والله ما في الخواطر عتاب
منهو يعاتب حبيبه

عطوني جدولكم في رمضان وش تسوون

اغلب وقتي منسدحه من اعراض العلاج،اليوم ماقدرت اسوي الفطور جبنا من برا

المشكله وراي بيت وعيال وزوج 😭

وانت وش روتينك اخوي محمد

هلا وغلا وكرتون حلا مثل الطبيعة
الف سلامة عليك

اول اعرفك اني غير متزوج منعنا المرض ومب مكتوب لنا الزواج انا و وعل الثلج ومتقاعد من عملي بالتالي وقتي فضاوه وطويل

افطر مع اميمتي وبعد صلاة المغرب اجلس معها واسولف وياها حتى الساعة ٨ صلاة العشاء بعد الصلاة اجلس،في غرقتي بين قروبات وانستقرام والمنتدى وبعدها اطلع اتمشى شويات واروح البقالة واقضى مشاويري وارجع اجلس مع الولدة لحد ٣ هي،تروح تصلي القيام وانا اتسحر واجلس على الجوال

بسالكم من مرضت وانا ما اقدر اتابع شي بشكل مستمر اكثر من ٥ دقايق لا مسلسلات و لا افلام ولا اي مقطع
ما عدا مباريات النصر

تعال تقهوى لك وسط الحشا مكان و منزال
اشرب من عروق قلبي صافي الحب فنجال

يالله على الخمول والكسل الى فيني

...... من بادي الوقت و هذا طبع الايامي

احسن لكم خلوكم عزاب،وحده من جماعتنا عمرها 43 ومو راضيه تتزوج الله يعين الكل ،الي متزوج تملل من حياته ومن المسؤوليه والحمل الي فوق راسه ،والي ما تزوج كمان جالس يتحسر الناس تزوجت الا انا 🥴

الحمد لله على كل حال

الحمد لله من قبل ومن بعد الحمد لله حمدا يليق بجلاله و عظيم سلطانه

وانا كماك ياخوي بس المنتدى الي صابره عليه حالياً

اخوي محمد المرض من ايش جالك ومتى وكمان عندك احد من العيله مصاب بنفس المرض،انا امي نفس حالتي تقريباً،يعني كاني جايبته من امي الله يحفظها ويشفيها والجميع

عندك قروب واتس للموسوسين والمكتئبين؟دخلنا معاهم

احس عندكم ريلاكس وهدوء انت ووالدتك بس،مافيه اطفال واخوان

هلا والله
والله جالي المرض فجأه وانا طالع من العمل وصلت البيت جاني اكتئاب ذهاني شديد والله المستعان
اي فيه ولد اختي مصاب بالفصام كذلك

هههههههه صدقتي هدوء في البيت وانا شخص ما احب الصجه والازعاج

ابشري ارسلي رقمك لي خاص عبر الادارة

وين هم الاداره

في قسم الشكاوي والاقتراحات اكتب موضوع طلب إرسال رقم للبدراني

كل يوم جدول 😂

ياليتنا في مجموعة في شاطي كالاهاري و عندنا استريو و ديوانية و نسبح و نعوم و نطير و نسولف كلنا ، انشهد من قال : خطير على من جر عقب الونين صياح : يسولف مع المجنون و ينقد على الصاحي ، جينرال أنا يوم قلت ما اداني مجتهد في دراسته لأن اغلبهم قعيطيه 😳😳😳 و ازيدك من الشعر بيت شايفين نفسهم و كأنهم حووا علوم الدُنٰى ، و هذي قاعدتي في الحياة :- أصابع يدك مو وحده بس هذولي ما نلقاهم إلا بالمنقاش

الله يسمح دربك جينرال و دربي و درب مثل الطبيعة بس عشان احنا اللي لنا ايام نتشارك و ان بغيتوا دعوة يالقرّآء الصنم فادخلوا البيوت من ابوابها 😂

و الله العظيم التكسة ما فيها خير ابد

تَكِّسة يعني أصير تاكسي اطلع فلوس من المشاوير بس من خلال تجربتي يا هي غثا ايش من مصايب فيها

اعوذ بالله

محمد كأن خاطري فيه لمحة انك تقول إيفكسور مع سيبرالكس تاخذهم ، وش جاب السيروكسات ههه 😂

