المشاركة الأصلية كتبت بواسطة حكايه (المشاركة 1037341)

صح كلامك
أنا معاملتي راحت كامله
بخطاب من الامير
وخطاب الشرطه
وخطاب المستشفئ
يوووووه كل قصه حياتنا كتبوها وسجلوها بعقد النكاح
بالتاريخ وبخطاب مين وموجهه لمين

المشاركة الأصلية كتبت بواسطة صابره سنين (المشاركة 1037378)

راجع خطيبي والمعامله حفظت 💔💔💔
الحمدلله ع كل حال وحسبي الله ونعم الوكيل

المشاركة الأصلية كتبت بواسطة يارب يسر امري (المشاركة 1037480)

اخويا ((( هندسة )))

ممكن لو سمحت تقولي كم العمر قالولكم في الشرطة اخر مرة روحتو 25 ولا 30 ???

كمان سؤال تاني


انتو مرفقين خطاب موقع عليه بالموافقة ????
وفوقها رفضو يكملولكم المعاملة ????

المشاركة الأصلية كتبت بواسطة هدوء جدة (المشاركة 1037642)

العمر في جدة وفي مكة 30 باستثناء مطلقة او قرابه
في المدينة والرياض 25
وتوفيق من ربي ثم واسطة ممكن يكون عمر السعودية 21 وتمشي وتيجي الموافقه

المشاركة الأصلية كتبت بواسطة الانسه قمر (المشاركة 1037515)

خطيبي راح اليوم الشرطه وطلع الحمد لله نقص بالوراق ....ورقة العمده والتحاليل لسه ماسويناها كم تاخد وقت علشان تتطلع النتيجه حق التحاليل .

المشاركة الأصلية كتبت بواسطة شذى الورود (المشاركة 1037635)

السلام عليكم
الحمدلله الذي بنعمته تتم الصالحات
انا كنت بكتب كتيير في الموضوع ده
انا سعودية 23 سنة و خطيبي امريكي
قدمت مرتين على تصريح الزواج و اترفضت
و جاني إكتآب و زعلت و كل شي
بعدين تركت الامور على ربنا و قلت اذا في نصيب حنتزوج
قدمت تالت مرة طوّلت في الداخلية 3 شهور
بعدها راحت على الامارة راجعناهم قالولنا انو تمّت الموافقة 💃💃
و راحت نسخة منها على المحكمة و الاصل في الشرطة
يعني بس باقي التحاليل
لا تيأسو اللي ربنا كاتبو حيسير ❤️❤️
طوّلت عليكم

المشاركة الأصلية كتبت بواسطة يارب يسر امري (المشاركة 1037561)

سوووري
اقصد اذا الخطيب غير سعودي
سواء مواليد او غير مواليد
تروح للداخليه



هههه معليش كنت مشغوله وانا اكتب وهذا اللي طلع ههههه

المشاركة الأصلية كتبت بواسطة يارب يسر امري (المشاركة 1037562)

حبيت ابشركم
اليوم سمعت عن واحد عقد
وخطيبتو عمرها 22 مدري 23
وهو من المواليد وابن مواطنة

واليوم كان عقد قرانو وفي جدة


الفال لكم ولي ياااارب

المشاركة الأصلية كتبت بواسطة بريق الذات (المشاركة 1037539)

الله يفرج همومكم اجمعين يا اغلي الحبايب.

المشاركة الأصلية كتبت بواسطة الاندلسيه (المشاركة 1037582)

اختي صابره سنين يارب يربط قلبك ويصبرك بجد كلامك ومعاملتك مع هدا السنين والانتظار تعب والله يعينكم ع توثيق العقد بعدين لانو شروطها قوويه وانا زيك متزوجه بدون تصريح وفاضلي 8شهور ويتوثق عقدي
ابغ اسالك التوصيه الي لاقيتوها كانت من امير بالاماره نفسها ولامن بره وغريبه ليش يرفض وجاء فيها بموافقه يارب يعينك ياختي

المشاركة الأصلية كتبت بواسطة تركي القيسي (المشاركة 1037590)

صباح الخير والتفال بالله فئ كل شي. السلام عليكم ورحمته الله وبركاته. بعد البحث والتحري باوراقي في الحقوق الخاصه في وزاره الداخليه ادخلت واسطه فيها لاانو ثلاث معاملات رفضت وانا سعودي وعمري 32سنه والبنت مواليد خارج المملكه بس الاان مقيما هناالحاصل انو الرجال قالي اعطيني رقم المعامله فقط واعطيته وجلس يومين ودق عليه قالي اسمي كامل وقال المعاملات الئ راحت جده ورجعت موجوده قدامي الأولى جت فيها حسب النضام اقفل الجوال واتصل فيه مره ثانيه فقلت له انا باتجه للبنك لكي اطلع قرض واعطيك المبلغ المتفق عليه فقال ليه لاتستعجل الئ لمن اقول لك تمت الموافقه فانتضرت فكنت لا اسال عنه فاتصل بي وخيرني الي اين تبيني اصدر معاملتك الي جده او مكه قلت له ليه فقال توصل الاماره لكي تصدر للمحكمه وعدت خمسه ايام وهيا في الحقوق الخاصه سالت الرجال قللت له باقي ماصدرت فقال لي اول ماتصدر راح تروح الاماره وبعدها المحكمه فالي الآن لم تصدر فما رايكم بالذي قلت لكم فيه نتمني من الله في هاذي الجمعه ان يفرح قلوبنا بنص دينناانشالله

المشاركة الأصلية كتبت بواسطة طآل انتظآري (المشاركة 1037593)

اختي صابره سنين ! مين الطرف السعودي فيكم انتي ولا خطيبك

و بسالكم كمان ممممم التشديد ف التحاليل ع السعودي او الاجنبي

المشاركة الأصلية كتبت بواسطة متوهق (المشاركة 1037632)

صابره سنين

الله يعينك ويوفقك ويسعدك بحياتك