الي موظفة لازم تحرص ع احضار ورقة تعريف الراتب معها للمحكمة
انا غلطت هالغلطة وماجبت الورقة لانهم ماقالو لي وماقدرت اعقد بدري لهاللسبب
لكن الحمدلله الله سخر لنا قلب الشيخ وحن علينا ورضى بورقة من العمده
لان التعريف يحتاج اسبوع لين يطلع من الشركة
الشكر لله والحمد لله على كل حال

وعلى فكره انا سبق وجبت التعريف مرتين ايام بداية المعاملة
لكن اوراق معاملتي كلها جلست عند الداخلية فقط الموافقة هي اللي جات من الداخليه
عشان كذا عدت التحاليل من جديد وطلبو تعريف من جديد
الله يعين ويسهلها ع الجميع يارب

بقولكم هرجتي القلق


العام قدمت معامله واوراقي كامله من برنت احوال وكل شي
واترفضت لان العمر صغير ومافي صك قرابه

ودحين كل شي كامل بسالكم اجدد كل الاوراق و البرنت اللي من الاحوال
ولا كيف الوضع لاني بقدمها قريب الاسبوع الجاي


تكفون ساعدوني وروحت الاحوال قالتلي جيبيلي خطاب من مكتب الزواج
عشان اعطيكي برنت ! سلامات

الف مبروك ربي يتمم لكم على خير
ما شاء الله ربي يحفظكم

انا رحت للشرطة امس
بالاول ما لقوا معاملتي وبعدين لقتها الحمدلله
اعطوني ورقة للعمدة والاحوال والتحليل
خطيبي غير مقيم فقالت لي لما تسلمي لنا هالاوراق حنخليكي تعبي ورقة
الحين عندي سؤالين
انا قدمت قبل كذا وعندي ورقة من العمدة بس صورة مو اصل
ابوي مرة ما يبغى يروح يطلب منه مرة ثانية ويجيب شهود
في مجال اخذ الصورة ويختمها تاني ولا اش الحل؟؟
كمان الموظفة طلبت مني صورة من صك الطلاق مختوم من المحكمة
في قسم نساء اختم فيه في المحكمة ولا كيف
وليش يبغوه مختوم طبعا ما حزورلهم صك طلاق :(

كمان في شي ما عجبني
لما قلت للموظفة غير مقيم
قالت لي معليش يعني هذا من وين عرفتيه
غير مقيم كيف جبتيه
ما حبيت الاسلوب ابدا وحسيت مو اول مرة تصير معاي
يتدخلوا في الجنسية وتتغير ملامحهم ويسألوا اسئلة شخصية
الله يهدينا ويهديهم بس

ملائكيه مبروووك حبيبتي عقبال الفرحه الكبيره

يارب فرج قريب كويس انك حتقدمي كملي اوراقك وان شاء الله الباقي يتسهل لك وتجي تبشرينا


افنااان يلا بانتظار بشاير نجاحك وموافقتك ربي يوفقك يارب

يمكن ماتحتاجي تجديد الا اذا طرا تغيير فيها
مثلا صرتي موظفه وانتي قبل ربه منزل
الله يسهل لك حبيبتي ويعينك علي. المعامله

معليش هويام كم اخدت معامله صحباتك لين طلعت الموافقه من يوم ما قدموا. في ناس يقولوا تطول وتقعد سنه و شوي !!!!

لحظه حبيبتي انا طالبه ومع ذلك خلوني اجيب ورقة تعريف
من الجامعه ! بس قالولي لازم اجدد تاريخ البرنت !

تتوقعي صحيح التاريخ ممكن يكون عائق للمعامله

ملائكيه ياعروسه ياخوافه مبرررروك زواج الدهررر يارب

مسا الخير

الاوراق اللي طلبوها منك لازم تكون بتاريخ حديث ماينفع تعطيهم تاريخ قديم ولا صوره لازم تاريخ حديث .

وصك الطلاق لازم يكون مختووووووم اكيد انتي ماراح تزوري بس الختم ضروري .

والموظفه اللي تسالك عن خطيبيك ومش عارفه ايه لاتردي عليها او قولي لها نصيب وربي كاتب كده راح تسكت ان شاء الله .

اذا اوراقك كامله وشروطك مطابقه ان شاء الله ماتطول التاخير كلو اكتر شي من نقص الاوراق والاجراءت تاخذ وقت طبيعي .حطي في بالك 7....8 شهور ماتوصل سنه ان شاء الله .


اي ورق يطلبوه منك لاتتاخري انك تعطيهم في اسرع وقت .

بالتوفيق

ملائكيه الف مبررروك ياعروسه الله يسعدكم ويهنيكم وعقبال الفرحه الكبيره يارب.

ياخوني احد يفيدنا في الداخليه راحت الحقوق الخاصه. الحين فئ الاماره راحت اداره القضايا والمطلبات الخاصه ايش نفهم من كدا انو الداخليه رسالتها الي الاماره حسب النضام صح والي انا غلطان لو كان موافقه كان رسلوها للمحكمه صح