ابن بطوطة الغالي
بروزاك و سيروكويل وليركا انا استخدمتها زمان بس سيروكويل اتعبني بالخمول والنوم فقررت الرجوع لادويتي القديمة
ومستمر عليها لي أكثر كن شهر ولا لي نيه تغيير
ابدا سوف استمر عليها

الله آكبر حتى الحروف ما قدرت تبين غلاك

مساء الخير

عساك ع القوة باكر أجمل

نصيحة من شاب سوري يشتغل خياط بعد ما استلم المال كان يقول نصيحة: تتعب بتلعب ، ما بتتعب ما بتلعب . سلام و تحية
صراحة كلامه عين العقل بس وش نسوي حنا يالمصابين ودنا بأشياء لكن وش نقول بـ ( جروح العقل و القلب ! )

الله يعينك و يوفقك حبيب القلب

تهقى ان تفسير الحلم كذا
نقول يا رب

زمان تحلمت حلم و ما نسيته ليومك و هو إني ألاحق ثلاث كلاب و أمسك الكلب الأسود و أذبحه و أجيب طاسة و أعبيها من دمه و أتوضأ منه و أشرب منه هههه

https://e.top4top.io/p_1931fpu2q1.jpg

قسم بالله مو بيدي .. غصب عني و ما ودي ..
أبيك تفضها سيرة .. خلاص خلها تعدي .. دخيلك لا تصعبها خلاص خلها تعدي .. دخيلك .. و لأجل أرتاح بالدنيا خلاص أبلتزم حدي

!

واضح تفاسير أحلامك كلها خير لك بإذن الله
بكرة يجيك الخير وتزين الأيام يبو نجلاء الله يسعدك ويريح قلبك

حان موعد نومي اليوم رحت الدوام وكان طول الدوام اسمع بودكاست "وجدان" عن الاكتئاب ورجعت الظهر ورقدت وصحيت ع الفطور
بعد الفطور رحت بيت عمي وجلست مع الشباب لين 11 ونص
ثم رجعت البيت تسحرت والآن بنام

مساكم الله بالخير

اليوم سحبت ع الدوام من زمان مانمت نومة مريحة
بس للأسف صحيت من النوم والشعور هو الشعور فاقد المتعة بكل شي

باكر أجمل ما تشوف شر و الله يقويك و يشفيك و يسعدك

حاول تعدل نومك و قومتك و الله يسهل أمرنا و أمرك

تنصحني أروح لمفسر أحلام لأن يقولون الرؤى ما تصير الا لما تتفسر يعني الحلمين اللي حملت بهم و تقول أنت انها مبشرات ف ما راح انها تكون حل لمشاكلي إلا لما تتفسر لي التفسير الصحيح

المتعة مفقودة عند كثير من فيه إضطراب عقلي و نفسي مو بس أنت يا باكر أجمل . لا نهارهم نهار و لا ليلهم ليل و لا نومهم زين و لا تفكيرهم منطقي . و يبوني أقاوم إلا طزين فيهم يلعن أبو شواربهم ما ذاقوا المُرّ و العلقم اللي ماكلينه حنا . خلوني أتفل عليهم إخخخخ تفو

والله مدري يبو نجلاء لأني ما اعرف شي عن تفسير الأحلام بس حسيت التفسير كذا
اذا تعرف مفسر قول له وأنا متأكد انه خير إحساسي ما يكذب

تصبح على خير يا غالي

الطيّب بالمديح يشوش
و العفن وجهه ما يندا

نوم العوافي يا غالي
يا رب إحساسك في محله

‏الاكتئاب يكذب علينا، ويخدعنا للاعتقاد بأننا دائمًا كنا نشعر بهذه الطريقة. هذا ثريد لبعض الأمور اللي ممكن تساعدنا في تخفيف الأيام الكئيبة. لاتتردّوا بمشاركة طقوسكم لمحاوبة اليوم الصعب (بدون كلام إيجابي).


‏1. أركض، وكأنك تركض لإنقاذ حياتك.. ولو لعشرة دقائق:
‏تمارين المقاومة والكارديو الحادّة عمومًا سرعان ما يقع تأثيرها، لأن الرياضة -والحادّة تحديدًا- تسبّب فيضانات من النواقل العصبيّة المسؤولة عن السعادة وتخفيف الألم والنشوة.
‏——
‏HIIT Cardio يُنصح به كتمرين مثالي لهذه الأيام.


‏2. عطّل أفكارك!
‏أفكارك ليست انعكاسًا للعالم الحقيقي، وبالتأكيد هي لاتمثّل الحقيقة وستفكّر بسلبيّة بسبب مزاجك. حاول أن تذكّر نفسك بأنه إذا كانت الفكرة مهمة، ستعالجها بيوم آخر. أما هذا اليوم، فاشغل نفسك بالعالم الحقيقي.
‏أخيرًا: لاتفكّر بأي فكرة لأكثر من 15 ثانية، ما لم تكن ضروريّة


‏3. خذ حمّامًا ساخنًا.. أو باردًا.
‏الحمّام الساخن له فوائده في زيادة الاسترخاء، والبارد يجيد ضبط مزاجك وتشتيتك من الأفكار. أيًا كان ما تفضّله وتحتاجه، ادفع نفسك له. لا تفكّر كثيرًا بالموضوع، وبالتأكيد ليست لديك الطاقة للاستحمام جيّدًا.. لكن فقط أرمي نفسك بالمياه وتعامل مع الموضوع.


