حتى زواجهم كانت سهلة جدا بدون موافقة بدون شي دايركت من المحكمة. و بالنسبة للظلم ف أكيد أحس بالظلم بسبب عدن حصولي على الجنسية الى الأن مع أنه أهلي كلهم سعوديين ولكن ما قد فكرت باللوم على الوالدة بالعكس بسببها أنا مستفيد من بعض الحقوق ولله الحمد و من ضمنها الوظائف و العلاج و الدراسة و يارب تنفرج و أخذ الجنسية كمان قريبا... و أبشرك أنا مدير شؤون الموظفين بفندق برج الساعة و أتوظفت بهالمنصب بناءا على إني سعودي في مكتب العمل و من ضمن السعودة و حتى مضاف بالتأمينات الحمدلله و ما شاء الله تبارك الله. بالنسبة لإختلاف الثقفات ف إحنا ما واجهنا أي صعوبة لانه صح جنسية والدي غير عربي و لكن إحنا أصلنا عرب لانه جدي من الوالد كان من أشراف مكة بس هو هاجر للباكستان لدعوة الإسلام قبل سنين و أتزوج هناك و خلف و رجع لسعودية مع عياله بس بعدين هاجر للأمريكا و أتوفى ف ما لحق يقدم لأولاد للجنسية و أصلا وقتها ما كان في باله لانه وقتها السعودية ما كانت لها قيمة و جدة كانت كلها بحر ولا كانت في العنصرية في الناس ولا أحد كان يعرف شي أسمه سعودي و أجنبي كانت كل الناس عايشة بالمحبة و الأخوة على أساس أنهم مسلمين وبس كان ربنا كاتب لي كده والله على كل حال و في كل الأحوال أنا احسن من غيري الي محرومين من أنعام كثيرة. و بخصوص السؤال الأخير ترى يا أختي لا تخافي بالنسبة لعيالك راح تكون في تسهيلات كثير لانه الحكومة جالس يدرسوا موضوع أبناء السعوديات و في السنوات الجاية القريبة جدا راح يجيبوا قرارات جديدة متسهلة كثير لتجنسيهم و ما أدري مو متأكد بس خالي الي طيار بالخطوط السعودية قال انه سمع من أحد أنه قريبا راح ينزلوا القرار أنه عيال المواطنة السعودية متزوجة من أجنبي راح يأخذوا جنسية أمهم من وقت ولادتهم زي عيال أي مواطن سعودي و يارب يبشرنا بهالخبر قريبا أنا خلاص أتمرمطت و الي صار صار بجنسيتي أنا توكلت على ربي بس أبغى عيالي ما يتمرطوا مثلي يارب أستر على جنيعنا و وفقنا في حياتنا في الدنيا والآهرة يارب و يبشرنا كلنا بزواجنا قريبا يارب على كل خير. أتمنى إني ساعدتك ترى أسف أنا رسالتي طويلة دايما لاني تعرفوا مدير شؤون الموظفين ما شاء الله ف أحب أدقق في كل تفصيل ههههههههههههه تدوم إبتساماتكم يا أخواتي و أي خدمة مني بالفندق كلموني والله تحت أمركم هذا ايميلي yr676?live.com استودعتكم الله الجميع |
اقين سوري على الاغلاط الاملائيه بسبب اني اكتب من الجوال ولا اراجع الكتابة السابقة...
