تبون الصراحة كنسلت موعدي،في المسالك ما فضيت

وابشركم فتحت ملف في مدينة الامير سلطان الطبية

آمين آمين الله يجزاك خير و الله يرزقك باحسن منها
يا رجال انا غلطتي حذفت الضماير ( أنا و هو ) الموتر الجديد ما هو لي ، للولد و هو اللي اللي بغى يصدمني 😂😂😂😂😂

آسف يا جينرال فقدت أنا الضمير ههه

هههه و انا بعد تعبت و الله من الضحك الله يسعد ذا الوجه و قلبك

🙏🏻 آسف مرة آخرى

محمد وش رايك في الكبش اللي في التوقيع
أعجبتني نظرته و قرونه

ليتني القاه بس

من ذوقك و الله يا جينرال ابيض وجه و دعوة ما اقول الا يالله تثنيها لأربعتنا انت و انا و كاتبها و كل مضيوم

يثنيها يعني يدبّلها

آمين

يا رب خير و تلقى مطلوبك و النوم يمدحونه هههه انت اصلا ما كنسلت الا عندك خطة يا دييغو مارادونا المدرب خططك ما أحد يتفطن لها الا بعد المباراة 😆

ازهل و انا اخوك

وصلت و صح لسانك و بدنك

ابشر بي و العلوم تبين يا جينرال ما اقول الا الله ينور حياتك و تشوفها حلوة و طيبة

السلام عليكم ورحمة الله وبركاته
اسعد الله صباحاتكم و جميع أوقاتكم اخواني الكرام

حياك الرحمن اخونا البدراني .. صح كلامك اخاف اجازف لأن حالته اصلا صعبة و اصلا ما نابه من الأدوية الا الوسواس اللي جننه و عدم التركيز و الانتباه .. يمكن لو اقلك انه توه ماخذ علاجه ثم ينسى و يرجع يبي يفتح الكيس بياخذه ثاني مرة تفكر اني ابالغ .. لذلك ادويته و أدوية الوالدة الله يحفظها في درجي ، انا اعطيهم منها اذا جاء وقتها .. الوالدة كمان بالفترة الأخيرة من يوم توفى اخوي الصغير الله يرحمه صايرة تنسى كثير الله يكون في عونها ..

كم مرة تتفرغ أنابيب الغاز ينسونها مفتوحة و كم مرة تفرغ الخزان من الماء لأنهم ينسون الصنابير مفتوحة ثم يملا الهوا المواسير ثم ينقطع الماء و مقاولة مع عمال الصيانة كل فترة .. و هذا الشي اللي زادني قلق عليهم أكثر و أكثر

و الحمد لله على كل حال

الدنيا هذي طبيعتها كيف نطلب منها عكس طبيعتها

لو حصل كل منا مبتغاه ما سميت دنيا ، صارت جنة

اسأل الله الكريم أن يجعلنا وياكم و جميع المسلمين والمسلمات من أصحاب الفردوس الأعلى
اللهم آمين


بالنسبة للوعل قرونه المبرومة خطفت قلبي ماشاءالله تبارك الله جميل ، ذكروني بالغوايش المباريم ، حنا بالحجاز نقول بناجر او اساور

https://www5.0zz0.com/2023/03/29/09/912883465.jpg

هذي الاساور المبرومة
اخوانا بالشام يسمونها جوز مباريم

كان الوالد الله يرحمه كل عيد يعايدنا انا و الوالدة بجوز بناجر
كان يزعل يوم افكها من يدي يقول لي انا و امي لا تشيلنها من يديكن
ماشاء الله كان يركز بالتفاصيل في كل شيء يراه .. صاحب ذوق

الايام ذيك مو بس اوحشتني الا أوجعتني من شدة الشوق

كنت افكر اذا ابتعدنا أكثر و أكثر بالايام و السنون راح يخف أثر الفقد .. انا اشوفه يزيد .. خاصة فقد اخوي الصغير الله يرحمه ، كل يوم لازم تهل دموعي مع ان يبي يكمل سنتين

انا ادري انه عند رب رحيم كريم لكن وش يفك الواحد من عذاب الشوق للأحباب

اسأل الله الكريم أن ينور قبورهم و يوسع لهم فيها و يجمعنا وياهم في رحاب الفردوس الأعلى

