اخ بس

انا اذا بيدي اغير ال ستاف اللي في الشرطة قسم الزواج كلهم

وبعدها وضع المعاملات يسير بخير ومافي خوف

وربي اكتر حاجة شايله همها لمن توصل معاملتي الشرطة
احس انو بيبي داخل بيت رعب

تعرفو جملة

الداخل مفقووود والخارج مولووود

هي دي بالزبط تنظبق ع المعاملات في الشرطة

احد يفهمني بليييز

لا ما اعرف محمد عطاس

سيدي الكريم/ صاحب السمو الملكي الأمير مشعل بن عبدالله بن عبدالعزيز آل سعود حفظه الله ورعاه

أتقدم إليكم بخطابي هذا وكلي أمل في كرم سموكم، حيث أني مقيم (تكتب جنسيتك) أحمل إقامة رقم: (...)، ومن مواليد هذا البلد المبارك المملكة العربية السعودية(إن ما كنت مولود هنا فغير الصيغة... وأنا مقيم في المملكة العربية السعودية من (ضع رقم السنة) وكل مازادت كل ماكان أكثر فائدة لك).
وقد تقدمت للزواج من مواطنة سعودية (اسمها) )رقم هويتها) تبلغ من العمر ( )، وحيث أني مشهود لي بحسن السيرة والسلوك وولله الحمد(أكتب مبررات أخرى لو كان راتبك عالي مثلا يكون أفضل، لو عندك تزكيات من مشايخ أو من أصحاب مناصب في البلد يكون أفضل) تمت الموافقة من المواطنة وأهلها، وسعوا في إجراءات الزواج غير أن المعاملة تعثرت في شرطة(( محافظة جدة أو العاصمة المقدسة..اكتبها) بسبب عمر المواطنة التي تريد الزواج مني. والمعاملة كانت برقم ( ).
ورجائي لكم –سمو الأمير- أن يتم الموافقة على استثنائها من شرط العمر، لإتمام الإجراءات الرسمية في شرطة( محافظة جدة أو العاصمة المقدسة..اكتبها)، وأنتم أهل الكرم والفضل الذي لا يخيب لكم راجي.

مقدمه:
رقم الهوية:
التوقيع:
جوال للتواصل:

أخي الفاضل عزيز..
لو كان بيدي تواصلت معك جوال، ودي أخدمك، لكن إدراة المنتدى هنا رافضة وضع ارقام الجوالات.
ربي يوفقك ويتيسر لك موضوع الاستثناء.
عموما لو كان باسم المواطنة أفضل، لأن مبرراتها بتكون أقوى عند الأمير.
لو الواسطة اللي معك قدر يدخل الخطاب باسم المواطنة راح تكون نسبة القبول أكبر.
أسأل الله لك التوفيق.
ولو احتجت أي شيء أنا بين يديك.

أختي هويام، يريدون تعقيدها... المفترض يحددوا المرض. إذا كشف الزواج تمام فما عمره ردوا أحد بسبب مرض مو موجود فيه!
لازم يرفع خطيبك خطاب للمحافظة برقم المعاملة وتبيين سبب الحفظ الوهمي هذا!
وإذا احتجت صيغة خطاب ممكن أنا أكتب لك... ووممكن ترسلونه من موقعهم من النت إن كنتم تابعين لمحافظة جدة.
وربي يوفقك يارب.

تسلم اخوي بس للاسف حطو بيا مرض وانا سليمه والحمدلله .

طيب لوتكرمت تكتب ليا صيغة الخطاب .

طيب ماقدر ارسل برقيه للمحافظ ؟

ولا لامير مكه ؟

الله يسعد قلبك دنيا وآخره يالغالي

بس فيه كم شغله بوضحها لك

1- الصيغه ابغاها كأن ابوها الي بيقدم الخطاب مو أنا

2- الراجل الي بيدخل لي الخطاب عند الامير قالي لا تجيب سيره ان المعامله حفظت من قبل
قال وضح انك تستثني من شرط العمر

معليش بتعبك معاي

والله يجعلها في ميزان حسناتك

لا اله الا انت سبحااانك اني كنت من الظالمين

أبشر أخ عزيز... واخت هويام.
الان انشغلت شيء.
لكن الليل بكون متفضي لكم واكتب الخطاب.
اخ عزيز.
كم عمر ابو البنت.
وهل انت مولود هنا.
عشان اضع لك مبررات.
ممتاز جدا.. كتابة الخطاب باسم ابو البنت .
وبيكون افضل.
ربي يوفقك.
اذا فيه حرج عليك تعطيني المعلومات الخاصة هذه... ممكن اعطي رقم جوالي لادارة المنتدي. ونتواصل مباشرة.
ومافيها تعب والله. اخدمك بعيوني.

تقدري رسلي للامارة... لكن بتلف وترجع لمحافظة جدة.
قدمي مباشرة خطاب باسم محافظ جدة.
وراح يجيكم الرد باذن الله.
الليل اجي اكتب لك الخطاب... ولا يهمك.

استفسار يا اخت هويام..
هل التقرير حقك مكتوب فيه سليمة من الامراض الوراثية والمعدية؟

ماشاء الله تبارك الله اصدرت للمحكمة؟؟

اجل تروحو للمكان الي حفظت فيه المعامله وتدخلو ل اكبر واحد فيهم ويروح خطيبك لانه سعودي وله كلمته
يوريهم تحاليلك الاصل ويقول لهم يا اما تكملو الاجراءات او اما راح اشتكيكم ل وزير الداخليه
صدقيني والله انو ماتمشي معاهم الا كدا
لانو في مره من المرات لمن قدمنا في شرطه العاصمه ضيعو لنا المعروض الاصل وحفظوها حسبي الله عليهم
وقتها في شخص نصحنا نسوي كدا ب انه تهديد ع خفيف كدا راح يمشي الحال

ايوه الحمدلله سليمه

واصلا كمان اعطو خطيبي التحاليل الاصل اللي فهمتو من المشاركات اذا كان فيه شي في التحليل مايعطونا الاصل ابد تروح للشرطه سيدا.

قبل سنتين حفظت معاملتي كمان وماعرفت السبب لانها حفظت في الشرطه وكل ما اتصل كل واحد يقولي سبب ماعرفت السبب الحقيقي الا الان لمن حفظت في المحافظه بس برضو هذا مو سبب لاني الحمدلله سليمه .المهم بعد الحفظ الاول قدمنا برقيه للمحافظ استثناء بس استثناء من ايه؟؟؟ولاشي مافي سبب بس كتبنا السبب اللي تشوفوه يمنع الزواج وبرضو حفظت .


3333444