و دمتم |
السلام عليكم اخواتي انا ليا شهر اتابعكم وانا سجلت عشان اقولكم عن موضوعي اللي هوا انه تقدم لخطبتي شاب مقيم من مواليدالسعوديه وانا سعوديه موظفه في قطاع اهلي وراتبي اعلى من راتب خطيبي طبعاىراتبه 3500 وانا خايفه انهم يرفضو معاملتي عشان دا الشي وممممره خايفه لانه الناس قالو ليا كدا انه لو كان اجنبي وانتي موظفه وراتبك اعلى يرفضو لانه يقولوا سعودي احق فيها طممممنوني بليز
|
اقتباس:
اذا انطبقت عليكي الشروط راح تجيكي الموافقة هما اكثر شي يركزوا على العمر في كثير رواتبهم اعلى من ازواجهم وجاتهم الموافقة واعرف وحدة شخصيا جاتها الموافقة وهيا وظيفة حكومية راتبها اعلى من زوجها فعادي لاتشيلي هم ربك كريم الله يوفقك ويوفقنا يارب |
اقتباس:
|
و عليكم السلام يا اختي العزيزة بالنسبة لإستفسارك اولا حسب علمي الراتب ما له دخل بس برضوا عشان تكونوا انتو مرتاحين خليه يكلم الشركة الي فيها او كفيله يضبطله راتب فوق 5000 ريال بما انه اجنبي مو مسجل في التامينات الحكومه ما راح تعرف راتبه الحقيقي و أنا كمدير شؤون الموظفين كثير من المرات اسوي خطابات تعريف للموظفين براتب اعلى و تمشي امورهم ما احد يدقق الا البنوك بس يعرفوا عشان اذا كانت الراتب محول اليهم.
موفقة يا أختي اسأل الله أن يقضي حاجتك و يحقق جميع أمنياتك على خير و جميعنا يارب يبشرنا ببشارة طيبة تسعدنا بشهر المبارك هذا يارب يجمعنا بحلالنا بفضيلة الشهر الكريم هذا. و أنا أدعولي يا أخواتي والله حاس شوي زعلان ترى يوم 18 رمضان عيد ميلادي و كان نفسي نكون مملكين أنا و خطيبتي هذاك اليوم عشان تكون أحلى عيد ميلاد بالنسبة لي بس الله كريم على قولتهم كل تأخيرة فيها خيرة من الله. ربي أشرح لي صدري و يسر لي أمري!!! أللهم أمين.... |
الله يبشركم ويبشرنا بكل خير يارب في هذا الشهر الكريم
ويوفقنا ويسهل لنا أجمعين يارب |
تسلملي اخت جذور الورد واخي الرضوى وجعل ربي يحقق امانيكم بشهر الفضيل ويقضي حاجتكم ويسهل اموركم ي رررررررب وحاجه كل شخص ومعليش عندي استسفار صغير انا ارسلت موافقه ولي الامر للاماره يوم الاحد واللين دحينا ماجاني رد
واخي الرضوى متاكد انه لو رفع الراتب مايدرو بشي ﻷنه لو كان مثلا سعودي واخذ اجنبيه يرفضون عشان راتبه وانا خفت من كدا انه وراتبها عالي |
لا يا اختي بإذن الله ما يضره بشي خليه يرفع بشي مناسب حسب مهنته يعني بشي منطقي يعني مثلا واحد منهته سايق مو معقوله يحط راتبه 7000... فهمتي يعني يحط شي مناسب حسب مهتنه مثلا مبرمج كمبيوتر ممكن يحط 7000 عادي و زي كده عشان هم ياخذو بشي مفهوم.
