انا برضه كانت عند مكتب الوكيل يومين واليوم اتحولت للصادر العام.. المفروض تروح المحكمه وﻻ الشرطه تاني؟

لان انا سويت معاملة عادية امارة بعدين شرطة و تحاليل ومن التحاليل وقفت بسبب الانيميا اللي عندي فكتبنا استرحام راحت للحقوق بعدين رجعت الشرطة ثاني و الاسبوع الجاي ان شاء الله راح نراجعهم لانه صار استدعاء جديد بعد ما كتبنا الاسترحام يعني اعتقد اني اختلف شويا عنكم

ان شاء الله ما تتحول ورقتك للشرطة هوا يوم بالكتير يقعد في الصادر العام يعني بكره باذن الله تفرج عليكي و تروح المحكمة ان شاء الله انا من مكة

انا بعد مكتب الوكيل رجعت لمكتب القضايا والمطالبات الخاصه وراحت لضادر العام وياررررب ع المحكمه ماتروح الشرطه

ايوا حتى انا شيكت عليها الظهر ولقيتها اتحولت من مكتب القضايا والمتطلبات الخاصه للصادر العام .. يارب تتسهل للكل

يعني زي طيب مارجعتي الاماره ماقالوا شي

ﻻ ماقدرت اروح اﻻمارة اليوم .. نحن المفروض طيب نشوف كلمة المحكمه العامه لمن نشيك على الموقع وﻻ ﻻزم نزور اﻻمارة عشان ناخد رقم الصادر ؟

اعتقد يوم واحد تقعد المعاملة في الصادر العام بعدين بكره ان شاء الله شيكوا عالموقع بنفس رقم المعاملة حتطلعلكم كمان رقم الصادر و فين راحت المعاملة

الله يسلمك .. ربنا ييسر اﻻمور.. تقريبا حنشيك يوم اﻻحد .. ماعتقد بكرة مداومين مرة

ياااارب تروح يب يب الأحد بكره مافي أحد مداوم ولا السبت خلاص أعصابي تلفت يارب ياوائلس مع بعض تروح المحكمه وييعطونا موعد وتقابل هناك ههههههههه ويارب يسهلها للجميع وجذور ولقيت نفسي كلنا يارب مايخلص الشهر الا ونحنا مرتاحيين

امين يارب

اميييين يارب اه صحيح يكره مافي دوام,,,يارب افرجها عالجميع

معاملتك كم لها انا من القعده وانتي

بعد الصادر العام

تنكتب صدرت للمحكمه العامة بتاريخ ..

والف مبروك يارب للجميع مقدما

يبارك بعمرك يارب ربي يسمع منك ولايسوون حركات كالعاده
انتي بشريني ايش صار في عقدك

معاملتنا سلمناها يوم 15 ذي القعده .. وبعدين قالولنا راجعونا يوم 26 الحج .. وبعد يوم 26 قالولنا معاملاتكم ماعليها ملاحظات تابعو الاتصالات الاداريه .. وجلسنا اسبوعين لمن ارسلوها .. انا بصراحه نفسي يجي يوم الاحد او الاتنين واشوف كلمه المحكمه العامه هههههه.. ربنا يتمملنا على خير .. الصبر دايما مفتاح الفرج

السلام عليكم
حبايبي حابه اسالكم و ابا جواب صريح و مؤكد و مضمون
بنت عمي سعوديه و خطيبها يمني و هيا بعمري 20 هيا و خطيبها
رفضت الشرطه الموافقه على معاملتهم
خطيبها قال يسافرو برا المملكه يعقدو
اي مكان مصر تركيا اي مكااان
تسالني هل اذا عقدت برا المملكه
ما يدخلوها السعوديه الا زياره ولا ايش
يعني عادي ترجع هنا تسكن ولا ما تدخل المملكه الا زياره
بالله عليكم ردولي ولا تطنشو كلامي

انا ما عندي علم الصراحة,,بس ممكن تدخل اذا ما بينت انها متزوجة,,,و لما تدخل زوجها زيارة عمرة مثلا اذا ما كانت عنده اقامة هنا بعد الطفل الاول او بعد خمس سنين زواج بدون اولاد ممكن يسووا تصحيح وضع

ياقلبي هانت ربي يسهلها والله نفس الشعور الله يعيننا

أتوقع عشين عمرها لانه لازم يكون 25 وهو ليس من مواليد المملكة والرفض من الإمارة الشرطة ماتوقع الا اذا عنده مشاكل ،، و بالنسبة لهذي الخطوة فما انصح بها لانه ان الله رزقهم بأولاد لا الدولة ذئ تعترف ولا الثانية يبصرو او خطاب للإمارة عشين العمر

و الخيرة فيما يختره الله

زوجها اجنبي مقيم ( يمني )
بس كيف تدخل و ماتبين انها متزوجه مافهمت

هنا ف جده قالو لازم 21 العمر
حبيبتي هوا اجنبي من مواليد المملكه
بس فهميني ليش الدوله دي ماتعترف بالاطفال ولا دي كمان
يعني هما رح يعقدو بس مو يخلفو

انا رجل :)

