يالله في هذي الساعه تحقق امانيه وامانيهم
يارب تفرح قلبي وتفرح قلوبهم
يارب بشرنا بكل خير

صور الجواز والاقامة و البرنت حق خطيبي و تقرير طبي و المعروض
كلهم مصدقين من العمدة فقط

طيب هويه وتعريف راتب خطيبك؟
ان شاء الله انها تروح للاماره ومنها للمحكمه وهناك يطلبو منكم التحاليل
وتخلصي على خير

مشكوره أختي
إن شاء الله تتيسر أمورنا

انا قدمت على الداخليه جلست في الحقوق شهر و3 ايام واتصدرت على اماره مكه جلس كم يوم وراحت شرطه مكه ومن شرطه مكه حولوها لشرطه جده

وهنا تروح مكتب الزواج ادوني الطلبات طبعا الطلبات الطرف السعودي بنت والاجنبي ولد مقيم بس غير مولود لان الطلبات تختلف على حسب مين الطرف السعودي

1 - ورقه موجهه للمختبر الاقليمي للتحاليل ليا ولخطيبي ((طبعا سوينا موعد من الموقع حق المختبر ورحنا حللنا واستلمنا النتايج بعد 10 ايام ولمن تروحي للتحليل خدي صورتين 4*6 لك وصورتين لخطيبك مع اصل الاقامه واصل الهويه وورقتين للموعدين))


2 - ورقه موجهه للبحث لخطيبي راح لهم واخدوا بصماته وادونا موعد بعد اسبوعين بس انا رحت بعد 10 ايام ودوني هيا

3 - ورقه تثبت باني ربه منزل وعليها يوقعوا 2 شهود وتصدق من العمده

4 - ورقه تثبت ان الخاطب غير متزوج بسعوديه قبل كدا وتوقع من 2 شهود وتختم من العمده

5 - وورقه موجهه للاحوال المدنيه للطرف السعودي طبعا بطلب برنت

6 - ورقه تعريف راتب بعمل الزوج ونصدقه من الغرفه التجاريه

7 - صوره من هويه المخطوبه وصوره من اقامه وباسبور الخاطب (( و لمن تروح تسلمي الطلبات لازم تكون معاكي هويتك الاصل واقامه وباسبور خطيبك الاصل ))

حيدوكي 3 ورقات اقرارات من مكتب الزواج في الشرطه تعبي البيانات فيها وتوقعي وتكتبي رقم جوالك

وبعد كدا تحولت للبحث الجنائي ودوني موعد بعد شهر ونص

وتحولت لاماره محافظه جده (( لمن رحت عملوا موعد بعد اسبوعين وطلبوا حضور الخاطب و2 شهود سعوديين يعرفوا الخاطب والمخطوبه او ولي امرها)) مع احظار الاثباتات الاصل طبعا ... بعد الموعد بيوم تحولت للاماره ووصلت بعد يومين

وصلت الاماره الخميس وبدا العمل فيها الاحد وتصدرت الاثنين مره تانيه للداخليه (( لمن سألت ليش قالولي لان الورق ماكان كامل وخطاب المحكمه يطلع من الداخليه لانه غير مولود بالسعوديه ولمن كلمت الداخليه قالوا نفس الكلام نحتاج تكمله الورق))

انا قدمت على الداخليه بصوره هويتي وصوره اقامه وباسبور خطيبي وبرنت الاحوال حقي وورقه العمده وكان مع معقب حسبي الله عليه طبعا طلع نصاب اخذ الفلوس واختفى رغم انه قدم الورق مع اخويه في الداخليه راحوا مع بعض وعملوا خطاب هناك باسم اخويه لانه كان معاه وكاله رسميه من المحكمه من بابا

وبس لسه ما وصلت الداخليه اليوم حكلمهم واشوف

واسفه لو نسيت شي ESWVG

رسيل نصيحه كل المعقبين نصابين

الي اتعاملت معاه برضه نضامه من الداخليه وقال من الاماره للمحكمه وكله كلام فاضي ويماطل ويماطل واختفى

اخرنا 4 شهور على الفاضي

يسعد الله صباحكم بكل خير

حبايبي المعامله احيلت الى مركز الاتصالات باجراء موقعه

طمنوني وش حايسير بعد كذا

ربي يسهل أموركم ويفرحكم باذن الله

ايوه


يارب الله يسمع منك و يسهلها ربي من عنده
قادر على كل شئ
تسلميلي يا لحظه والله يجعل ما تقدمينه لنا في ميزان حسناتك يارب

الله يسسعدك ياااااارب ويوفقك ان شاء الله وتبشرينا بصدورها للمحمه
تسلميلن لي يا قلبي ♥️


انا ناقص فقط التحاليل

ما تعاملت مع معقب اهل خطيبي قدموها بنفسهم
ومن جد معاك حق نصابين لكن وكيلي و كفيلي هو الله سبحانه
ابرك من الجميع ♥️

يسعد صباحك ندوشه
تفضلي ارسلتلك كلام وحد من الأخوات في المنتدى كانت مرسلته من فتره
مركز الاتصالات الادارية هوه قسم يستقبل فيه المعاملات اللي تجيهم او يرسلوها من جهة لجهةيعني مثلا المحافظة ترسل المعاملات للشرطةفتروحي لمركز الاتصالات الادارية في الشرطه عشان تاخدي رقم القيد وتتابعي بيهان اشاء الله اكون افدتك

اذا كانت في المحافظه وخلصتوا من الشرطه حتروح الاماره

واذا مقدمين من المحافظه دوبكم حتروح الشرطه عشان تكملوا الورق

ان شاء الله ما ترجع خلاص من الاماره للمحكمه

الله يسعدك ايوا راحت اليوم الشرطه لسه اول مرهه الله يسهل للجميع يارب