عادي تغير المهنة مافيها شي بس خذ تعريف من العمل وتحتاج ورق بالراتب مصدق وامورك تمشي ان شاء الله
جهز ورقك من بكرة و روح
والتحاليل اصبرلها كلها عشرة ايام او اسبوا وروح ، اللي في الاستقپال قال لخطيبي بعد 14 يوم الله يسامحه بس اللي سحب الدم قلو عشرة ايام
الصور ضرورية عشان مايتلخبط نتيجة تحليك مع اي احد ثاني
امورك ميسرة ان شاء الله توكل على الله وعدل الورق وربي ييسرلك

ناي ايش سويتي اخذتي الموعد اليوم ولا لا

ابدااااااااا ماياثر نفس كلام أختي أصداف

أنا أمس سويت التحاليل الحمد لله وبرضو قالو لنا بعد اسبوعين ونستلمها في الشرطة دايركت مانجي المستشفى مااعرف كلكم سويتو كذا ؟
دحين دخلت بوسوسة التحاليل يارب تطلع سليمة يااااارب

انت قد ماتقدر لازم تكون اوراقك متطابقة والبيانات اهم شي عشان هما يستنو أي شي ويقولوا لا
الله ييسر لك وللجميع يارب موفقين

لا تروحي تاخذيها بنفسك انتي
مين قلك انه في الشرطة يحولوها
انتي من جدة ؟
لاتخافي من ناحية النتايج
اتوكلي على الله وباذن الله خير

أنا من مكة وخطيبي من جدة اتفقنا انه نسويها بمكة وجاء معايا وسويناها ماقالوا شي ابدا
المهم بعد ماخلصنا اعطاني ورقة وخطيبي ورقة وقال تروحو الشرطة هناك خلاص النتايج تترسل لهم على طول قمنا قلنا له يعني مانجي المستشفى قال لا تروحوا الشرطة وهوا يشوفها بالنظام
اذا كانت تمام ياخذ الورق اذا لا ماياخذ شي والكلام دا مو لوحدي قال لكثير معايا نفس الشي فانا استغربت بالمرة
عشان كده بسالكم هل في احد سوا كدا ولا قاعد يفتي لنا هذا
ويارب خير لنا ولكم يارب

يمكن نظام جديد وبيخففوا الضغط عليهم فصاروا يحولوها دايركت
استني لوقتها وراجعي الشرطة ولو ما اتحولت روحي جيبيها بنفسك
ان شاء الله ناي وانكسار ملكة يفيدوكي اكثر

السلام عليكم ورحمة الله وبركاته

الاسبوع هذا اسبوع الحزن الحمد لله والشكر لله

انا المؤسسة اللي مسجل فيها بمكة ورحت للاحوال اللي بجدة ودخلت على موقع التامينات وطبعت من التامينات ورقتين باني يبين اني مسجل فيها وموضح فيها الراتب

المهم رحت لموظف الاحوال اللي بجدة قلي ورقة التامينات ماانبغاها لازم تجيب خطاب من المؤسسة اللي تشتغل فيها وتوديه للغرفة التجارية ومن الغرفة التجارية للاحوال المدنية

حاولت فيه يمين يسار مارضي قلت له بس سجلني موظف لانه مبين هنا اني مسجل بالتامينات والراتب مبين انه 3000 ريال قلي الله يرزقنا ويرزقك

والله اني مشيت من الاحوال وانا ضاقت بي الدنيا خلاص

يارب رحمتك

يب يمكن اصلا عادي مو مشكلة هنا هناك اهم شي النتيجة تكون كويسة يارب
تسلمي لي يا اصداف

ليش!!!!!! يعني الصراحة انت اللي مسوي الحزن دا يااخي جيب لهم اللي يبغوه وماراح ياخذ منك 10 دقائق بالاحوال
ومافي اسهل من خطاب العمل من شغلك والغرفة التجارية تدفع 25 ريال ويختموه لك بساعتها اليوم جيب الخطاب من شغلك وخذه وديه الغرفة وبكرة روح الصباح وتخلص شغلك الموضوع مايستاهل
ولا ضاقت الدنيا ولاشي
شغلتك جدا جدا سهلة الله يوفقك

