تفضل هذا الرقم
6372255
ولما تتصل اطلب يحولوك لمكتب الزواج

انا مثلك خطيبي مش مقيم
وقدمت على امارة محافظة جدة
تكتبي خطاب للامير تكتبي فيه طلبك بوضوح واختصار وحتلاقي نماذج عالنت للخطابات وتوديه في ملف علاقي وترفقي هويتك وصك طلاق لو عندك مثلا ولو في اي اوراق مهمة تخص مرض او حاجة برضه حطيها لو عندك
كلها اوراق تخصك انتي فقط تكتبي اسم الخاطب وعمره وعمله ومكان اقامته واش جنسيته بالخطاب
او انك تدخلي على موقع الامارة وتقدمي عن طريق النت (الافضل) من وجهة نظري
حيكون لك رقم معاملة عشان تتابعي معاملتك عن طريق النت او مسج جوال او تتصلي بيهم
حتتحول المعاملة للشرطة في حال وافقو وهناك حيعطوك ورق عشان تسوي تحليل زواج من غير سعودي غير مقيم وورقة عشان تجيبي برنت من الاحوال وورقة عشان يوقع عليها عمدة الحي
انا واصلة بهالخطوة لو عرفت شي جديد حبلغك باذن الله بس حسب ما فهمت بعد الشرطة ترجع للمحافظة ثم وزارة الخارجية كونه غير مقيم بحيث يرسلو للسفارة ويطلبو منه تحاليل واوراق ثم ترجع للمحافظة ثم المحكمة بس مش متاكدة من الخطوات

موفقة عزيزتي
دعواتك

من رايي تراجعهم على قد ما تقدر حتى كل يومين ولا كل اسبوع سواء بالاتصال او تروحلهم
افتكر من تجارب البنات في الصفحات السابقة انهم بيتصلو عليهم دايما ويستفسروا عشان ما يهملوا المعاملة

شكرا علي الرد بس مو مطلوب عنه اي ورق اقدمه بس انا معقول ؟ ولا ورق شغل ولا ورق شهاده ميلاد ولا بطاقه شخصيه ولا الحاجات دي حيعتمدو بس علي اللي انا اكتبه ؟يعني ما حيطلبو اي اثبات شخصيه عنه ؟؟؟؟؟

طالب مبتعث
 

السلام عليكم
الله يسعدكم و يوفقكم انا في ورطة ومهموم ولا يعلم بهمي الا ربنا
انا حبيت واحدة اجنبية مولودة ومقيمة في المملكة ولا في حياتها سافرت خارج السعودية وانا الان طالب ابتعاث وابي اتزوجها
اتصلت ع الوزارة الداحلية ما احد يرد عليا واتصالت ع الامارة واحد رد وقالي ما اعرف النظام بس اعتقد انو لازم عمري يكون فوق 25
اش هي الاجراءت والشروط الله يسعدكم لانو اذا ما اتقدمتلها اهلها بيزوجوها واحد ولازم اتقدملها
انا عمري 21 وهي عمرها 20
الله يوفقكم اذا من جد العمر لازم 25 اش الحل فيه حل ولا لا واذا ممكن اتزوجها بهذا العمر اش هي الشروط والاجراءت
شكراا.........

ابشركم الحمد لله في تقدم بسيط في موضوعي ولله الحمد

قالوا انه المعاملة راح تتحول يوم الاربعاء على جدة ان شاء الله

حاليا ما حياخدو منك الا اسمه
لما توصل للخارجية اظن حيطلبو هذي الاوراق عن طريق السفارة
بس حاليا لما تقدمي حتكون كلها اوراق تخصك كونك الطرف السعودي
وانتي ابدي قدمي عن طريق النت وشوفي لو تغير حاجة وزادت اوراق يحتاجوها اعطيهم بس غالبا ما يطلبو اوراقه الحين
بس طبعا حيطلبوها بعدين

وعليكم السلام
الله يزيح عنك الهم والحزن ويفتح لك ويسخرلك لك ما تتمناه
بالنسبة للعمر صحيح بس انا ما عندي فكرة عن الرجل كم المفروض يكون عمره
انصحك تروح لوزارة الداخلية بنفسك وتسأل
الشي الثاني انا كمان مبتعثة ولما قدمت ما قلت لهم لاني ماعرف المبتعثين لهم تقديم او لا فقدمت بطريقة عادية من الامارة وربي يستر
توكل على الله وعليك بالاستغفار ولو انت بالسعودية روح للداخلية والامارة واستفسر بنفسك وشوف كيف التقديم ومن وين
ولو حالك ميسور ممكن تشوف احد يطلعها لك بمبلغ
لا تيأس بتلقى حل بإذن الله
الله يسهل للجميع