‏4. تحدّث عن أي شيء مع أحد.. أي أحد.
‏الحديث مع الغرباء مهمّ لصحّتنا النفسيّة وفعاليّتنا (functionality)، بدون الحاجة لمحادثة طويلة— بإمكانك الاكتفاء بمحادثة بسيطة لتزيد من انتعاشك.


‏6. اشرب قهوة سوداء، تساعد في تخفيف الاكتئاب وزيادة النشاط.


‏7. إن كنت لاتريد التحرّك فلا بأس، تنفّس.. فقط.
‏تمرين التنفّس الشهير 4-7-8 يعدّ مناسبًا.. دقيقتين صباحًا ودقيقتين مساءً، سيقلل هذا مستوى قلقك.


‏9. أخيرًا.. تأقلم مع ذاتك ومزاجك الجيّد والسيّئ، لاترفضهم كثيرًا. وتذكّر أنك ستتحسّن، كما كنت سابقًا في حال أحسن. وإذا أحتجت مساعدة في التأقلم، لاتتردّد في الوصول لمن تَثِق بهم في عائلتك، أصدقائك، أو بزيارة أخصائيّ نفسيّ.

منقول من تويتر

مرحب بالجميع

خطاكم السوء وما تشوفون شر

ابو نجلا لا تكتب احلامك في النت لان اذا فسرها احد تقع بمشيئة الله خلها بينك وبين مفسر رؤيا ثقة

هلا بكرا أجمل ان شاء الله نومة العافية

احسنت بارك الله فيك
جدآ رائع النقل

ودي ابكي
ودي أشكي
ودي اشم عطرك
وانا على فراقك ما اقدر
يا شوق قلبي ويا بعد عمري

السلام عليكم ورحمة الله وبركاته

حي الله راعي المضافة اخونا البدراني و أهلها الكرام كلن باسمه

ربي يحفظكم و يبارك فيكم و يسعد أيامكم و يوفقنا وياكم


سبحان الله كل رمضان أسرع من اللي قبله

مين يصدق اليوم خامس يوم لا إله إلا الله

اهم شي ربي يعيننا فيه على الطاعات و يتقبلها منا يا كريم


هل تطعمتوا ضد الكورونا و الا للحين مثلي

لذلك محاصرة ماني قادرة اعتمر بسبب عدم التطعيم مع ان الحرم جنبنا

ربي يكتب لنا أجر النية و يحفظنا وياكم من كل سوء و مكروه و جميع المسلمين

اللهم امين

هلا وغلا والله عيون
وشلونك اخبارك

وآلله ما طعمت ولا لي نيه اخاف تتفاعل مع أدويتي

ربي يحفظنا وياك من كل شر

انا ودي اتطعم لكن مافي وقت

مدري كيف الوقت يجري سبحان الله

كلها خيرة سواء تطعمنا أو ما الله كتب

بس هو الواحد يتضايق من القيد اللي فرض على الناس انهم مثلا ما يقبلون يروحون بعض الأماكن زي البيت الحرام الا لو كنت ماخذ التطعيمات

ربي يحفظنا وياكم من كل سوء و جميع المسلمين

حياك اختنا صامدة يارب تكونين و أولادك و الاهل بخير و كل عام حنا وياك لله أقرب و نسأله العون و القبول

اللهم امين

والله انا قريت ان اللقاح ما يتعارض مع مضادات الاكتئاب بس خايف لأن عندي حصوات في الكلى والحين ما رحت المستشفى عشان أتأكد من فحوصاتي

صادقة عيون والله

الصراحة انا ما اطلع من البيت الا نادر
ما فرقت معي
بس اكيد الواحد يحب للناس مثل ما يحب لنفسه

بكرة اجمل
ان اخذ ادوية كثيرة
شي للقرحة وشي للفصام وشي للقلق وهكذا

مهما طال الليل لابد للنور ان يشرق
تمسكوا بحبل الله واعتصموا به

نفتقد أخوة لنا في الله كانت لهم بصمة
عبدو عمر
صامدة
ظل
عالي
خلود
ونجمة الفلك
والكثير

ما اصعب العيش بمفردك
واااكثر صعوبة انت تعيش غريب بين اهلك

التطعيم ماله علاقة بأدوية الاكتئاب انا اتناول ادويتي وقد اخذت الجرعة الاولى من تطعيم فايز قبل رمضان بيوم وما حسيت بأي عرض ولا كأني مطعم وذلك بفضل الله عزوجل تقدست اسماؤه