شكرا لك الله يجزاك بالخير

انا كتبت في ردي هذا اكثر من 10 اسطر لكن حذفتها
في بعض الاحيان الصمت ابلغ من الكلام


راح اجبلهم اللي هم يبغوه امرنا لله

الله يعيننا كلنا ويسهلنا وتطلع لنا اوامر الزواج يارب ياكريم

جذور الورد انا من مكه وسويت التحاليل في مستشفي الولاده
اعطونا كرت مراجعه ورجعنا اخدناها من عندهم وارسلو هما نسخه للشرطه
بس ورقه التحاليل الاصليه عندنا لانهم خيطلبوها في المحكمه

اصداف ياقلبي لسه مااخدت الموعد لان باقي ورقه العمل واليوم ان شالله او بكرا حيعطولو هيا الشركه

اللهم امين الله يسهل لك يارب

منجد انا كنت حاسة انه الرجال قاد يفتي
انا بروح للمستشفى لو مارضيوا نروح الشرطة
خليها تطلع بس ههههههههههههههههههههههه

تجيبوا صور ولا وحدة جديدة كمان
الله ييسر لك

نااااي
في اامحكمة عشان يدوكم موعد لازم تجيبو اوراقكم كااامله حق المعامله لان الشيخ لازم يشوفها

جذور نتيجة الفحص تاخذوها انتو منجد جالس يفتي من راسه
تاخذوها وانتو تودوها للشرطه بعدين مع باقي الاوراق
في حالة وحده بس مايدوكم النتيجة اذا لاسمح الله ماكانت متوافقه يرسلوها هما للامارة ويحفظوها هناك
طبعا هذا لاسمح الله يعني

بنات و صبايا الله يسعدكم هاتو اخبار حلوه تسر
الله يوفقنا واياكم

احبك ياديني معليش الصبر كويس و الصبر مايجيب الا كل خير ان شاءالله
معاك حق هما مملين شويه بس ايش نسوي انظمة ولازم نمشي عليها والله يسهل للجميع

انا والله نفسيتي تعبت
لكل بنقول هانت يارب
اللي بعدنا قدمو خلصو من زمان ونحن جالسين لكن حيرة يارب
من شهر خمسة مقدمة وبستنى يارب آخر صبرنا خير ونتطمن عالتحاليل
ترف بسالك ويارب تجاوبيني طلبو حضورك في المحافظة توقعي ورق انتي و ولي امرك ولا لا

اصداف طلع انه المحافظ ماشاف شهاده ميلاده فكره من مواليد خارج السعوديه عشان كدا قال لهم تعالو
وجذور الورد أنتي موظفه زيي وسألتني أحد على هرجه الراتب وكدا
وانا اوراقي بالشرطة الله يسهل وتخرج من عندهم بدون تعقيد وعلى هرجه التحليل انا من جده وجيت استلمتهابنفسي يمكن مكه غير

يارب سهل اجراءاتنا واكتب لنا الخير حيث كان يارب

تخيلوا بس معاي هذه هي الدوائر الحكومية اللي تمر فيها معاملة الزواج
1-الامارة
2-المحافظة
3-الشرطة
4-البحث الجنائي
5-العمدة
6-الاحوال المدنية
7-وزارة الصحة
8-وزارة الداخلية
9-الجوازات
10-وزارة الخارجية
11-الغرفة التجارية
12-التامينات الاجتماعية
13-المحكمة
14-مكتب العمل


باقيلنا كم وزارة ونختم الوزارات ههههههههههههههه

دعابة وتغيير جو

ترف اليوم صحبتي خطيبها راح يستلم الفحص اعطاهم تقولي ورقة المراجعة واعطوه رقم مراجعة تاني قالو له خلاص روح الشرطة واعطيهم الرقم وتعطيكم النتيجة غرررررررررررررررررريبة مرة
بس مساكين مو عارفين عن النتيجة ولاشي خايفين انه رفض
قلت لها انه انا قالي استلمها من الشرطة ولا اجي هنا يمكن اجراء جديد بس كلامكم انتو عكس
الله ييسرها يارب وييسر للجميع