الحمدلله ما شاء الله
عقبال ما تتحول للمحكمة يا رب ونفرح بيكم
موفقين يا رب

طيب لو بااقدم عن طريق النت من فين اقدم ايش اسم الموقع وايش اوراقي انا اللي يبغوها ؟؟؟

انتي من وين

انا من جده بس ادرس في مصر بس ابغا اقدم من غير مااجيب سيرة الدراسه

السلام عليكم ورحمة الله
منور اخ عبود والله ييسر امرك وتتزوج بلي تحبها ويارب يسعدكم
شوف خيو اهم شئ لا تتيأس ثق بالله عزوجل ولا تخاف
روح لوزارة الداخلية واستفسر منهم بيكون افضل
ان شاء الله ربي ييسر كل امورك ويتحقق الي ببالك
احبك يا ديني الله يبشرك بالجنة يارب
عنجد فرحتني بتقدم موضوعك وتفائل وان شاء الله تخلص منو بأقرب فرصة
اختي د.انوونه يارب يارب يتحقق الي ببالك وتفرحينا قريب
ساره الله يسعدك ويفرج همك لأنك بتساعدينا هون
وعلى فكرة بظن سمحو للمبتعثين والمبتعثات انهم يزوجو بغير سعوديين مو مشكلة
ان شاء الله هالخبر صحيح وياريت تتأكدي
ساره نفسي احكي معك
دعواتكم لي بتسهيل موضوعي بأقرب وقت
___________________

د.انوونه صح انا مثلك وقدمت وما جبت سيرة دراستي بس الله اعلم ممكن يعرفو
فما اعرف كيف انصحك لو اني جربت وعندي خبره كنت افدتك
بس اش رايك تروحي للسفارة السعودية في مصر وتسألي لأنه في تقديم عن طريق السفارة بما انه غير مقيم
الشي الثاني ممكن تقدمي من موقع امارة محافظة جدة
اكتبي في قوقل محافظة جدة بعدين اضغطي على الخدمات الالكترونية وحتلاقي في اخر الصفحة طلب زواج سعودية من اجنبي
ينفتح لك خانات تعبيها
حيطلبو منك هوية والدك او كرت العائلة + هويتك
بعدها حيحولوك للشرطة ولازم تروحيلهم او ولي امرك يروح يعطوك اوراق تكمليها بس صراحة هما سألوني هل ادرس برا قلت لا صح كذبت استغفر الله بس ماني عارفة اش اسوي معاهم ومافي شي واضح لو اننا برا كيف نقدم
توكلي على الله واستخيري وربنا ييسرلك

رووما حبيبة قلبي ربي يسعدك وتسلمي على الدعوات الحلوة
متى ما حبيتي تتكلمي انا تحت امرك :)

موفقين جميعا يا رب

تسلمي اختي ساره علي الرد بس السفاره هنا مقفلين كل شي في وجهنا واصلا الله يهديهم مايتعاملو اصلا عندهم كل شي لا ومانعرف ويتنفخو فينا وخلاص بااشوف وانشالله خير بس اهم شي اللي كنت ابغا اعرفه انه مو شرط اوراقه دحين واني اقدم من النت عاديباااجرب انشالله خير مشكورين وموفقين كلكم انشالله بااذن الله

الله ييسر امرك اختي د انوونه
قدمي زي ماحكت ساره
وتأكدي انو هالشئ لو الك ماراح يآخذو منك لو شو ماصار
بس ثقي بالله والزمي الإستغفار والصدقة
وراح تبشريني بفرحتك قريب يارب
الله يوفقك اختي ودعواتك يالغالية
_____________________

ساره كيفك كويسه
انتي هلأ وين وصلت معاملتك
ياريت تخبريني كل شئ
لأني بعتقد راح اعمل مثلك إن شاء الله
بدي احكي معك عالموبايل لو تقدري ممكن ؟
__________________

ربنا يوفق الجميع

رووما اسال الله ان ييسر لك امورك

بس انا مستغرب انتي ماقدمتي للحين ليش ايش السبب؟؟

الحمد لله والشكر لله
معاملتي وصلت بسلام الى جدة خلاص الحمد لله ووصلت الى شرطة جدة

وطبعا راجعت الاتصالات الادارية واعطاني رقم المعاملة لمكتب الزواج ومحولة من تاريخ 14/9/1435
ورحت مكتب الزواج