في حال الزواج لم توافق عليه الدولة او تم الزواج بدون موافقت الدولة يغرم الزوج وتتخذ إجراءات في ناس أعرفهم اتزوجو بهذه الطريقة أولادهم الى اليوم لا يعالجون في مستشفيات حكومية وبدون إثباتات

بالنسبة للموضوع لم اكن اعرف التفاصيل لكن دامه من مواليد المملكة ان شاء الله تمشي انا من جده ايضا
ولو في واسطة تمشي حتى لو كان مواليد المريخ هههه
والله يهني سعيد بسعيدة :)

اعتذر
بس هيا حتروح برا السفاره السعوديه طبعا ف مادري وربي
امين يارب

طيب اذا مقيم كويس الافضل تعملوا الاجراءات الرسمية يعني معاملة في الامارة و كدا و بالكثير ثلاث شهور و تطلع الموافقة و مافي داعي للمرمطة,,,,في حالة لا قدر الله المعاملة ما مشيت يكون في عوامل مثلا عدم توافق السن او التحليل الطبي غير متوافق

المشكله لمن راح خطيبها الشرطه اهانوه و سمعوه كلام بطال
انتا اجنبي و مدري ايش
عشان كدا يبا زواج برا

ليش غريبه يمكن سوا حاجه أو شي أو تمشكل معاهم اكيد في سبب

غريبة الشرطة يروح يعطيهم رقم المعاملة و ينتهي الموضوع يعطوه الرقم يا يوجهوه للإمارة او المباحث
انا هذا اللي صار مع بس كمواطن وتمت الموافقة لكن ما حصل نصيب و الحمدلله واعرف اشخاص مقيمين عرب و غير عرب هذا نفس ما حصل لهم

خليه يروح مع شخص كبير والدك او والده بصراحه الموضوع ماني مستسيقه شخص محول من الإمارة للشرطة و يقولو له انت اجنبي خير نعم اجنبي و جاي أتزوج وموجه من الإمارة و يريد الزواج في الخارج طيب الخارج ايش بيسوي هنا في ماذون ، الخارج ما بيجوز الا بموافقة السفارة هيا هيا

الزواج بره فكرة غير جيدة هذا لمصلحتك و مصلحته وفكري بعقلك لا بقلبك

يووه انتي اذا قراتي الموضوع هادا من الاول حتلاقي كتير بنات ازواجهم اتهانوا بس اتحملوا و طنشوا لانه بالاخير لازم اللي بالشرطة او الامارة يسووا شغلهم و خلاص من دون كلام كتير، الطرف السعودي لازم يحضر كمان عشان على السعودي ما يقدروا يكتروا كلام و زي ما قالوا اللي قبلي اذا في شخص كبير كمان يروح يكون احسن. بس برضو دي الاماكن يبغالها قوة و ثقة في النفس هما بس بيختبروا قديش انتوا جديين او لا اسمعي من هنا و طنشي من هنا و زي ما قلتلك يسووا شغلهم من سكات و اذا كتروا كلام يخليه يسوي نفسه ما سمع شي

لسه نشوف هذا الاسبوع

عشان اجنبي ياقلبي

يعطيك الف عافيه اخوي و يجزاك ربي كل خير

تسلمي حبيبي يديكي العافيه

هوا صغير عمرو 20 معقوله عشان كدا ما وافقت الشرطه و شوف رد وحده فوق تقول انو الموضوع من البدايه كتير ازواج اجانب اتهانو بس وربي حرام الشي اللي صاير دا

الشرطة مالها صلاح بالعمر الشرطة تشوف اذا عنده مشاكل او قضايا :) العمر في نفس الإمارة موجودة في الشروط ان ردته فالمفروض الامارة اللي ترد او المباحث وان كان على العمر اصبر سنه ومثل ماقلت لكي خليه يروح مع شخص كبير والدك او والده ولا تعقدوها على نفوسكم ان شاء الله تهون

والله الشرطي قال العمر المفروض 21 وربي شي يقهر

بس نصبر اش ورانا

والله الشرطي كتب ع الورقه يشترط العمر 21 كيف تقول انو الرفض مايجي من الشرطه
وربي الشرطه اخس مرحله ف الموافقه

شكرا على ردك انكسار

كيفكم بنات وحشتوني ايش صار معاكم هل من جديد ولا مثلي هههههههههههه
اللي بيقول انه الاجنبي يتهان بالشرطة عشانه اجنبي الحمد لله ماصار الشي دا معانا ولاشفت احد اهان خطيبي ولاشي بس تلاقيه الشرطي اخلاقه عليها العوض
واللي بتتزوج بره وتعقد انصحها تصبر لين تكمل عمرها ولاتتبهدل هيا وزوجها واولادها تصبر سنة ولاتعيش سنين بالمحكمة والحكومة
اصبري واذا كان نصيبك راح تاخذيه اصبري هذه نصيحة من اخت
والله يوفق الجميع

بننننننات شيكت الموقع طلع مكتوب صدرت لمحكمه الأحوال الشخصيه

حتى انا اصدرت لمحكمه الاحوال الشخصية بجدة ..بس ايش معنى كلمة غير محدد