موفقين يا أخواتي كلكم و إيانا يارب.. |
مساءالخير يا اخواتي الله يخليكم فيدونا ايش نسوي اذا المعامله جايه (حسب التعليمات) من وزارة الداخليه وش الخطوة نسويها الحين عشان نأخذ الموافقة دحين و هل بيعطونا أوراق التحاليل و البصمات الحين ولا لا ولا ايش نسوي والله إني متوكل على الله بس نفسيتي شوي تعبانة مو عارف وش نسوي على أثاث خطيبتي عمرها 22و4 أشهر يعني دخلت 23 هل الحين نأخذ الموافقة بس من الأمارة ولا لازم من الداخلية ولا ايش نسوي الله يسعدكم علموني إذا أحد فيكم او من معرفتكم صارت معهم كده و أخذوا الموافقة و كيف؟؟؟
|
فينكم يا أخواتي ليش ما احد رد؟
|
رضوي انا بجد ملخبطه معاك اول كيف عرفت جاءت بحسب التعلميات يعني هذا الكلام معناه حفظت ولاايش وع الفكره الموافقه لو تبغ تاخذها لازم تمر بعد ادارات يعني لو قدمت من الداخليه يروح الاماره والاماره ترسلها للشرطه والبحث ولجنهىالزواج وبعدين تتحول الى الاماره ثاني وممكن ترجع للداخليه اذا كان مو من المواليد وترجع ثاني للاماره وتصدر للمحكمه هذاي الفه كلها لازم تمر فيها لانها اجراء روتيني لوقدمت عشره مرات لازم تمر بهذاالادارات سواء من الاماره او الداخليه
ولاخت الي تسال عن الراتب زي ماقال الاخ رضوي خليه يروح عند المدير ويعطيه تعريف براتب اعلى شويا ترى ماتعرفيلهم كثير ناس اعرفهم جلسولهم ع الراتب ومنهم صحبتي بس هذا الزوج سعودي راتبو عالي رفضو المعامله بسبب الراتب ومرات مزاجات يمشو ومرات مايمشو بس بخصوص الزوجه سعوديه والزوج غير سعودي انا الس شفتو بعيني الزوج سعودي وراتبو عالي استقعدولو ورفضو المعامله |
يا أختي عزيزتي انتي منتي فاهمة علي ترى احنا قدمنا للوزارة الداخلية خطاب استرحام عشان نبدأ بإجراءاتنا الباقية لانه اساسا من الشرطة رفضوا يعطوني ورقة تحاليل او اي شي قالوا لانه عمر البنت 23 ف لازم تقدموا خطاب إسترحام او إستثناء للوزير الداخلية انه يسمحلكم بزواج بدون شرط السن فهمتي؟
الله يخليكم الي فهموا وضعي ساعدوني وش نسوي شي مختصر عشان نأخذ الموافقة و نخلص إجراءاتنا الباقية؟ أدعولنا يا أخواتي الله يسعدكم يارب فرجها يارب بشرني و بشر جميع أخواتي بموعد عقد القرآن لنا في المحكمة في الشهر الكريم الفضيل هذا يارب أستر علينا بالحلال و أحفظنا من كل حرام يارب أرزقنا حلالنا على كل خير أسعدنا مع شركاء حياتنا للأبد يارب و أجمعنا بيهم في الدنيا والجنة و عساني أسعد زوجين مع بعض يارب تقبل منا يا سميع الدعوات يا مجيب الدعوات ربي أشرح لي صدري و يسر لي أمري و ربي كما شرحت صدري ف يسر لي أمري يارب يا رحمن يا رحيم يا جبار يا كريم يا جامع يا الله. |
طيب يالرضوى غريبه اغلبيه البنات بهذا السن اتزوجو مااقالولهم شي
وشي ثاني لمن قدمت الاسترحام في الداخليه مااعطوك رقم معامله عشان تراجع فيها شرطه عمومت اذا ماضبط معاك قدمو ثاني من اماره جده غريب وضعك وصدقني اذا اي وحده من الاخوات لو عندها معلومه تقولك كلهن في نفس الهم انت هونها وتهون واذا مره مارضوى اصبرة الين توصل السن المطلوب |
الرضوي