قلي انت جاي بدري لسى ماجاتنا راجعنا يوم الاحد القادم

في هناك عسكري اسمه (غالي ) يشتغل بمكتب الزواج

انا مااقول غير حسبي الله ونعم الوكيل فيك ياغالي

ثالث مرة يردني على اتفه الاسباب ويقلي راجعنا الاسبوع القادم وتكون المعاملة واصلة

اسال الله ان ياخذ بحقي وحق كل رجل وامرأة بسبب تاخيره لمعاملاتهم ومراجعتهم

الحمدلله يارب
والله فرحتني اخي كتييير
ويلا هانت إن شاء الله راح الكتييير باقي القليل
كثف دعائك لله فقط
والي بيتعب الناس يكفي دعاء الرسول صلّ الله عليه وسلم عليهم
قال رسول الله صلّ الله عليه وسلم : { اللهم من ولي من أمر أمتي شيئا فشق عليهم فاشقق عليه , ومن ولي من أمر أمتي شيئا فرفق بهم فارفق به }
على كلاً تفائل وان شاء الله قريب راح تنبسط يارب
_____________________

آآآمين الله يسمع منك اخوي
السبب ظروف عائلية احبك ياديني
ولسا الله عزوجل ما اراد
لكن إن شاء الله قريب بس دعواتكم
_____________________

وعليكم السلام ورحمة الله
منورة ظلو
انبسط بزيارتك هون وإن شاء الله فاتحة خير على الجميع
بلا شك ربنا أكرم الأكرمين
والله يوفق الجميع يارب
______________________

السلام عليكم

اليوم راجعت مكتب الزواج

اول مارحت هناك تقريبا الساعه 9 صباح

قال لي العسكري اطلع فوق لقسم الوارد شوفها

رحت لقسم الوارد

قسم الوارد وقعلي في ورقة واعطاني رقم معاملة جديد وقال لي المعاملة راحت لمكتب الزواج بتاريخ 15/3/1435

يعني قبل ثلاثة ايام

رحت لمكتب الزواج وقلت له نفس الكلام وكان المراجعين مسجله اساميهم عنده وبالدور فسجل اسمي معاهم

المهم من الساعه التاسعه صباحا الى الساعه الحادية عشرة صباحا الى ان جاء دوري

ولما جيت عنده قلي المعاملة لسى ماوصلت ودخلت معاه في نقاش بسيط قلت له انه المعاملة من قبل ثلاثة ايام المهم راح عند المعاملات ويدور باسمي قال لسى ماوصلت تعال لنا يوم الثلاثاء تلقاها جاهزة


حسبي الله ونعم الوكيل

معاملتى في الشرطة من تاريخ 12-10-1434 والان احنا بتاريخ 18/3/1435

يعني خمسة شهور و6ايام

والله لو انه مسجون وطالبه له عفو كان طلع من السجن

ولاكن مااقول الا حسبي الله ونعم الوكيل

هانت احبك يا ديني وان شاء الله الفرج قريييب
اصبر وحسبنا الله ونعم الوكيل
ان شاء الله الثلاثاء تنتهي من هالمرمطة
لا تنسى دعواتك الي
ويارب يارب يارب فرج على اخي احبك ياديني عاجلاً غير آجل
عليك بالإستغفار الإستغفار الإستغفار اوكي
وبشرنا بالله خيو عشان نفرح بإذن الله
__________________

لا تقول كدا احبك ياديني لو مسجون وطالب عفو كان انتظر خمسة او اربع سنين

الحمدلله معاملتك بتمشي
هانت خلاص مابقي شي

فعلا الحمد لله والشكر لله على كل حال

اسال الله ان يجزاكم بالخير ويبارك فيكم

اليوم قلت خلني اروح هناك لاكن برضو مااستفدت اي شي

بكرة بروح ان شاء الله

وربنا يكتب اللي فيه الخير لي ولكم

أهلييين أصداف وصباح الخير يا عسل
نورتينا كيفك كويسه
_________________

اللهم لك الحمد ولك الشكر يارب العالمين

اليوم رحت الشرطة من الساعه 8 صباح الحمد لله

وسجلنا اسامينا


المهم وبعد ساعه ناداني

المهم ومسك المعاملة حقتي وجلس تقريبا خمسة دقايق تقريبا يدور في المعاملة ويقرا فيها

قاعد يحاول يطلع اي غلط موجود هههههههههه

المهم قلي عندك تحليل زواج اصل للمخطوبة

قلت له مو موجود معاي

قال لازم تجيبه علشان نطابقه بالصورة الموجودة حاولت فيه لاكن مارضي


ويقول تعال راجع بعد عشرة ايام


المهم وارجع من الشرطة على البيت واجيب تحاليل الزواج الاصل والحمد لله والشكر لله وشافه وطابقه بالصورة الموجودة

ووقعلي على المعاملة وقال خلاص راجع المحافظة بعد عشرة اياام


اللهم لك الحمد ولك الشكر يارب العالمين


دعواتكم انها تتيسر في المحافظة والمحكمة يااااارب

وكنت بسال كم المدة اللي تاخذها علشان تروح من الشرطة الى المحافظة

وكم المدة اللي تاخذها علشان تروح من المحافظة الى المحكمة

وكم المدة في المحكمة علشان نملك

وشكرا وبارك الله فيكم

الحمدلله يارب
عنجد خليتني انبسط بهي الحكي
انتا بس ادعي ربك بتسهيل المهمة واستغفر كتييير وتصدق
وامورك راح تتيسر من غير لاتحتسب بإذن الله
متابعة ان شاء الله احبك يا ديني والله يوفقك ودعواتك الي
_____________________