يمكن عافاهم الله نتمنى ذلك للجميع

هلا أخوي الشاهين
اتمنى ذلك لهم يارب

فعلا و الله خاصة من بعد كورونا كلنا قضبنا أرضنا

انا ممكن اجلس بالشهور ما اخطي عتبة الباب

حتى في عز كورونا الله يكفينا شرها كنت أخبز الخبز بالبيت ما نجيب من برا شي

شريت لي صاج يدوي على الغاز دلوني عليه جاراتنا الغامديات الله يذكرهن بالخير يسوون عليه الخبزة حقتهم

و بنفس طريقتهم اسويه و أحيان اخليه رفيع مرة أقرب للفطير

حتى الشوفان خبزته : )

ايام الله لا يعيدها .. أسوأ ما فيها القيد و التوجس و فقدان الأمان

الله يجعله أجر و عافية يارب


ما تحسون أن فيه فرق بين رمضان زمان و رمضان الان سبحان الله خاصة في الوقت


زمان من بركة الوقت كنا نمد ثلاث سفر

سفرة الفطور و سفرة العشاء بعد التراويح و سفرة السحور

و فوق ذا فيه وقت نجتمع في سفرة العشاء كل ليلة ببيت بعد ما نصلي التراويح و نجي من المسجد


الحين تصدقون سفرة وحدة فقط

اللي هي سفرة العشاء و تكون بعد التراويح

الفطور تمر و ماء و عصير و خفايف في سلة تدور علينا

هذي الخفايف عبارة عن لقمة قاضي أو سمبوسة

اما اللي يستحق نمد له سفرة حتى صنف واحد مو كثير زي زمان هو العشاء

زي مثلا رز و لحم أو مكرونة و دجاج أو ايدام مع سلطة

و بالنسبة للسحور حبة فاكهة أو حبتين و ممكن معها علبة زبادي


اذكر زمان أنواع الصواني و الحلا

يا الله مدري متى يمديها تتجهز و تطبخ سبحان الله

ذيك الايام الله يسقيها راحت بركتها مع أهلها

الله يرحم جداتنا و أجدادنا و موتى المسلمين

أنت في كون لحاله ، و خلق الله بـ كون .. ليش ما أدري بس ( لله في خلقه شؤون )
تنحني سادات الأشعار في مجدك عبيد .. ليش ما أدري بس ( لله في خلقه شؤون )

https://e.top4top.io/p_1933in6li1.jpg

هذا منهو و الله ناسيه بقوة
كان له أيام مدهر باليوتيوب

رسالة أختي الكبيرة بالقروب اليوم ..

[ الحمدلله الله يهونها على الجميع يارب العالمين،، الله يكفي هالمرض المسلمين أجمعين،، ويشافي مرضى المسلمين،، اليوم قبل الفطور ،ب نص ساعه دقت علي جارتي السوريه اللي فوق تبكي الله المستعان ومنهاره فجعتني والله تقولي سلفتها وانا اعرف سلفتها قد شفتها عندها، تقول تعبت قبل البارح كأنها بس مآخذه برد والبارح جتها كحه،، وودوها عيالها المركزي واليوم الصبح توفيت يقولون الدكاتره نزلت كورونا على الرئتين وعطلتهم سبحان الله وهي كبيرة بالعمر ورفضت تاخذ اللقاح، تقول والله كلنا مفجوعين ماتوقعناها كورونا ولاتوقعنا تمووت بها السرعه،، الله المستعان الله يرحمها وجميع أموات المسلمين ويصبر قلوبهم ويجبر مصابهم ياحي ياقيوم. ]

حياك ابو نجلا و كل عام و انتم بخير

و اسأل الله ان يرحمها و يجعلها من صاحبات الفردوس الأعلى و يربط على قلب أولادها و أهلها و محبيها و يرحم موتى المسلمين


تدري يا ابو نجلا انا وش اللي يخليني اكره ذا الفيروس اخاف يصيبني و لا قدر الله اعدي امي

قبل فترة توفت وحدة من أقارب امي بهذا الفيروس و هي في عمر امي ، المشكلة انها توفت لحالها في بيتها الخالي لأن أولادها و بناتها متزوجين و ساكنين بعيد و زوجها سبقها الله يرحمه من زمان

جاء ولدها يدق الباب ما ردت بالاخير اضطر يكسره و لقيها تحتضر من يوم اسعفها للمستشفى توفت في الطريق الله يرحمها

و يجعل ما أصابهم تكفيرا لذنوبهم و رفعة في درجاتهم

ابو نجلا هذا الولد اللي حطيت صورته اذكر انه كان شاعر يا حليله الله يذكره بالخير .. من وين جبت الصورة... عز الله انك نفضت عنها الغبار : )

تلقى الحين عياله بالمدارس ماشاء الله تبارك الله

‏لاتهرب من مشاعرك ..
‏ولا تواجهها ..
‏فقط راقبها .. اسمح لها ..
‏وسوف تذهب من تلقاء نفسها .
‏..
‏انتبه .. لاتقول متى تذهب ؟
‏فهذه مقاومة تبقيها وتقويها .

منقول

هذا ابو جفين ماشاءالله عليه تو قبل كم شهر فتح له مقهى في الخبر من فلوس اللاعلانات الله يرزقه

متاااابع لكم
تعبان جدا وآلله المستعان
منسدح على السرير لعل وعسى اخذ غفوة