والله يااخوي مادري بس اللي فهمته ان المعاملة حُفظت و لمن تحفظ مايفتحوها مره ثانيه ولو بخطاب استرحام لازم تقدم من جديد و اقترح تقدم في جدة اختي تزوجت اصغر من هالسن تزوجت 21 سنه الانسان يسعى ويحاول و الله يقدمله الاصلح والاخير جرب مرة ثانيه تقدم والله يسهلك و على فكرة اقلك الكلام هذا والله شاهد مو عشان احبطك بس عشان تكسب الوقت يااخوي انا صارلي نفس الموقف قبل سنتين قدمت معاملة و حُفظت وجلست سنة معلقه بين خطابات الاسترحام و حوسته و الله ماكتب نصيب وًكل واحد راح في حاله والان ولله الحمد ربي عوضني و طلعت موافقتي و عقدت قبل اسبوع |
بفعل يااخ رضوي زي مااقتلك قدمو من اماره جده لاتقدمو الاوراق من الشرطه ابداءو من اماره جده وقدمو الطلبات لانو كلامك واضح انو انحفظ واكسب وقت وطنش المعامله هذاي كثير بنات اتزوجو واعامرهم زي عمر خطيبتك
|
المشكلة يا أختي الاماره يقولوا ما عندنا صلاحيات لهذي الشي عشان جنسيتك غير عربيه اتخيلي شروطهم ايش انه اذا واحد اجنبي من جنسيه عربيه و من المواليد يزوج السعوديه عمرها 21 و اذا اجنبي من جنسيه غير عربيه و من المواليد لازم عمرها 25 قلت حسبي الله ونعم الوكيل يعني أبن المواطنة ما في أي إستثناء له سواء من جنسية عربية ولا غير عربية مادام هو أبن مواطنة يعني أمه الي جابته في الدنيا الي هو من لحمها و دمها مو هي عربية يعني هذا الولد كده صار مو عربي؟ و ثاني شي الاجنبي الي مجرد جنسيته عربيه هل هو أوله مني أن يأخذ بنت البلد وأنا من بطن بنت البلد هذا؟
ايه والله حسبي الله عليهم الي يعقدوا في حلال الناس شرعيا اذا ولي أمر البنت موافق ما أحد غيره له كلمة في موافقة الزواج و الي يخالف الشرع له حساب عند الله يارب لا تترك ولا واحد منهم الي كده يعقدوا في زواجات الناس يصعبوا الحلال على الناس و يفتحوا ابواب الشر النت و برامج التواصل الإحتماعيه و مدري ايش و ايش و بعدين يقولوا ليش الزنا و العلاقات الحرام أكثر شي بالمملكة منتشره أكثر من أي بلد أخر و الرد على السؤال تعقيد على الشباب و البنات في الزواج سواء بالمهور ولا بالطلبات الزايده ولا بالتعقيدات بالموافقات زي موضوعنا... أسف طولت عليكم و انفجرت شوي بس الحق لازم ينقال و ربنا كريم يارب يوفقنا جميعنا في حلالنا و عندي أمل بإذن الله ببركة الشهر الفضيل هذا راح يبشرنا كلنا بالموافقة على زواجنا و حتى كل الإجراءات السليمة و الموعد بالمحكمة للعقد القرآن أمين يارب العالمين. ربي أشرح لي صدري و يسر لي أمري ربي إني مغلوب فأنتصر أستغفرالله الذي لا إله الا هو الحي القيوم و أتوب إليه عدد خلقه و رضى نفسه و زنة عرشه و مداد كلماته كثروا من هذه الدعوات والإستغفار والفرج قريب جدا بإذن الرحمن الرحيم!!! |
السلام عليكم ورحمة الله وبركاته
انا بصراحه عندي استفسارات كتير واتمني الاقي المساعده انا سعوديه عندي 31 سنه ، مطلقه ، وادرس خارج المملكه ، متقدملي شاب مصري عمره 29 سنه من مواليد الامارات حابه اعرف ايش المطلوب مننا من اوراق وكيف ممكن نقدم علي الموافقه من خارج المملكه انا حابه اعرف كل الخطوات اللي اعملها وتسهل الامور عليا انا دورت كتير بس من جد مو عارفه كيف ولا ايش الطريقه ارجوكم ساعدوني ولكم جزيل الشكر |
اقتباس:
او اتصلي على وزارة الداخلية اسالي افضل بس الي اعرفه انه الي برا يقدمو عن طريق وزارة الداخلية بنات بسالكم الشرطة والاحوال المدنية ومركز تحليل الزواج متى يبدا دوامهم في العيد؟ ربي يوفقكم جميعا ويسهل كل عسير يا رب ويفرج عليكم اجمعين |