هههههههههههههههههههههههههههههههههههههههههه منجد باقي وزارة الدفاع وتكتمل هههههههههههههههههههههههههههههههههههههههه

يب لا تشيلي هم الراتب مادخله مررررررة اعرف كثييييير ومشيت معاملاتهم

انا استلمت نتيجة التحاليل اول امس ورقة مختمة من المختبر الاقليمي بجدة

جذور
في المعاملة كلها من اولها لاخرها انا رحت 3 مرات فقططط لاغير
الاولى للفحص والثانيه للمباحث والثالثه للمحكمة عشان العقد

الله يسعدكم ريحتوني
دحين لازم اكدله يحط شهادة الميلاد عشان اللي في المدينة قلورمايحتاج
ربي ييسرلكم وييسرلنا

احبك ياديني كم يوم لك مسوي التحاليل قبل تستلمها
وبالله لو احد عندو خبرة كيف نصدق شهادة الميلاد يقول لنا وربي يكتب لكم الاجر

كويس ثلاث مرات الله يوفقك يارب
يارب تحاليلي تطلع سليمة واكمل باقي لي اسبوعين الا يومين ههههههه

شهادة الميلاد لازم تتصدق من نفس الجهة اللي اصدرتها يعني شوفي ايش مكتوب في شهادة الميلاد وروحي نفس اليوم يعطوكم هيا

طيب ياترف ماعندك علم احد مااستلم التحاليل راح الشرطة ع طوول وكمل الورق ابغى اطمن صحبتي مسكينة والله

الجواز مكتوب فيه انه من مواليد السعودية
لازم شهادة الميلاد ولا كيف

ايوا مدام راحت على الشرطة تطمني
لانو اذا فيها شي ترجع للامارة لاقدر الله
بس غريبه مايسلموهم في يدهم انا والله نتيجة الفحص اخذها خطيبي بنفسه وجابلي هيا

كيفكم ياعروسات اخباركم والله وحشتنوني ليا فتره مادخلت بسبب الوحم وعدابو ايش جديدكم اصداف وين وصلتي خلاص خلصتي التحاليل جذور الورد يالله هانت مالك الاالصبر والدعاء واحبك دنيتني
بصراحه كلامك في محلو احس كننا عاملين جريمه ههههههههههههههه بس الله يهونها علينا انا معاملتي اتخيلة لها 3شهور في قسم الشرطه شهر ونص في البحث الجنائي ةشهر النص في قسم الشرطه التابعه لنا في الحي وبسبب الي ماسك المعامله في ايجازه ونحن ننحرق حتى الي معاه مايقدرو يسوى شي يقولو هو مختص قالولنا الاسبوع الجاي يجي ويحولها للاماره ويارب يسهل

احبك دنيتي بغيت اسالك سمعت عن القرار الام لاابناء السعودين راح تاخذاقامه دايمه وتنسحب ضمن السعوده هما قالو الاسبوع الجاي يتفعل القرار في الجوزات بس يارب يسهلنا عند جد بس الى الان ماندري ايش الشروط او الالئيه لتنفيذالقرارا

ناي طمنيني اخذتي الموعد ولاباقي

الاندلسية الله يسعدك
عملنا التحاليل بنهاية الاسبوع الجي يستملها وبكذا نكون خلصنا ورقنا ومتاملة الاسبوع اللي بعد الجي تروح المحافظة يارب

طيب كويس يااصداف كده قطعتي نص الشوط ادعي يارب تطلع التحاليل من غير شر ومشاكل وكده يكون عليكي انتظار الموافقه وخلاص يارب يسهلك وربي وتنتهي على خير مايكون جاء العيد ويكون طلع الموافقه وتكوني فرحانه عاد نستنى حلاوه العيد وحلاوه الموافقه منك ههههههههههههههه

الله يسمع منك وانتي بخير وعافية
يارب كل شئ يمشي تمام ومانتاخر باذن الواحد الاحد وتتحول ورقي وورقك ونخلص وتقومي بالسلامة يارب
ان شاء الله يختي اشري انتي بس تجي الموافقة يارب ويفرحنا باخر هذا الصبر والتعب باذن الله
ربي ييسر امورنا كلنا يارب