يارب الله يسمع منك بس دحين راح تقعد قد إِيش في مكتب الوكيل

يسلمو علي الورده فوفو عقبال مانشوفك ماسكه ورود زفافك يااارب

والله مدري بس اعتقد المعامله اذا قربت علي النهايه ماتطول بالادارات يعني اعطيها يوم. او يومين تلاقي مكتوب صدرت للمحكمه ان شاء الله

ياجماعة الخير
هل في شي في الامارة اسمه قرار اعتماد الجنسيات ؟
معاملتي رح ترجع من الداخليه للامارة يقولوا فيه نواقص للعلم كل الاوراق كاملة في احد نفس الوضع يقولي اش الاوراق المطلوبة اللي قدموه
الاخت فوفو ممكن نفس وضعي ارجو افادتي

حبيبتي انا اصدرت للامارة بتاريخ 16 بس ما اتسجلت الا تاريخ 22 وبعد التسجيل تقدري تتابعيها سواء برسالة او الموقع. اما قبل التسجيل كان يطلعلي زيك

اخت فوفو انا وانتي نفس الوضع بالضبط. زواج من غير مقيم. انا زمان قدمت في جدة وحفظت في الشرطة بعد شهرين ونص لعدم تواجدي بالبلد
دحين قدمت من مكة ووصلت الامارة واول امس راح ولي امري والشهود وللان مافي جديد

ممكن تعطينا تفاصيل اكثر عن وضعك؟
هل الخاطب مقيم ولا لا؟
هل بداتي التقديم من الداخلية؟
ايش جنسية الخاطب؟

حبيبتي معاملتي زواج من الخارج غير مقيم
قدمت في الشرطة بعد شهرين تحولت للمحافظة وراح ولي امري والشهود بعدها باسبوع تحولت للامارة تقريبا اسبوعين راحت للداخليه وللان شهرين ونص راحت اول شي اللجنة شهر ونص والان في الحقوق شهر لما ارسلنا شخص يسال قالوا ان الطلب فيه غلط ولازم ترجع للاماره لتكملة النواقص وخطيبي عراقي مقيم بايطاليا وقالوا ان في الطلب مكتوب جنسيتين عراقي وايطالي مع انهم بالبدايه مااخذوا اوراقه بس بعدين كلموني من اللجنة وطلبوا ارسلهم اوراق عن طريق الفاكس وارسلتها وفيها مثبت انه عراقي مسلم
هل اخذوا منك اوراق خطيبك ؟

انا ما اخذوا ولا ورقة بس اخذوا بيانات من صورة الجواز لمن راح الوالد ورجعوا الصورة للوالد بس انا لسه ما راحت الداخلية وللان بالامارة لها تقريبا 10 ايام

طيب انتي قالوا لك في غلط ولا لخبطة؟
وايش هي الاوراق يلي طلبوها بالفاكس؟

في وحدة من الاخوات صار لها نفس وضعك ووقفوا اوراقها عشان اثبات انه مسلم وبعد ما ارسلتها لهم برضو الداخلية قالوا في غلط او نقص ما اذكر ورجعوها الامارة

طلبوا اثبات انه مسلم وانا ارسلتلهم هويته الشخصية فيها مكتوب ديانته مسلم وارسلت كل اوراقه كمان صورة الجواز وغيرها
بعدين هم قالوا لخبطه بعدين نقص مااعرف المشكلة للان مارجعت للاماره عشان نعدلها والوقت يسرقنا
ماتعرفين مين هي الاخت اللي نفس مشكلتي وكيف حلت الموضوع

مساء الخير




للأن في التدقيق وان شاء الله تتحرك
اكيد رح تنقتل هالكم يوم بالويك اند


ربي ييسر لنا كل عسير و يسهل امر موافقاتنا يارب عاجلاً غير اجل

الاخت ولاء مبتعثة هي مقدمة على غير مقيم وطلبوا منها اثبات انه مسلم
تابعي ايش كاتبة هي الله يسعدها مرة اعطت تفاصيل عن معاملتها
بس لمن قالوا لها انها بترجع للامارة ما عاد اعرف ايش صار معاها

من وقت ما راحو الشهود لليوم واوراقي في ادارة القضايا والمطالبات الخاصة لها 3ايام فهل عادي؟

عادي جدا حبيبتي بالاماره ما يدققوا بيها خصوصا لو غير مقيم اهم شي هي الداخليه واساسا تتاخر بالاماره لان بيكون اكثر من معامله مو لان معاملتك فيها شي لا سمح الله
بس لو سمحتي خطيبك من وين وبلد عربي او اوروبي

خطيبي فلسطيني مقيم بالامارات