اللهم آمين

اخبارك اخوي محمد البدراني عساك طيب اليوم
انا اليوم القلق زاد والخوف والوسواس بشكل فضيع اليوم الرابع لدواء سبراليكس زدوت الجرعه الى10مو قادرة اطلع من الغرفة🥺الله كريم

والقولون تهيج وخايفة اني ماانام وحالتي حاله

صبحكم الله بالخير والسرور

هلا وغلا عيون الله يحييك ويبقيك

ربي يفرج عنكم بحق الشهر الفضيل

والله أنتي مرابطة على مداوية امك واخيك وسوف يعطيك الله الاجر والثواب ان شاءالله صدقيني ما يضيع شي عند الله كل شي باجره وثوابه الله يجعلنا من الصابرين


احنا نسميها غوايش بس تمدنوا الناس صارت اساور وكل شي تغير،في الدنيا الله المستعان

الله يرحم اخوك ويغفر له ويسكنه فسيح جناته

اختي مثل الطبيعة لا تخافين اسبوع اسبوعين بالكثير ويزول القلق وكل شي

هذي اعراض جانبية لبداية الدواء فقط

تبشر بالجنة يا وعل الثلج ما يحتاج سيف مجرب وقت الشدايد

انا ذبحني التفكير وتانيب الضمير اقول في نفسي

هذي عقوبة افعالك يوم كنت مراهق وطيشك

الله المستعان
تعذيب من الشيطان لان النجوى من الشيطان ليحزن الذين آمنوا

شعور لا يوصف برغبتي الرحيل من الدنيا

صدقني اخوي كلها ايام وكلنا راحلون مصيرنا كلنا هذي الحقيقة والشي الحقيقي اما الحياة كلها حلم بعض الاحلام متعبه بس هي حلم واختبار بسيط عشان نرجع للخالق صافيين نقيين مستعدين لدخول الجنة فقط صبراً جميل

معليش اخوي انت وش عندك بالضبط،تاخذ ادوية ولا لا

بقولكم سالفتي قبل كم سنه موبعيد مره مع ايام كورونا اصبت بوسواس غررررررريب مايخطر على البال ومؤلم جداً ومااظن حد جاله ذا الوسواس العجيب،اصبت بالخوف من شرب الماء والله العظيم مااكذب عليكم وربي الشاهد عشر ايام مافيه شي دخل بطن نهائياً نهائياً كنت اروح اخذ مغذية واتقلب من الالم ايام شديد لدرجة الدكتورة قالت لزوجي احتمال ندخل انبوب للمعده عشان يوصلون الاكل !نسيت كيف اشرب واكل نسيييييت من شدة خوفي اني راح اشرق واموت بعدها جلست سنة كااااااااااااااملة مااقدرت اشرب الا اقطر لنفسي لين فجأة بعد سنة كاملة فجججججأة اشيل علبة الماء من دون ادراك مدري كيف واجلس اشرررررب واشرررب قعدت ابكي يومها واصيح وكانه العيد وكانه الحياة رجعت لي اه بس وش اقول لكم من ايام لا اله الا الله شفت الدنيا الوان وجميلة الحمدالله رب العالمين🤲🏻

هلا اختي مثل الطبيعة

تشيخصي فصام وجداني مع اكتئاب شديد مقاوم للادوية

ادويتي زولندا و ايفكسور و سيبرالكس وليريكا

ماتشوف شر اخوي بسيطه ،لكل داء دواء ،كثير تعافو كثير بعون الخالق

وكمان اليه تستخدم الادوية دامها مانفعتك !!!او انهت نفعتك بس بنسبة قليله؟

لو لا الله ثم الادوية كان شفتيني بالشوارع مهبول الادوية جيدة جدا لكن تحصل انتكاسة بين وقت و اخر

ماتشوف شر اخوي العوض قريب لك ولي وللجميع ،الحياة كلها لحظة ولكل احد قصة ورسالة وهدف لازم ينفذه وورانا جنات النعيم هناك الحب الكامل والراحه والسكون 😍🤲🏻

الشر مايجيك يارب
رحماك يا الله

السلام عليكم ورحمة الله وبركاته

حياكم الله جميعا اخواني اخواتي الكرام .. ربي يتقبل منا الدعاء في هذا اليوم العظيم

حياك الله اخونا محمد ابشر بالفرج انت تدري ان اخر الليل فجر مشرق ، و مو اول مرة تمر عليك ذي الفترة العصيبة و كنت تخلي رياحها تمر بسلام و ترجع أقوى و أنشط و اصلا ما أحد علمنا الصبر غيرك .. و تذكر انك في بالنا و ما ننساك من دعائنا و كل أملنا انك تبشرنا قريب بالخير و الفرج و النصر العظيم