المهم يا جعلها آخر أيام السيروكساات معك من هذي اللحظة

و الله عاجل و هام صدق 😍 الله يفرح قلبك مثل ما فرحتني

الهط من الليركا لو شفت عمود من عواميدك بدا يتراقل بسبة السحبة من السيروكسات

هلا وغلا وعل الثلج

اي والله يا زينها كالاهاري مع اني مدري عنها وين تقع لكن دام معاك في اكيد قدام

الوعل كان علاجي
سيروكسات و ايفكسور ابشرك سحبته وحطيت محله سيبرالكس اخف خمول ونوم

وناوي بعد رمضان اسحب سيبرالكس بجرب حظي

عاطفة جنونية كل عاطفة من العواطف طافحة بشكل جنوني . ان جاء الحزن خفس بك الارض و ان جاء الفرح صرت صمنديقا و سبايدرمان و طرزان و زورو ، و ان حل الغضب خرّب كل شي ، و ان حل السلام زارك الخوف 👉🏻 و الذعر بيت تخفق الأرياح فيه . شفت ان المعمل مصيوب و مصيوب صدق و لا من هرج و لا من درج و كل هذي الأشياء 😆😆😆 مالها الا إبتسامة هوليوود هههه

ألا يا دهر مهوب حق تلاعبي : خليتني لمقرد الخلق لعبوبه 🩸

الله يسعدك يا شيخ و يهلي بك و

ما عليش شفتها بقوقل طلعت في صحارى السافانا الإفريقية طيب ما عليه نحول الوجهه على هاواي ✌🏻

عز الخوي اللي ما بار و لا يبور

اها

يا رب لك الحمد

سحبة السيروكسات و الله تستاهل عليها جايزة لأن من زمان مُتَيّم لُبْنىٰ و انت مع ذا الأقشر في معركة شرسة عترسية و الحمدلله فوّزك عليه

سامحني محمد اجيب بعض الكلمات اللي ما نلقاها الا في الكتب و من زمان امرؤ القيس و الأعشى

عترس عتارسة مقاربة ل شرس و معناها منها و فيها

حبيبي جينرال

تسلم يالوعل الثلجي

والله ياهو المرض شالنا ومحط بنا ارضا

ما عليه الحمد لله كل شيء باجر وثواب من عند رب كريم

انا ملاحظ عليك تالي انك مثقف انت بتزاكرة من ورانا هههههه

الله يزيدك علما وينفع بك البلاد والعباد ههههههه

الله يكتب اللي فيه خير لك

ممكن اصير اللي في آخر سطر من كلامك ما تدري 😄انفع البلاد و العباد و اولهم انت هههه و بدون سالفة اني كنت واحد من اكثر المتغيبين عن المدرسة 😂 تصدق قبلوني جامعة الامام علشان صوتي في القرآن في المقابلة الشخصية و ثم لما بغيت اصير إمام لبيت الله لقيت الصد منهم ههههههاي حتى أمي الله يطيب ثراها من اواخر سواليفها معي كانت تقول : صح بغيت تصير امام و منعك … ؟ أنا على التزمت الصمت و تذكرت | ، يلا ما راح منا عاضنا الله بدايله

في بالي أكمل سماع شرح كتاب الآجرومية في النحو بس متى ؟ وصلت للشريط السادس و ستوب و ودي احد معي يشجعني و انتهي منه .

فيه اغنيه من السنة الماضية ادور لها و لقيتها البارح لفهد عبدالمحسن

و العافيـن عن الناس

اللهم أنت العفو فقد عفوت

اللهم عافنا و اعفُ عنا لا عافي فوق عفوك و لا شافي إلا أنت

سبحانك اللهم و بحمدك لك الحمد على عفوك بعد قدرتك
سبحانك اللهم و بحمدك لك الحمد على حلمك بعد علمك

غمـوض

.

اخوي محمد كلمت الادارة

كم لك مع السيبرالكس وكيف كانت النتيجه

هل مررت بتجربة عاطفيه وتعبتك؟ 👀

يااخوان اليوم الثامن للعلاج وباقي معذبه بطني الم مو طبيعي مو قادرة اكل شي واحسني بستفرغ الله يكرمكم والنوم حوسه رحماك يارب 😭🤲🏻الاعراض متى تخف بالضبط ،فيه احد منكم جرب السبراليكس وسبب له قولون والم فضيع فيه،بالله ردو عليه

ادعولي ربي ينقذني بالموت ما عدت اتحمل ارجوكم ادعولي

هلا اختي وردة مغربية انا اعاني زيك الحمدالله على كل حال ،الله ينجينا جميعاً ،تشربين علاج؟ ولا باقي

[QUOTE=مثل الطبيعة