مساء الخير على الجميع ايش اخباركم بشروا عن صحتكم عندي سؤال اليوم ببدا بزيادة جرعة السيروكسات لحبتين حسب وصف الطبيب ابغى اعرف الحبتين اخذها مع بعض والا كل وحده في وقت مثلا وحده الصبح ووحده الظهر

يسعد مساكم أجمعين...

يسعد مساك حمست السمسم و اكلته طعمه متقبل
حاسه الاعصاب في عيوني ارتاحت الحمدلله.
الله يريح قلوبكم

هههههههههههه الله يقطع شرك يا خلود

صورته في بالي كان لوز لكن ما أدري وش جاب إسم الفستق خخخخ و الله ضيعت

لوز يا بعد راسي :)

و لا تنسين ما دام بطنك يقلب على بعض النعمه شوفي يمدحون الصمغ العربي المطحون السوداني خذي منه ملعقه و أخلطيه بعصير و الا مويه حتى لو لبن و حليب
يريح البطن بقوة

إي و الله السمسم مجربه كثير البيت ما ينقطع منه و أعطيه البلابل منه يحبونه كثير :)

سلامتك يا نوفا الله يكفيك شر هالدواء و يارب بفايده
وصفتك دايما خذيها من طبيبك افضل و اسلم لكي ربي يسعدك

و يسعد مساك أبو علي

نووفا هلا بك

السيروكسات سي آر و الا العادي

الأفضل تآخذين واحد الصباح و الثاني عصر و ما تشوفين شر

ما شاء الله تبارك الله .. حصلتي السمسم الاسود بسهوله؟

عندي الصمغ قطع عند امي ريحته وحشه انا اي بهار او اكل
ريحته قويه ما احبها ما اتقبلها احس معدتي تتوجع من الريحه.
الله يسلم راسك.
ما شاء الله مدلع بلابلك انت ههههههه
عليك و عليهم بالعافيه


رحت بنده ماحصلته و بعدين لقيت عطار على امتداد بنده مفتوح في غير وقته الحمدلله اخذت كيس الهندي اللي يبيع كان شاك ان عنده شكل الناس بتشتريه بكثره ماشاء الله.

الله ينفع به ...

هلا بعالي الغالي .. يا الله حيه .. صب القهوة يا ولد . خذلك فنجال قرب لا تستحي هههه

والله ينفع بكم الله يحفظكم.

هلا بك دوم يا بو علي ما من سحا و أنا أخوك هههههههه عشت و كرمت يالقرم

هلا خلود لا بالعكس الصمغ العربي مالو أي ريحه

الموت هو القسط الهندي أوععع مر بزياده و ريحته تلوع أنا مداوم عليه مآخذ لي ربع كيلو و يوميا فنجال خليه يخلص و أقطعه ما عاد أرجع له

امي دوبها تقول طعمه حلو و ريحته طيبه زي اللبان اللامي
يمكن التبس علي شي انا الروايح تأثر علي جدا
مسكينه زميلتي اللي في الدوام زهقتها الله يصبرها
اليوم كانت تقول لي انا الحمدلله ما تفرق معي الروايح حلوه ولا وحشه مره دخلت عليها الغرفه شميت ريحه تونه يادوب بعبايتي قلت لها افتحي الباب افتحي المكيف اف ليه ريحه المكتب كذا الا تقول لي هذه ريحه القهوه اللي في يدها مره اتضايقت من نفسي غصب عني كمان كانت الحساسيه مآذيتني في صدري هي تدري اني تعبانه و ما عملت هالحركه تعالي هي تعرف اني احبها لكن الله المستعان المشكله ما اعرف اسكت اليوم وحده جايه شميت ريحتها دخان قلت لها في ريحه سجاير قالت هذه ريحه بخور وحده مولعه في مبخرتها بخور بس والله جدا سيئه الريحه انخنقت منها و وجهي طبعا لو شاطره خلود تغير ملامحها ما قدرت حمدت ربي قعدت بعيد عني بس الحمدلله هي ضحكت و قالت شكل البخور مو تمام.
انا اخرج عن نفسي ما اتحكم فيها ابد
امس عشان اجيب النوم و اتعب نفسي شوي يمكن انهد و انخمد طبخت سمك الله لا يوريك ايش سويت في البيت و الغرف المطبخ دعكت جدرانه بالصابون و شغلت الشفاطات و الفواحات ههههههه ازمه من جد
مشكلتي مو في معدتي مشكلتي في انفي حتى لو اخذت صمغ
هو طبع فيا من صغري من يوم انا طفله وهذا حالي.
اعرف وحده من صحباتي تصدع لما ريحه العطر ما تناسبها يعني في ناس مثلي تتأذى بالروايح انا مفكره اشتري رائحه
تساعد على النوم اظن مفعولها اسرع من الاكل و الشرب عندي.

مساكم
.
..........