انا من امس كان ودني ادخل لاني كنت ابي اتطمن عليك بس انشغلت العذر و السموحة

و اسأل الله الكريم أن يتقبل منا وياكم و يلهمنا الصبر و يرزقنا من خيري الدنيا و الآخرة
و جميع المسلمين
اللهم آمين

و حياك الله اختنا مثل الطبيعة .. الف سلامة عليك ربي يمدك بالعافية و يؤجرك و يقويك و يبارك فيك

نتشرف بأخوتك و حضورك

اما بالنسبة للأدوية اصبري عليها اسبوعين لين تزول أعراضها الجانبية المتمثلة في زيادة القلق و بعدها تبشرينا بإذن الله تعالى انك في أتم عافية و صحة و خير يارب

الشر مايجيك اختي الغالية يسعدك ربي وينال مرادك اليوم السادس لي والم فضيع بالمعدده احسه يقطعني من الوجع ونفسي مسدودة من الاكل الحمدالله على كل حال

السلا عليكم يا اخواني و اخواتي

لعن ابو من لامني في حبكم

للغايب عذر هلا و سويتك تحية عسكرية و تستاهلها يا غالي . اخبارك اتمنى تكون طيب و زين على مر الدهور و العصور 😂 و انا صادق دعوة إلى رب العزة و الجلال

خلوني اذكر الله بدعاء ملائكة حملة عرشه لرب الخلق و الكون

[ سبحآنك اللهم و بحمدك ، لك الحمد على حلمك بعد علمك ، سبحانك اللهم و بحمدك ، لك الحمد على عفوك بعد قدرتك ] 🔥🤍 يا رب كم أحبك .

جينرال كيف حالك يا حبيب القلب

لو تقولي كيف شعورك لما تركت لاموترجين لاميكتال ؟

انتظر إجابتك ربي يحفظك

يا رب تيسر الأمور يا محمد و يتعدل مزاجك على وتيرة وحدة و طبيعية و حلوة . كنت زمان في ما مضى قلت المزاج هو الحياة و الحياة هي المزاج و أنا صادق في ما أقوله . يا رب أنت العافي وحدك و الشافي وحدك 🙏🏻

هلا بك أختي مثل الطبيعة حياك بيننا بالله احذفي لي زونام هههه

يا رب تهدين و يهدى وضعك و الأمور تهدى و تنطلقين بالحياة دائما على مر الأزمان و الأعوام و السنون 😂 للغايب عذر شي و انتي لك شي و كلها من نهر واحد عذب و زلال

كورونا نكب العالم الله يلعن جد من دبّرها بس و الحمدلله ف كم في هذي النكبة من منائح ربانية للمسلمين خاصة . قال عز جلاله سبحانه و بحمده { و يمكرون و يمكر الله و الله خير الماكرين }

هلا بك اخوي وعل الثلج اليش احذف زونام ؟
الحين الم فضيع في معدتي احسني بتشنج من الالم وجالي الخوف اعوذ بالله من الشيطان الرجيم اليوم السادس للعلاج سبراليكس

هلااااااا يا عيون حياك الباري

ههههه حلّوة جدا اللي قلتيه للكبش الوعل ، غوايش و الله ما ادري وش اسمها أخبر سمعت بناجل ههه و مو بناجر بعد 😵‍💫😆 اذني مختلفة و الله لأن عندي نطق الراء يصير لام ، ما فيه ارررر ابد بسبب الأرنبة 👌🏻✌🏻🤟🏻

الله يشرف مقدارك و دعواتك لي

و الله دعيت الحمدلله و دعيت لوالدنا سلمان الملك و ولي عهده و للشعب السعودي و دعيت للدول الأخرى المسلمة من شام و يمن و عراق و ليبيا و فلسطين و حتى مصر مع ان ما فيها حرب دعيت لها ههه الله يتقبل في القريب العاجل

نكون الجن في لحظة زعلنا
و سهام الغدر ما تنوّخ جملنا
ألا لا يجهلن أحد عليهم
فنجهل فوق جهل الجاهلينا

قصدي احذفي لي اياه يعني عطيني منه شوي

لا ما قصدت انك تتركينه ، لآ . احذرك من تركه حتى اربع اسابيع ثم وقت الضرورة فقط