السلام عليكم اخواني واخواتي :)
هذي اول مشاركة لي من بعد يومين متابعة هذا الموضوع وبصراحة لقيت كل حالة تختلف عن الثانية بالرغم انه موضوع واحد وعشان كذا قلت اقدم موضوعي وان شاء الله تفيدوني خطيبي مقيم خارج المملكة واللي اعرفه اول خطوة هي تقديم طلب للامارة ومن بعدها الخطوات الباقية... قررت ادخل موقع امارة مكة واقدم طلبي هناك ولازم اعبي نص للطلب سؤالي هو ايش اكتب في النص ولمين الخطاب وعلى اساس من ولي امري ولا خطيبي وهل اذكر معلومات عني وعن الخاطب ام اسباب لطلب الزواج ولا كيف اذا في احد قدم من الموقع ممكن يقولي عن تجربته واذا اسهل اقدم من الامارة نفسها ولا الشرطة اول باين اني حاااااايسة وماني عارفة شي ههههههه الله يخليكم ساعدوني والله يسهل اموركم ونفرح فيكم جميعا يا رب |
اقتباس:
اتوقع يبدا يوم الثلاثاء 6/10 |
اقتباس:
هو زي الابلكيشن اول شي معلومات عني وبعدين ادخل كود على ما اذكر ويوصل على جوالي رقم ادخله وبعدين تجي معلومات عن ولي الامر وسبب الزواج من غير سعودي مثل انك مريضة او شي انا حطيت اخرى وفي مربع تشرحي فيه انا سبته فاضي وبس الحمدلله عدت من الامارة والان في مرحلة الشرطة موفقين جميعا يا رب |
هلا ساره ممكن اسالك على اي امارة مقدمة؟
انا بس عبيت بيانات مستخدم جديد وبعدين رحت الاستدعاء الاكتروني وتختاري نوع الطلب وفي فراغ للنص تعبيه... ما جاني زي ما قلتي ابلكيشن ولا شي |
اقتباس:
|
السلام عليكم اخواتي حبيت اسالكم انا موافقه ولي الامر وديتها اﻷماره يوم الاحد والى اﻷن مارسلو لنا شي هل دا روتين ولافي شي
|
اقتباس:
بس اتصلي عليهم واستفسري |
اقتباس:
|
كيفكم يابنات
ايش جديدكم انا معاملتي موقفة خلاص بعد العيد قالو يرسلوها لجدة , كل تاخيرة خيرة يارب ايش صار معاكي ناي واروبا قدمتي موعدك وترف نقول مبروك ياعروسة وتوتة محمد وسارة محمد والوسا و الاندلسية ، |
ليش محد رد عليااااااا تكففون جاوبوني انا وديتها اﻷحد اللي فات وقالو بيرسلو واللين دحين مارسلو شي
|
اقتباس:
قصدك الخطاب حق الامارة |
صباح الخير حبايبي
أصداف حبيبتي ربي يسعدك ويسهل أمرك دايما سباقة في السؤال انا معاملتي في الامارة من اول رمضان باقي تتحول للمحكمة بس اتوقع ماراح تتحول الا بعد العيد للاسف الموظفين ما بيداومو وكل الشغل يتعطل بس الحمدلله و كل تأخيرة و فيها خيرة على قولتك الله يسهل امركم جميعا و يفرح قلوبكم |
بعد العيد اوافيكم بمجريات الامور لانه الى الان ماصار شي عندي
الله كريم وهو المسهل يارب تفرج من عندك |
اقتباس:
|
اقتباس:
موفقة |
ايوه اختي اصداف بس اليوم دخلت موقع اﻷماره مكتوب احليت الى شرطه جده
|
انكسار ملكة يلا ربي ييسرلك روحي راجعي يارب تلقي احد يديكي الخطابات
عاد بدت الدنيا تاجز ، جذور الورد ربي ييسرلك الوسا الحمدلله يلا يارب تبشرينا بعد العيد ونعيد عليك ونقولك مبروك ناي حبيبي طمنينا عنك |
اقتباس:
تسلمي ع السؤال رحت سألت قالولي الشيخ اللي معاملتي عندو في اجازة مايرجع غير بعد العيد لعلو خير اتطلعنا دي اللطعه عشان معاملتنا عندو وهو في اجازة فلاتشيلو هم يااااارب كل البنات تجيهم المواعيد من ثاني يوم على طول |
| الساعة الآن 02:11 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا