بزعجكم 😂 لأن الزكمه إرتدت جاي و أزعجتني صراحه صار يسيل خشمي سيل و أحتقن خشمي فقلت حان أخذ ثلاث أقراص من دواء الزكمه ، المشكله مكتوب على العلبه : مزيل للاحتقان بس ، ما ينشف الزكمه🤷🏻 ما ادري وش العلم لكن الزبده ثلاث أقراص و الحمدلله راح الإحتقان و نشفت الزكمه ، يا هي عذاب الزكمه صدق بس إحتسبتها عند ربِّ جل و علا .
|
و ان سريت الليل لا لا تردوني ، ما سريت إلا لهيب الصدر صالي
من جمالك فزّت و ثارت جنوني ، يا لطيف الروح و اغلى من الغالي طِلّ في صدري و تلقى وسط كوني ، حاجةٍ تكحل بها عين عذالي و الله إن البعد طيّح لي اركوني ، الهواوي تايهٍ يا هوى بالي ••• • |
يا نسيم الليل ما هذا السؤال
يا نسيم الليل قد أحرقتني و القمر لما تدنى و اقترب ، سائلا إياي : ماذا حلّ بي 😔 رعشةٌ حلّت بجسمي و اعتلت ، إنني فارقت فيها مأربي لم أكن يوما أنتظر هكذا ، فاجعا وحدي أكفكف دمعتي و لقاؤنا قد يتم بالقريب ، عَلّك فيني تناظر حالتي لوني الشاحب و القلب العليل من فراق الصّحب أحسن خِلّتي يا نسيم الليل ما هذا السؤال يا نسيم الليل قد أحرقتني و القمر لما تدنا و اِقترب ، سائلاً إياي : ماذا حلّ بي ؟ • • • بصوت / فهد السعد 💔 https://youtu.be/LzM5gUfdbdw?si=3Pq8IoPjXoFj0sH1 |
اقتباس:
الحاصل إني أنتظر أبوي متى يجي يوديني المستشفى و لما أجي المستشفى ما في كلام و لا شي أول ما يبدون به الدكاتره هو إعطائي البخار بواسطة جهاز مثل الخَزْنه فيه هوا حار و يحطونه على خشمي و فمي و استنشق الحراره وش أسوي مستسلم و شوي شوي تتفتح مناخيري و أشوف العافيه ثم يعطون أبوي العلاجات و نرجع البيت . من زكمتي و أنا صغير جدا و من هذاك اليوم ما جتني مثل زكمتها إلا ذي الأيام في شوال 1445 هـ |
و أنا بسجل الدخول بإسم وعل الثلج جاني تركيز عالي و قلت إن شاء الله إنك وعل رغم الكسر و ألمس ركبتي المصابه و أطبطب عليها 😂 بسبب خفة وزني و توازني في تسلق ما لا تتسلقونه 😂 إن شا الله كلكم وعول و نتسلق جميع و نهبط بسلام و ان صار شي ما تتضرر الوعول • بيجيكم كلامي المهم في المشاركه اللي تحت خلاص بقفل ذي المشاركه 🔒•
|
الكلام المهم : إني يا جماعة للحين صاحي من أمس الصباح إلى الليلة الثانيه الحين و ما فيني نوم أبد و ما أكلت أبدا شي اليوم الحمدلله تدرون إني ما أحب الأكل أصلا أحسه متعب ، بس ما في شعور بالجوع أبدا بس على شاهي و قهوة سويتها في مطبخنا ، الزين كل الزين في إني أكلم نفسي و تحدثني نفسي و أتفاعل مع السوالف بس مو بصوت مسموع أبدا بل بلا صوت أبدا و لا حتى تحريك الفم و البرطم الحمدلله و أتمنى خلاص يكون هذا طبعي 😭😭😭 فالكل يظن إني ساكت و بالعكس ضجيج من سوالف و ردود بس مخفيه عن الجميع و يا زينها من حالة لو تتلبسني تلبس بس طول العمر الباقي المكتوب لي 😔 كم عمر الوعل 😂 أما في العمر فالله يباركلي فيه و يبارك بعماركم .
|
صب شاهي انا ابغى شي حالي
ملّ قلبي من شراب المرّ ملّه • ما كفى اني شاربٍ مرّ الليالي صبّ شاهي لا تزيد الطين بلّه • خلاص بعتمد على شرب القهوة السعودية و الشاهي أما الاسبريسو و البلاك كوفي إنسحبت منهم توبه ما فيها إلا وجع البطن و الراس و من ثم الجسم كله حتى المعنويه ما تسلم ، جسمي حساس بقوة و المعنويه حساسة بقوة و الأعصاب عندي حساسة جدا فلا مواخذه لا مواخذه 😂 |
ما نمت يا عرب الله ، عيني قويه أبدا ما تبغى تنام تبغى تستمتع ، و الجوع يوم كامل ما شا الله ما أكلت شي بس سوايل و لا حاس أبدا بالجوع .
الزبده نقدت عمري و قلت أبشوف الروشته حقت علاج الزكمه ، إلا و مذكور فيه الأرق و إنعدام الشهيه تجي لبعض الأشخاص و لا تأخذ إلا جرعة وحده مقسمه مرتين في اليوم فقط ، و أنا شربت ثلاث أقراص مع بعض و ما انلام من شدة الزكمه القويه و اللي ما ريحتني أبغى ارتاح ، الحمدلله إن شاء الله عدت على خير و مذكور إن العلاج فيه خاصية إن بعد فتره يصير القرص الواحد ما عاد يجيب نتيجه فيحتاج الشخص لقرصين ثم ثلاثه و هكذا🤷🏻 يلا يلا بألتزم بالخطه المذكوره و إلا الدكتور قاللي خذ ثلاث أقراص صبح و عصر و ليل بس الزكمه سيل و سدت أنفي و حتى حلقي و عيوني أما عيوني الحمدلله رجعت طبيعيه • الحمد لله يا رب • |
[ أعذر الناس أعقل الناس ] الضمير ( هم ) كان غايب و الجملة : أعذر الناس هم أعقل الناس .
|
هداني الله ثم رجع لي عقلي و خذيت أدويتي النفسيه 😂 أنتظر الهمده و أنوم .
|
نمت قبل الظهر بشوي و صحيت الآن على آذان العصر ، نمت على سريري و ما أدري وش مشاني و أنا نايم و انتقلت لسرير أمي الله يرحمها .
|
أبو محمد . اليوم الخميس 😳😳😳
|
على كثر ما عندي عدد اصدقا و أصحاب
لا دورت .. ما عينت واحد من المليون ! و انا و الله اني من حدوث الدهر منصاب , و اجامل على الأنظار و الناس ما يدرون ! اجنب عن النصاب .. و اطيح في نصاب : واجنب عن الملعون / و اطيح في ملعون . البيت الأول من القصيده ما تعنيني بشيء ، أما البيتين اللي بعدها فهي بحذافيرها نعم ، قسما بالله ما في أمان من الثقلين إلا ما رحم ربِّ . الثقلين أغلبهم وحوش . |
💔🩸 حتى طفولتي و سن البلوغ ما أبغى أتذكرهم يعني معناته تتمنى انك ما خِلقت ؟ كلا و نعم ، حيرتني الدنيا .
https://www9.0zz0.com/2024/04/18/15/258350175.jpeg |
داريت جرحه يوم صكته الاقدار
و رد العطا بجرح ما له مداوي و اقنعته ان البحر كتّام الاسرار و اقنعني ان البحر ما له مخاوي 😕😔 يا كم لي و أنا أعض إبهامي يا كم يا كم . |
حسافه
. |
|
صدري منقبض بالمره يالله أتنفس ، كل ما أخذت شهيق أقول الحمدلله تنفست لأن الانفباض يطول . بس يلا عادي
|
علاج الزكمه المصروف لي ما يصلح لي أبد .
|
https://www10.0zz0.com/2024/04/18/22/919029038.jpeg
وش ذي المصيبه ههههههه خلاص رحنا فيها ، أنا أخس من ذا يقول : يا رب إنها تبادر 🤣🤣🤣 شفت مقطع لواحد مرجوج مصري 😂 يقول خلاص العزوبيه تصلح لك 😕😕😕🙄👤 سأبقى وحيد و الله العالم . https://youtu.be/UxqK9DrQ4Yc?si=3_6Vjznw9CyAOPlL |
|
يحدث شي ما ، في وقت ما ، يغيرك مرة واحده و إلى الأبد .
|
مثل ما تشم ريحة مطر ، شميت ريحة يوم من أيامي في الطفوله .
اليوم ما خذيت علاج الزكمه الأقراص و بعون الله سأشفى |
الحمدلله تنفست الصعداء و أتنفس زين بعد تركي لأقراص الزكمه ما عدا اليوم خذيت قرص واحد بس و هيه و بس ، يروح مرض و يجي ثاني الحين ضروسي توجعني 😂 بس الحمدلله عندي فيفادول أشربه و أتمضمض منه عشان يهدي الأضراس .