الحمدلله روما انا طيبة يارب لك الحمد انتي كيفك ماشاء الله اشوف صرتي مراقبة ادارية وحركات

اسبوع وكم يوم تكون واصلة المحافظة
ومن المحافظة اسبوع او افل عالمحكمة
والمحمكة اديها كم يوم بس ويقولولك تعال اعقد بكرة دا في جدة

ههههههههههههه
الحمدلله عقبالك اشوفك مراقبة كمان
ادعيلي اصداف والله يسعدك بالدارين
__________________

عقبال كل الي عندهم شغلات
وعقبالي يارب
وتتسهل كل اموري وتييسر من الله
وان شاء الله ابشركم قريب
وتفرحو معي يارب قولو آآآمين
_______________

السلام عليكم ورحمة الله وبركاته

اليوم رحت مكتب الصادر اشيك على المعاملة

ومكتب الصادر يقلي لسى ماوصلنا شي طبعا انا انتهيت من مكتب الزواج من قبل اسبوعين وقالولي انه خلاص المعاملة بنحولها على الصادر بعد اسبوع علشان تتحول على المحافظة


رحت لمكتب الزواج

جلس يمكن عشر دقايق يدور على المعاملة

المهم في الاخير لقاها جلس يدور بالاوراق

قلي الاقامة جيب الاقامة الاصل علشان نطابقها ونختملك على الصورة

قلت له جبت الاقامة ومكتوب على الصورة شوهد الاصل وموقعه

قلي لاكن لازم نختمها

قلت طيب


دور بالاوراق قال شهادة الميلاد لازم تكون مصدقة بتاريخ حديث

قلت له مصدقة

قال لازم تكون مصدقة بتاريخ حديث

طبعا انا مصدقها قبل شهر ونص تقريبا



حسبي الله ونعم الوكيل

لو تكرمتوا هو لازم تصدق صورة شهادة الميلاد ؟
أنا ما قالوا لخطيبها يصدقها وقدم الأوراق من غير مايصدقها ذا معناته إنها بترجع معاملته علشان صورة شهادة الميلاد ماهيب مصدقة ؟
لإنه لما راح يصدقها قالوا له لازم خطاب من الشرطة ولما راح الشرطة قالوا مانعطيك خطاب علشان تصدق شهادة الميلاد .
فأفيدوني لو تكرمتوا

السلام عليكم ورحمه الله وبركاته اخواني انا سعودي وابغا اتزوج اجنبيه يمانيه مولوده بالسعوديه وعمري 24 وعمرها 19 وقدمت اوراقي باماره مكه وقالو بعد اسبوع تعال ورحت وعطوني ورقه مكتوب فيه جهه الصادر محافظة جده (أ) الرئيسي وقالو راجعهم بمحافظه جده ورحت جده وراجعتهم وواعطوني ورقه مكتوب فيها حاله المعامه جدبده. احيلت الى وحده الزواج وعطوني رقم المعامله وقالو تعال بعد اسبوع ولما رحت لهم راح يدور عالملف وجابه وكتب عليه كلام وعطاني ورقه مكتوب فيها أحيلت في 02/04/1435هـ إلى اتصالات الادارية - الارشيف الالي، بإجراء : حفـظ. وقال روح قدم اوراقك من جديد في مكه لانه في اوراق ناقصه وش يعني هالكلام اعيد كل شي وعلى فكرة انا طالب بالجامعه وغير كذا انا متاكد انه الموافقه جات والامير بنفسه وافق على الاوراق الحين وش اسوي حسبي الله عليهم ضروري أحد برد علي ويقلي وحبيت اعرف وش هو اثبات السكن ومن وين اجيبه لانه هو الشي الوحيد اللي ماحطيته
الاوراق اللي حطيتها صوره من بطاقه الاحوال وتعريف اني طالب من الجامعه والمعروض وطبعا اوراق البنت كامله اتمنى احد يفيدني

اهلين اخي احبك يا ديني
عنجد هادول استهتار لأبعد حد
بس ما عليك ربنا كريم اطمن هانت وتوكل على الله
اخي احمدص ياريت افيدك لكن ان شاء الله يفيدوك اهل الخبرة
انتا سألت احد الموظفين
استفسر منهم واكيد راح تلقى اجابة
والله ييسر ويسهل كل امورك وامور المسلمين
وبشرني اخي بالجديد فقط تفائل وكلو خير ان شاء الله
__________________________