أظن ضرس العقل المتهم الأول و الأخير من يوم بزغ ما شفت خير . |
هجرك جرح ، كلش صعب أذتني كلش روحتك ، كسر القلب مو أي كسر ، الفراق ماله أي جبر
عايش حياتي اتاملك ، ترجع مشى بيا العمر ، مرني و لو صدفه بحلم مشى مشى بيا العمر و انتظرك تجيني ، مشى مشى بيا العمر يا شوقي و حنيني هذا الوقت كلش صعب ، ماخذنا مدري ليا درب عشت بحزن بويا ، طول الدهر ، بفراقك دمعاتي تصب ياللي ارحلت امتى ترد ، خليتني بديرة غُرب ، آني أسيرك في الحرب . |
- من نسي حق الله عز و جل فيك ، فلا تنسى حق الله عز و جل فيه .
قاعده حياتيه ، الله يعينا نطبق هذي القاعده فإنه لا معين إلا هو بحق . |
إلى طبت قالوا وارث الطيب من مجناه
لكن يوم أقصر شافت الناس تقصيري يا لا لاه راس صلف يا ذيب يالا لاه تساويت انا و عيال ملعونة الصيري . |
|
هلا بنت عمر و صباحاتك يا رب تكون حلوه و يرفع عن امك مصابها
حياك الله |
صحيت على مزاج من احلى ما يكون إلا شوي وصل وجع الضروس ، خربوا مزاجي الضرسين المهم أكلت بروفين 600 و انتظر مفعوله . صدق من قال لا وجع الا وجع الضرس . قهر كنت في مزاج حلو و يجي شي يخرب على مزاجك
|
قاعد افر في السطح و فيه طاوله ضربتها برجلي من وجع الضرسين ، أنتظرهم يهدون و اهدى . الجو بيغيم 😍 يالله من فضلك يا رب رحمتك ارحمنا بالمطر .
|
باليالله حجزت موعد للأسنان ، الحمدلله انه قبل التطبيق صحتي على حجز موعد في مستوصف و لو انه بعيد عن حيّنا . ابغاه يهندس الضرسين أما لو يقول بيخلعهم فعز الله انها مصيبه .
|
اقتباس:
|
الله يذكرك بالخير دكتوره هاله
حشت لي ضرس أيام و انا في الثانويه و الى الحين الضرس باقي و على قوته ، كانت يدها خفيفه بسم الله عليها و بعد حطت له تلبيسه و هذا هو سر بقائه و قوته و الدكتوره في مستوصف خاص أهلي . البارح الدكتوره سوت لي حشوه لضرس مشيول منه عصبين و باقي منه عصبين بس ما لبستهم و الحشوه أي كلام أهم شي راح الألم ، اي اهم شي راح الألم 😕 و هو اللي دز الألم و نشره على ضرسين آخرين و صاروا ثلاثه ، الحين ما في آلام بس بنشب لهم يلبسونه و باقي بسوي أشعه بانوراما . زين كان في السياره جاكيت و لبسته لأني دخلت المستوصف و بردت من مكيفاتهم . أهم شي فكيت عمري من تناول البروفين ، 11 حبه خذيتهم أمس . |
في ألم بسيط بس تهون بإذن الله
كل ما حدتني الدنيا على الجو المعكر و اِمتلى صدري من انواع التوتر و الكآبه صد عني كل من صد و تنكر من تنكر شمت للي كل ما اذنبت اتروّع من عذابه . ( الله ) آتامل في عجايب قدرة الله و اتفكر و آحقر بيبان كل الناس و آقف عند بابه ما سمعت الفيلسوف و لا تنصيت المفكر و لا قريت إلا الكلام اللي منزل في كتابه . ( القرآن ) آتامل في عجايب قدرة الله و آتفكر و آحقر بيبان كل الناس و آقف عند بابه صد عني كل من صد و تنكر من تنكر شمت للي كل ما اذنبت اتروّع من عذابه https://youtu.be/wsFeUJaYOD0?si=s4ugB1lxfQWb8L4c |
عندي سوالف كنت بقولها بس طفش صدق
الوكاد انه شمس و حر . ياليته غيم و مطر ، إلا يا ليتني في الديره حتى بعز جمرة القيظ يسيّر عليهم الغيم و المطر . |
|
حجزت لي موعد ليوم الاربعاء لأن الوضع ماش في الضرس و حشوته الكلبيه و اتخذت قرار إنه يجب خلعه
بسبة الألم خذيت حبتين بروفين |
اقتباس:
|
جاني إكتئاب و انطرحت ساعتين تزود تنقص و غصبت نفسي و هو باقي و ضليت جالس بس
طحت في شيله يمنيه حلووووه . كلمات الشاعره غياهيب كمّل من عمري 39 و ابوي يرفض كل من دق بابه اللحن طرب ، الدق مسروق من اغاني ليبيه . https://youtu.be/4jbT7p6motE?si=pS797hMvDNyjTtRZ |
الساعة الآن 02:40 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.
المواضيع المكتوبة لاتعبر بالضرورة عن رأي الموقع رسميا